Matyo 9:2 - Kaa n Kəzə̀ n fəghə mə

² Ambə ghə bənə fu, ghə̂ a loʼ ghə n boʼo bə ghi wù loʼ, wû wi u kpuu doʼonə nə kəmbùŋ. Ambə Yeso kòʼ tsunə nə ghə̂ ghey ngii gaʼ fə̀ŋ n kow wi, tə̂ n dza tə̀ wù wey wû u wi wə â kpuu doʼonə nə̀, “Kuu tsu fə̀ŋ zə, n waa, mə n neyzəə ghəə ghə a bəbə ghə adzəm.”

Matyo 9:2 ပူးပေါင်းရင်းမြစ်များ

Matyo 14:27

Yeso n daŋŋə ghɔɔmə ndòw tə̀ ghə dza nə̀, “Kwu tsu na fə̀ŋ tə ghaa tə, a loʼ mə, kə̂ ghaa nə̂ tsəŋənə.”

Matyo 4:24

Zɔŋ u wi wə n fuŋ ngəə tsəghə ndòw naʼ i Sirya idzəm, ghə̂ ghə n ney bə ghə̂ a dzaŋa ghə adzəm n səə wi, tɔŋŋə ghə̂ ghey ghə â fɔɔbənə n wɔ lii tə tədzaŋa tə, a ghey ghə â khənə zay u bəbə wə, a ghey ghə bwuunə bwuu kə, a ghey ghə kpu doʼonə n bad kə uwû kə, tə̂ n baŋŋə ghə adzəm.

Matyo 6:12

Neyzəə ghəə a ghey a bəbə ghə, Tə̀ ghey neyzəə soʼonə ghəə a bəbə ghey ghə̂ a loʼ a ghəŋənə tə̀ ghey.

Matyo 8:10

Ambə Yeso zow tsunə ghəə ghən, dzuu zə n ngii zum wi, tə n dza ndòw tə̀ ghə̂ ghey ghə â bəghənə n baa wi nə̀, “N kùum dza bə isəŋə tə̀ ghaa nə̀, n ka kam koʼ koʼ tsə wù tə khənə ndzoʼo bəghəm i fə̀ŋ zən n naʼ zə Izree.

Matyo 8:16

Ambə n nəŋə i fənə zə, ghə̂ ghə n ney bə ndəmə tə aghə̂, ghə̂ ghey zay u bwu wə â loʼnə n kow ghə. Yeso n dzùm shi zay u bwu wey, baŋŋə ghə̂ ghey ghə â dzaŋanə adzəm.

Matyo 9:22

Yeso n fəd bə uwû, kòʼ tsu wi, dza tə̀ wi nə̀, “Kow tsu fə̀ŋ n waa, n təŋkey, bəghəm i fə̀ŋ zey wə̀ khənə n kow Zə̀ kə, zə n wɔ baŋŋə.” Weyzən wey n taw tən kɔʼ kə n nəŋə i tii zə.

Matyo 9:5

À buulə tsəghəshi ghə i ghaa zə ni dza shi bə ə, ‘Ni dza tə̀ wù nə̀ ghə n bəb zə i neyzəə,’ nkee ni dza tə̀ wi nə̀, ‘Nuu kɔʼ wə bwey ndow ə?’

Matyo 9:6

N ghəŋŋə tsuu nii dii bə tə̀ ghaa nə̀ Waa weynum khənu daʼa kə ni neyzəə bəb i ghə fa n mbi.” Tə n daŋŋə dza tsu tə̀ wù wey wû u wi â kpuu doʼonə nə̀, “Nuu kɔʼ, wə ney kɔʼ mbùŋ kə, wə̀ ndòw n ndaw zə.”

Malakus 1:32

N nəŋə i fənə zə, ghə̂ ghə n ney bə ghə̂ a dzaŋa ghə adzəm nsə ghə̂ ghey zay u bwu wə â loʼnə n kow ghə n səə Yeso.

Malakus 10:49

Yeso n təmi tsu, dza nə̀, “Tɔŋɔ bə na wi fa.” Ghə n tɔŋɔ tsu wi dza tə̀ wi nə̀, “Kwu tsu fə̀ŋ, wə̀ təmi kɔʼ n fuu zə, tə tɔŋŋə wɔ.”

Malakus 5:34

Yeso n dza ndòw tə̀ wi nə̀, “N waa, bəghəm i fə̀ŋ zə zə̀ n ghəŋə wɔ nə̀ wə taw. Ndòw kədzuŋ, dzaŋ zə i may.”

Malakus 6:50

N təŋkey, tsəŋ zə â ngii kwu ghə nghee ghə koʼ ndownə wi. Yeso n daŋŋə ghɔɔmə ndòw tə̀ ghə dza nə̀, “Tsuulə tsu na fə̀ŋ tə ghaa tə, à loʼ mə, Kə̂ ghaa nə tsəŋənə.”

Tùm i dzuŋu zə kuum Yeso Klisto tə Jɔn â tɔɔnə 16:33

N ghəə ghən sa dza bə tə̀ ghaa nə̀ ghaa i khə buulə zə n fə̀ŋ tə ghaa, boʼnə ghaa loʼ n fə kəmɔʼ ghi mə. Ghaa nə ngii fəʼlənu fa n mbi, a kee loʼ nə̀ ghaa khə ni kuu tsu təfə̀ŋ tə a loʼ təsawgoʼ, n təŋkey, mə n təm zə̂ mbi.”

Tùm i dzuŋu zə kuum Yeso Klisto tə Jɔn â tɔɔnə 2:25

Ghə i loʼ i way dzə wù â loʼnə ni dza tə̀ wi bòʼ ghə, boʼnə wû wi, tə â khə may ghəə ghey a loʼnə n fə̀ŋ tə ghə.

Tùm i dzuŋu zə kuum Yeso Klisto tə Jɔn â tɔɔnə 21:5

Yeso n bəb tə̀ ghə nə̀, “Fə̂ ghuŋ ghə, ghaa khənu tsəghə tə loʼ tə fey ə?” Ghə n beeli ndow wi nə̀, “Ngaŋ!”

Kəfwaʼ 14:9

Wù tii n tɔʼɔ zəllə nghee Pɔl ghɔɔmənə. Pɔl n koʼ ndow nə̀ tə khənu bəghəm i fə̀ŋ zə nə̀ Yeso loʼ ni baŋŋə wi, tə n laalə ndow wi tsətsəghə,

Kəfwaʼ 19:12

Ghə̂ ghə n ney kɔʼ badla n təndzə mən Pɔl â zəd wû u wi wə tii, nsə maʼlə u kəfwaʼ u wi, ndow zəd ə ndow n kow ghə̂ a dzaŋa ghə, ghə n taw doʼo i bə, zay u bəbə wə n nuu shi soʼo n kow ghə.

Kəfwaʼ 23:11

N tsuʼ fə tii fə, n tsuʼu tə, Mûkəbii n bə təmi bə n səə Pɔl, dza tə wi nə̀, “Kuu tsu fə̀ŋ zə! Nghee tə wə təmi tiilə bòʼ mə fa Yerosalem, wə khə ni teeli ndow ghəŋə soʼo ghə i mɔʼɔ zə n Rom.”

Roma 5:11

A kad way kə sey, Zə̀ kə ghəŋə nə̀ saa i duʼlə n bam i Mûkəbii saa Yeso Klisto, tə ghəŋənə nə̀ saa i loʼ nə kəfə kəmɔʼ ghi Zə̀ kə.

Jems 2:18

Wù loʼ loʼnu ni dza bə nə̀, “Ghə̂ a loʼ a khə bəghəm i fə̀ŋ, a loʼ ghə u kee khə kənə fə̀ŋ ni ghəŋŋə ghəə a dzuŋu ghə.” N dza bə tə̀ wù tii nə̀, wə way dzə ni dii bə mə n wù loʼ tə khənə bəghəm i fə̀ŋ zə nə̀ tə ghəŋŋə way ghəə a dzuŋu ghə, n kee loʼnu ni dii bə bəghəm i fə̀ŋ zuŋ n ghəə a dzuŋu ghey n ghəŋŋənə.