7 Yeso n dza tə̀ ghə nə̀, “I bəbə na fə̂ key ghaa ləghənə n wɔ Zə̀ kə, Zə̀ kə i fuu bə tə̀ ghaa. I kəŋə tsu na, ghaa i koʼ. Buʼ na bàʼ kə, Zə̀ kə i chi tsu tə̀ ghaa.
N kuum dza kpiʼi bə tə̀ ghaa nə̀, abə tow u ghaa ubəghə u bəghəm dzəŋi kɔʼnə ghəə zə a ghəlitsə, dza ndòw tə̀ Zə̀ kə nə igɔŋŋə, Bày wuŋ idəŋ i ghəŋŋənu ghə i tii zə tə̀ ghaa.
Sey, n dza bə tə̀ ghaa nə̀, abə wə bəbnə fə kə nə igɔŋŋə, keeli tsu bəghəm zə n fə̀ŋ nə̀, wə n keeli fə kə tii kə. Wə i keeli fə kə ghaa kə wə mə bəbnə.
Abə mû ndaw i nu fii kɔʼ dzənə fuʼ u ndwa wə, nə ghaa tey a bii, ghaa i kaʼ ni buʼ fuʼ u ndaw nə̀, ‘Mûkəbii, chi bə fuʼ u ndaw wə tə ghey.’” Tə i beeli shi bə ghaa nə̀, “Ngaŋ! N khə way ghaa, n khə soʼo way luʼu key ghaa nu bənə tii.”
A way dzə ghaa, ghaa â sày bə mə, a loʼ mə, mə â saynə ghaa, fu tsu ghaa n daʼa kə nə̀ ghaa i məə tam u dzuŋu wə, ndzoʼo tam wey u doʼo tən nə, sey nə̀, wù ghaa nɔɔ kə kee tə Bày n zəd zuŋ, Bày i fu fə kə tii kə tə̀ wi.
Gɔŋŋə zey ghə i gɔŋŋə tsunə n bəghəm i fə̀ŋ, i ghəŋŋə nə̀ wù dzaŋa tii taw doʼo bə. Mûkəbii i ney nuu dzaŋ i tii zə. Nə̀ wù tii â ghəŋə bəəbə ghə i loʼ zə, Mûkəbii i neyzəə bəb i wi.