Roma 1:13 - Kaa n Kəzə̀ n fəghə mə

¹³ Waazə ghə, n ləghə nə̀ ghaa keeli tsu nə̀, mə n bayyə naŋa wû wə ndəmə tənəŋə ni bə taa n səə ghaa, à kee loʼ nə̀, nəŋə tədzəm abə n bayyə tsunə wû wə ni bə, ghə i loʼ zə maŋ bə təʼlə maʼa kɔʼ mə. Ghə i tii i loʼ nə, n ləghə ni bə fwaʼ soʼo n fəŋŋə kə ghaa ni ghəŋə nə̀ ghə̂ a loʼ ghə a doʼo bə dzûmə tə̀ klisto, ighələ tə n ghəŋənə n naʼa tə loʼ tən ghə way ghə̂ a Təjuu.

Roma 1:13 ပူးပေါင်းရင်းမြစ်များ

Tùm i dzuŋu zə kuum Yeso Klisto tə Jɔn â tɔɔnə 12:24

N dza bə isəŋə tə ghaa nə̀, abə sə̂ i səb i ka nyi tsu nə təzub, i kpu tsu, zə doʼlə kə sə̂ i səb. Abə i kee kpu tsunə, zə i fòw kɔʼ, i nyim kɔʼ, i bɔŋ bə ndəmə sə̂ asəb.

Tùm i dzuŋu zə kuum Yeso Klisto tə Jɔn â tɔɔnə 15:16

A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.

Tùm i dzuŋu zə kuum Yeso Klisto tə Jɔn â tɔɔnə 4:36

Ghə tsəə dzɔbənu wù wey tə kpey fənənə fəzəə wə, fəzəə wey ghə ney fənə bənə loʼ aghə̂ ghə ney bənə n muu zə itsali. Sey nə̀, wù wey tə zəghə naŋanə nsə wù wey tə kpey fənənə, ghə i duʼlə dzəŋi.

Kəfwaʼ 1:15

N tsuʼ fə loʼ fə n tsuʼu mən ghə â dzəŋi doʼonə, ghə̂ ghən ghə bəghəm nə tə Yeso n loʼ fu tə a loʼ aghə̂ fəbɔm nsə ghə̂ ghə nghəm n bəghə. Pita n nuu təmi kɔʼ n fəŋŋə kə ghə, ghɔɔmə ndow tə ghə.

Kəfwaʼ 14:27

Ambə ghə dzəŋŋə bənə n naʼ i Antyɔk, ghə n zuŋŋə naŋa bə dzûmə tə Klisto tədzəm, tiilə dza ndow jìi zey Zə̀ kə fwaʼnə tii ghi ghə, nsə nghee tə chinə jii nə ghə̂ ghey ghə way ghə̂ a Təjuu ghə̀ bəghəm soʼo tə̀ Yeso.

Kəfwaʼ 15:12

Ambə Pɔl nsə Banabas kaʼ tsu ni ghɔɔmə, ghə̂ ghey ghə â adzəm n nuu fuŋ doʼo tsu mɔŋ. Ghə tiilə kɔʼ ndow nghee tə Zə̀ kə ghəŋə nə̀ ghə ghəŋə ndəmə ghəə a faalə ghə nsə ghəə a zum ghə idzuu ghə n fəŋŋə kə ghə̂ ghən ghə way ghə̂ a Təjuu.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 21:19

Pɔl n tɔŋɔ zow tsu ghə, tiilə dza kɔʼ ndow ghəə ghey Zə̀ kə ghəŋŋənə n kow ghə̂ ghey ghə way ghə̂ a Təjuu ghə n bam i fwaʼ kə wi.

Kəfwaʼ 28:14

Ghey n bə koʼ bə dzûmə tə Klisto tə loʼ tə fu, ghə n dza nə̀ ghey muu doʼo tsu iwən ghi ghə. À wən loʼ nghee ghey â bweynə tii ni bə nyi n naʼ i Rom.

Roma 1:12

N ləghə ni bə n səə ghaa sey nə̀, mə i loʼ ni təm tawwə ghaa n bəghəm i fə̀ŋ i ghaa, ghaa i mbɔŋ təm tawwə bə soʼo mə n bəghəm i fə̀ŋ zuŋ.

Roma 11:25

Waazə ghə, isəŋə i loʼ i loʼnu i nyi doʼonə, n ləghə nə̀ ghaa keeli tsu, zə i ghəŋŋənə ghaa, ghaa i kɔʼlə way wû zə nə̀ ghaa tɔbənu. I loʼ nə̀ ghə̂ ghə Izree ghə i taw doʼo tən dzə way n tow kə. Nəŋə i bəghənu, ghə̂ ghən adzəm Zə̀ kə sàynə nə̀ à way ghə̂ a Təjuu i bəghəmnə tə̀ Klisto, ghə̂ Təjuu ghə i təmdzəŋi bə soʼo ghə.

Roma 7:1

Waazə ghuŋ ghə, ghaa məghənu ghəə ghey laŋ kə dzanə? Ghaa məghənu nə̀ laŋ kə khə kə kədaʼa n kow wù n nəŋə zey tə nam loʼnə utaw ə?

1 Kɔrint 1:10

Waazə ghə, n buʼu bə kəwɔɔ tə̀ ghaa n zəd i Mûkəbii saa Yeso Klisto nə̀ ghaa adzəm, ghaa i loʼ n dzə̂ imɔʼ, kə̂ ghaa nə dzawwə doʼo soʼonə n wû i ghaa. Ghaa khə ni fəd loʼ nə kəfə kəmɔʼ n fə̀ŋ tə ghaa tədzəm nsə n moʼlə tə ghaa tədzəm.

1 Kɔrint 10:1

Waazə ghə, n ləghə ni zə̀ŋŋə bə ghaa n ghəə ghey ghə â shinə ghi ghə bày bày a saa ghə n nəŋə zey ghə â loʼnə ghi Mushi. Ghə â dzəŋi loʼ n tənə mbaʼ tey tə â keyyənə ghə adzəm, ghə n dzəŋi daŋ shi kɔʼ soʼo naali kə dzuu nə aghow.

1 Kɔrint 12:1

Waazə ghuŋ ghə, n dza n ghɔɔmə bə tə̀ ghaa nyisa n ghəə ghey ghaa â bəb bənə tə̀ mə kuum naamə wən Zay kə Zow kə fuunə tə̀ ghə̂ ghə. N ləghə nə̀ ghaa tɔʼ keeli tsu isəŋə n ghə i zən.

1 Kɔrint 14:20

Waazə ghə, kə ghaa nə moʼlə nə̀ ghəə ghə tə̀ a loʼ aghinətəghə. Abə i bənə ni ghəŋə ghəə a bəbə ghə, ghaa khə ni loʼ tə a loʼ aghinətəghə. A kee bə n jìi zey ghaa zowkeelinə ghəə ghə tii, ghaa khə ni loʼ tə a loʼ agheynyim.

1 Kɔrint 14:26

Waazə ghə, na n dza bə ghəə ghey a kpiinə tə̀ ghaa ni ghəŋə abə ghaa təmdzəŋi bənə ni ngɔɔmə Kəzə̀. Abə ghaa təmdzəŋi bənə ni ngɔɔmə Kəzə̀, wù loʼ loʼ ni khə ni zhim ghəə ghə, wù loʼ i loʼ ni tsə̀ə ghə̂ ghə, wù loʼ i loʼ ni chi dii bə aghəə tə̀ Zə̀ kə fuu bənə tə̀ wi, wù loʼ i loʼ ni ghɔɔmə n ghɔɔmə zə inaʼ i nuu zə, wù loʼ i kee loʼ ni tiilə dza bə ghəə ghən wù wən dzanə n ghɔɔmə tə naʼa tə nuu tə. Ghə̂ ghən adzəm khə ni ghəŋŋə ghəə ghən adzəm n jìi zey zə i bəghə kɔʼɔ bənə dzəŋi kə dzûmə tə Klisto kə.

1 Kɔrint 9:2

Abə ghə̂ a nuu a moʼlə kə nə̀ n way ngəd ə Yeso, n khənu nə̀ ghaa kee khənu nə̀ n loʼ ngəd ə Yeso, n təŋkey, nghee ghaa loʼnə nə kəfə kəmɔʼ ghi Klisto dii bənu nə̀ n loʼ ngəd.

2 Kɔrint 1:8

Waazə ghə, ghey ləghə nə̀ ghaa zowkeeli ndzoʼo chɔd mey ghey a koʼnə n mbuʼu Eshya. Ghəə â tii a ma tsəghəshi daʼa kə ghey kə, ghey n kəm way ni kow fə̀ŋ. Ghey a nya moʼlə kə nə̀ ghey maŋ loʼ fə wə ivə.

2 Kɔrint 2:14

Saa kee fuu kə kəzɔŋŋə tə̀ Zə̀ kə n təŋkey, abə saa loʼnə nə kəfə kəmɔʼ ghi Klisto nəŋə tədzəm, Zə̀ kə n sìi bwey kaabə tsə ghi saa tə a loʼ ghə̂ ghey ghə təm zə̂nə tsam n zəd i Klisto. Zə̀ kə ney saa ni ghəŋə nə̀ ghə̂ a keeli Klisto nə təluʼu tədzəm n tûm zey ghey naʼlə kaabənə. Tum tii loʼ tə̀ a loʼ zuʼ tə dzuŋu tə, tə ləmmənə dzɔbənə nə təluʼu tədzəm.

Galeshia 3:15

Waazə ghə, ney kɔʼ na n muu zən saa muu nə a tii tsuʼ ndzəm. Abə aghə̂ a bəghə a bəghəm dzəŋi kɔʼnə nə ighəə, zə̂ kɔʼ nkaa tii, wù loʼ way ni tuu maʼa nkee ni kuu kpiʼi ghə i loʼ zə tii.

Galeshia 6:18

Waazə ghə, gɔŋŋə zuŋ i loʼ nə̀, ndzuŋ ə Mûkəbii saa Yeso Klisto, zə i loʼ ghi ghaa adzəm. A may kə sey.

Filipi 1:22

Abə n kee nam muunə fa mbi, n loʼ ni nam fwaʼ fwaʼ kə nii kə. Sey n way ni dza ghəə zey mə i sàynə.

Filipi 4:17

N ghəə ghən dza dzə way nə̀ ghaa i fuu bə mə n fə wə, n fədlə ləghə nə̀ ghaa i keeli kɔʼɔ ndow naamə kə n mwam u dzuŋu wey ghaa khənə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

Kolose 1:6

Tûm i dzuŋu zən zaamə n fəŋŋə kə ghaa tə i zaamə nə n mbi idzəm, ni ney nuu bə n tsuʼ fey ghə â naʼa tûm i dzuŋu zə tə ghaa, ghaa n zow, ndzəm zowkeeli tsu ndzuŋ zən Zə̀ kə khənə n kow ghaa.

1 Tesalonika 2:18

Ghey â ndzəm ləghənu ni bə koʼ ghaa. Wû wuŋ Pɔl, n mâ ndzəm n ndəmə tənəŋə ni bə koʼ ghaa, à kee Satan tə̀ʼlə̀ maʼanu.

1 Tesalonika 4:13

Waazə ghə, ghey ləghə nə̀ ghaa keeli tsu isəŋə bòʼ dzûmə tə̀ Klisto tən tə kpu dzənə, sey nə̀ kə ghaa i mow, tə a loʼ ghə̂ ghey ghə ləmmə way fə kə n wɔ Zə̀ kə.

2 Tesalonika 2:7

N dza sey n təŋkey ghəə nyiə doʼo ghey wù tii î ghəŋənə n kaʼ ni shi. A kee loʼ nə̀ ghəə ghən a dza tsunə fa î ney dzə way bənə kə a may kə nə̀ ghə n ney nuu wù wən tə kwɔɔ naŋanə ghəə a tii ghə nə̀ a ka shi.

2 Timoti 4:17

A kee loʼ nə̀ Mûkəbii â loʼ ghi mə, tə n fuu mə n daʼa kə nə̀ mə i loʼ ni naʼa may tûm i dzuŋu zə tə ghə̂ ghən adzəm ghə way ghə̂ a Təjuu ghə. Zə̀ kə sey bəghəshinu mə n wɔɔ kə ivə.