Matyo 9:22 - Kaa n Kəzə̀ n fəghə mə

²² Yeso n fəd bə uwû, kòʼ tsu wi, dza tə̀ wi nə̀, “Kow tsu fə̀ŋ n waa, n təŋkey, bəghəm i fə̀ŋ zey wə̀ khənə n kow Zə̀ kə, zə n wɔ baŋŋə.” Weyzən wey n taw tən kɔʼ kə n nəŋə i tii zə.

Matyo 9:22 ပူးပေါင်းရင်းမြစ်များ

Matyo 15:28

Yeso n dza ndòw tə̀ wi nə̀, “How weyzən wən! Wə tɔʼ ngii khə bəghəm i fə̀ŋ! I bɔɔmə doʼo tə̀ wə ləghənə.” Sey, waa nyiə wey n daŋŋə taw kɔʼ kə n nəŋə i tii zə.

Matyo 17:18

Nghee ghə ney bə waa tii, Yeso n kii ndòw zay kə bwu key, kə n nuu shi tsu n kòw waa u num wey, waa tii n daŋŋə taw i kɔʼ.

Matyo 8:13

Sey, Yeso n dza ndòw tə̀ wù nii u təsawgoʼ wey nə̀, “Ndow! I doʼo kə tə̀ bəghəm i fə̀ŋ zə i diinə.” Wù kəfwaʼ a wi wey n daŋŋə taw kɔʼ n nəŋə i tii zə.

Matyo 9:2

Ambə ghə bənə fu, ghə̂ a loʼ ghə n boʼo bə ghi wù loʼ, wû wi u kpuu doʼonə nə kəmbùŋ. Ambə Yeso kòʼ tsunə nə ghə̂ ghey ngii gaʼ fə̀ŋ n kow wi, tə̂ n dza tə̀ wù wey wû u wi wə â kpuu doʼonə nə̀, “Kuu tsu fə̀ŋ zə, n waa, mə n neyzəə ghəə ghə a bəbə ghə adzəm.”

Matyo 9:29

Yeso n daŋŋə mɔm tsu sə̂ a ghə, dza tsu nə̀, “I bɔɔmə doʼo kə n nghee ghaa bəghəm kɔʼnə.”

Malakus 10:52

Yeso n dza ndòw tə̀ wi nə̀, “Bəghəm i fə̀ŋ zə zə̀ n wɔ baŋŋə.” Sə̂ a wi ghə n daŋŋə chi kɔʼ, tə n kaʼ ndòw ni koʼ təluʼu, nuu ndòw n baa Yeso.

Malakus 5:34

Yeso n dza ndòw tə̀ wi nə̀, “N waa, bəghəm i fə̀ŋ zə zə̀ n ghəŋə wɔ nə̀ wə taw. Ndòw kədzuŋ, dzaŋ zə i may.”

Lukas 17:19

Yeso n dza ndòw tə̀ wi nə̀, “Nuu kɔʼ, wə nuu ndow i zə zə̀, bəghəm i fə̀ŋ zə, zə n baŋŋə wɔ.”

Lukas 18:42

Yeso n dza tə wi nə̀, “I koʼo luʼu tə! Bəghəm i fə̀ŋ zə̂zə n wɔ baŋŋə.”

Lukas 7:50

Yeso n dza ndow tə weyzən wey nə̀, “bəghəm i fə̀ŋ zə zə̀ n wɔ bəghəshi, ndòw kə nyaʼa nyaʼa.”

Lukas 8:48

Yeso n dza ndòw tə̀ wi nə̀, “N waa, bəghəm i fə̀ŋ zə zə̀ n wɔ baŋŋə, ndòw nə ibuulə.”

Tùm i dzuŋu zə kuum Yeso Klisto tə Jɔn â tɔɔnə 4:53

Bày waa wey n daŋŋə moʼlə bə nə̀ a wey bɔɔmə loʼ soʼo nəŋə zey Yeso â dzanə tə̀ wi nə̀, “Waa wə i muulənu.” Sey, wù nii wey ghi ghə̂ a ndaw a wi ghə adzəm ghə n bəghəm tə̀ Yeso.

Kəfwaʼ 14:9

Wù tii n tɔʼɔ zəllə nghee Pɔl ghɔɔmənə. Pɔl n koʼ ndow nə̀ tə khənu bəghəm i fə̀ŋ zə nə̀ Yeso loʼ ni baŋŋə wi, tə n laalə ndow wi tsətsəghə,

Kəfwaʼ 16:18

Waa u zən wən n ghəŋə kəŋə ndow ghəə ghə n ndəmə ntsuʼu. Ghə zən n zey ni fəmmə Pɔl, tə khə̂mə dza ndow tə̀ zay kə bəbə key nə̀, “N zəd i Yeso Klisto, n dza nə̀ wə shi n kow wi!” Zay kə tii kə daŋŋə nuu shi bə n kow wi.

Hibru 4:2

N dza sey n təŋkey, ghə mâ naʼa tûm i dzuŋu zə tə̀ saa ighəllə tə̀ ghə â naʼa soʼonə tə̀ ghə̂ ghə Izree ghə. Ghə â zow tûm tii, zə n ka kee gaamə ghə n ghə i loʼ zə n təŋkey, nghee ghə â zow tsunə tûm tii, ghə n ka bəghəm naŋa n fə̀ŋ tə ghə.