Matyo 8:4 - Kaa n Kəzə̀ n fəghə mə

⁴ Yeso n dza ndòw tə̀ wi nə̀, “Kə̂ wə nə̀ dzanə ghəə zən tə̀ wù loʼ, ndòw dii ndòw wû wə wə̀ tə̀ fɔɔngili, wə fuu ndòw maʼlə wey Mushi â dzanə, ni dii tsu nə̀ wə n taw.”

Matyo 8:4 ပူးပေါင်းရင်းမြစ်များ

Matyo 10:18

Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə.

Matyo 16:20

Ambə Yeso dza may tsu ghəə ghən, tə n tɔʼ kii naŋa tsu ngəd tə wi nə̀ kə̂ ghə nə̀ dzanə tə̀ wù loʼ nə̀ tə loʼ Klisto.

Matyo 17:9

Nghee tə̀ ghə tsuu dzəŋŋə bənə, Yeso n dza tə̀ ghə nə̀, “Kə ghaa nə dzanə ghəə zey ghaa koʼnə tə̀ wù loʼ ni ndòw kùm n nəŋə zey Zə̀ kə i zhəm dzəŋŋə bənə waa weynum nə ivə.”

Matyo 3:15

Yeso n fəd dza ndòw tə̀ wi nə̀, “Maŋ ghəŋə ndow kənu, n təŋkey, à loʼ ghəə zey i kpiinə ni ghəŋə n sə̂ K-a-zə̀.” Jɔn sey bəghəm kɔʼnu ni fuu wi n mmuu n Kəzə̀ mə.

Matyo 5:17

Yeso n dza kpiʼi ndow tə ghə nə̀, “Kə̂ ghaa nə̂ moʼlə nə̀ n bə ni bə buu naŋa laŋ kə Mushi nsə ghɔɔmə i tûm tə Kəzə̀ tə. N ka bə dzə ni bə buu naŋa laŋ u tii wə. N fəd bə ni bə luulə tsu laŋ u tii wə.

Matyo 6:1

Yeso n kəm dza tə ghə nə̀, “Ney na ghə̂mə zə, kə̂ ghaa nə̂ ghəŋŋənə ghəə a Kəzə̀ a ghaa ghə n sə̂ kə aghə̂ ni dii iwû nə̀ ghə̂ ghə i tɔʼɔ koʼo bə ghaa. Abə ghaa ghəŋŋənə sey, ghaa i keeli dzə way naamə kə loʼ kə n wɔ Bày ghaa idəŋ.”

Matyo 9:30

Ghə n daŋŋə kəm kaʼ ndòw luʼu tə koʼo tə. Yeso sey kii naŋa ndownu ghə nə̀, “I kə̂ wù lòʼ nə̀ zownə ghəə zən.”

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Malakus 3:12

Yeso n kii naŋa ndòw zay u bəbə u tii wə nə̀ kə̂ ghə nə ghəŋənə nə̀ ghə̂ à keeli wù wey tə loʼnə ghii wə.

Malakus 5:43

Yeso n fəd kii naŋa tsu ghə nə̀ kə̂ ghə nə dzanə ghə i loʼ zə tə̀ wù, dza tə̀ ghə nə̀, “Kəŋ fu na wi n fə kə zəə kə.”

Malakus 6:11

Abə ghaa bənə n naʼ zey ghə ka bəghəm naŋa ghaa fu, tuu soʼo ni zow tə ghaa, ghaa buʼ maʼa tsu bvə kə naʼ i ghə n fuu i ghaa, tə a loʼ tsəə n ghə i bəbə zey ghə ghəŋənə, ghaa shi nuu n naʼ i tii zə.”

Malakus 7:36

Yeso n kii naŋa ndòw ghə̂ ghey nə̀ kə̂ ghə nə̂ dzanə ghə i tii zə tə̀ wù loʼ. Nghee tə kii kə nə ghə sey, ghə n fəd ndəmi ndòw isəŋ ni naʼa kaabə ghə i tii zə.

Malakus 8:30

Yeso n kii naŋa ndòw ghə nə̀ kə̂ ghə nə̀ dzanə ghəə ghən tə̀ wù loʼ.

Malakus 9:9

Nghee tə̀ ghə dzəŋŋə tsuu bənə nə̀ ukaʼ, Yeso n fu tsu kəlaŋ tə̀ ghə nə̀ kə̂ ghə nə dzanə ghəə zən tə̀ wù loʼ ni ndòw kùm tsuʼ fey Waa Wù Sɔŋtsuʼ î zhəm dzəŋŋə bənə nə ivə.

Lukas 17:14

Nghee tə koʼ ndòw nə ghə, tə n dza tə̀ ghə nə̀, “Ndòw dii na wû i ghaa zə tə ghə fɔɔngili.” Nghee ghə ndòwnə n jii, ghə n taw doʼo dzəŋŋə bə.

Lukas 21:13

À nə lòʼ kəbùʼ tə ghaa ni təmi tiilə n tûm i dzuŋu zə.

Lukas 4:41

Vəətsəə ghə n maŋa shiə nuulə n kow ndəmə aghə̂, buʼlə nbɔŋ dza, “Wə loʼ waa Kəzə̀.” Yeso n kii naŋa ndòw ghə, tsəmə bəghəm way nə̀ ghə ghɔɔmə shi kɔʼ, n təŋkey ghə â khənu nə̀ tə loʼ Klisto.

Lukas 5:14

Yeso n dza tə wi nə̀, “Kə̂ wə nə dzanə ghə zən i shinə tə̀ wù loʼ, ndow dii wû wə wə̀ tə̀ fɔɔngili, wə fu naamə K-a-zə̀, tə̀ làŋ kə Mushi kə diinə ni dii tsu nə̀ wə n taw, tə ghə̂ adzəm a keeli tsu nə̀ wə nya zownu.”

Lukas 8:56

Ghə i tii zə n ngii tsəghəshi bày waa tii ghi zə̂. Yeso n fəd dza ndòw tə̀ ghə nə̀, “Kə ghaa nə dzanə ghəə zey i shi tə̀ wù loʼ.”

Lukas 9:21

Yeso n kii ghə, nə kə ghə nə dzanə tə̀ wù loʼ.

Tùm i dzuŋu zə kuum Yeso Klisto tə Jɔn â tɔɔnə 5:41

N ləghə dzə way nə̀ ghə̂ a fuu mə n kɔʼlə mə.

Tùm i dzuŋu zə kuum Yeso Klisto tə Jɔn â tɔɔnə 7:18

Wù wey tə ghɔɔmənə n ngəŋ ə wi sey ləghə nə̀ ghə̂ ghə i fuu bə wi n kɔʼlə mə. Wù wey tə kee ləghənə ni fuu kɔʼlə mə tə wù wey tə tûmnə wi, ghɔɔmə kə isəŋə, wù tii badla soʼo way ghəə ghə.

Tùm i dzuŋu zə kuum Yeso Klisto tə Jɔn â tɔɔnə 8:50

N kəŋə dzə way jìi nə̀ ghə̂ ghə i fuu bə mə n kɔʼlə mə. Wù loʼnu tə kee ləghənə nə̀ ghə̂ ghə i fuu bə mə n kɔʼlə mə, à loʼ wi, tə i saʼa fuunə tə̀ mə.