Roma 11:11 - Kaa n Kəzə̀ n fəghə mə

¹¹ Sey, n bəbə nə̀, à loʼ nə̀ ghə̂ ghə Izree ghə â bwu sa bwu tən kənu ə? Ngaŋ! À ndɔm way dzə sey. I fəd loʼ nə̀ ghə̂ ghə Izree ghə â ghəŋə bəəbə tsunu, sey, Zə̀ kə n ghəŋə nə̀ ghə̂ ghən ghə way ghə̂ a Təjuu a keeli ibəghəshi ni ghəŋə nə̀ ghə̂ ghə Izree ghə i ghoʼo.

Roma 11:11 ပူးပေါင်းရင်းမြစ်များ

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Kəfwaʼ 13:42

Nghee Pɔl nsə Banabas zəghə tsunə ndaw kədzəŋi ə ghə̂ a Təjuu, nuu ndow, ghə̂ ghə n buʼ kəwɔɔ tə ghə nə̀ ghə i kəm bə kpiʼi n tsuʼ inaʼ wən u kəŋŋə bə nə tə ghə bə dza kpiʼi bə ghə n ghəə a Kəzə̀ ghə.

Kəfwaʼ 18:6

Ambə ghə̂ a Təjuu khə̂mə ghɔɔmə i Pɔl zə, zey ndow ni kpaalə wi, tə buʼ maʼa tsu kəbvə n ndzə̂ tə wi ni dii tsu nə̀ tə n nyoʼo dzəm tə ghə. Tə n dza tə ghə nə̀, “Və i ghaa i laalə kə ghaa, wɔɔ kuŋ kə way tii. Ni nuu tsu nya ndow isə, mə i tûm i dzuŋu i nya naʼlə kə tə ghə̂ ghən ghə way ghə̂ a Təjuu ghə.”

Roma 10:19

N dza n kəm tsu nə̀, à loʼ nə̀ ghə̂ ghə Izree ghə â ka zowkeeli ə? Ghə mâ tsəm zowkeeli! À loʼ nə̀ â kee tuu ghə, n təŋkey, Mushi n wû u wi wə mâ bùʼ dza nə̀ Zə̀ kə dza nə̀, “Mə i ney kɔʼɔ naʼ zən ghaa moʼo nə̀ à way dzə naʼ i səŋi zə, N ghəŋə nə̀ ghaa i ghoʼo naʼ i tii zə. Mə i ney soʼo laŋa kə inaʼ kə loʼ kə, N ghəŋə nə̀ ghaa i fəələ nəghə wə tii.”

Roma 11:1

N bəbə nə̀, à loʼ nə̀ Zə̀ kə n tuu maʼa ghə̂ a wi ghə ə? Ngaŋ à way dzə sey. Wû wuŋ, n loʼ wù Izree, waa waa Abraham n sali ndaw i Benjamin.

Roma 11:12

Ghəə a bəbə ghən ghə̂ a Təjuu ghə â ghəŋənə ni tuu maʼa Klisto, â ngii ney bə ibuulə tə̀ mbi. Ghəə bəbə a tii ghə n ghəŋə soʼo nə̀ Zə̀ kə ngii fuu buulə i wi tə̀ ghə̂ ghən ghə way ghə̂ a Təjuu ghə. Buulə i tii zə i boʼo doʼlə ngee abə ghə̂ a Təjuu adzəm a loʼ ni təmdzəŋi bə ni bəghəm tə̀ Klisto ə?

Roma 11:14

N moʼlə nə̀ fwaʼ kə tii kə loʼ ni ghəŋə nə̀ waazə ghuŋ, ghə̂ a Təjuu ghə i ghoʼo fə key ghə̂ ghən ghə way ghə̂ a Təjuu a khənə, sey, mə i loʼ ni gaamə ghə nə̀ ghə keeli ibəghəshi.

Roma 11:31

N jii i mɔʼɔ zə, nghee tə Zə̀ kə â kwɔɔlənə sî zə n kow ghaa, Tə i kwɔɔlə soʼonu sî zə n kow ghə̂ a Təjuu ghən ghə tawnə n tow kə nya.