Roma 11:1 - Kaa n Kəzə̀ n fəghə mə

¹ N bəbə nə̀, à loʼ nə̀ Zə̀ kə n tuu maʼa ghə̂ a wi ghə ə? Ngaŋ à way dzə sey. Wû wuŋ, n loʼ wù Izree, waa waa Abraham n sali ndaw i Benjamin.

Roma 11:1 ပူးပေါင်းရင်းမြစ်များ

Lukas 20:16

“N dza bə tə ghaa nə tə i bə wey maʼa ghə, tə ney sûm u tii wə, tə fu tə ghə̂ a nu ghə.” Ambə ghə̂ ghey zow tsu nə sey, ghə n dza nə̀, “I kə̂ Zə̀ kə i bəghəm nə ndzoʼo ghəə ghey shi koʼ.”

Kəfwaʼ 22:3

“N loʼ wù Juu, ghə ji mə n naʼ i Tasus n mboʼ ə Silishya. Mə n kee nyim fa n Yerosalem, zoʼlə kɔʼ bə kəmàʼlə n tənə Gamaliel. Ghə n ney shi kɔʼ bə mə tə̀ laŋ kə ghə bày bày a saa kə diinə. Mə n ngii nyûmə soʼo n wû wə n ghəə a Kəzə̀ tə̀ aloʼ ghaa ghən adzəm ghaa loʼnə na fa.

Kəfwaʼ 26:4

Ghə̂ a Təjuu adzəm a khənu nghee n muu shi kɔʼ bə tii ni ney nuu bə n nyaŋi fə waa. Ghə a khə soʼo nghee mə â muunə tii n naʼ zuŋ tɔŋɔ Tasus nsə n Yerosalem.

Roma 11:11

Sey, n bəbə nə̀, à loʼ nə̀ ghə̂ ghə Izree ghə â bwu sa bwu tən kənu ə? Ngaŋ! À ndɔm way dzə sey. I fəd loʼ nə̀ ghə̂ ghə Izree ghə â ghəŋə bəəbə tsunu, sey, Zə̀ kə n ghəŋə nə̀ ghə̂ ghən ghə way ghə̂ a Təjuu a keeli ibəghəshi ni ghəŋə nə̀ ghə̂ ghə Izree ghə i ghoʼo.

Roma 3:4

Ngaŋ! Abə aghə̂ adzəm fa n mbi tsəm loʼ kə ghə̂ a badla ghə aghəə ghə, Zə̀ kə kee dza tsə kə isəŋə nəŋə tədzəm. I loʼ tə i tɔ̀ɔ doʼo n màʼlə K-a-zə̀ nə̀, “Zə̀ kə, aghə̂ adzəm a khə ni keeli nə̀ wə naŋŋənu ghɔɔmə zə zə̀, Nə̀ ghə kwu kə wɔ n ghə i ghaa zə, wə i saʼa zəənu.”

Roma 9:3

N dza sey n təŋkey, abə a mə loʼ kə tə̀ mə, mə bəghəm nə̀ Zə̀ kə tsɔɔmə mə, kə dzawwə nuu shi bə mə ghi Klisto abə i loʼ dzə ni gaamə waazə ghuŋ ghən ghə ghə tuunə ni dzûmə Kəzə̀ nə̀ ghi ghə dzəŋi shinə nə inaʼ imɔʼ.

2 Kɔrint 11:22

Ghə dza nə̀ ghə loʼ ghə̂ a Hibru ə? N loʼ soʼo wù Hibru. Ghə dza nə̀ ghə loʼ ghə̂ ghə Izree ə? N loʼ soʼo wù Izree. Ghə dza nə̀ ghə loʼ waa a waa ghə Abraham ə? N loʼ soʼonu waa waa Abraham.

Filipi 3:5

Ghə â səghə tyi kuŋ nə̀ n nam loʼ ntsuʼu ifam tə̀ ghə ji tsu mə. N shi n naʼ zə Izree, n sad i kəbii i Benjamin, wù Hibru jinə. Abə a dza i ney bə n ghəə a laŋ kə ghə̂ a Təjuu, n loʼ wù Falasi.