Roma 1:18 - Kaa n Kəzə̀ n fəghə mə

¹⁸ I loʼ nə̀, Zə̀ kə n dii tsu bə nəghə u wi u fəə wə n kow ghə̂ ghey adzəm ghə tuunə ni bəghəm tə wi nsə ghə̂ ghey ghə ghəŋŋənə ghəə a bəbə ghə fa mbi n təŋkey ghə tsəllə naŋa isəŋə n ghəə a bəbə ghey ghə ghəŋŋənə.

Roma 1:18 ပူးပေါင်းရင်းမြစ်များ

Roma 1:19

Zuŋ key Zə̀ kə chi diinə nəghə u wi u fəə wə loʼ nə, tə n ghəŋə nə̀ ghə̂ ghə a keeli wi n təŋkey, tə n wû u wi dii tə ghə̂ ghə adzəm.

Roma 1:28

Nghee ghə kii maʼanə ghəə a Kəzə̀ ghə, Zə̀ kə n zəghə maʼa ghə nə̀ ghə i ghəŋŋə ndow ghəə ghə n jii zey moʼlə tə ghə tə bɔɔ doʼonə tii. À wey loʼ ghə i tii zə ghə ghəŋŋənə ghəə ghey a ka kpii tə̀ wù ni ghəŋə.

Roma 1:32

Ghə mgbaŋ khənu nə̀ laŋ K-a-zə̀ kə dza nə̀ ghə̂ ghən ghə ghəŋŋə ndzoʼo ghəə ghən, kpii ni kpu. Ghə u nam ndow kə n sə̂ kə ni ghəŋŋə ghəə ghən, təmə tawwə ndow soʼo ghə̂ a loʼ ghə nə ghə i ghəŋŋə soʼo ghəə a tii ghə.

Roma 2:3

Wɔ wən wə saʼanə ghə̂ a loʼ ghə, loʼ sey nə̀ wə ghəŋŋə soʼo ndzoʼo ghəə a tii ghə, wə kee moʼlə nə̀ wə i nɔbə shiə ngee, abə Zə̀ kə i saʼanə ghə̂ ghə ə?

Roma 3:9

Saa loʼ ni dza tsu nə ngee nya a? Saa moʼlə nə̀ saa ghə̂ a Təjuu, saa loʼnu tsətsəghə n sə K-a-zə̀ tsəghəshi ghə̂ ghey ghə way ghə̂ a Təjuu ə? Ngaŋ! Mə n khə dii nə̀ saa ghə̂ a Təjuu nsə ghə̂ ghey ghə way ghə̂ a Təjuu ghə, saa dzəŋi khə təmoʼlə ni ghəŋŋə ghəə a bəbə ghə nəŋə tədzəm.

Roma 4:15

I loʼ sey n təŋkey, luʼu key laŋ kə loʼnə tii, Zə̀ kə n dii nəghə u wi fəə wə n kow ghə̂ ghey ghə bwuulə maʼanə laŋ kə tii kə. Luʼu key laŋ kə way, wù way dzə ni zow nə̀ wù bwu kəlaŋ fu.

Roma 5:6

Zə̀ kə â bɔɔmə tûm bə Klisto n nəŋə zey saa â ngəmsə khə way jii i loʼ zə ni bəghəshi wû i saa, nə̀ tə bə kpu n tow u ghə̂ a bəbə ghə.

Roma 5:9

Abə kaŋ tə Klisto tə loʼ ni ghəŋə nə̀ saa doʼo tsətsəghə n sə K-a-zə̀, i sey dii nə̀ tə i teeli bəghəshiə soʼonu saa nə̀ kə Zə̀ kə nə chɔdlɔnə saa.

Roma 6:13

Kə ghaa nə̂ bəghəmnə nə̀ bad kə uwû kə ghaa kə loʼ kə ghəŋŋə nə̀ ghaa i ghəŋŋə ghəə ghey a kpiilə way. Ghaa fəd khə ni fuu nyi may ndow wû i ghaa tə̀ Zə̀ kə tə a loʼ ghə̂ ghey tə bəghəshi bənə ghə nə̀ ivə, fuu ghə n muu i fəghə zə. Ghaa fuu may ndow soʼo wû i ghaa tə Zə̀ kə tə̀ tə loʼ ni ghəŋə nə̀ ghaa i fwaʼa ndow ghəə ghey a loʼnə tsətsəghə n sə kə wi.

Efesus 5:6

Kə wù i nəb ghaa n ghɔɔmə i zum zə nə̀ Zə̀ kə i chɔd way ghə̂ ghey ghə ghəŋŋənə ndzoʼo ghəə ghən, n təŋkey, Zə̀ kə î chɔdlɔnu ghə̂ ghey ghə naŋŋə way laŋ u wi wə.

Kolose 3:6

À loʼ bòʼ ghəə ghən Zə̀ kə i zàa maʼanə mbow fə wi fə n kow ghə̂ ghən ghə zow way tə wi.

2 Tesalonika 2:10

Tə i ghəŋə ndəmə ghəə a bəbə ghə ni sii ndzəŋ ghə̂ ghən ghə loʼnə tə̀ a loʼ ghə̂ a kpu ghə tə̀ Zə̀ kə n təŋkey ghə ləghə way ni gaʼ fəŋ n ghəə i loʼ isəŋə sey nə̀ ghə keeli ibəghəshi.

2 Tesalonika 2:6

Nya, ghaa khənu fə̂ key kə kwɔɔ naŋanə wi nə̀ tə ka bə. A sey loʼ ni ghəŋə tsu nə̀ tə i bə kə abə nəŋə i kpii tsunə.