Matyo 9:13 - Kaa n Kəzə̀ n fəghə mə

¹³ Ndòw kəŋ shi kɔʼ na ghəə zey i diinə tə ghɔɔmə zən dza nə̀, ‘N ləghə ghə̂ ghey ghə khənə sî i kwɔɔlə zə n wû i ghə, n ka ləghə dzə nə̀ ghə i səghə nyam tə ni fəələ umaʼlə tii tə̀ mə.’ N təŋkey, n ka bə dzə ni bə tɔŋɔ ghə̂ ghey ghə loʼnə tsətsəghə, n fəd bə ni bə tɔŋɔ ghə̂ a bəbə ghə.”

Matyo 9:13 ပူးပေါင်းရင်းမြစ်များ

Matyo 12:3

Tə n beeli ndòw ghə dza nə̀, “Ghaa ka kam tɔŋɔ koʼ n màʼlə K-a-zə̀ ghəə ghey fɔ̀ɔ Devid nsə ghə̂ a wi ghə â ghəŋənə n nəŋə zey dzəŋ â zabənə wi ə?

Matyo 12:5

Nkee ghaa ka kam tɔŋɔ koʼ tsə n laŋ u Mushi nə̀ n tsuʼu mə inaʼ n dzəm, ghə fɔɔngili n dzəŋi kə ndaw Kəzə̀ i nii zə n Yerosalem a ndzəmə bwulə maʼa kəlaŋ, laŋ kə n ka kwu ghə ə?

Matyo 12:7

Abə ghaa mə khənə ghəə zey ghɔɔmə zən i dzanə nə̀, ‘N ləghə nə̀ ghə̂ ghə i khə sî i kwɔɔlə zə n kow ghə̂ ghə, a kad way kə nə̀ ghə i fəələ maʼlə wə tə̀ mə,’ i diinə, ghaa mə way ni saʼa wù nə̀ wɔɔ a wi a zownu.

Matyo 19:4

Yeso n beeli ndòw ghə nə̀, “Ghaa ka kam tɔŋɔ koʼ tsə n màʼlə K-a-zə̀ nə̀ nəŋə zey Zə̀ kə â bɔmnə mbi, tə n bɔm tsu aghə̂ weynum ghi weyzən ə?

Matyo 21:42

Yeso n dza ndòw tə̀ ghə nə̀, “ghaa ka kam tɔŋɔ koʼ n màʼlə K-a-zə̀ nə̀, ‘Tay zey ghə̂ a bɔm a təndaw â tuu maʼanə Fəd bə doʼo bə tay i bow i ndaw. A loʼ Mûkəbii, tə â ghəŋənə ghəə a tii ghə, Ghəə a tii ghə a ngii laabənə n sə̂ a ghey.’”

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 3:8

I ghəŋŋə ndòw na ghəə ghey a loʼnə tsətsəghə ni dii nə̀ ghaa n màʼa ghəə a bəbə a ghaa ghə.

Matyo 4:17

Ni zey tsu n nəŋə i tii zə, Yeso n kaʼ ndòw ni naʼa tûm Kəzə̀ dza nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Malakus 12:26

Nya, n ghɔɔmə bə tə̀ ghaa bòʼ zhəm dzəŋŋə zə ivə, ghaa ka kam tɔŋɔ koʼ n màʼlə kə Mushi n luʼu key vəllə wə â fəə nə fəkaʼ a? Zə̀ kə â dza tə̀ Mushi nə̀, ‘N loʼ Zə̀ kə Abraham, Zə̀ kə Ayzik, nsə Jakob.’

Malakus 12:33

Wə dza dzɔb soʼnu nə̀, saa khə ni ləghə wi n fə̀ŋ idzəm, n tɔb wə udzəm, nsə n daʼa kə kədzəm nsə nə̀ wù khə ni ləghə wù wey tə kuʼlə loʼnə n səə wi tə̀ tə ləghənə wû u wi. I zən tsəghəshi kaŋ tə nyam tən saa fəələnə nsə nyam tən saa nyɔʼɔ tə a loʼ umaʼlə tə̀ Zə̀ kə.”

Malakus 2:17

Nghee Yeso zow tsunə ghəə ghən, tə n dza ndòw tə̀ ghə nə̀, “À way dzə ghə̂ ghey ghə loʼnə utaw ghə kəŋənə wù ngàŋ, a loʼ ghə̂ ghey ghə dzaŋanə ghə kəŋənə wù ngàŋ. N ka bə dzə ni bə tɔŋɔ shi bə ghə̂ ghey ghə loʼnə tsətsəghə, n bə ni bə tɔŋɔ shi bə ghə̂ ghey ghə loʼ nə̀ ghə n ghə dzûm nuu shi boʼ bəb i ghə.”

Lukas 10:26

Yeso n beeli ndòw wi nə̀, “Ghə tɔ̀ɔ naŋa nə̀ ngee n màʼlə K-a-zə̀ ə? Wə̀ zowkeeli nə̀ ngee?”

Lukas 19:10

Kùum nə Waa wù sɔŋtsuʼ bə ni bə kəŋ koʼ nsə ni bəghəshi ghə̂ ghey ghə nay doʼo nə.”

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Lukas 5:31

Yeso n beeli ndòw ghə nə̀, “Ghə̂ ghey ghə dzaŋa way, ghə kəŋə tsə way wù ngàŋ, a loʼ ghə̂ ghey ghə dzaŋanə ghə kəŋənə wù ngàŋ.

Lukas 5:32

N ka bə dzə ni bə tɔŋɔ ghə̂ a dzuŋu ghə, n bə ni bə tɔŋɔ shi ghə̂ a bəbə ghə nə̀ ghə kwey fə̀ŋ tə ghə.”

Tùm i dzuŋu zə kuum Yeso Klisto tə Jɔn â tɔɔnə 10:34

Yeso n beeli ndòw ghə nə̀, “N dza i mgbaŋ tɔ̀ɔ doʼo n màʼlə K-a-zə̀ nə̀, ‘N dza nə̀ ghaa loʼ uzə̀ ə?’

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

Kəfwaʼ 5:31

Zə̀ kə n wi kɔʼlə naŋa kɔʼ n kpi u wi u təmə wə tə a loʼ kətow nsə bəghəshi, nə̀ tə loʼ ni fuu ghə̂ ghə Izree n bùʼ kə tə ghə kweyyə fə̀ŋ tə ghə, nsə nə Zə̀ kə neyzəə ghəə a ghə a bəbə ghə.

2 Pita 3:9

Mûkəbii lasə dzə way ni luulə ghəə zey tə â təb naŋanə tə̀ ghə̂ a loʼ a moʼlənə. I fəd loʼ nə̀ tə kow fə̀ŋ ghi ghaa n təŋkey tə ləghə way nə̀ Zə̀ kə ləŋi maʼa wù ghaa umɔʼ. Tə kee ləghə nə̀ aghə̂ adzəm a kweyyə nuu bə n ghəə a ghə a bəbə ghə.