Roma 1:23 - Kaa n Kəzə̀ n fəghə mə

²³ Ghə ney kɔʼlə mən ghə mə khənə ni fuu tə Zə̀ kən kə muunə nəŋə tədzəm, fədə fuu ndow tə mmuʼu mən ghə bɔmnə n wɔɔ, n fiilənə wù sɔŋtsuʼ, nnən, tənyam, nsə nyam tən tə siinə aghəd nə̀ fə u tii wə udzəm u kpuunu.

Roma 1:23 ပူးပေါင်းရင်းမြစ်များ

Kəfwaʼ 10:12

N fə kə tii kə, nyam tən tədzəm tə bweynə, tə tən tə ghaŋŋənə, nsə nən mən n zəʼlə idəŋ n loʼ tii.

Kəfwaʼ 17:29

Nghee tə saa loʼnə waa a Kəzə̀, saa khə dzə way ni moʼlə nə̀ Zə̀ kə loʼ fəmuʼu wù sɔŋtsuʼ moʼlə tsunə, fwaʼ shi kɔʼnə wɔɔ a wi nə itsaa, tsâa zə ishɔ̀lɔ̀ nkee itay.

Roma 1:25

Ghə ghəŋŋə ghəə ghən n təŋkey ghə n tuu ni bəghəm isəŋə zən i loʼnə bòʼ Kəzə̀, fədə bəghəm ghəə a badla ghə. Ghə fuu nkɔʼlə tə fə wən Zə̀ kə fwaʼ naŋanə, ngɔɔmə soʼo fə u tii wə, loʼ sey nə̀ ghə mə khə ni ghəŋŋə sey tə Zə̀ kən kə fwaʼnə fə wə udzəm fa n mbi. À loʼ kə tə wi saa khənə ni fuu kɔʼləmə nəŋə tədzəm. Zə i loʼ kə sey.

1 Kɔrint 12:2

Ghaa mgbaŋ khənu nə̀ n nəŋə zey ghaa â loʼnə nə̀ ghaa kam bəghəm way tə̀ Zə̀ kə, ghə mâ ghaa sìi ndzəŋŋə n ndəmə tə təjìi, nə̀ ghaa i ngɔɔmə muʼu mə nə̀ n ghɔɔmə way.

1 Pita 4:3

Ghaa n ngii bəəbə kɔʼ bə nəŋə zə ni ghəŋŋə ghey ghə̂ ghən ghə khə way Zə̀ kə ləghənə ni ghəŋŋə. Ghaa muu kɔʼ bə muu i ghaa ni ghəŋŋə dzəə dzəə tə aghəə tə, shiə n sə ghə n kow gheyzən ghə, məə khəə kaabə tsə nlə, ngii zəə kaabə tsə uzə̂, məə kɔʼɔ nlə bwey buʼlə kaabə tsə nbɔŋ, ngɔɔmə soʼo mmuʼu nə̀ Zə̀ kə n bàa tən.

Chi dii 9:20

Taŋ aghə̂ ghən ghə â doʼo səə nə̀ ghə ka kpu n zəŋ tən, n ka tsəm kwey fə̀ŋ tə ghə ni ngɔɔmə muʼu mən ghə faalə kɔʼnə. Ghə n ka buu doʼo soʼo ni ngɔɔmə avəətsəə nsə muʼu mən ghə bɔm kɔʼ nə itsàa, tsâa zə shɔlɔ, tsâa i kəbwu, nə atay nsə muʼu mən ghə kɔm kɔʼ nə nkaʼ. Fə wən udzəm koʼo way sə̂ ghə, zow soʼo way tuŋŋə wə, bwey soʼo way.