Roma 1:11 - Kaa n Kəzə̀ n fəghə mə

¹¹ Zuŋ key n mbuŋənə ni bə n səə ghaa loʼnə mə i loʼ ni kuu fəŋ tə ghaa n naamə kən Zay kə Zow kə fuunə tə mə ni ghəŋə nə̀ bəghəm i fə̀ŋ i ghaa zə i taw.

Roma 1:11 ပူးပေါင်းရင်းမြစ်များ

Kəfwaʼ 16:5

Ghəə ghən n ghəŋə nə̀ dzəŋi u ghə̂ ghey ghə bəghəmnə tə Klisto, təmi taw n bəghəm i fə̀ŋ i ghə. Taŋa ghə n nyîmmə kɔʼɔ ndow soʼo tsuʼu n dzəm.

Kəfwaʼ 19:21

Nghee ghəə a waa a Skeva ghən tsəghə tsunə, Pɔl n tsəm tsu n fə̀ŋ ə wi nə i tsəghə tɔɔlə ndow n Masedonya nsə nə Akaya, tə ndow daŋŋə n Yerosalem. Tə n dza n fə̀ŋ ə wi nə̀, “Abə mə i ndow taa tsu fu, N teeli khə soʼo ni ndow taa n Rom.”

Kəfwaʼ 19:6

Ambə Pɔl gaʼ tsu wɔɔ a wi ghə n tow u ghə, Zay kə Zow kə n daŋŋə nyi tsu n kow ghə. Ghə sey daŋŋə zeynu ni ghɔɔmə n ghɔɔmə tə naʼa tə nuu tə, dza ndow soʼo ghəə ghey a nuu bənə n wɔ Zə̀ kə.

Roma 1:12

N ləghə ni bə n səə ghaa sey nə̀, mə i loʼ ni təm tawwə ghaa n bəghəm i fə̀ŋ i ghaa, ghaa i mbɔŋ təm tawwə bə soʼo mə n bəghəm i fə̀ŋ zuŋ.

Roma 15:23

Nghee i loʼ nə̀ mə n mayyə fwaʼ kuŋ kə n mboʼo tən, zə a loʼ soʼo nə̀ mə â dey kii ni bə koʼ ghaa n ndəmə tənum.

Roma 15:29

N khənu nə̀ abə mə i bənə, Klisto i buulənu saa naʼ idzəm abə mə i naʼlənə tûm i dzuŋu zə ghi ghaa.

Roma 15:32

Ghaa gɔŋŋə sey, sey nə̀ Zə̀ kə ghəŋə nə̀ n bə n səə ghaa nə iduʼlə, n zayyə daŋŋə soʼo n fəŋŋə kə ghaa abə n bənə.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

2 Kɔrint 1:15

Nghee tə̀ mə̀ â tɔʼ khənə ghəə ghən, mə n naŋa tsu n fə̀ŋ zuŋ nə̀ n khə ni bə dzə̀ n səə ghaa, sey nə̀ ghaa i loʼ ni keeli kuulə ibuulə.

2 Kɔrint 1:21

À loʼ Kəzə̀ n wû u wi wə, tə ghəŋənə nə̀ saa adzəm, saa i loʼ nə kəfə kəmɔʼ ghi Klisto, tsuʼ naŋa kɔʼ saa nə̀ saa i loʼ ghə̂ a wi ghə.

2 Kɔrint 11:4

N dza sey n təŋkey ghə̂ a loʼ ghə n bə n fəŋŋə kə ghaa, ghə a diinə ghaa n ghəə ghə bòʼ Yeso u nuu wə nə̀ à way Yeso wey ghey â diinə ghaa tii. Ghə ləghə ni fuu ghaa n zày kə nuu kə nə̀ à way kə key Zə̀ kə â fuunə tə̀ ghaa n nəŋə zey ghaa â bəghəmnə tii tə̀ Klisto. Ghə naʼlə bə tûm i nuu zə tə̀ ghaa, ghaa n bəghəm tûm i tii zə loʼ sey nə̀ à way tûm i dzuŋu zən mə â naʼanə tə̀ ghaa bòʼ Klisto. Abə ghə ghəŋŋənə ghəə ghən, ghaa n mbad bəghəm naŋa ghəə a tii ghə adzəm.

2 Kɔrint 9:14

Sey, ghə i mbuŋŋə ni koʼ ghaa, gɔŋŋə soʼo n tow u ghaa bòʼ ndzuŋ i nii zən Zə̀ kə fuunə tə̀ ghaa.

Filipi 1:8

Zə̀ kə loʼ ni tiillə dza nə̀ n dza isəŋə nə̀ ləghə zey n khənə n wɔ ghaa loʼ i zey i nuu bənə n wɔ Yeso Klisto n wû u wi wə.

Filipi 2:26

Tə n ngii mbuŋŋə ni bə koʼ ghaa, fə̀ŋ n ngii fəmmə soʼo wi, n təŋkey, ghaa mâ zow nə̀ tə â dzaŋanu.

Filipi 4:1

Sey, waazə ghuŋ ghən n ngii ləghənə, mbuŋŋə kìi soʼo ni koʼ. Ghaa loʼ fə key kə fuunə mə n duʼlə zə, ghaa u loʼ soʼo fə key Zə̀ kə naamənə mə tii n fwaʼ kuŋ. Sey waazə ghuŋ a dzuŋu ghə, təmi taw tsu kə na n doʼo i ghaa ghi Mûkəbii.

1 Tesalonika 3:13

Ghey gɔŋŋə nə̀ abə ghaa i ghəŋənə ghəə ghən Zə̀ kə təm tawwə fə̀ŋ tə ghaa, tə ghəŋə nə̀ ghaa i loʼ tsətsəghə. Tə i ghəŋə soʼo nə̀ ghaa i loʼ tsətsəghə sə kə wi tə loʼnə Bày saa n nəŋə zey Mûkəbii saa Yeso i bə dzəŋŋənə ghi ghə̂ a wi ghən ghə khə way bəb i loʼ zə.

1 Tesalonika 3:2

Ghey n tûm bə Timoti waazə ghey wən tə fwaʼanə tə̀ Zə̀ kə ghi ghey ni naʼa tûm i dzuŋu zən bòʼ Klisto nə̀ tə bə tɔm bə ghaa, tə təm tawwə bə soʼo bəghəm i fə̀ŋ i ghaa.

2 Tesalonika 2:17

Ghey gɔŋŋə nə̀ tə kuu fə̀ŋ tə ghaa, tə ghəŋə soʼo nə ghaa i fwaʼa kə fwaʼ kə dzuŋu kə, ghɔɔmə i ghaa zə i loʼ kə ghɔɔmə i dzuŋu zə.

2 Tesalonika 3:3

Zə̀ kə kee naŋŋənu ghɔɔmə i wi, tə i fuu ghaa n daʼa kə, tə keyyə ghaa kə Satan nə mɔmnə ghaa.

Hibru 13:9

Kə ghaa i nyəŋ laʼ n bàa ndəmə tə aghəə tə loʼ tən ghə diinə nə̀ a way ghəə a Kəzə̀. I dzɔbə nə̀ fə̀ŋ tə saa tə i taw dzɔbə n ndzuŋ ə Kəzə̀, nə̀ a way dzə n ghəə a naŋŋə a laŋ u ghəə ghə ufəzəə. Laŋ u ghəə ghə ufəzəə ghən ka kam gaamə koʼ tsə ghə̂ ghey ghə naŋŋənə laŋ u tii wə n ghə i loʼ zə.

1 Pita 5:10

À kee loʼ nə̀ abə ghaa fəghə tsu n tɔŋɔ fə inəŋə, Zə̀ key kə diinə fə̀ŋ ə wi i dzuŋu zə tə saa nəŋə tədzəm, à loʼ wi tə â tɔŋɔnə ghaa nə̀ ghaa keeli soʼo kɔʼlə n wi mən n may way n təŋkey saa loʼ nə kəfə kəmɔʼ ghi Klisto. Wi n wû u wi wə i ghəŋə nə̀ ghəə a ghaa adzəm a kəm doʼo bə kədzuŋ, tə ghəŋə nə̀ bəghəm i fə̀ŋ i ghaa zə i taw, tə fuu soʼo ghaa n daʼa kə nə̀ ghaa i tɔʼ tey.

1 Pita 5:12

À mə gaamə Saylas ni tɔ̀ɔ bə kəmə fə kəmàʼlə fən. Tə loʼ waazə wuŋ wən n tɔʼ khə nə̀ tə loʼ tsətsəghə n bəghəm i fə̀ŋ i wi. N màʼlə kən tɔ̀ɔ bə tə̀ ghaa ni kuu bə fə̀ŋ tə ghaa nə̀ kə ghaa nə kweyyənə bəghəm i fə̀ŋ zey ghaa khənə n kow Klisto nsə ni təmi tiilə bə nə̀ Zə̀ kə ndzəmə diinu fə̀ŋ ə wi i dzuŋu zə tə̀ ghaa. Ghaa ndow kə n sə kə ni bəghəm tûm i tii zə.

2 Pita 1:12

Sey, mə i tsəm buu doʼo way ni zəŋŋə zeeli ghaa bòʼ ghəə ghən, nghee i buʼ loʼ kə nə̀ ghaa khə zeynu ghəə a tii ghə, tɔʼ khə soʼo nə̀ ghəə a tii a loʼ isəŋə.