Roma 12:12 - Kaa n Kəzə̀ n fəghə mə

¹² Ghaa khə ni duʼlə ni ləmə ghəə ghən Zə̀ kə təb naŋanə tə ghaa. Ghaa i kow fə̀ŋ abə ghaa loʼnə nə uchɔd, gɔŋŋə nəŋə tədzəm.

Roma 12:12 ပူးပေါင်းရင်းမြစ်များ

Matyo 5:12

Ghaa khə ni duʼlə, saŋŋə, boʼnə naamə kə ghaa kə downu idəŋ. À wey loʼ nghee ghə â chɔdlɔ soʼonə tûm tə Kəzə̀ tə sə isə tə.”

Lukas 10:20

À kee loʼ nə̀, i kə ghaa nə duʼlənə nə̀ zay u bəbə u zow tə ghaa, ghaa khə ni fədlə duʼlə n təŋkey zəd a ghaa a tɔ̀ɔ doʼo idəŋ.”

Lukas 21:19

Bə ghaa kwu tawwə tsunə fə̀ŋ tə, ghaa nə keeli ibəghəshi.

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Kəfwaʼ 1:14

Ghə n təmə dzəŋi nəŋə tədzəm ni gɔŋŋə ghi gheyzən a loʼ ghə nsə Maria nay Yeso ghi waazə a wi ghə.

Kəfwaʼ 12:5

Nghee Pita loʼnə n ndaw tsaʼ, dzûmə tə Klisto tə n kee loʼ kə ni gɔŋŋə tə Zə̀ kə n tow kə wi.

Kəfwaʼ 2:42

Ghə n fuu nyi ndow wû i ghə ni zoʼlə ghəə ghey ngəd tə Yeso tə diinə, təmə dzəŋi ghi ghə, gɔŋŋə, zəə dzəŋi soʼo baa K-a-zə̀ ghi ghə.

Kəfwaʼ 6:4

Abə ghey, gheykee doʼo tən tsu kə ni fwaʼa fwaʼ kə gɔŋŋə kə nsə ni dii ghɔɔmə i Kəzə̀ zə.”

Roma 15:13

N gɔŋŋə nə̀ Zə̀ kən kə ghəŋŋənə nə̀ ghaa i ləmmə fə key tə â təb naŋanə tə ghaa, kə fuu ghaa n duʼlə zə nsə buulə zə nghee ghaa gaʼnə fə̀ŋ n kow wi, sey nə̀, n daʼa kə Zay kə Zow kə, ghaa i laalə kɔʼɔ ndow tə wi n fə̀ŋ tə ghaa tə tədzəm.

Roma 15:4

Ghɔɔmə i Kəzə̀ zən ghə â tɔ̀ɔ naŋanə, â loʼ ni tsə̀ saa. Ghɔɔmə i tii zə â loʼ ni kuu fə̀ŋ tə saa, ghəŋŋə soʼo nə̀ saa i loʼ ni kow fə̀ŋ ni ləmə fə key Zə̀ kə â təb naŋanə tə̀ saa.

Roma 2:7

Zə̀ kə i fuu muu zə itsali tə̀ ghə̂ ghən ghə buu doʼlə way ni ghəŋŋə ndzuŋ, ləmmə kə tə̀ wi nə̀ tə kɔʼlə naŋŋa kɔʼ ghə.

Roma 8:25

Abə saa ləmmənə fə kə nə̀ saa kam khə way, saa n kow tsu kə fə̀ŋ ni ləmə fə kə tii kə.

1 Kɔrint 13:13

N ghəə ghən saa adzəm, ghəə a təmi shi bə atəghə, a doʼlə tənə nə̀, bəghəm i fə̀ŋ, moʼlə tə dzuŋu tə nsə ləghə zə. A kee loʼ nə̀, ləghə i bə isə̂ n ghəə ghən adzəm.

2 Kɔrint 12:8

Tənəŋə tətəghə nə̀ n buʼu kə kəwɔɔ tə̀ Mûkəbii nə̀ tə ney nuu dzaŋ i tii zə.

Filipi 3:1

Ni guŋ kɔʼ a waazə ghuŋ ghə, n dza bə tə ghaa nə̀ ghaa khə ni saŋŋə nghee ghaa loʼnə nə kəfə kəmɔʼ ghi Mûkəbii. À way dzə chɔd u loʼ wə tə̀ mə ni tɔ̀ɔ kuulə kə ghə i mɔʼɔ zə tə̀ ghaa, n sey ghəŋŋə ni keyyə ghaa nə ghaa i loʼ kədzuŋ n bəghəm i fə̀ŋ i ghaa.

Filipi 4:4

Ghaa khə ni duʼlə n doʼo i ghaa ghi Mûkəbii nə tənəŋə tədzəm. N nam dza kpiʼi bə kə tə ghaa nə̀ ghaa khə ni loʼ nə iduʼlə!

Kolose 1:11

N gɔŋŋə soʼo nə̀, Zə̀ kə, tə khənə daʼa wə udzəm, tə fuu ghaa n daʼa kə wi kə, sey nə̀ ghaa loʼ ni təmi taw n bəghəm i fə̀ŋ, kow fə̀ŋ nə aghəə adzəm.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

Kolose 4:2

Kə ghaa nə buu doʼlə ni gɔŋŋə nəŋə tədzəm. Ghaa i ney ghə̂mə zə abə ghaa gɔŋŋənə, fuu ndow soʼo kəzɔŋŋə tə Zə̀ kə.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 5:8

Saa ghən saa loʼnə ghə̂ ghey ghə loʼnə nə kədaa fəd khə ni khə zuŋ kə umwam. Saa khə ni khə bəghəm i fə̀ŋ nsə ləghə zə tə a loʼ dzə̀ tə tsam kəŋ naŋa muu i saa. Saa khə ni khə tən moʼlə zey nə̀ Zə̀ kə i bəghəshiənu saa tə a loʼ taŋŋə kə tsam ni tsəd tow u ghey.

2 Tesalonika 1:4

À wən loʼ ghə i tii zə ghey tsɔbənə fə̀ŋ bòʼ ghaa n dzəŋi u dzûmə tə Klisto udzəm. Ghey tsɔbə fə̀ŋ n təŋkey ghaa fəʼlənu, ghə̂ ghə a baa soʼo ghaa bòʼ Kəzə̀, ghaa a kee nam kow kə fə̀ŋ, ndow soʼo n sə kə ni bəghəm tə̀ Zə̀ kə.

2 Tesalonika 3:5

Ghey gɔŋŋə nə̀ Mûkəbii ghəŋə tsu nə ghaa tɔʼ zowkeeli ləghə zey Zə̀ kə khənə n kow ghaa. Ghey gɔŋŋə soʼonə nə̀ Klisto ghəŋə nə̀ ghaa i loʼ ni kow fə̀ŋ nə̀ aghəə adzəm.

1 Timoti 6:11

A kee bə wɔ a Timoti, wə loʼ wù wən wə bəghəm fuunə tə Zə̀ kə, kə wə nə bəghəm naŋŋə ndzoʼo ghəə a bəbə ghən. I fədlə dzûmə ndow muu zən i loʼnə tsətsəghə, fwaʼa ndow fwaʼ key Zə̀ kə ləghənə, fə̀ŋ zə i loʼ tən kə n kow Zə̀ kə, wə i ləghə ghə̂ ghə adzəm, kow fə̀ŋ nə aghəə adzəm, wə keeli tsu soʼo zuŋ kə umwam.

2 Timoti 3:10

A kee bə wɔ a Timoti, wə khənu ghəə ghey mə â diinə ghə̂ ghə tii nsə muu zuŋ zə idzəm. Wə khənu jìi zey n bəghəmnə tii tə̀ Klisto nsə fə key n kəŋənə fa n mbi, ləghə zey n khənə n kow ghə̂ ghə, nsə nə̀ n khənu ni kow fə̀ŋ n fwaʼ K-a-zə̀ abə ghəə a taw kə ngee.

Taytus 2:13

Nghee tə saa ndzəmə ləmmənə tsuʼ fə nii fey saa khənə nə̀ fə i bə ghəŋŋə nə̀ saa ngii duʼlə, saa keyyə tənə nə̀ Zə̀ kə saa kə səŋi kə nsə bəghəshi ə saa tɔŋŋə Yeso Klisto, bə n wû u kədə̀ŋ.

Taytus 3:7

sey nə̀, n bam i fə̀ŋ i dzuŋu zən tə khənə, tə i ghəŋə nə̀ saa i loʼ ni doʼo bə tsətsəghə n sə K-a-zə̀, saa i loʼ soʼo ni bə keeli fə wey tə ləghənə ni fuu tə̀ saa nghee saa ləmmə tənə ni keeli muu zə itsali.

Hibru 10:32

Moʼlə tsu n na nghee ghaa â buʼ loʼnə tii n nəŋə zey ghaa â bəghəm kɔʼnə tûm i dzuŋu zə bòʼ Klisto. Ghaa n fəghə kɔʼ bə n ndəmə ndəmə tə aghəə, ghəə a tii ghə n ka kee taw tsəghə dzə ghaa.

Hibru 10:36

Ghaa khə ni kow tsu kə təfə̀ŋ sey nə̀, abə ghaa ghəŋə tsunə ghəə ghey Zə̀ kə ləghənə, tə i fuu ghaa n fə key tə â təb naŋanə tə ghaa.

Hibru 12:1

Nghee i loʼ nə̀ saa khənu nɔɔ kə aghə̂ kə nii kə, ghə taʼanə ghi saa, saa zəghə maʼa ghəə ghey adzəm a təʼlənə saa n bəghəm i fə̀ŋ i saa nsə ghəə a bəbə ghey a taw doʼo bə n kow saa. Saa nyəŋ n fə̀ŋ tə saa tə tədzəm ni keeli fə key Zə̀ kə təb naŋanə tə̀ saa.

Hibru 3:6

Klisto kee loʼ waa Kəzə̀ wən tə â fwaʼ dzɔbnə n dzəŋi kə dzûmə tə Klisto. Saa loʼ tə a loʼ ndaw wi abə saa ndownə n sə kə ni kow fə̀ŋ nsə ni ləmə fə key saa ləmmənə nə̀ saa tsəŋə way.

Hibru 5:7

Nghee Yeso â muunə fa n mbi, tə n gɔŋŋə, buʼ soʼo kəwɔɔ nə idey nsə sə̂ mə tə̀ Zə̀ kə, tə loʼnə ni bəghəshi vən fə uwû fə wi n wɔɔ kə ivə. Sey, Zə̀ kə n zow gɔŋŋə i wi n təŋkey, tə â zow tə̀ Zə̀ kə ngɔɔmə soʼo wi.

Hibru 6:12

Ghey ləghə way nə̀ ghaa doʼo bə ghə̂ a lay ghə, ghey fədlə ləghə nə̀ ghaa i dzûmə ndow ghow kə ibwey kə ghə̂ ghən ghə khənə bəghəm i fə̀ŋ zə, kow soʼo fə̀ŋ ni bə keeli fə key Zə̀ kə â təb naŋanə tə̀ ghə.

Hibru 6:15

Sey, nghee Abraham kow tsunə fə̀ŋ ni ləmə, tə n bə keeli kɔʼ fə key Zə̀ kə â təb naŋanə tə̀ wi.

Jems 5:7

Waazə ghə, kow tsu kə na fə̀ŋ tə ni ndow kùm n nəŋə zey Mûkəbii i bəghənə tii. Ghaa koʼonu nghee tə wù usum kow tsunə fə̀ŋ tii ni ləmə kəŋə ndow nə̀ sum u wi u fuu bə wi n fəzəə wə. Tə kow tsu kə fə̀ŋ sa, ghow zə n tsu kəŋə ndow sa tə̀ num i bən bə tii, fəzəə wə n fən nyi bə.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

2 Pita 1:6

N ghəə a Kəzə̀ ghey ghaa khənə, ghaa khə soʼo ni kwu keeli wû i ghaa. Nghee ghaa khə ni kwu keeli wû i ghaa, ghaa khə soʼo ni kow fə̀ŋ tə n nəŋə zə uchɔd. Nghee ghaa khə ni kow fə̀ŋ tə n nəŋə zə uchɔd, ghaa khə soʼo ni ghəŋŋə ndow kə ghəə ghey Zə̀ kə ləghənə.

Chi dii 13:10

Abə wù loʼ nə̀ ghə khə ni kwu fìi naŋa wi n ndaw tsaʼ, ghə i teeli kwɔɔ fìi naŋŋənu wi. Wù wən i loʼ nə̀ ghə khə ni wey wi n kɔb, ghə i teeli weynu wi n kɔb. Ghəə ghən dii bə nə̀ ghə̂ a Kəzə̀ a zow a khə ni kow tsu fə̀ŋ, ghə n təmi taw tsu n bəghəm i fə̀ŋ i ghə n kow Zə̀ kə.