Roma 10:18 - Kaa n Kəzə̀ n fəghə mə

¹⁸ N kee bəbə nə̀, à loʼ nə̀ ghə̂ ghə Izree ghə â ka zow tûm i dzuŋu zən ə? Ghə mâ tsəm zow n təŋkey i tɔ̀ɔ doʼo n màʼlə K-a-zə̀ nə̀, “Ghə mâ naʼa ngəə tsəghə bə tûm tii n mbi idzəm. Bat kə mbi kə loʼ kə way soʼo nə̀ ghə ka kam zow tûm i tii zə a fu.”

Roma 10:18 ပူးပေါင်းရင်းမြစ်များ

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Matyo 26:13

N kuum dza bə tə̀ ghaa nə̀, luʼu kə ghaa kə ghə î naʼlənə tûm i dzuŋu zə tii fa n mbi, ghə i tiilə dza soʼo ghəə zən weyzən wən ghəŋənə ni moʼlə wi.”

Matyo 28:19

Sey ndòw na, ghaa i ghəŋŋə ndow nə̀ ghə̂ a naʼa tədzəm, ghə doʼo dzûmə tuŋ, fuu ndòw ghə n mmuu n Kəzə̀ mə n zəd i Bày, Waa, nsə Zay kə Zow kə,

Matyo 4:8

Satan n ney kɔʼ ndòw wi n kaʼ ù dabə dabə wə, dii ndòw wi n naʼa tə mbi tən tədzə̀m, n ghaʼ i ghə zə,

Malakus 16:15

Tə n dza tə̀ ghə nə̀, “Ndòw na n mbi idzəm, ghaa naʼa ndòw tûm i dzuŋu zə tə̀ ghə̂ ghə adzəm.

Malakus 16:20

Ngəd tə wi tə n kaʼ ndòw ni naʼa tûm i dzuŋu zə nə təluʼu tədzəm. Mûkəbii n fwaʼa ghi ghə, gaamə ghə nə̀ ghə i ghəŋŋə faalə mə ni dii tsu nə̀ ghəə ghey ghə naʼlənə, a nuu bə n wɔ K-a-zə̀.

Kəfwaʼ 1:8

À kee loʼ nə̀, abə Zay kə Zow kə i nyi bənə n kow ghaa, ghaa i keeli tsu kədaʼa, ghaa i loʼ soʼo ni təmi tiilə bòʼ mə n Yerosalem, n mboʼo Judeya, Samaria nsə n badla tə mbi tədzəm.”

Kəfwaʼ 26:20

Mə â zey tsu dzə n Damaskus, tsəghə ndow n Yerosalem, ndow ngəə bə mboʼo Judeya idzəm, ndow soʼo n naʼa tə ghə̂ ghey ghə way ghə̂ a Təjuu ghə. Mə â naʼlə nə̀ ghə khə ni teeli kwey nuu bə fə̀ŋ tə ghə n ghəə a bəbə ghə, ghə bəghəm soʼo tə Zə̀ kə. Ghə i ghəŋŋə ndow ghəə ghey a diinə nə̀ ghə n kwey fə̀ŋ tə ghə tə.

Kəfwaʼ 28:23

Ambə ghə̂ ghey ndzɔʼ bəghəm naŋa kɔʼ tsuʼ fə, ndəmə ghə n bə koʼ bə soʼo wi n luʼu key tə â muunə tii. Tə n tiillə ghə i tii zə tə ghə ni zey tsu n bələbələ tə ndow kuum ndow n nəŋə i fənə tə. Tə n tiillə dza ghəə a fɔɔ u Kəzə̀ tə ghə, tə n ney bə soʼo aghəə n laŋ kə Mushi nsə n ghəə ghey tûm tə Kəzə̀ tə â tɔ̀ɔ naŋanə ni dii ndow tə ghə nə̀ ghəə ghey tə dzanə bòʼ Yeso loʼ isəŋə.

Roma 1:8

Ni zey tsu, n fuu kəzɔŋŋə tə Zə̀ kuŋ kə n bam i Yeso Klisto bòʼ ghaa adzəm, n təŋkey ghə kali ghaa mbi idzəm n ndzoʼo bəghəm i fə̀ŋ zey ghaa khənə.

Roma 15:19

Tə â ghəŋə ghəə ghən n daʼa kə tsəə tən nsə faalə mən mə â diinə n fəŋŋə kə ghə nsə n daʼa kə Zay kə Zow kə. Sey, mə n naʼa ngəə tsəghə bə tûm i dzuŋu zə bòʼ Klisto ni ney nuu bə n Yerosalem bə taa bə nə Ilirikum.

Kolose 1:23

A kee loʼ kə nə̀, ghaa təmi taw tsu n bəghəm i fə̀ŋ i ghaa n tûm i dzuŋu zən ghaa zownə. Kə ghaa nə bəghəmnə nə wù loʼ kəm soʼlə ghaa n tûm i dzuŋu zən ghaa â zownə, ghaa n gaʼ fə̀ŋ tii. À loʼ bòʼ tûm i dzuŋu zən, mə Pɔl, n loʼnə wù kəfwaʼ ə Klisto tɔŋŋə tûm i dzuŋu zən ghə naʼlənə tə mbi idzəm.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

1 Tesalonika 1:8

Ghaa khənu nə̀ tûm i dzuŋu zə bòʼ Mûkəbii â kaʼ nuu tsu n wɔ ghaa, bəghəm i fə̀ŋ zey ghaa khənə tə̀ Zə̀ kə n ghəŋə nə̀ zɔŋ u ghaa u fuŋ tsəghə ndow n naʼ i Masedonya, Akaya, nsə n badla tə mbi tədzəm. Ghey kəm khə soʼo way ghəə i loʼ zə ni tiilə dza bòʼ bəghəm i fə̀ŋ i ghaa.