Roma 10:17 - Kaa n Kəzə̀ n fəghə mə

¹⁷ Sey, wù bəghəm kə tûm nə̀ tə n zow tûm tii. À loʼ abə ghə naʼlənə tûm i dzuŋu zə bòʼ Klisto wù zow soʼonə tûm i tii zə.

Roma 10:17 ပူးပေါင်းရင်းမြစ်များ

Galeshia 3:2

N dza n bəb bə tə ghaa nə̀, ghaa â keeli Zay kə Zow kə n wɔ Zə̀ kə nə ghaa naŋŋə kəlaŋ nkee â loʼ bòʼ bəghəm i fə̀ŋ i ghaa n tûm i dzuŋu zən ghaa â zownə ə?

Galeshia 3:5

N dza n bəb kpiʼi bə tə ghaa nə̀, Zay kə Zow kə kən Zə̀ kə â fuunə tə ghaa nsə faalə n mən tə fwaʼnə n fəŋŋə kə ghaa, â loʼ n təŋkey, ghaa naŋŋə ulaŋ nkee â loʼ n təŋkey ghaa â bəghəm tûm i dzuŋu zən ghaa â zownə ə?

1 Tesalonika 2:13

À wey loʼ ghə i tii zə ghey fuu zeelinə zɔŋŋə kə tə̀ Zə̀ kə n təŋkey ghɔɔmə i wi zən ghaa â zownə n wɔ̂ ghey, ghaa n bəghəm kɔʼ, ghaa â bəghəm naŋa koʼ nə̀ a loʼ ghɔɔmə i Kəzə̀, a way dzə ghɔɔmə i wù sɔŋtsuʼ. À ndzəm loʼ ghɔɔmə i Kəzə̀ n tənkey, ghɔɔmə i tii i fwaʼa n fə̀ŋ tə ghaa ghəŋŋə nə̀ bəghəm i fə̀ŋ i ghaa zə nyîmmə.

Kolose 3:16

Ghaa ghəŋə nə̀ ghɔɔmə i Klisto i bəghə doʼo n fə̀ŋ tə ghaa naʼ idzəm. Ghaa i dii nduŋŋə ndow ghəə a tii ghə n wû i ghaa, dəŋŋə kɔʼɔ bə wû i ghaa nə utɔb. Zhim dzaŋa tən tə fuu kɔʼləmə tə Zə̀ kə, zhim dzaŋa tə Zay kə Zow kə nsə dzaŋa tən ghaa bəghə kɔʼɔ bənə n fə̀ŋ tə ghaa, zhim ndow ndzaŋa tə Kəzə̀ n fə̀ŋ idzəm.

Lukas 11:28

Yeso n beeli ndòw wi dza, “buulə i fəd loʼ tə̀ ghə̂ ghey ghə zownə ghɔɔmə i Kəzə̀ zə naŋŋə.”

Malakus 4:24

Yeso n kəm dza ndòw tə̀ ghə nə̀, “Ney na ghə̂mə zə n ndzoʼo ghəə ghey ghaa zownə. N təŋkey ndzoʼo jìi zey wə neynə ni saʼ ghə̂ a loʼ ghə tii, a loʼ soʼo i ghi Zə̀ kə î neynə ni saʼwɔ. Tə i buʼu ney inəŋə ni saʼ wɔ tsəghəshi ghə̂ a loʼ ghey.

Lukas 8:21

Yeso n beeli dza ndòw tə̀ ghə nə̀, “Nay wûŋ ghi waazə ghûŋ a lòʼ ghə̂ ghey ghə zownə ghɔɔmə i Kəzə̀ zə̀, ghəŋə ndòw ghə zey i dzanə.”

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 10:14

Nya, ghə̂ a sə loʼ ngee ni nɔɔ igaamə n wɔ wi nə̀ ghə ka tə wi bəghəm ə? Ghə loʼ soʼo ngee ni bəghəm tə wi nə̀ ghə ka kam zow koʼ tsə ghə i loʼ zə kuum wi ə? Ghə a loʼ soʼo ngee ni zow aghəə kuum wi nə̀ wù loʼ ka bə naʼa bə tûm tii tə̀ ghə ə?

1 Pita 1:23

N dza sey n təŋkey n bam i ghɔɔmə i Kəzə̀ zən i fuunə muu zə, i loʼ soʼonə nəŋə tədzəm, ghə n ji kuulə ghaa tə a loʼ waa a wù wey tə kpuu way, nə̀ à way dzə tə a loʼ waa a wù sɔŋtsuʼ wey tə loʼ nə̀ tə kpuunu.

Lukas 8:11

À wən lòʼ ghəə zey ghɔɔmə i fənkəfən zən dii nə̀, ndzoʼ tey lòʼ ghɔɔmə i Kəzə̀.

Chi dii 1:9

N loʼ Jɔn waazə ghaa wən tə fəʼlə dzəŋinə ghi ghaa n ghəə a fɔɔ u Kəzə̀, kow soʼonə fə̀ŋ tə̀ aloʼ ghaa n təŋkey saa loʼ nə kəfə kəmɔʼ ghi Yeso. Ghə â kwu naŋa mə n naʼ i loʼ zə dzuu dzəŋ tsəghə kɔʼnə n təŋkey mə â naʼlə ghɔɔmə i Kəzə̀, dza soʼo isəŋə zey Yeso â dza naŋanə. Ghə tɔŋŋə naʼ i tiizə nə̀ à loʼ Patmus.

2 Kɔrint 2:17

Ghey way dzə tə̀ a loʼ ndəmə ghə̂ a loʼ ghə, ghə ney kɔʼnə ghɔɔmə i Kəzə̀ zə ni kəŋ ukhəə tii. Ghey naʼlə ghɔɔmə i Kəzə̀ n fə̀ŋ tə zow tə tə̀ a loʼ ghə̂ a kəfwaʼ a Klisto, Zə̀ kə tûm bənə.

Hibru 4:2

N dza sey n təŋkey, ghə mâ naʼa tûm i dzuŋu zə tə̀ saa ighəllə tə̀ ghə â naʼa soʼonə tə̀ ghə̂ ghə Izree ghə. Ghə â zow tûm tii, zə n ka kee gaamə ghə n ghə i loʼ zə n təŋkey, nghee ghə â zow tsunə tûm tii, ghə n ka bəghəm naŋa n fə̀ŋ tə ghə.

Tùm i dzuŋu zə kuum Yeso Klisto tə Jɔn â tɔɔnə 1:37

Ngəd tə wi tey təbəghə n zow tsu ghəə ghey tə̀ dzanə, ghə n dzûmə ndòw Yeso.