Roma 1:7 - Kaa n Kəzə̀ n fəghə mə

⁷ N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Roma 1:7 ပူးပေါင်းရင်းမြစ်များ

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Tùm i dzuŋu zə kuum Yeso Klisto tə Jɔn â tɔɔnə 20:17

Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 9:13

Ananyas n beeli kɔʼ nə̀, “Mûkəbii, ndəmə aghə̂ ghə n dza ghəə ghə tə mə kuum wù wən nsə ndəmə tə aghəə tə bəbə tey tə ghəŋŋənə n kow ghə̂ a Kəzə̀ ghə n Yerosalem.

Roma 1:6

Ghaa ghə̂ a naʼ i Rom, ghaa loʼ soʼonu n taŋa ghə̂ ghey Zə̀ kə tɔŋɔnə nə̀ ghə doʼo dzûmə tə Yeso Klisto.

Roma 5:1

Nghee tə̀ Zə̀ kə neynə saa nə̀ saa loʼ tsətsəghə n sə kə wi n təŋkey saa bəghəm tə wi, saa kəm khə way chɔdwə ghi wi n bam i Mûkəbii saa Yeso Klisto.

Roma 5:5

Ləmə zən saa ləmmənə, way dzə ni doʼo kənunu n təŋkey, Zə̀ kə n kuu naŋa ləghə i wi zə n fə̀ŋ tə saa naʼidzəm n wû u Zay kə Zow key tə fuunə tə saa.

Roma 8:28

Saa khənu nə̀, Zə̀ kə ghəŋŋə nə̀ ghəə ghey adzəm a shiənə, a fwaʼ n ndzuŋ ə ghə̂ ghey ghə ləghənə wi. À wən loʼ saa ghən Zə̀ kə â tɔŋɔnə nə̀ saa ghəŋə ghəə ghey tə â bayyə naŋanə nə saa ghəŋə.

Roma 8:39

Abə a tsəm loʼ kə fə wey u loʼ idəŋ nkee u wey u loʼnə itən nkee fə wən Zə̀ kə bɔmnə fa n mbi udzəm, fə kə loʼ kə tsəm way dzə kə loʼnə ni dzawwə saa ghi ləghə zən Zə̀ kə khənə n kow saa ghən saa loʼnə nə kəfə kəmɔʼ ghi Mûkəbii saa Yeso Klisto.

Roma 9:25

Zə̀ kə dza n màʼlə kə Hosia nə̀, “Ghə̂ ghey ghə way ghə̂ ghuŋ, Mə i tɔŋŋə ghə nə̀ a loʼ ghə̂ ghuŋ Naʼ zey mə â buʼu ləghə tsə way, Mə i ləghə ghə naʼ idzəm.”

1 Kɔrint 1:24

A kee bə tə̀ ghə̂ ghən Zə̀ kə tɔŋɔnə nə̀ ghə keeli ibəghəshi, nə̀ à loʼ kə ghə̂ a Təjuu nkee ghə̂ ghən ghə way ghə̂ a Təjuu ghə, tûm tii loʼ nə̀, Zə̀ kə dii bə daʼa kə wi nsə tɔb u wi wə n bam i Yeso Klisto.

1 Kɔrint 16:23

N gɔŋŋə nə̀ Mûkəbii Yeso fuu ghaa n ndzuŋ ə wi.

2 Kɔrint 13:14

N gɔŋŋə nə̀ Mûkəbii Yeso Klisto fuu ghaa n ndzuŋ ə wi, nə̀ Zə̀ kə dii ghaa n ləghə i wi zə, Zay kə Zow kə i loʼ soʼo ghi ghaa adzəm.

Galeshia 6:18

Waazə ghə, gɔŋŋə zuŋ i loʼ nə̀, ndzuŋ ə Mûkəbii saa Yeso Klisto, zə i loʼ ghi ghaa adzəm. A may kə sey.

Efesus 1:2

N gɔŋŋə nə̀ Zə̀ kə, tə loʼnə Bày saa nsə Mûkəbii Yeso Klisto fuu ghaa n ndzuŋ nsə buulə.

Efesus 6:23

N gɔŋŋə nə̀ Zə̀ kən kə loʼnə bày saa nsə Mûkəbii ə saa Yeso Klisto, ghə fu ghaa n buulə zə, kə buulə soʼo ghə̂ a Kəzə̀ adzəm, kə ghəŋə nə̀ ghaa i ləghə wû i ghaa zə ghi bəghəm i fə̀ŋ zə.

Filipi 1:2

N nɔɔ ndow tə̀ Zə̀ kə tə loʼnə Bày saa nsə tə̀ Mûkəbii Yeso Klisto nə ghə fu ghaa n ndzuŋ nsə buulə zə.

Filipi 4:13

N loʼnu ni ghəŋə aghəə adzəm n daʼa key Klisto fuunə tə̀ mə.

Filipi 4:20

Saa fuu nkɔʼlə tə̀ Zə̀ kə tə loʼ Bày saa idəŋ nəŋə tədzəm tə̀ mbi nə bə may. Isəŋə!

Filipi 4:23

N gɔŋŋə nə̀ ndzuŋ ə Mûkəbii, tɔŋɔ Yeso Klisto, zə i loʼ ghi ghaa adzəm.

Kolose 1:2

N màʼlə kən tɔ̀ɔ bə tə ghə̂ a Kəzə̀ ghən ghə bəghəm nə tə Klisto n naʼ i Kolose. N gɔŋŋə nə̀, Zə̀ kə, tə loʼnə Bày saa, tə fuu ghaa n ndzuŋ nsə buulə zə.

Kolose 3:12

Zə̀ kə n sày ghaa nə ghaa doʼo ghə̂ a wi a zow ghən tə ngii ləghənə, sey, ghaa khə teeli khə sî i kwɔɔlə zə, fə̀ŋ i dzuŋu zə, zuŋ kə umwam, ni buulə nsə ni kow fə̀ŋ.

Kolose 3:15

Buulə zən Klisto fuunə tə ghaa, i bəghə doʼo n fə̀ŋ tə ghaa, n təŋkey, Zə̀ kə n ndzəm sày ghaa nə̀ ghaa doʼo nə kəfə kəmɔʼ, sey nə̀ ghaa loʼ ni keeli ndzoʼo buulə zən. Ghaa i fuu zɔŋŋə kə tə̀ Zə̀ kə nəŋə tədzəm.

1 Tesalonika 1:1

À maʼlə kən tɔ̀ɔ bə mə Pɔl. N tɔ̀ɔ dzəŋi ghi Silas nsə Timoti. Ghey tɔ̀ɔ bə tə̀ dzûmə tə Klisto tey n naʼ i Tesalonika. Ghaa loʼ ghə̂ a Kəzə̀, tə loʼnə Bày saa, loʼ soʼo bày tə̀ Mûkəbii Yeso Klisto. Ghey gɔŋŋə nə̀ Zə̀ kə mə̂ dii ghaa n fə̀ŋ ə wi i dzuŋu zə, tə ghəŋə soʼo nə̀ fə̀ŋ tə ghaa tə i loʼ nə ibuulə.

1 Tesalonika 1:3

Abə ghey gɔŋŋənə tə̀ Zə̀ kə tə loʼnə Bày saa, ghey n moʼlə bə fwaʼ key ghaa fwaʼanə bòʼ bəghəm i fə̀ŋ i ghaa, nsə ghəə a dzuŋu ghey ghaa ghəŋənə bòʼ ləghə zey ghaa khənə n wû i ghaa, ghaa n təmi taw soʼo bòʼ bəghəm i fə̀ŋ zey ghaa khənə n kow Mûkəbii ə saa Yeso Klisto.

1 Tesalonika 1:4

Waazə ghə, ghey khənu nə̀ Zə̀ kə ngii ləghənu ghaa, tə u sày kɔʼnə ghaa nə̀ ghaa doʼo ghə̂ a wi.

1 Tesalonika 4:7

I loʼ sey n təŋkey, Zə̀ kə ka tɔŋŋə dzə saa tə̀ a loʼ ghə̂ a wi nə̀ saa i ghəŋə ghəə a dzəə ghə. Tə tɔŋŋə saa nə̀ saa i muu muu zey i zownə.

1 Tesalonika 5:28

Ghey gɔŋŋə nə̀ Mûkəbii saa Yeso Klisto dii ghaa n fə̀ŋ ə wi i dzuŋu zə.

2 Tesalonika 1:2

N gɔŋŋə nə̀ Zə̀ kə, tə loʼnə Bày saa nsə Mûkəbii Yeso klisto dii ghaa n fə̀ŋ ə wi i dzuŋu zə, tə ghəŋə soʼo nə̀ fə̀ŋ tə ghaa tə i loʼ nə ibuulə.

2 Tesalonika 3:16

Ghey gɔŋŋə nə̀ Mûkəbii n wù u wi wə, tə loʼ wù wey tə fuunə buulə zə tə̀ ghə̂ a wi ghə, tə fuu ghaa n buulə zə nəŋə tədzəm. Ghey gɔŋŋə soʼo nə̀ Zə̀ kə i loʼ ghi ghaa.

2 Tesalonika 3:18

N gɔŋŋə nə̀ Mûkəbii saa Yeso Klisto dii fə̀ŋ ə wi i dzuŋu zə tə̀ ghaa adzəm.

1 Timoti 1:2

N màʼlə kən tɔ̀ɔ bə tə wɔ a Timoti, wə ndzəm loʼnə tə a loʼ waa wuŋ n təŋkey saa dzəŋi bəghəm tə Klisto. N gɔŋŋə nə̀ Zə̀ kə, tə loʼnə Bày saa nsə Yeso Klisto tə loʼnə mûkəbii saa, dii wɔ n ndzuŋ, tə dii wɔ n sî i kwɔɔlə zə, tə ghəŋə soʼo nə̀ wə i muu nə ibuulə.

1 Timoti 6:2

Kɔd wey ghə mûkəbii a ghə a loʼ nə̀ ghə n bəghəm fuu tə Klisto, khə way ni tsayyə ghə mûkəbii a ghə ghə a dza ghə bəghəm fuu tə Klisto tə a loʼ ghə. Ghə fəd khə ni ngii fwaʼa dzɔbə n təŋkey, ghə fwaʼa n tənə ghə̂ ghey ghə bəghəm fuunə tə Zə̀ kə tə a loʼ ghə, ghə a khə soʼo ləghə zə n kow ghə mûkəbii a ghə ghə. Wə khə ni teeli fuu ndow laŋ wən udzəm n dii kɔʼ bənə tə wɔ tə dzûmə tə Klisto tə, wə ghəŋə soʼo nə̀ ghə i dzûmə kɔʼɔ bə laŋ u tii wə.

2 Timoti 1:2

N màʼlə kən tɔ̀ɔ bə tə wɔ a Timoti, wə loʼnə waa wuŋ u tsuʼu wə. N gɔŋŋə nə̀ Zə̀ kə, tə loʼnə Bày saa nsə Yeso Klisto, tə loʼnə Mûkəbii saa, fuu wɔ n daʼa kə, tə keeli fə̀ŋ i dzuŋu zə n kow wɔ, tə ghəŋə soʼo nə̀ wə i muu nə ibuulə.

2 Timoti 4:22

N gɔŋŋə nə̀ Mûkəbii i loʼ ghi wɔ. N gɔŋŋə soʼo nə̀ ndzuŋ ə Kəzə̀ i loʼ ghi ghaa adzəm.

Taytus 1:4

N tɔ̀ɔ bə màʼlə kən tə̀ wɔ a Taytus, wə ndzəm loʼnə tə̀ a loʼ waa wuŋ u səŋi wə n təŋkey saa dzəŋi bəghəm tə̀ Klisto. N gɔŋŋə nə̀ Zə̀ kə, tə loʼ Bày nsə Yeso Klisto, tə loʼ Bəghəshi saa, dii wɔ n fə̀ŋ i dzuŋu zə, ghə fuu soʼo wɔ n buulə zə.

Filemun 1:25

N gɔŋŋə nə̀ Mûkəbii Yeso Klisto fuu ghaa n ndzuŋ.

Filemun 1:3

N gɔŋŋə nə̀, Zə̀ kə, tə loʼnə Bày saa nsə Mûkəbii ə saa Yeso Klisto, mə fuu ghaa ndzuŋ nsə buulə zə.

Jems 1:1

A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

1 Pita 1:15

Nghee i kee loʼ nə̀ wù wey tə tɔŋɔnə ghaa zownu, ghaa khə ni zow soʼo tə a loʼ wi n ghəə a ghaa a ghəŋŋə ghə adzəm

1 Jɔn 3:1

Koʼo na nghee tə̀ Bày ngii diinə ləghə i wi zə tii n kow saa. Tə n ghəŋə nə̀ ghə i tɔŋŋə saa nə̀ saa loʼ waa a Kəzə̀. Zə a ndzəm loʼ soʼonə nə̀ saa loʼ waa a Kəzə̀. Zuŋ key ghə̂ a mbi ghən koʼo keeli way saa loʼ nə̀ ghə khə way Zə̀ kə.

2 Jɔn 1:3

N gɔŋŋə nə̀, Zə̀ kə, Bày saa, ghi Waa wi Yeso Klisto mə fuu saa n buulə zə, nsə ndzuŋ ə wi, tə dii soʼo saa n sî i kwɔɔlə zə, sey nə̀ tə doʼo dzəŋi bə kə ghi saa, saa dzəŋi keeli isəŋə i loʼnə bòʼ Kəzə̀, saa i ləghə soʼo wû i saa zə.

Chi dii 2:1

Yeso Klisto n dza bə soʼo tə mə nə̀, “Tɔ̀ɔ tsu tə tsəndəghə ə Kəzə̀ zey i keyyənə dzəŋi kə dzûmə tə Klisto key n Efesus nə̀, wù wey tə khənə səghəbələ mə nsəghəmbəghə n wɔɔ kə wi kə zəə kə, bwey soʼo n fəŋŋə kə nyəllə u kədaa wən usəghəmbəghə nə̀ ghə faalə nə itsàa, dza nə̀,

Chi dii 2:12

Yeso n dza kpiʼi bə tə̀ mə nə̀, “Tɔ̀ɔ ndow tə̀ tsəndəghə zey i keyyənə dzəŋi kə dzûmə tə Klisto key n naʼ i Pegamum nə̀, wù wey tə khənə kɔb zey i tɔbənə badla təbəghə, dza nə̀,

Chi dii 2:18

Yeso n dza bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Tyatira nə̀, waa Kəzə̀ wən sə̂ a wi a baŋanə tə a loʼ uvəllə, fuu i wi zə u nyiəllənə tə a loʼ vuʼ kən ghə tsoʼlə tsunə, dza nə̀,

Chi dii 2:29

Wù wey tə khənə tuŋŋə wə, tə zow ghəə zey Zay K-a-zə̀ kə dza tə dzəŋi u dzûmə tə Klisto wə.”

Chi dii 2:8

Yeso n dza bə tə̀ mə nə̀, “Tɔ̀ɔ tsu tə tsəndəghə ə Kəzə̀ zey i keyyənə dzəŋi kə dzûmə tə Klisto key n naʼ i Smayna nə̀, wù wey tə loʼnə sə kə loʼ soʼo wù ibam, tə wey tə â kpunə, kəm doʼo dzəŋŋə bə utaw, dza nə̀,

Chi dii 22:21

N gɔŋŋə nə̀, Mûkəbii Yeso dii fə̀ŋ ə wi i dzuŋu zə tə̀ ghə̂ a Kəzə̀ ghə adzəm.

Chi dii 3:14

Yeso n dza kpiʼi bə tə̀ mə nə̀, “Tɔ̀ɔ ndow tə tsəndəghə ə Kəzə̀ zey i keyyənə dzəŋi kə dzûmə tə Klisto key n Lodishya nə̀, wù wey ghə tɔŋŋə nə̀ à loʼ Zə i loʼ sey, tə wey tə zownə tə̀ Zə̀ kə, dza soʼo isəŋə n ghəə a Kəzə̀, wù wey Zə̀ kə â dzəŋi kaʼ tsu ni bɔm ufə udzəm fa n mbi ghi wi, dza nə̀,

Chi dii 3:22

Wù wey tə khənə tuŋŋə wə, tə zow ghəə ghey Zay kə Zow kə dzanə tə dzəŋi u dzûmə tə Klisto wə.”

Chi dii 3:7

Yeso n dza bə tə̀ mə nə̀, “Tɔ̀ɔ ndow tə tsəndəghə zey i keyyənə dzəŋi kə dzûmə tə Klisto key n Filadefya nə̀, wù wey tə zow dza soʼo isəŋə, tə kwu keelinə chi kə fɔɔ Devid kə, wù wey abə tə chi naŋa kɔʼ fuʼ u ndaw wə, wù loʼ i way ni fìi, abə tə fìi naŋa tsunə, wù loʼ way ni chi, dza nə̀,