Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Roma 11:7 - Kaa n Kəzə̀ n fəghə mə

7 Saa loʼ ni kəm dza tsu nə̀ ngee nya a? Ghə̂ ghə Izree ghə â ka keeli dzə fə key ghə â kəŋənə, â lo kə sə fə aghə̂ fən Zə̀ kə â sày naŋanə. Zə̀ kə n kee ghəŋə nə̀ ghə̂ a loʼ ghey tawwə naŋa kɔʼ fə̀ŋ tə ghə nə̀ ghə i zow way ghəə zey tə dzanə tə ghə.

အခန်းကိုကြည့်ပါ။ ကော်ပီ




Roma 11:7
25 ပူးပေါင်းရင်းမြစ်များ  

boʼnə ghə â ka kam zowkeeli dzə nghee Yeso a chinə ghə̂ ghey təkam tətaa nə ubaa utaa nsə tsəghə tə təbəghə. Ghə n kam way ni tɔʼ bəghəm n fə̀ŋ tə ghə.


“Dəmə tsu na ni nyi ndow n fuʼ u ndwaw u təbə wə, n təŋkey, ndəmə aghə̂ ghə î ləghənu ni tsəghə nyi fu, jii i way tə ghə.


“Zə̀ kə n fəb naŋa sə̂ a ghə ghə̀, Tawwə naŋa fə̀ŋ tə ghə Nə kə ghə nə koʼo luʼu tə, Kə ghə nə zowkeeli soʼonə ghə i loʼ zə, Sey nə̀ kə ghə nə kweyyə nuu dzəŋŋə bənə n ghəə a ghə a bəbə ghə, ghə bə n səə mə, Tə n baŋŋə ghə.”


Nghee ghə â khə way jìi zey i ghəŋŋənə nə̀ ghə doʼo tsətsəghə sə K-a-zə̀, ghə n maŋ kəŋ tsu kə jii ghə ni dzûmə. Sey, ghə n ka dzûmə jìi zey Zə̀ kə â ghəŋənə nə̀ ghə̂ ghə i dzûmə ni doʼo tsətsəghə n sə kə wi.


Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.


À loʼ soʼo ghə i mɔʼɔ zə n num tə tən nya, nghee Zə̀ kə ngii khənə ndzuŋ n kow ghə̂ a wi ghə, tə n sày naŋa sə fə ghə̂ ghə Izree a loʼ ghə nə̀ a loʼ ghə̂ a wi.


Saa loʼ ni dza tsu nə ngee nya a? Saa moʼlə nə̀ saa ghə̂ a Təjuu, saa loʼnu tsətsəghə n sə K-a-zə̀ tsəghəshi ghə̂ ghey ghə way ghə̂ a Təjuu ə? Ngaŋ! Mə n khə dii nə̀ saa ghə̂ a Təjuu nsə ghə̂ ghey ghə way ghə̂ a Təjuu ghə, saa dzəŋi khə təmoʼlə ni ghəŋŋə ghəə a bəbə ghə nəŋə tədzəm.


Saa loʼ ni dza nə̀ ngee nya a? Nghee tə ndzuŋ ə Kəzə̀ bəghəshi dzənə saa n wɔ kə Laŋ u Mushi, saa sey khə ni ndow kə n sə kə ni ghəŋŋə ghəə a bəbə ghə? Ngaŋ! A way dzə sey.


I sey dii nə̀ Zə̀ kə kwɔɔlə isî n kow wù wey tə tsəm kɔʼnə ni kwɔɔlə isî n kow wi, à tsəmə soʼo wi wù wey tə ləghənə nə̀ tə i taw n tow kə.


Zə̀ kə â dii sî i wi i kwɔɔlə zə tə̀ ghə̂ ghey tə â sàynə, ghəŋə nə̀ ghə keeli kɔʼlə n wi ni ghəŋə nə̀ aghə̂ adzəm a keeli nə̀ tə ngii khə sî i kwɔɔlə zə.


Ghəə ghən n dzanə dii dzə way nə̀ fəzəə wey ghə fuunə tə a loʼ umaʼlə tə̀ muʼu mə, khənu daʼa kə loʼ kə nkee ni dza nə̀ muʼu n khənu daʼa kə loʼ kə.


Sey, fə̀ŋ tə ghə tə n taw doʼo i tsu. Ni bə kùm na, abə ghə zow tsu nghee ghə tɔŋŋənə kaa n wey mə, a n loʼ tə a loʼ ndzə̂ tey tə nam tsəd doʼo kə n tûm usə̂ u ghə, n təŋkey, à loʼ kə n bam i Klisto ghə loʼnə ni tsɔʼ nuu ndzə̂ tə tii tə.


Nghee tə̀ ghə̂ ghən ka bəghəm tə̀ Zə̀ kə, zə̀ kə mbi kən tɔŋŋə Satan n ghəŋə naŋa ləm kə n fə̀ŋ tə ghə, sey nə̀ kə ghə nə koʼonə tsə u tûm i dzuŋu wey u dii bənə kɔʼlə n Klisto wən tə loʼnə tə̀ a loʼ Kəzə̀.


Zə̀ kə mâ khə sày saa nə̀ ghə ka mbi kam bɔm, nə̀ saa i loʼ ghə̂ a wi ghə nghee saa loʼ nə kəfə kəmɔʼ ghi Klisto, sey nə̀ saa i zow, khə way dzə u loʼ wə n sə kə wi. Bòʼ ləghə zən tə khənə n kow saa,


Fə̀ŋ tə ghə tə zowkeeli way ghə i loʼ zə n ghəə a Kəzə̀, ghə khə soʼo way wɔɔ kə n muu zən Zə̀ kə fuunə, n təŋkey, ghə khə way ghə i loʼ zə, taw soʼo n tow kə.


Nə̀ ghə ghəŋə kə ngee, chɔd u way! N duʼlə kə nə̀ ghə naʼlə tûm kùm Klisto. Abə à loʼ kə n moʼlə tə dzuŋu tə nkee n moʼlə tə bəbə tə, mə î nam duʼlə kənu.


Ghaa khənu nə̀ nghee tə â ləghə ni kəm ney buulə zey bày wi â ləghənə ni fuu tə̀ wi, bày wi n tuu ni fuu wi n buulə i tii zə n təŋkey, tə a kəm khə way jìi i loʼ zə ni kweyyə kɔʼ ghəə zey tə â ghəŋənə nghee tə â buʼu ləghə kə buulə i tii zə n sə̂ mə idey mə.


Zə̀ kən kə loʼnə Bày saa â sày ghaa tə̀ tə â bayyə naŋa zeynə, Zày kə Zow kə wi kə a sow maʼa tsunə ghaa ni ghəŋə nə̀ ghaa i naŋŋə laŋ u Yeso Klisto wə nsə nə̀ kaŋ tə wi tən tə â fəələnə n zat kə fəkaʼ, tə ghəŋə nə̀ ghaa i loʼ ghə̂ a zow ghə. N gɔŋŋə nə̀ Zə̀ kə dii ghaa n fə̀ŋ ə wi i dzuŋu zə, tə fuu soʼo ghaa n buulə zə naʼ idzəm.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ