Roma 10:12 - Kaa n Kəzə̀ n fəghə mə

¹² I loʼ sey n təŋkey, Zə̀ kə bəghəshiə aghə̂ adzəm. Zə̀ kə ney way n taŋ nə̀ wə loʼ wù Juu nkee wù wən tə way wù Juu. À loʼ Mûkəbii u mɔʼɔ wə tə loʼnə Mûkəbii tə ghə̂ ghə adzəm, tə buu soʼo n wɔɔ kə ni fuu tə ghə̂ ghey adzəm ghə nɔɔ ndownə tə wi.

Roma 10:12 ပူးပေါင်းရင်းမြစ်များ

Kəfwaʼ 7:59

Nghee tə ghə təmmə nə wi sey, Sətifən n zey ndow ni gɔŋŋə dzanə, “Mûkəbii Yeso, ney zay kuŋ kə.”

Kəfwaʼ 9:14

Tə loʼ nə̀ tə n ney daʼa kə n wɔ ghə fɔɔngili a nii ghə ni bə kwu ghə̂ ghey adzəm ghə bəghəmnə tə wɔ.”

Roma 14:9

Klisto â kpuu, kəm zhəm dzəŋŋə bə sey nə̀ tə i loʼ mûkəbii tə ghə̂ ghən ghə loʼnə utaw nsə ghə̂ ghən ghə kpuu dzənə.

Roma 15:12

I tɔ̀ɔ doʼo soʼo n màʼlə kə wù tûm Kəzə̀ Ayzaya nə̀, “Wù i shiə bənu n sali i kəbii i Jese, Tə nə bə saʼa ghə̂ ghən ghə way ghə̂ a Təjuu ghə Ghə̂ ghən ghə way ghə̂ a Təjuu a nə laalə kɔʼɔ ndow kə tə wi.”

Roma 2:4

Nghee Zə̀ kə ngii khənə fə̀ŋ i dzuŋu zə n kow ghaa, kwɔɔlə i sî n kow ghaa, kòw fəŋ ghi ghaa, ghaa moʼlə nə̀ à maŋ loʼ nə kənunu ə? Ghaa khə way nə̀ fə̀ŋ i dzuŋu zən Zə̀ kə diinə tə ghaa, a loʼ ni fuu ghaa n buʼ kə nə̀ ghaa kwey nuu bə n ghəə a ghaa a bəbə ghə ə?

Roma 3:22

Zə̀ kə ney naŋŋə ghə̂ ghey adzəm ghə bəghəmnə tə̀ Yeso Klisto nə̀ ghə loʼ tsətsəghə. Tə ghəŋŋə sey tə ghə̂ ghey adzəm ghə bəghəmnə tə Klisto, tə ney way n taŋ nə̀ wə loʼ wù Juu nkee wə way wù Juu.

1 Kɔrint 1:2

N tɔ̀ɔ bə màʼlə kən tə ghə̂ a Kəzə̀ ghey n naʼ i Kɔrint, ghə̂ ghən Zə̀ kə sày naŋanə nə̀ ghə doʼo ghə̂ a wi a zow ghə nsə ghə̂ ghən adzəm ghə loʼnə nə kəfə kəmɔʼ ghi Mûkəbii Yeso Klisto nə təluʼu tədzəm. Tə loʼ Mûkəbii ə ghə, loʼ soʼo Mûkəbii ə saa.

1 Kɔrint 15:47

Zə̀ kə â bɔm wù sə isə wən tɔŋŋə Adam nə təzub, dii tsu nə̀ tə shi fa n mbi. Wù ibam wən tɔŋŋə Klisto kee shi tsu bə idəŋ.

2 Kɔrint 8:9

Ghaa khənu ndzoʼo ndzuŋ zey Mûkəbii ə saa Yeso Klisto â khənə. Tə â kûmnu, tə n fəd doʼo bə wù laa wə bòʼ ghaa, sey nə̀ n bam i laa i wi, ghaa i loʼ ni kûm.

Galeshia 3:28

Ghaa ghən ghaa bəghəm nə tə Yeso Klisto, ghaa nya loʼ kəfə kəmɔʼ ghi Yeso Klisto. Kweyyə kə loʼ kə way dzə a dza nə̀ u loʼ wù Juu nkee u way wù Juu, u loʼ kəkɔd nkee wù ngəŋ, u loʼ weyzən nkee weynum.

Efesus 1:7

A loʼ Klisto tə kùmshinə saa n kàŋ tə wi tən tə â fəələnə n zat kə fəkaʼ, neyzəə ghəə a saa a bəbə ghə. Zə̀ kə ghəə ghən ghəŋŋə bòʼ ndzuŋ ə wi zən i downə naʼ idzəm.

Efesus 2:4

À kee loʼ kə nə̀ Zə̀ kə ngii khə sî i kwɔɔlə zə, tə ngii ləghə saa naʼ idzəm.

Efesus 2:7

Zə̀ kə â ghəŋə sey, sey nə̀, n num tən tə bəghənə, tə i loʼ ni dii ndzuŋ ə wi naʼ idzəm tə̀ ghə̂ ghə nsə ləghə i wi zən i ghəŋŋə nə̀ saa i loʼ nə kəfə kəmɔʼ ghi Yeso Klisto.

Efesus 3:16

N gɔŋŋə tə̀ Zə̀ kə nə̀ n ghaʼ i wi i nii zə, tə kuu bə daʼa kə wi n kow ghaa n bam i Zay kə Zow kə, nə̀ ghaa i taw n fə̀ŋ tə ghaa.

Efesus 3:6

Ghəə zey Zə̀ kə â nyi naŋanə loʼ nə̀, n bam i tûm i dzuŋu zə, ghə̂ ghən ghə way ghə̂ a Təjuu ghə, nya loʼ nə kəfə kəmɔʼ ghi ghə̂ a Təjuu ghə. Ghə nya loʼ tə̀ a loʼ wù umɔʼ. Sey, ghə i dzəŋi keelinu fə̂ key Zə̀ kə təb naŋanə tə̀ ghə̂ a wi ghə n bam i Yeso Klisto.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Filipi 4:19

À loʼ kə Zə̀ kuŋ kən n ngɔɔmənə, tə khənə fə̂ wə udzəm n ghaʼ i wi, tə î fuunu ghaa n fə̂ wey udzəm ghaa ləghə n bam i Yeso Klisto.

Kolose 1:27

Zə̀ kə â ləghə ni dii bə ghaʼ i wi nsə ghəə a wi a dzuŋu ghə tə ghə̂ ghən ghə way ghə̂ a Təjuu ghə soʼo. Ghəə zey Zə̀ kə â nyi naŋanə loʼ nə̀, Klisto muu n kow ghaa, dii tsu nə̀ ghaa ləmmə soʼo ni keeli kɔʼlə mən n loʼnə tə̀ ghə̂ a Kəzə̀ ghə.

Kolose 3:11

N muu i fəghə zən, kweyyə kə loʼ kə kəm way dzə a dza wə loʼ wù Juu nkee wə way wù Juu, nə ghə səghə tyi kə nkee ghə ka səghə ə, wə loʼ kəkɔd nkee wə way kəkɔd ə. Nə wə loʼ wù kətûm, nə wə loʼ wù mbvən, kweyyə kə loʼ kə way dzə. Isəŋə loʼ kə nə̀ Klisto loʼ kətow nə aghəə adzəm nə təjìi tədzəm.

1 Timoti 2:5

I loʼ sey n təŋkey, Zə̀ kə loʼ kə kəmɔ̀ʼ, wù loʼ soʼo umɔʼ tə təmə dzəŋinə ghə̂ ghə ghi Zə̀ kə, wù tii loʼ Yeso Klisto.

Chi dii 17:14

Ghə i zuu ballə Waa Nji zey. Waa njì zey i kee təm zə̂ kɔʼ ghə n təŋkey tə loʼ Mûkəbii tə̀ ghə mûkəbii adzəm, loʼ Kədəŋ tə̀ də̀ŋ wə udzəm. Ghə̂ ghey ghə i təmə dzəŋinə wi ni təm zə̂ wi, à i loʼ ghə̂ ghey tə â tɔŋɔnə, ghə̂ ghey tə â sàynə nsə ghə̂ ghey ghə dzûmənə wi n fə̀ŋ tə ghə tə tədzəm.”

Chi dii 19:16

Zəd i tii zə â tɔ̀ɔ doʼo n saŋ ə wi nsə n bey kə wi. Zəd i tii i loʼ nə à loʼ, “Dəŋ kə udəŋ nsə nə Mûkəbii tə ghə Mûkəbii adzəm.”