Roma 10:10 - Kaa n Kəzə̀ n fəghə mə

¹⁰ N dza sey n təŋkey, à loʼ bəghəm i fə̀ŋ zən wə khənə, i ghəŋŋənə nə̀ Zə̀ kə ney wɔ nə̀ wə loʼ tsətsəghə, à loʼ soʼo n dzuu zə wə dza shiə bənə nə̀ wə n bəghəm tə Klisto i ghəŋŋənə nə̀ Zə̀ kə bəghəshi wɔ.

Roma 10:10 ပူးပေါင်းရင်းမြစ်များ

Malakus 9:23

Yeso n dza tə̀ wi nə̀, “Wə bəb bə nə̀ ‘Abə n khənə jìi ə?’ Ghə i loʼ i way ni taw tsəghə wù wey tə khənə bəghəm i fə̀ŋ zə.”

Lukas 8:15

Tə tey tə â tsɔʼlə bənə n zub tə dzuŋu tə, à loʼ ghə̂ ghey ghə zownə ghɔɔmə i Kəzə̀ zə, ngɔɔmə naŋa n fə̀ŋ tə dzuŋu tə, zuŋə kwɔɔ keeli tsu wû i ghə, zə n məə bə tam u dzuŋu wə n muu i ghə.

Kəfwaʼ 8:37

[Filip n dza tə wi nə̀, “N loʼnu ni fuu wɔ n mmuu n Kəzə̀ mə abə wə bəghəmnə n fə̀ŋ zə idzəm.” Wù wey n dza ndow tə wi nə̀, “N bəghəmnu, mə n bəghəm nə̀ Yeso Klisto loʼ waa Kəzə̀.”]

Roma 10:11

I bɔɔmə loʼ tə̀ i tɔ̀ɔ doʼonə n màʼlə K-a-zə̀ nə̀, “Wù wey tə bəghəmnə tə wi, fə kə loʼ kə way kə ghəŋŋənə nə̀ tə dey uwû.”

Roma 10:9

I loʼ nə̀, abə wə loʼ ni dza shi bə n dzuu zə zə̀ nə̀, “Yeso loʼ Mûkəbii.” Bəghəm kɔʼ soʼo n fə̀ŋ zə nə̀ Zə̀ kə zhəm dzəŋŋə bə wi nə ivə, Zə̀ kə i bəghəshi wɔ.

Galeshia 2:16

Saa khənu nə̀, a way dzə laŋ wey wù naŋŋənə, u ghəŋŋənə nə̀ tə doʼo tsətsəghə n sə kə K-a-zə̀, à loʼ bəghəm i fə̀ŋ zən wù khənə n kow Yeso Klisto. À wey loʼ zuŋ key saa ghən saa loʼ nə ghə̂ a Təjuu ghə, saa â bəghəm tə Yeso Klisto sey nə̀ saa doʼo tsətsəghə n sə K-a-zə̀ n bam i bəghəm i fə̀ŋ zən saa khənə n kow wi, a way dzə n laŋ wey saa naŋŋənə. Isəŋə loʼ nə wù loʼ way dzə tə i doʼlənə tsətsəghə n sə K-a-zə̀ a dza tə naŋŋə laŋ wə inaʼ.

Filipi 3:9

mə i ndzəm loʼ nə kəfə kəmɔʼ ghi wi. N kəm dəmə way ni loʼ tsətsəghə n ngəŋ zuŋ nə̀ a dza n mə̀ tɔʼ naŋa laŋ kə Təjuu. N nya loʼ tsətsəghə bòʼ bəghəm i fə̀ŋ zən n khənə n kow Klisto. N doʼo bə tsətsəghə n jìi zey Zə̀ kə ləghənə bòʼ bəghəm i fə̀ŋ zuŋ.

Hibru 10:22

sey, saa khə ni ndow n səə Kəzə̀ n fə̀ŋ tə saa tə tədzəm, saa ndzəm bəghəm fuu soʼo tə̀ wi. Saa khə ni bə n səə wi nə̀ saa n sow maʼa moʼlə tə bəbə tən tə loʼnə n fə̀ŋ tə saa nə̀ tə i zow, sow maʼa soʼo wû i saa n mmuu n zow mə.

Hibru 3:12

Waazə ghə, ghaa ney ighə̂mə nə̀ kə wù ghaa u loʼ u nə keeli fə̀ŋ i bəbə zə tə̀ tə loʼ ni tuu ni bəghəm tə̀ Zə̀ kə. Wù wey tə khənə ndzoʼo fə̀ŋ zən, way dzə ni ndow n səə Zə̀ kən kə fuunə muu zə.

1 Jɔn 4:15

Abə wù dza nə̀ Yeso loʼ Waa Kəzə̀, tə sey muu nə kəfə kəmɔʼ ghi Zə̀ kə, Zə̀ kə a muu soʼo nə kəfə kəmɔʼ ghi wi.

Chi dii 2:13

N khənu luʼu key wə muunə tii. N khənu nə̀ wə muu n luʼu key Satan bəghə doʼonə tii. Wə təmi tən tsu kə n zəd zuŋ. Wə ka tuu maʼa dzə bəghəm i fə̀ŋ zən ghaa khənə n kow mə. N tsuʼu mən ghə â wey maʼanə Antipas wən tə â tɔʼ tiilə dzanə ghəə ghə bòʼ mə tə ghə̂ ghə n naʼ zə, wə n ka tsəm tuu maʼa mə.