Roma 1:25 - Kaa n Kəzə̀ n fəghə mə

²⁵ Ghə ghəŋŋə ghəə ghən n təŋkey ghə n tuu ni bəghəm isəŋə zən i loʼnə bòʼ Kəzə̀, fədə bəghəm ghəə a badla ghə. Ghə fuu nkɔʼlə tə fə wən Zə̀ kə fwaʼ naŋanə, ngɔɔmə soʼo fə u tii wə, loʼ sey nə̀ ghə mə khə ni ghəŋŋə sey tə Zə̀ kən kə fwaʼnə fə wə udzəm fa n mbi. À loʼ kə tə wi saa khənə ni fuu kɔʼləmə nəŋə tədzəm. Zə i loʼ kə sey.

Roma 1:25 ပူးပေါင်းရင်းမြစ်များ

Matyo 10:37

Wù wey tə ləghənə bày wi nkee này wi tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ. Tə wey tə ləghənə waa wi ù nûm wə̀ nkee ù zən wə̀ tsəghəshi nghee tə ləghənə mə tii, ka kɔʼ kpii dzə̀ ni doʼo dzûmə wuŋ.

Matyo 6:24

“Wù kəfwaʼ way ni keeli dzə ghə mûkəbii abəghə nəŋə imɔʼ. Abə tə ghəŋənə sey, tə i ləghə umɔʼ, bàa u loʼ wey, nkee tə i ngii ngɔɔmə umɔʼ, koʼo kìi u loʼ wey. A loʼ soʼo ighələ nə̀, wù way ni ləghə Zə̀ kə, tə i ləghə soʼo khəə wə.”

Tùm i dzuŋu zə kuum Yeso Klisto tə Jɔn â tɔɔnə 2:8

Tə n dza ndòw tə̀ ghə nə̀, “Tey shi kɔʼ na nya, ghaa ndòw fuu ndow tə̀ wù wey tə laalənə ghəə ghən.” Ghə n ndòw fuu ndow soʼo.

Roma 1:18

I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

Roma 1:23

Ghə ney kɔʼlə mən ghə mə khənə ni fuu tə Zə̀ kən kə muunə nəŋə tədzəm, fədə fuu ndow tə mmuʼu mən ghə bɔmnə n wɔɔ, n fiilənə wù sɔŋtsuʼ, nnən, tənyam, nsə nyam tən tə siinə aghəd nə̀ fə u tii wə udzəm u kpuunu.

Roma 9:5

Ghə loʼ waa a waa ghə Abraham Ayzik nsə Yakɔb. Ghə â ji bə Klisto wən Zə̀ kə â dza naŋa nə̀ i tûm bənu n naʼ zə Izree tə a loʼ wù sɔŋtsuʼ. Tə loʼ Kəzə̀, à saʼa wi fə wə udzəm, saa ndzəm khə soʼo ni fuu wi n kɔʼləmə nəŋə tədzəm. Zə i loʼ sey.

2 Kɔrint 11:31

Zə̀ kə, tə loʼnə Bày Mûkəbii Yeso, kɔʼlə n loʼ tənnə tə̀ wi, khənu nə̀ n badla dzə way ghəə ghə.

Efesus 3:21

Kɔʼləmə i loʼ tə̀ wi n dzəŋi kə dzûmə tə Klisto, kɔʼlə mə i loʼ tə̀ wi n doʼo i saa ghi Yeso Klisto num tə num, tə̀ mbi nə bə may! Zə i loʼ sey.

1 Tesalonika 1:9

N dza sey n təŋkey, luʼu tədzəm, ghə tiilə dza kaabənu jìi zey ghaa â kpii neynə ghey tii. Ghə a tiillə dza soʼonə nghee tə̀ ghaa tuu maʼanə ni kəm ngɔɔmə muʼu mə tii, kaʼ ndow ni ngɔɔmə Zə̀ kən kə ndzəm loʼnə Zə̀ kə, loʼ soʼo utaw.

1 Timoti 1:11

Dii zən bəghəm dzəŋi ghi tûm i dzuŋu zən Zə̀ kə â fuu naŋa tə mə nə̀ n naʼa. À wən loʼ tûm i dzuŋu zən, i nuu bənə n wɔ Zə̀ kən kə khənə daʼa kə, ghə̂ fuunə wi n kɔʼləmə.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

2 Timoti 3:4

ghə nə fìilə fuu shiə ghə̂ ghə, ghəŋŋə zɔ̀ʼ tə aghəə, ghə nə khə nə̀ a bɔɔmə may kə ghə, ghə nə ləghə ghəə ghən a dzɔbənə tə ghə, kee ləghə way Zə̀ kə,

1 Jɔn 5:20

Ghey khənu nə̀ waa Kəzə̀ n bə, tə u fuunə ghey n zowkeeli zə, nə̀ ghey keeli Zə̀ kən kə loʼ nə isəŋə. Saa loʼ nə kəfə kəmɔʼ ghi Zə̀ kən kə loʼnə isəŋə nghee saa loʼnə nə kəfə kəmɔʼ ghi waa wi Yeso Klisto. À wən loʼ Zə̀ kən kə loʼnə isəŋə kə fuu soʼonə saa n muu zə itsali zə.