Roma 1:20 - Kaa n Kəzə̀ n fəghə mə

²⁰ I loʼ sey n təŋkey, ni ney nuu bə tə mbi a kaʼnə, Zə̀ kə n ghəŋŋə nə̀ ghə̂ a keeli nə̀ tə loʼ Kəzə̀ n ghəə ghey tə̀ ghəŋŋənə. Ghə̂ ghə n koʼ soʼo daʼa kə wi kən kə doʼo tənnə. Tə n dii soʼo wû u wi wə n fə wey tə bɔmnə. Sey, ji i loʼ i way dzə tə̀ ghə ni dza nə̀ ghə khə way nə̀ Zə̀ kə loʼnu.

Roma 1:20 ပူးပေါင်းရင်းမြစ်များ

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Malakus 10:6

A kee loʼ nə̀, tə mbi a nə kaʼnə, nəŋə zey Zə̀ kə â bɔmnə mbi nə, I tɔ̀ɔ doʼo n màʼlə K-a-zə̀ nə̀ ‘Zə̀ kə a ghəŋə ghə weyzən ghi weynum.’

Tùm i dzuŋu zə kuum Yeso Klisto tə Jɔn â tɔɔnə 1:18

Wù loʼ ka kam kòʼ koʼ Zə̀ kə, a loʼ kə sɔʼi fə Waa wi wən tə loʼnə n səə Bày, tə dii bənə wi tə̀ saa.

Tùm i dzuŋu zə kuum Yeso Klisto tə Jɔn â tɔɔnə 15:22

Abə mə â ka bə ghɔɔmə aghəə tə̀ ghə, tə ghə mə khə way bəb i loʼ zə, a sə nya fa loʼ kə nə̀ ghə kəm way ni tuu nə̀ ghə ka bəb i loʼ i ghəŋə.

Kəfwaʼ 17:29

Nghee tə saa loʼnə waa a Kəzə̀, saa khə dzə way ni moʼlə nə̀ Zə̀ kə loʼ fəmuʼu wù sɔŋtsuʼ moʼlə tsunə, fwaʼ shi kɔʼnə wɔɔ a wi nə itsaa, tsâa zə ishɔ̀lɔ̀ nkee itay.

Kəfwaʼ 22:1

Pɔl n dza tə nɔɔ kə aghə̂ key nə̀, “Waazə ghuŋ ghə, ghə bày wuŋ ghə, ghaa zəllə n na tə n tiilə dza bə tə ghaa nə̀ n ka ghəŋə dzə ghə i bəbə i loʼ zə.”

Roma 1:19

Zuŋ key Zə̀ kə chi diinə nəghə u wi u fəə wə loʼ nə, tə n ghəŋə nə̀ ghə̂ ghə a keeli wi n təŋkey, tə n wû u wi dii tə ghə̂ ghə adzəm.

Roma 16:26

Zə̀ kə n chi dii bə ghə i tii zə tə saa nya, saa u loʼ soʼo ni koʼ aghəə nghee tə tûm tə Kəzə̀ tə â tɔɔ naŋa zeynə. Zə̀ kən kə loʼnə nəŋə tədzəm n ghəŋə nə̀ ghə̂ a naʼa tə mbi tədzəm a keeli ghə i tii zə, sey nə̀, ghə i loʼ ni bəghəm tə̀ Klisto, ghə i zow soʼo tə wi.

Roma 2:1

Wɔ wey wə tɔʼɔ sɔʼɔnə wɔ kə tə̀ ghə̂ aloʼ ghə nə ghə ghəŋə ghəə a bəbəghə, keelitsu nə̀ jii i loʼ i tsəm way dzə wə loʼ ni dza nə̀ wɔɔ ghə a zownu, abə wə tsəm loʼ kə ndee, n təŋkey, abə wə saʼanə ghə̂ ghə a dza ghə ghəŋŋə ghəə a bəbə ghə, nə̀ wə ghəŋŋə soʼo ghəə a tii, wə sey saʼa soʼo wû wə.

Roma 2:15

Ghəə ghey ghə ghəŋŋənə dii bənu nə̀ ghəə ghey laŋ kə diinə, loʼnu n fə̀ŋ tə ghə. Fə̀ŋ tə ghə tə dii soʼonu nə̀ ghə khənu laŋ K-a-zə̀ kə n təŋkey, fə̀ŋ tə ghə tə diinu n nəŋə zey ghə ghəŋə dzɔb tsunə, tə n dii soʼo n nəŋə zey ghə ghəŋə bəəbə tsunə.

1 Kɔrint 1:20

Sey, ghə̂ ghey ghə moʼlə nə̀ ghə tɔbənu, ghə loʼ ghee? Ghə̂ a dii a kəlaŋ ghə, ghə loʼ ghee? Ghə̂ ghey ghə dza nə̀ ghə tɔʼ khə ni khəə ghəə ghə, ghə loʼ ghee? Zə̀ kə n mgbaŋ dii nə̀ tɔb wən ghə̂ a mbi a moʼlə nə̀ ghə khənu loʼ ilaʼlə.

Kolose 1:15

Klisto loʼ fiilə K-a-zə̀ nə aghəə adzəm, tɔŋŋə Zə̀ kən a koʼo way. Tə Zə̀ kə ni bɔm mbi, à n loʼ nə waa wi loʼ zeynu, tə u loʼ nə tow kə n fə u mbi udzəm.

Kolose 2:9

N təŋkey a may tsu kə n muu i Klisto tə a loʼ wù sɔŋtsuʼ a koʼonə muu i Kəzə̀ zə idzəm.

1 Timoti 1:17

N gɔŋŋə nə̀ ghə̂ a mə fuu ngɔɔmə zə nsə kɔʼləmə tə Zə̀ kə nəŋə tədzəm. Tə loʼ də̀ŋ kən kə loʼnə nya, loʼ nə tənəŋə tədzəm, də̀ŋ key kə kpuu koʼo tsə way, kə key wù loʼ ka kam koʼ koʼ tsə. A may kə wi tə mbi nə bə may. Zə i loʼ sey.

1 Timoti 6:16

À may kə wi tə nə kpu koʼ way. Tə muu n luʼu key daa kə baŋanə fuu n jìi zey wù sɔŋtsuʼ way ni koʼ wi. Wù loʼ way tə koʼ koʼ tsənə wi nkee tə nə koʼonə wi. Nkɔʼlə ndzəm nsə daʼa kə i loʼ tə wi tə mbi nə bə may. A may kə sey.

Hibru 11:27

À loʼ bəghəm i fə̀ŋ zə â ghəŋənə nə̀ Mushi tyi nuu shi bə n naʼ zə Ijip nə̀ tə tsəŋə way nə̀ də̀ŋ kə Ijip kə i fəələnu n nəghə wə ghi wi. Tə n kow fə̀ŋ, ndow kə n sə kə ni tyi shi n təŋkey, tə â naŋa ndow kə isə n kow Zə key a koʼo way.

Hibru 9:14

Abə ghə â loʼ ni sow maʼa ghəə a ghə̂ a bəbə ghə n ghəə ghən ghə â ghəŋŋənə, zə i boʼo doʼlə ngee ghi Klisto wən tə â fuunə wû u wi wə tə̀ a loʼ umaʼlə tə̀ Zə̀ kə n tow u saa. Tə â ghəŋə ghəə ghən n bam i Zay kə Zow kən kə loʼnə nəŋə tədzəm. Kaŋ tə wi tə sow maʼa fə̀ŋ tə saa n ghəə a bəbə ghən saa ghəŋŋənə nə̀ a ney bə ivə n kôw saa. Sey, saa khə ni fwaʼa kə tə̀ Zə̀ kən kə fuunə muu zə.