Roma 12:3 - Kaa n Kəzə̀ n fəghə mə

³ Nghee tə̀ Zə̀ kə diinə mə n ndzuŋ ni fuu mə n daʼa kə, n dza bə tə ghaa adzəm nə̀, kə ghaa nə kɔʼlə naŋŋənə wû i ghaa zə tsəghəshiə nghee ghaa khə ni kɔʼlə tii, ghaa khə ni fəd ney ighə̂mə n ghəə ghey ghaa sàynə ni ghəŋə. Kay wù khə ni ghəŋŋə ndow ghəə ghə tə̀ Zə̀ kə fuunə wi n bəghəm i fə̀ŋ zə.

Roma 12:3 ပူးပေါင်းရင်းမြစ်များ

Lukas 18:11

Wù Falasi wey n sey təmi ndòw n nəŋə wi, zey ndòw ni gɔŋŋə dza, ‘N fuu bə kəzɔŋŋə tə̀ wɔ a Zə̀ kə, nghee tə n mə̂ə way wù n fə kə, n tsi way wù, n badla way ghəə ghə, n taa zaʼa way wey wuŋ tə ghə̂ a loʼ a ghəŋŋənə. N fuu kəzɔŋŋə tə wɔ nə n way dzə tə̀ a loʼ wù kwɔɔ u kəmàʼlə wey tə teynə fey.

Tùm i dzuŋu zə kuum Yeso Klisto tə Jɔn â tɔɔnə 3:34

Wù wən Zə̀ kə tûm bənə, ghɔɔmə bə ghɔɔmə i Kəzə̀, n təŋkey Zə̀ kə n fuu wi n Zay kə wi kə naʼ idzəm.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 11:20

À loʼ kənu isəŋə nə̀ ghə â khə̂mə nuu shi bə kpìi tə loʼ tey n təŋkey ghə â ka bəghəm dzə tə̀ Zə̀ kə, ghaa a kee tey n təŋkey, ghaa bəghəm tə Zə̀ kə. À kee loʼ nə̀ ghaa khə dzə way ni ghaŋŋə wû zə n ghə i loʼ zə, ghaa fəd khə ni ney ighə̂mə.

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

Roma 12:16

I muu n na nə kəfə kəmɔʼ ghi ghə̂ ghə adzəm. Kə ghaa nə kɔʼlənə wû zə, ghaa fəd tsuulə tsu wû i ghaa sey nə̀, ghaa i loʼ dzəŋi ghi ghə̂ ghə adzəm. Kə wù nə moʼlənə nə̀ tə khə aghəə adzəm.

1 Kɔrint 15:10

N loʼ wù wey n loʼnə ghii wə nya bòʼ ndzuŋ ə Kəzə̀. Ndzuŋ zən Zə̀ kə â diinə tə̀ mə, â ka maŋ nay dzə kənunu. Zə n ghəŋə nə̀ n fəd fwaʼ tsəghəshi tsətəndəghə tə Klisto tə loʼ tey tədzəm. N khənu nə̀ â way dzə n daʼa kuŋ, â loʼ daʼa K-a-zə̀ kə â ghəŋənə mə nə̀ n fwaʼ tsəghəshi ghə adzəm.

1 Kɔrint 3:10

Mə â ney kɔʼ naamə key Zə̀ kə â fuunə tə̀ mə, səd tsu tsə̂ kə ndaw tii tə̀ a loʼ wù wey tə bəghə khəələnə ndaw tə. Wù nuu nya kee bəghə n tsə̂ kə tii kə. À kee loʼ nə̀ kay wù khə ni ney ighə̂mə n jìi zey tə bəghənə tii.

1 Kɔrint 7:17

I loʼ kə nə̀, kay wù khə ni muu kə tə̀ a loʼ dzûmə Klisto n jii i ghaa zə Mûkəbii naŋanə wi tii, tɔŋŋə jìi zey tə â buʼ loʼnə tii n nəŋə zey Zə̀ kə â tɔŋɔnə wi. À wən loʼ laŋ key n fuunə tə̀ dzəŋi u dzûmə tə Klisto wə udzəm.

2 Kɔrint 10:13

Ghey way dzə ni kɔʼlə iwû tsəghəshi luʼu key ghey khə ni kɔʼ kuum tii, ghey kee kɔʼlə kuum tsuu kə iwû n luʼu key Zə̀ kə bayyə naŋa nə̀ ghey kɔʼ kuum tii. Ghaa loʼ soʼo n fəŋŋə kə luʼu key Zə̀ kə bayyə naŋa nə̀ ghey kɔʼlə kuum iwû tii.

2 Kɔrint 12:13

À baa loʼ ghə i ghaa zə̀ n ghəŋənə tə̀ dzəŋi u dzûmə tə Klisto tə loʼ tey nə̀ n ka ghəŋə fey nə ghaa tsəghəshiə way nə̀ n ka bəb ghaa n gaamə i loʼ zə ə? Neyzəə na mə n bəb i tii zə!

2 Kɔrint 12:7

Sey, nghee tə̀ mə â loʼ nə̀ mə n koʼ ndəmə nfaalə, mə n keeli kɔʼ dzaŋ i loʼ zə n wû wuŋ, zə̀ n loʼ tə̀ a loʼ tsəndəghə Satan tə̀ tûmnə ni chɔd mə, sey nə̀ kə̂ n nə̂ ghaŋŋənə wû wə.

Galeshia 6:3

Abə wə moʼlə nə̀ wə dow tsəghənu ni fuu wù n gaamə zə, wə sey nəbə wû wə, n təŋkey, wə ka dow tsəghə dzə.

Efesus 3:2

Ghaa khənu nə̀ à loʼ bòʼ ndzuŋ ə Kəzə̀, tə ghəŋənə nə̀ n doʼo wù kəfwaʼ tə̀ ghaa ghən ghaa way ghə̂ a Təjuu ghə.

Efesus 3:4

Abə ghaa i tɔŋɔ kɔʼnə ghəə a tii ghə, ghaa i zoʼlə aghəə boʼ ghəə ghey n zowkeelinə n ghəə ghey Klisto â nyì naŋanə.

Efesus 4:16

À loʼ Klisto tə təm naŋa dzəŋinə saa nə kəfə kəmɔʼ tə̀ a loʼ wû u wi, a loʼ wi tə zuŋŋə naŋa bənə saa. Sey, abə badla tə uwû tə saa tədzəm tə fwaʼa dzɔbənə n dəŋə kə ghə, gaamə tiilə iwû, wû udzəm wə n nyîmmə dzɔbə nə iləghə.

Filipi 2:13

Ghaa keeli tsu nə̀ a loʼ Kəzə̀ kə fwaʼanə n kow ghaa, ghəŋə ghaa nə̀ ghaa i khə zay ni fwaʼ tə wi, fuu soʼo ghaa n daʼa kə nə̀ ghaa ghəŋə ghəə ghey a kpiilənə tə wi.

Kolose 1:29

À wey loʼ zuŋ key n kuu nyiə ndownə səŋ zə ni fwaʼ n daʼa kə səŋi kən kə fwaʼanə n kow mə nə a fuu Klisto.

Kolose 2:13

Ghaa â loʼ tsə tə a loʼ ghə̂ a kpuu ghə n sə K-a-zə̀ bòʼ ghəə a ghaa a bəbə ghə nsə nə ghaa a loʼ nə ghə ka kam səghə tyi u ghaa wə. Abə nya, Zə̀ kə n ghəŋə nə̀ ghaa doʼo bə utaw ghi Klisto, n təŋkey, tə n neyzəə ghəə a ghaa a bəbə ghə n ndzuŋə wi.

1 Timoti 1:14

Mûkəbii ə saa n dii bə ndzuŋ ə wi tə mə naʼ idzəm. Tə n ghəŋə soʼo nə̀ n keeli bəghəm i fə̀ŋ nsə ləghə zən i loʼnə i saa zə abə saa loʼnə nə kəfə kəmɔʼ ghi Yeso Klisto.

1 Timoti 2:15

Weyzən nə keeli ibəghəshi n bam i waa ghən tə nə jiə bənə nsə abə tə loʼ ni kow fə̀ŋ n bəghəm i fə̀ŋ i wi, nə iləghə nsə n jìi zey i zownə nə̀ tə zuŋu tsu uwû.

1 Timoti 2:9

N ləghə soʼo nə gheyzən ghən ghə loʼnə dzûmə tə Klisto tə, ghə i labə tsu wû i ghə zə n jìi zey i khənə kɔʼləmə. Ghə khə way ni dzəŋŋə ndzə̂ tə ufəŋ tə nkee ni faalə kətow n fə u nyiəllə wə n jìi zey sə̂ a ghə̂ ghə i shiənə n kow ghə. Ghə khə soʼo way ni dzəŋŋə nyiə u wən i taw zə nkee ndzə tən wən i tawnə.

Taytus 2:12

À loʼ n bam i fə̀ŋ i dzuŋu zən Zə̀ kə dza bənə tə̀ saa nə̀, saa tuu maʼa muu zey Zə̀ kə ləghə way, saa ka gaʼ soʼo fə̀ŋ tə n fə u mbi. Tə ləghə nə̀ saa i loʼ ni kwu keeli muu i saa, ghəŋŋə ghəə ghey a kpiinə, ghəŋŋə soʼo ghəə ghey tə ləghənə nghee saa muunə fa n mbi zən.

Taytus 2:2

I dii ndow nyim tə agheynun tə nə̀ ghə keeli tsu fə̀ŋ tə dzuŋu tə, ghəŋŋə ndow aghəə n jìi zey ghə̂ ghə i fuunə ghə n ngɔɔmə zə, kwɔɔ tsu soʼo wû i ghə. Ghə khə ni tɔʼɔ taw n bəghəm i fə̀ŋ i ghə, khə iləghə n wû i ghə, kow tsu soʼo təfə̀ŋ n bəghəm i fə̀ŋ zey ghə khənə n kow Klisto abə a tsəmə shiə kə ghə i ghaa zə.

Taytus 2:4

Abə ghə khənə ndzoʼo mwam wən ghə i loʼ ni tsə̀ waa a fəghaŋ a zən ghə nə̀ ghə i ləghə num a ghə ghə nsə waa a ghə ghə.

Taytus 2:6

N jìi i mɔʼɔ zə, wə khə ni kuu ndow soʼo fə̀ŋ tə waa a fəghaŋ a num ghə nə̀ ghə i kwɔɔ tsu wû zə nə aghəə adzəm.

Jems 4:6

À kee loʼ nə̀ Zə̀ kə n fuu saa n ndzuŋ ə wi naʼ idzəm nə̀ kə moʼlə tə saa tə bəbə tə nə taw tsəghənə saa. À wey loʼ ghə i tii zə i tɔ̀ɔ doʼo n màʼlə K-a-zə̀ nə̀, “Zə̀ kə tsuulə tsu ndzə̂ ə wù wən tə ghaŋŋənə wû wə, kee dii ndzuŋ ə wi tə wù wən tə zuŋ tsunə wû u wi wə.”

1 Pita 1:13

Sey ghaa khə ni bayyə naŋa tsu fə̀ŋ tə ghaa ni fwaʼ. Ghaa teyyə kɔʼ kətow idəŋ, naŋŋə tsu soʼo ghow kə ibwey kə ghaa ni fwaʼ fwaʼ key Zə̀ kə ləghənə. Ghaa i ləmmə tənə ndzuŋ zey ghaa i keelinə abə Klisto i dzəŋŋə bənə.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

1 Pita 5:5

N jìi i mɔʼɔ zə, ghaa waa a fəghaŋ, ghaa khə ni zow ndow tə̀ gheynyim a ghaa ghə. Ghaa ghey adzəm ghaa loʼnə nə̀ ghaa n bəghəm fuu tə̀ Zə̀ kə, ghaa khə ni tsuulə tsu wû i ghaa ni fwaʼa ndow tə̀ waazu ghə, n təŋkey, i tɔ̀ɔ doʼo n màʼlə K-a-zə̀ nə̀, “Zə̀ kə baa ghə̂ ghey ghə kɔʼlənə wû zə Kee dii fə̀ŋ ə wi i dzuŋu zə tə̀ ghə̂ ghey tsuulə tsu wû i ghə zə.”

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

3 Jɔn 1:9

N mâ tɔ̀ɔ ndow tə dzəŋi kə dzûmə tə Klisto bòʼ ghəə zən, Diotefes wən tə ləghə ni doʼo wù nii, n tuu, dza nə̀ tə khə way ghə i loʼ zə ni ghəŋə ghi saa.