Roma 1:9 - Kaa n Kəzə̀ n fəghə mə

⁹ Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.

Roma 1:9 ပူးပေါင်းရင်းမြစ်များ

Malakus 1:1

À wən loʼ nghee tə tûm i dzuŋu zə bòʼ Yeso Klisto, Waa Kəzə̀ â kaʼnə tii.

Lukas 18:1

Ambə n tsu fə loʼ fə, Yeso n dza tsu zəzəə fə fənkəfən fən tə dzûmə tə wi tə ni dii tə ghə nə ghə khə ni gɔŋŋə nəŋə tədzəm, buu doʼlə way.

Kəfwaʼ 12:5

Nghee Pita loʼnə n ndaw tsaʼ, dzûmə tə Klisto tə n kee loʼ kə ni gɔŋŋə tə Zə̀ kə n tow kə wi.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 24:14

N kee bəghəmnu n sə kə nə̀ n ngɔɔmə Zə̀ kə ghə bày bày a saa tə a loʼ wù wey tə dzûmənə jìi zey i loʼnə i Mûkəbii zə. À loʼ jii tii ghə̂ ghən tɔŋŋə nə̀ a loʼ uzəghə. N bəghəm soʼonu n ghəə ghən adzəm laŋ kə dii, nsə ghəə ghən tûm tə Kəzə̀ tə â tɔ̀ɔ naŋanə.

Kəfwaʼ 27:23

Tsəndəghə ə Zə̀ key kə khənə mə, Zə̀ key n ngɔɔmənə, mə bə n səə mə na n tsuʼu tə,

Kəfwaʼ 3:26

Ambə Zə̀ kə sày kɔʼnə wù kəfwaʼ a wi, tə n bùʼ tûm bə dzə wi n səə ghaa nə̀ tə bə buulə ghaa, tə ghəŋə nə̀ ghaa adzəm, ghaa kweyyə nuu bə n ghəə a ghaa a bəbə ghə.”

Roma 9:1

Ghəə ghən n dzanə, à loʼ isəŋə, n badla dzə way ghəə ghə n təŋkey n loʼ nə kəfə kəmɔʼ ghi Klisto. Zay kə Zow kən kə loʼnə n fə̀ŋ zuŋ tiilə dza bənu nə̀ n badla dzə way ghəə ghə.

2 Kɔrint 1:23

Zə̀ kə loʼ ni təmi tiilə bòʼ mə nə̀ n dza isəŋə nə̀ ghəə zey mə â doʼonə nə̀ n ka kəm bə n Kɔrint, â loʼ n təŋkey mə̀ â ləghə way ni tɔɔbə n kow ghaa.

2 Kɔrint 11:31

Zə̀ kə, tə loʼnə Bày Mûkəbii Yeso, kɔʼlə n loʼ tənnə tə̀ wi, khənu nə̀ n badla dzə way ghəə ghə.

Galeshia 1:20

Zə̀ kə khənu nə̀ ghəə ghən n tɔɔnə fa, a loʼ isəŋə, n badla dzə way ghəə ghə.

Efesus 6:18

Ghaa khə ni ghəŋŋə ghəə ghən, gɔŋŋə nəŋə tədzəm, nə təjìi tədzəm, nɔɔ ndow igaamə tə̀ Zə̀ kə, gɔŋŋə nəŋə tədzəm tə̀ Zay kə Zow kə fuunə ghaa n daʼa kə. Sey, ghaa khə ni tey tən n fuu zə, kə̂ ghaa nə̂ buu doʼlənə ni gɔŋŋə, gɔŋŋə tə̀ ghə̂ a Kəzə̀ adzəm.

Filipi 1:3

N fuu tsə kəzɔŋŋə tə̀ Zə̀ kuŋ kə nəŋə tədzəm abə n moʼlə tsunə ghaa.

Filipi 1:4

Nəŋə tədzəm abə n gɔŋŋənə tə̀ ghaa, mə n gɔŋŋə tənə n duʼlə zə n fə̀ŋ zuŋ.

Filipi 2:22

A kee bə Timoti, ghaa khənu nə̀ tə n dii fwaʼ kə wi kə, tə n fwaʼ ghi mə tə̀ waa nə̂ fwaʼanə ghi bày ni naʼa tûm i dzuŋu zən.

Filipi 3:3

Ghey loʼ ghə̂ ghey ghə loʼnə nə ghə n ndzəm səghə tyi u ghə wə, tɔŋɔ ghey ghən ghey ngɔɔmənə Zə̀ kə n daʼa kə kən Zay kə Zow kə fuunə tə ghey. Ghey gaʼ fə̀ŋ n fwaʼ kə Yeso Klisto, à way dzə fwaʼ kə wù sɔŋtsuʼ.

1 Tesalonika 1:2

Ghey gɔŋŋə zeeli tsə tə̀ ghaa adzəm, fuu kəzɔŋŋə tə̀ Zə̀ kə bòʼ ghaa nəŋə tədzəm.

1 Tesalonika 3:10

Ghey gɔŋŋə n fə̀ŋ tə ghey tə tədzəm n tsə̂ tə nsə n tsuʼu tə tə̀ Zə̀ kə nə̀ tə ghəŋə ghey kəm bə n səə ghaa, tə ghəŋə soʼo nə̀ ghey keeli jìi zey ghey loʼ ni ghəŋə nə̀ ghaa tɔʼ beyyə tsu n bəghəm i fə̀ŋ i ghaa.

1 Tesalonika 5:17

Ghaa i gɔŋŋə nəŋə tədzəm.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 1:3

N fuu kəzɔŋŋə tə Zə̀ kən n fwaʼanə tə wi n fə̀ŋ i zow zə ighələ tə ghə bày a bày ghuŋ ghə â ghəŋŋə tsənə. Nəŋə tədzəm abə n gɔŋŋənə, mə n gɔŋŋə soʼo n tow kə.

Filemun 1:4

N fuu kəzɔŋŋə nəŋə tədzəm bòʼ wɔ a Filemun abə n gɔŋŋənə tə Zə̀ kə.