Roma 1:1 - Kaa n Kəzə̀ n fəghə mə

¹ À màʼlə kən tɔ̀ɔ bə mə Pɔl wù kəfwaʼ ə Yeso Klisto. Zə̀ kə mâ mə sày tə a loʼ ngəd ə Yeso, naŋa mə nə̀ mə i naʼlə tûm wi i dzuŋu zə.

Roma 1:1 ပူးပေါင်းရင်းမြစ်များ

Malakus 1:14

Ambə ghə bə kwu kɔʼ Jɔn, fìi naŋa ndow wi n ndaw tsaʼ, Yeso n nuu nyi ndow n mboʼo Galili, naʼlə ndòw tûm Kəzə̀ i dzuŋu zə dza nə̀,

Tùm i dzuŋu zə kuum Yeso Klisto tə Jɔn â tɔɔnə 12:26

Wù wey tə ləghənə ni doʼo wù kəfwaʼ wuŋ, khə ni dzûmə mə, nə luʼu key n loʼnə tii, wù kəfwaʼ wuŋ i loʼ sòʼo fu. Abə wù fwaʼanə tə̀ mə, Bày wuŋ n ngɔɔmə wù tii.”

Tùm i dzuŋu zə kuum Yeso Klisto tə Jɔn â tɔɔnə 15:15

Ni kaʼ tsu na ndow n sə kə, n kəm way ni tɔŋɔ ghaa nə̀ a loʼ ghə̂ a kəfwaʼ, n təŋkey, wù kəfwaʼ khə way fə key mûkəbii ə wi fwaʼanə. N kee tɔŋŋə ghaa nya nə̀ a loʼ fə̂ ghuŋ, n təŋkey, mə n chi dii may ghəə ghey mə â zoʼlə ney bənə n wɔ Bày wuŋ tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 15:20

Moʼlə tsu na nə n mâ buʼ dza tə̀ ghaa nə̀, ‘Wù kəfwaʼ tsəghəshiə tsə way mûkəbii ə wi.’ Abə ghə â loʼ ni chɔd mə, ghə i chɔdlɔ soʼonu ghaa. Abə ghə â naŋŋənə ghɔɔmə zuŋ zə, i sey diinə ghə i naŋŋə soʼonu ghɔɔmə i ghaa zə.

Kəfwaʼ 13:9

Zay kə Zow kə n loʼ n kow Sɔl wən ghə â tɔŋɔ soʼonə nə a loʼ Pɔl naʼ idzəm. Tə n sɔʼ laalə ndow Elimas dza tə wi nə̀,

Kəfwaʼ 20:24

N tsəm ə buʼu ney way muu zuŋ zə tə a loʼ fə loʼ kə, n ləghə kə ni mayyə kɔʼ fwaʼ kən Mûkəbii Yeso fuu naŋanə tə mə. Fwaʼ kə tii kə loʼ ni təmi tiilə tûm i dzuŋu zə bòʼ ndzuŋ zən Zə̀ kə khənə n kow saa.

Kəfwaʼ 21:40

Wù nii wey fu tsu wi n bùʼ kə, sey Pɔl n təmi kɔʼ nə kəghub, foʼlə ndow ghə n wɔɔ kə nə ghə doʼo tsu mɔŋ. Ambə ghə ndzɔʼ dəm soʼo, ghə n nuu zow doʼo tsu mɔŋ. Pɔl n kaʼ ndow ni ghɔɔmə tə ghə n ghɔɔmə i Hibru.

Kəfwaʼ 22:21

Mûkəbii n dza tə mə nə̀, ‘Nuu ndow n təŋkey mə i tûm nuulə nay ndow wɔ n naʼa tə ghə̂ ghey ghə way ghə̂ a Təjuu ghə.’”

Kəfwaʼ 22:7

Mə ntəghə bwu shi tsu ndow aghəd. Mə zow ndow dzə̂ i loʼ zə i dza bənə tə mə nə̀, ‘Sɔl, Sɔl, à loʼ kee wə chɔdlɔnə mə ə?’

Kəfwaʼ 26:1

Fɔɔ Agripa n dza ndow tə Pɔl nə̀, “Wə khənu buʼ kə nya ni ghɔɔmə.” Pɔl n daŋŋə keeli shi kɔʼ wɔɔ kə wi idəŋ, kaʼ ndow soʼo ni ghɔɔmə dza nə̀,

Kəfwaʼ 26:14

Ghey adzəm n dzəŋi bwu tsu ndow aghəd, mə n zow ndow dzə̂ i loʼ zə i ghɔɔmə bənə tə mə n ghɔɔmə i Hibru nə̀, ‘Sɔl, Sɔl, a loʼ kee wə chɔdlɔnə mə ə? Wə tsəmə maŋa fəmmə soʼo wû wə kənunu dza nə̀ wə chɔdlɔ mə.’

Kəfwaʼ 27:23

Tsəndəghə ə Zə̀ key kə khənə mə, Zə̀ key n ngɔɔmənə, mə bə n səə mə na n tsuʼu tə,

Kəfwaʼ 9:15

Mûkəbii n fəd beeli ndow wi nə̀, “Ndow kənu! N təŋkey mə n wi sày nə tə fwaʼ tə mə, tə ghəŋŋə nə̀ ghə̂ ghey ghə way ghə̂ a Təjuu ghə, də̀ŋ u ghə, nsə ghə̂ ghə Izree ghə nə̀ ghə keeli wù wey n loʼnə ghii wə.

Roma 1:16

N dədlə way n tow kə ni naʼa tûm i dzuŋu zə, n təŋkey, tûm i dzuŋu zən loʼ daʼa K-a-zə̀ kən kə bəghəshiənə ghə̂ ghey adzəm ghə bəghəmnə tə Klisto. Tûm tii zey tsu dzə n kow ghə̂ a Təjuu ghə tə̀ ghii zə ni ndow tə̀ ghə̂ ghən ghə way ghə̂ a Təjuu ghə.

Roma 1:5

À loʼ bòʼ wi, Zə̀ kə diinə mə n ndzuŋ ə wi, sày naŋa kɔʼ mə nə̀ n doʼo ngəd ə wi, sey nə̀, mə i loʼ ni ghəŋə nə̀ aghə̂ adzəm n naʼa tə mbi tədzəm, a bəghəm tə wi, ghə i zow soʼo tə wi.

Roma 1:9

Zə̀ kən n fwaʼanə tə wi n fə̀ŋ zuŋ idzəm ni naʼlə tûm i dzuŋu zə bòʼ Waa wi Yeso, loʼnu ni təmi tiilə nə̀ n moʼlə tsənu ghaa nəŋə tədzəm.

Roma 11:13

N dza n baa ghɔɔmə bə nya tə ghaa ghən ghaa way ghə̂ a Təjuu ghə. Nghee tə̀ Zə̀ kə sàynə mə nə̀ n doʼo ngəd ə Klisto tə ghaa, n fuu zɔŋŋə kə wi n fwaʼ kən tə fuunə tə mə.

Roma 15:16

Zə̀ kə n fuu mə n ndzuŋ nə̀ mə i loʼ wù kəfwaʼ ə Yeso Klisto tə ghə̂ ghən ghə way ghə̂ a Təjuu ghə. N fwaʼa tə a loʼ fɔɔngili ni naʼlə tûm i dzuŋu zən Zə̀ kə fuu bənə ni ghəŋə nə̀ ghə̂ ghən ghə way ghə̂ a Təjuu ghə, a doʼo bə maʼlə wən Zə̀ kə bəghəmnə, nə̀ a ghə sow naŋa kɔʼ Zay kə Zow kə tə̀ wi.

Roma 15:29

N khənu nə̀ abə mə i bənə, Klisto i buulənu saa naʼ idzəm abə mə i naʼlənə tûm i dzuŋu zə ghi ghaa.

Roma 16:18

N dza sey n təŋkey ghə̂ ghey ghə ghəŋŋənə ndzoʼo ghəə a tii ghə, ghə fwaʼa way tə Mûkəbii saa Klisto, ghə fədlə fwaʼa tə̀ nəghə u ghə wə. Nyim kə ghə kə tsəghə dzɔbə nə idzuu, ghə a khə ghɔɔmə i tsìi zə ni nəb ghə̂ ghən ghə tɔʼ khə way ghəə ghə.

Roma 16:25

N gɔŋŋə nə̀ saa mə fuu nkɔʼlə tə̀ Zə̀ kə. Tə loʼ ni ghəŋə nə̀ ghaa təmi taw tsu, ghaa gaʼ soʼo fə̀ŋ n kow wi. A wey loʼ ghəə zey tûm i dzuŋu zey n naʼlənə kuum Yeso Klisto dzanə. Ghəə zey tûm i dzuŋu zən dzanə kuum Klisto â nyi doʼonu n nùm tə ibam tə.

1 Kɔrint 1:1

À màʼlə kən tɔ̀ɔ bə mə Pɔl wən Zə̀ kə say kɔʼnə n ləghə i wi nə̀ n doʼo ngəd ə Yeso Klisto. N loʼ fa ghi waazə saa, tɔŋŋə Sɔstenes.

1 Kɔrint 9:1

Ghaa khənu nə̀ n way dzə n tənə wù! Ghaa khənu nə̀ n loʼ ngəd ə Klisto! Ghaa khənu nə̀ mə n koʼ Mûkəbii saa Yeso! À loʼ nə̀ ghaa məghənu nə̀ a loʼ mə n ghəŋənə nə̀ ghaa i loʼ nə kəfə kəmɔʼ ghi Mûkəbii ə?

2 Kɔrint 1:1

À màʼlə kən tɔ̀ɔ bə mə Pɔl, mə wən Zə̀ kə sàynə nə̀ n doʼo ngəd ə Yeso Klisto. N loʼ fa ghi waazə saa Timoti. N tɔ̀ɔ bə tə̀ ghə̂ a Kəzə̀ ghey n naʼ i Kɔrint, nsə ghə̂ a Kəzə̀ ghey adzəm n mbuʼu Akaya idzəm.

2 Kɔrint 11:5

N moʼlə nə̀ n təbə dzə way n sə̂ kə ngəd tə ghaa tə nii tən.

2 Kɔrint 11:7

Mə â kpaʼi ghəŋə bəəbənu nghee mə â tsuulə tsunə wû wuŋ wə, sey nə̀ n kɔʼlə naŋa kɔʼ ghaa nghee mə â naʼlə bənə tûm i dzuŋu zə bòʼ Kəzə̀ tə̀ ghaa kənunu ə?

2 Kɔrint 12:11

N loʼ wù laʼlə nə̀ a ghəŋə ghaa, kuumnə â loʼ ghaa ni kɔʼlə mə. N təŋkey abə i loʼ kənə nə̀ n way wù, n təbə dzə way n sə̂ kə ghə̂ a nii a ghaa ghey ghaa tɔŋŋə nə̀ a loʼ təngəd.

2 Kɔrint 2:12

Nghee mə̀ â ndòwnə n naʼ i Trowas ni ndòw naʼa tûm i dzuŋu zə bòʼ Klisto, à n loʼ nə̀ Mûkəbii n chi naŋa jìi tə̀ mə ni fwaʼ fu.

2 Kɔrint 4:5

Ghey naʼlə way tûm bòʼ wû i ghey, ghey fədlə naʼlə tûm bòʼ Klisto tə loʼnə Mûkəbii. Wû i ghey, ghey loʼ ghə̂ a kəfwaʼ a ghaa bòʼ Yeso.

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Efesus 1:1

À màʼlə kən tɔ̀ɔ bə mə Pɔl. Zə̀ kə n say mə nə̀ n doʼo ngəd ə Yeso Klisto. N tɔ̀ɔ bə tə̀ ghə̂ a Kəzə̀ ghən n naʼ i Efesus ghə bəghəmnə tə̀ Yeso Klisto, taw dzɔbə n bəghəm i fə̀ŋ i ghə.

Efesus 1:13

Ghaa â zow soʼonu isəŋə, tɔŋŋə tûm i dzuŋu zən i fuunə ghaa n bəghəshi zə. Ambə ghaa bəghəmnə tə̀ Klisto, Zə̀ kə n fuu ghaa n tsəə zey tə â təb naŋanə, tɔŋŋə Zay kə Zow kə, ni dii nə̀ ghaa loʼ ghə̂ a wi.

Efesus 4:11

À loʼ wi tə â fuunə naamə wən n dzəŋi kə dzûmə tə Klisto. Naamə u tii u loʼ nə̀, tə ghəŋə nə̀ ghə̂ a loʼ a doʼo ngəd tə wi, naŋa a loʼ ghə tə̀ a loʼ tûm tə Kəzə̀, naŋa a loʼ ghə tə̀ a loʼ ghə̂ ghən ghə bwey naʼlənə tûm i dzuŋu zə, naŋa a loʼ tə̀ a loʼ ghə fɔɔngili, naŋa soʼo a loʼ ghə nə̀ a loʼ ghə̂ dii ghə.

Filipi 1:1

À màʼlə kən tɔ̀ɔ bə mə̀ Pɔl nsə Timoti, ghey loʼnə ghə̂ a kəfwaʼ a Yeso Klisto ghə. N tɔ̀ɔ bə tə̀ ghə̂ a Kəzə̀ a zow ghə, ghə loʼnə nə kəfə kəmɔʼ ghi Yeso Klisto n naʼ i Filipi. N tɔ̀ɔ bə soʼo tə̀ ghə̂ ghey ghə loʼnə tow wə n Ndaw Kəzə̀ nsə ghə̂ ghən ghə fuunə gaamə zə n Ndaw Kəzə̀.

Filipi 2:11

Nsə nə̀, aghə̂ adzəm ghə i dza shiə bə mgbaŋ nə̀ Yeso Klisto loʼ Mûkəbii, Ni fuu ndow nkɔʼlə tə̀ Zə̀ kə tə loʼnə Bày saa.

Kolose 1:1

À màʼlə kən tɔ̀ɔ bə mə Pɔl, ngəd ə Yeso Klisto wən Zə̀ kə â say kɔʼnə. N màlə kən tɔ̀ɔ bə nə n loʼ dzəŋi ghi waazə ə saa Timoti.

Kolose 1:25

À loʼ Kəzə̀ tə sàynə mə nə̀ n doʼo wù kəfwaʼ a wi n dzəŋi kə dzûmə tə Klisto. Fwaʼ kən tə funə tə mə loʼ ni tiilə dza ghɔɔmə i Kəzə̀ tə ghə̂ ghə.

1 Tesalonika 2:2

Ghaa khə soʼonu nghee ghey fəghənə tii n naʼ i Filipi nsə nghee ghə â lənnənə ghey tii. Zə̀ kə n kee nam ghəŋə tsu nə̀ ghey keeli tsu fə̀ŋ i tii zə ni bə naʼa tûm i dzuŋu zə tə̀ ghaa nghee ghə̂ â tsəmə tuu kə ni zow ghɔɔmə i ghey.

1 Tesalonika 2:8

Ghey n ngii ləghə ghaa, à wey loʼ ghə i tii zə ghey â ka kad naʼa kə tûm i dzuŋu zən Zə̀ kə â fuu bənə tə̀ ghaa, ghey n fuu may ndow soʼo wû i ghey ni gaamə ghaa. Ghey ndzəm ngii khə ghaa n fəŋ tə ghey.

1 Tesalonika 2:9

Waazə ghə, ghaa moʼlənu nghee tə̀ ghey â zuʼlə fwaʼa nə tii? Ghey â fwaʼa n tsə̀ tə nsə n tsuʼu tə sey nə̀, kə̂ ghey nə doʼlənə tə̀ a loʼ kəfəmmə tə̀ wù ghaa u loʼ wə, nghee tə̀ ghey naʼlənə tə̀ ghaa tûm i dzuŋu zən i nuu bənə n wɔ Zə̀ kə.

1 Timoti 1:1

A màʼlə kən tɔ̀ɔ bə mə Pɔl, n loʼnə ngəd ə Yeso Klisto. N doʼonə tsəndəghə ə wi nə̀ a mə sày Zə̀ kən kə loʼnə bəghəshi ə saa nsə Yeso Klisto wən saa gaʼnə fə̀ŋ n kow wi.

1 Timoti 2:7

À wən loʼ zuŋ key Zə̀ kə â sàynə mə tə a loʼ ngəd tə Yeso Klisto, tûm ndow soʼo mə tə̀ a loʼ wù dii nə̀ n ndow naʼa tûm i dzuŋu zə tə ghə̂ ghən ghə way ghə̂ a Təjuu ghə bòʼ bəghəm i fə̀ŋ nsə isəŋə kuum Yeso. Ghəə ghən n dzanə, loʼ isəŋə, n badla dzə way ghəə ghə.

2 Timoti 1:11

Zə̀ kə n sày kɔʼ mə nə̀ n doʼo ngəd ə Klisto, wù dii wə, nsə wù wən tə naʼlənə tûm i dzuŋu zə.

Taytus 1:1

À màʼlə kən tɔ̀ɔ bə mə Pɔl. N loʼ wù kəfwaʼ ə Kəzə̀, lòʼ soʼo ngəd ə Yeso Klisto. Zə̀ kə â say kɔʼ mə, tûm bə nə̀ n bə gaamə ni ghəŋə nə̀ bəghəm i fə̀ŋ i ghə̂ ghən Zə̀ kə sày naŋa nə̀ ghə doʼo ghə̂ a wi, zə i nyîmmə, n ghəŋə soʼo nə̀ ghə keeli isəŋə zey i loʼ ni gaamə ghə nə̀ ghə i muu n jìi zey Zə̀ kə ləghənə.

Hibru 5:4

Wù loʼ way dzə tə sàynə wû u wi wə ni doʼo fɔɔngili u nii nii wə sey nə̀ ghə fuu bə wi n kɔʼlə mə, à wi teeli sày kə Kəzə̀ nghee tə̀ tə â sàynə Erɔn.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

Jems 1:1

A màʼlə kən tɔ̀ɔ bə mə Jems. N loʼ wù kəfwaʼ tə Zə̀ kə, loʼ soʼo wù kəfwaʼ tə Mûkəbii Yeso Klisto. N tɔ̀ɔ bə tə̀ ghə̂ a Təjuu ghən ghə saali doʼo kaabənə n badla tə mbi tədzəm. N tɔŋɔ zow bə ghaa.

1 Pita 4:17

N dza sey n təŋkey, nəŋə zə n kpii tə Zə̀ kə ni saʼ mbi. Tə i zey tsu dzə ni saʼ ghə̂ a Kəzə̀ isə. Abə tə khə ni kaʼ nuu tsu ni saʼ saa ghən saa loʼnə waa a Kəzə̀ ghə, zə i boʼo bəbə ngee n kow ghə̂ ghey ghə loʼ nə̀ ghə bəghəm way tûm i dzuŋu zən Zə̀ kə tûm bənə ə?

2 Pita 1:1

À màʼlə kən tɔ̀ɔ bə mə Shimun tɔŋŋə Pita wən n loʼnə wù kəfwaʼ nsə ngəd ə Yeso Klisto. N tɔ̀ɔ bə tə̀ ghaa ghən Zə̀ kə ghəŋənə nə̀ ghaa bəghəm tə Klisto tə a loʼ ghey. À loʼ bòʼ ndzuŋ ə Zə̀ kə saa nsə bəghəshi ə saa Yeso Klisto i ghəŋənə nə saa i khə ndzoʼo bəghəm i fə̀ŋ zən.

Màʼlə kə Jud tə̀ ghə̂ a Kəzə̀ ghə 1:1

À màʼlə kən tɔ̀ɔ bə mə Jud wən n loʼ waazə Jems nsə wù kəfwaʼ a Yeso Klisto. N màʼlə kən tɔ̀ɔ bə tə̀ ghə̂ ghən adzəm, Zə̀ kən kə loʼnə Bày saa ləghənə, sày naŋa nə̀ ghə doʼo n tənə Yeso Klisto.

Chi dii 1:1

À wən loʼ màʼlə kə ghəə ghən Yeso Klisto a chi diinə tə̀ Jɔn. Zə̀ kə â fuu ghəə a tii ghə tə wi, nə̀ tə dii nduŋə ndow tə ghə̂ a kəfwaʼ wi ghə. Ghəə a tii a loʼ ghəə ghey ghə i kuʼlə neynə bənə kə. Ni ghəŋə nə̀ ghə keeli ghəə ghən, Klisto n tûm bə tsəndəghə wi tə wù kəfwaʼ wi tɔŋŋə Jɔn.

Chi dii 22:6

Tsəndəghə Kəzə̀ zey n dza bə tə mə nə̀, “Ghɔɔmə zən loʼ ghɔɔmə zən ghə̂ a loʼ gaʼ fə̀ŋ tii, zə a loʼ soʼo isəŋə. Mûkəbii, Zə̀ kən kə ghəŋŋənə nə̀ Zay kə wi kə dii ghəə ghə tə tûm tə Kəzə̀ tə. Tə n tûm bə tsəndəghə ə wi nə tə bə dii tə ghə̂ a kəfwaʼ a wi ghə, ghəə zey i khə ni teeli kuʼlə ney kəbənə.”

Chi dii 22:9

Tə n fəd dza bə tə̀ mə nə̀, “Ka ghəŋə dzə sey! N loʼ soʼo wù kəfwaʼ tə a loʼ wɔ ghi waazə ghə ghə̀, ghə loʼnə tûm tə Kəzə̀ nsə ghi ghə̂ ghey adzəm ghə dzûmənə ghɔɔmə zən i loʼnə n màʼlə kən. Ngɔɔmə Zə̀ kə!”