Matyo 9:8 - Kaa n Kəzə̀ n fəghə mə

⁸ Ambə nɔɔ kə aghə̂ key kòʼnə ghəə ghən, fə̀ŋ tə n shi ghə, ghə n kàʼ ndòw ni fuu nkɔʼlə tə Zə̀ kə nghee tə fuunə ndzòʼò daʼa kən tə̀ ghə̂ ghə.

Matyo 9:8 ပူးပေါင်းရင်းမြစ်များ

Matyo 12:23

Dzuu zə n ngii zum aghə̂ adzəm, ghə n bəbə n wû i ghə nə̀, “À wən sə̀ loʼ Waa Fɔ̀ɔ Devid mɔ?”

Matyo 15:31

Dzuu zə n zum aghə̂ ni koʼ nə̀ mùʼ u nya ghɔɔmənu, ghə̂ ghey ghə ngɔdlɔ bweynə nya bwey dzɔbənu, kə̀ŋŋə wə u taw doʼo bə, ghə̂ a fəbə ghə u koʼonə luʼu tə. Sey, ghə n fuu nkɔʼlə tə Zə̀ kə Izree kə.

Matyo 28:18

Yeso n bə n səə ghə, dza tə ghə nə̀, “Zə̀ kə n fuu mə n daʼa kə ni saʼ fə wən udzəm u loʼnə idəŋ nsə fa a ghəlitsə.

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 9:7

Wù wey wû u wi â kpuu doʼonə n nuu kɔʼ, nuu ndòw n ndaw wi.

Malakus 2:12

Wù tii n daŋŋə nuu kɔʼ, ney kɔʼ mbùŋ kə wi, bwey nuu shi ndòw n sə̂ kə ghə adzəm. Ghə i tii zə n tɔʼ loʼ ghə i zum zə idzuu zə tə̀ ghə̂ ghə adzəm. Ghə n fu kali u Kəzə̀, ghɔɔmə n wû i ghə nə̀, “ghey ka kam koʼ koʼ tsə ghə i loʼ zə tə̀ a loʼ i zən.”

Malakus 7:37

Dzuu zə n ngii zum ghə, ghə n dza nə̀, “Tə faalə naŋŋə dzɔbə bə aghəə adzəm. Tə buʼu ghəŋŋə nə̀ kuʼ wə i zow tuŋŋə wə, ghəŋŋə soʼo nə̀ mùʼ wə i ghɔɔmə!”

Lukas 13:13

Yeso n gaʼ ndòw awɔɔ nkow weyzən wey, tə n daŋŋə naalə shi ndòw uwû, təmi i kɔʼ tsətsəghə, kaʼ ndòw ni fu nkɔʼlə tə̀ Zə̀ kə.

Lukas 17:15

Sey, wù umɔʼ n fəŋŋə kə ghə n nuu dzəŋŋə i bə, kaʼ ni fu nkɔʼlə tə Zə̀ kə, n dzə i taw zə.

Lukas 17:18

A loʼ kee, a sə fəd loʼ wù kətûm tə dzəŋŋə bənə ni bə fu nkɔʼlə tə Zə̀ kə ə?”

Lukas 18:43

Sə̂ a wi ghə n daŋŋə chi i kɔʼ, tə n kaʼ ndòw təluʼu ni koʼ, zey ndòw ni dzûmə Yeso, fuu ukali tə Zə̀ kə. Ambə nɔɔ kə aghə̂ key koʼ tsu nə sey, ghə n zey ndòw soʼo ni fu kali u Kəzə̀.

Lukas 2:20

Sey ghə̂ a keyyə a tənjì ghey n nuu dzəŋŋə i ndòw, kɔʼlə ndow Kəzə̀, fuu kali u wi kuum ghəə ghey ghə â zownə. Sə̂ i koʼ ighələ tə tsəndəghə â dzanə.

Lukas 23:47

Ambə wù nii ə təsawgoʼ koʼ tsunə ghəə ghən a shinə, tə n fu nkɔʼlə tə̀ Zə̀ kə dza, “Wù wən â kûm loʼ wù dzuŋu wə.”

Lukas 7:16

Ghə̂ ghey n zey ndòw ni tsəŋ, kaʼ ni fuu ukali tə̀ Zə̀ kə dza, “Wù tûm Kəzə̀ u nii u loʼ wə n bən shi kɔʼ n fəŋŋə kə saa. Zə̀ kə n sey bə ni bə koʼ ghə̂ a wi.”

Tùm i dzuŋu zə kuum Yeso Klisto tə Jɔn â tɔɔnə 15:8

Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 21:20

Nghee ghə zow tsu ghəə a tii ghə, ghə n fuu ukali tə Zə̀ kə. Ghə n daŋŋə dza tə Pɔl nə̀, “N waazə, wə loʼ ni koʼ nghee ndəmə kam tə ghə̂ tə Təjuu tə doʼo bənə dzûmə tə Klisto tə, nsə nghee ghə nyûmə wû zə ni naŋŋə laŋ kə Mushi kə.

Kəfwaʼ 4:21

Ambə ghə bəmi kpi tsunə ghə, ghə n zəghə tsu ghə nə ghə nuu. Ghə â koʼ tsu nə̀ jii way tə ghə ni chɔd ghə, n təŋkey, aghə̂ adzəm â fuu nkɔʼlə tə Zə̀ kə n ghəə ghən a shinə.

2 Kɔrint 9:13

Fwaʼ kə ghaa kən i ghəŋŋə nə̀ ndəm aghə̂ i fuu kɔʼləmə tə Zə̀ kə. Ghə i fuu nkɔʼlə tə̀ Zə̀ kə n təŋkey nghee ghaa buunə n wɔɔ kə ni gaamə ghə nsə dzûmə tə Klisto tə tədzəm dii bənu nə̀ ghaa dzûmənu tûm i dzuŋu zə bòʼ Klisto.

Galeshia 1:24

Sey ghə n fuu nkɔʼlə tə Zə̀ kə bòʼ mə.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.