Roma 1:32 - Kaa n Kəzə̀ n fəghə mə

³² Ghə mgbaŋ khənu nə̀ laŋ K-a-zə̀ kə dza nə̀ ghə̂ ghən ghə ghəŋŋə ndzoʼo ghəə ghən, kpii ni kpu. Ghə u nam ndow kə n sə̂ kə ni ghəŋŋə ghəə ghən, təmə tawwə ndow soʼo ghə̂ a loʼ ghə nə ghə i ghəŋŋə soʼo ghəə a tii ghə.

Roma 1:32 ပူးပေါင်းရင်းမြစ်များ

Lukas 11:48

Sey ghaa təmi tiillə ghəə ghey ghə bày a ghaa ghə a ghəŋənə nə a dzɔbənu, tənkey, ghə a wey maʼa tûm tə Kəzə̀, ghaa u kee bɔmnə say tə ghə tə.

Kəfwaʼ 22:20

Nghee ghə â wey Sitifən wey tə â tiilə dza ghəə ghə ghə̀, mə â tey soʼonu fu, mə n bəghəm fu ndow nə̀ ghə wey wi. À loʼ mə, mə â keyyənə ndzə̂ tə ghə̂ ghey ghə â weynə wi.’

Kəfwaʼ 8:1

Sɔl â bəghəmnu n fə̀ŋ ə wi idzəm nə ghə wey Sətifən. Ni ney nuu tsu n tsuʼ fey ghə â weynə Sətifən tii, ghə n zey ni ngii chɔd ghə̂ a dzəŋi kə dzûmə tə Klisto n Yerosalem. Dzûmə tə Yeso tən tədzəm n saŋŋə nyi nuu ndow n naʼa tey n mboʼo Judeya nsə n Samaria. À n doʼo səə tsu kə ngəd tə Yeso fu tii n Yerosalem.

Roma 1:18

I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

Roma 1:21

Nghee ghə tsəm khə kənə nə̀ Zə̀ kə loʼnu, ghə ka wi ngɔɔmə dzə tə aloʼ Kəzə̀, nkee ni fuu zɔŋŋə kə wi n ghəə ghey tə ghəŋŋənə. Ghə fədlə keeli ndow moʼlə tə laʼlə tə, ghəŋŋə fə̀ŋ tə ghə tə a dzə doʼo tsunə tə̀ aloʼ kələm.

Roma 6:21

Ghaa â keeli naamə kə ghaa kə n ghəə a tii ghə, ghaa sə̀ loʼ nə̀ ghaa nya buʼu dədlə n tow kə n ghəə a tii ghə? Ghaa koʼo way nə̀ ghəə ghən adzəm a ney bə ivə ə?

Roma 6:23

I loʼ sey n təŋkey, fə̂ key wù keelinə abə tə ghəŋŋənə ghəə a bəbə ghə, loʼ ivə. Naamə key Zə̀ kə kee fuunə tə̀ wù wey tə loʼnə nə kəfə kəmɔʼ ghi Mûkəbii saa Yeso Klisto loʼ muu zən i nə may way.

2 Tesalonika 2:12

Ghəə ghən a ghəŋə nə̀ ghə̂ ghən adzəm ghə ka bəghəm isəŋə ghə i ghəŋə ghəə a dzəə ghə dza ghə sey zəə i wû. A wey loʼ ghəə i tii zə Zə̀ kə khənə ni chɔd ghə.