Matyo 9:11 - Kaa n Kəzə̀ n fəghə mə

¹¹ Ambə ghə̂ a tə Falasi à koʼnə ghəə ghən, ghə n bəb tə̀ ngəd tə Yeso tə nə̀, “Mûkəbii ə ghaa zə̂ə dzəŋi ghî ghə̂ a kwɔɔ a màʼlə kə tsow kə, nsə ghə̂ ghey ghə dzum nuunə ghə nə̀ à loʼ kee?”

Matyo 9:11 ပူးပေါင်းရင်းမြစ်များ

Matyo 11:19

Waa weynum n ndòw bə, zə̂ə, məə soʼo nlə, ghə̂ adzəm n dza nə̀, ‘Koʼo kə wù wən, tə mèy zə̂ənu, tə məə khəə soʼo nlə, fə̂ a wi a loʼ ghə̂ a kwɔɔ a kəmàʼlə ghə nsə ghə̂ a bəbə ghə!’ A kee loʼ kə nə̀ tɔb u Kəzə̀ u dii bə kə isəŋə n ghəə a wi a ghəŋŋə ghə.”

Matyo 5:46

Abə ghaa ləghə kə ghə̂ ghey ghə ləghənə ghaa, ghaa i keeli dzə way naamə kə loʼ kə, n təŋkey, ghə̂ a kwɔɔ a màʼlə kə tsow kə ngəŋŋə ghəŋŋə soʼo sey.

Matyo 9:10

Yeso n ndòw n ndaw Matyo, ambə ghə sə̂ zə̂ənə, ghə n dza i koʼ ndəmə ghə̂ a kwɔɔ a màʼlə kə tsow kə nsə ghə̂ ghey ghə â dzum nuunə ghə a dza ghə dzûmə way laŋ u Mushi wə, ghə n bə doʼo dzəŋi bə ni zə̂ ghî Yeso nsə ngəd tə wi tə.

Malakus 2:16

Ambə ghə̂ a dii a kəlaŋ ghey ghə â loʼ soʼonə ghə̂ a tə Falasi ghə, koʼ tsunə nghee Yeso zəə dzəŋinə ghi ghə̂ a bəbə ghə nsə ghə̂ a kwɔɔ a kəmàʼlə ghə. Ghə n bəb ndòw tə̀ dzûmə tə wi tə nə̀, “A loʼ kee tə zəə dzəŋinə ghi ghə̂ a kwɔɔ a kəmàʼlə ghə nsə ghə̂ a bəbə ghə?”

Lukas 19:7

Nghee tə ghə̂ a koʼ tsu nə sey, ghə n kaʼ ni nyuŋŋə ghɔɔmə dza nə̀, “Yeso bweyyə ndow n ndaw ndzoʼo wù wey nə̀ tə loʼ wù bəbə.”

Lukas 5:30

Ghə Falasi nsə ghə̂ a dii ghə ulaŋ ghey ghə â loʼ dzəŋinə ghi ghə n nyuŋə ghɔɔmə dza tə̀ dzûmə tə Klisto tə nə̀, “À loʼ kee ghaa zə̂ənə, məə dzəŋi ghi ghə̂ a kwɔɔ a kəmàʼlə ghə nsə ghə̂ a bəbə ghə ə?”

Kəfwaʼ 11:3

“Wə â ndow nyi n ndaw tə aghə̂ nə ghə ka kam səghə tyi u ghə wə, zə̂ dzəŋi soʼo ghi ghə.”

Galeshia 2:15

Mə n ndow n sə kə ni dza nə̀, ghə ji saa a loʼ ghə tə a loʼ ghə̂ a Təjuu, dii tsu nə saa khə way bəb i loʼ zə n kow saa, saa u ney naŋa tsu nə ghə̂ ghey ghə way ghə̂ a Təjuu ghə nə a loʼ ghə̂ a bəbə ghə.

Hibru 5:2

Nghee fɔɔngili u nii nii wən loʼ nə̀ à loʼ wù sɔŋtsuʼ, tə loʼnu ni bwu khə̂mə, à kee loʼ nə̀ tə loʼnu ni maʼa uwû ghi ghə̂ ghey ghə ghəŋŋənə bəb zə nə̀ ghə khə way nsə ghə̂ ghey ghə nyəŋə laʼa ndownə.

2 Jɔn 1:10

Sey, abə wù loʼ bənə n səə ghaa nə tə ka bə nsə dii zən, kə ghaa nə kpiineynə wi n ndaw tə ghaa, kə ghaa nə buʼu tɔŋɔ zow wù tii tə̀ a loʼ wù Kəzə̀.