Matyo 7:6 - Kaa n Kəzə̀ n fəghə mə

⁶ “Kə̂ ghaa nə neynə fə u Kəzə̀ wə, ghaa fuu ndow tə̀ ghə̂ ghən ghə loʼnə tə a loʼ təbvə, n təŋkey, ghə loʼ ni kəm khə̂mə bə iwû, ghə ŋaŋi ghaa tə̀ bvə tə nə ŋaŋinə wù. Kə̂ ghaa nə̂ ney soʼonə fə u ghaa u dzuŋu wə, ghaa dzəŋə ndow n kow ghə̂ ghey ghə loʼnə tə̀ à loʼ ufelibu, n təŋkey, ghə loʼ ni ney nyuʼ maʼa nə kətsaʼ tə a loʼ kəfelibu.”

Matyo 7:6 ပူးပေါင်းရင်းမြစ်များ

Matyo 15:26

Yeso n beeli ndòw wi nə̀, “I dzɔbə way ni ney fəzəə wə aghinətəghə, wə̀ fu ndòw tə̀ bvə tə.”

Matyo 24:10

Ndəmə aghə̂ ghə i buu doʼo n bəghəm i fə̀ŋ i ghə. Ghə i bàa wû i ghə zə, fìilə fuu wû i ghə.

Matyo 7:5

Nəb ityim tə̀ a loʼ wɔ, buʼ shiələ nuu kɔʼ dzə bàŋ kə fəkaʼ key n sə̂ zə, tə wɔ ni tɔʼ koʼ təluʼu ni shiələ nuu sala fə fəkaʼ fey n sə̂ i waazu.”

2 Kɔrint 11:26

Mə n bwey n ndəmə tənəŋə. Mə n kuŋ kii nə kəfən n ndəmə tənəŋə. Ghə̂ a tsɔŋɔ ghə n wey kìi mə n ndəmə tənəŋə. Ghə̂ a Təjuu ghə n dəm ni wey mə n ndəmə tənəŋə. Ghə̂ ghən ghə way ghə̂ a Təjuu ghə n dəm soʼo ni wey mə. Ghə̂ ghə n dəm ni wey mə n fə̀ŋ inaʼ. Ghə̂ ghə n dəm ni wey mə inaʼ. Mə n kuŋ kìi n nali kə dzuu. Dzûmə tə Klisto tə tsɔŋɔ tə u ləghə soʼo ni wey mə.

Filipi 3:2

Ney na ghə̂mə zə ghi ghə̂ ghey ghə ghəŋŋə ghəə a bəbə ghə, ghə loʼ tə̀ a loʼ təbvə, ghə dza nə̀ ghə khə ni teeli səghə tyi kə wù kə tə wù tii ni keeli ibəghəshi.

Hibru 10:29

ghaa moʼlə nə̀ Zə̀ kə i boʼo chɔdlɔ ngee wù wey tə koʼo kiinə waa Kəzə̀, ngɔɔmə way kaŋ tən tə â fəələnə n kaa mən mə â sow maʼanə ghəə a wi a bəbə ghə, kpaalə soʼo Zay kə Zow kən kə ney bənə ndzuŋ ə?

Hibru 6:6

Zə i tawnu tə̀ ghə̂ ghən ghə bwu shinə ni kəm kweyyə boʼnə ghə a tuu maʼa waa Kəzə̀, sey, zə i loʼ tə ghə kəm baa kuulə ndow wi n zat kə fəkaʼ, fuu wi n tow kə dədlə kə n sə kə aghə̂.

2 Pita 2:22

Mwam u ghə u dii bənu nə̀ ghɔɔmə i fənkəfən zən loʼ isəŋə nə̀, “Bvə kəm ndow dzəŋŋə ibam ni zə̂ zaa u wən i mə zaa maʼanə.” Wə a dza soʼo nə̀, “Feelibu kən ghə sow dzənə dzəŋŋə ndow kə nə kətsaʼ ni nyuʼ uwû.”

Chi dii 22:15

Ghə̂ ghey ghə i kee nyi way fu inaʼ, loʼ ghə̂ ghey ghə ghəŋŋə ghəə a dzəə ghə nsə ghə̂ ghən ghə ghəŋŋə ghəə a fənnə ghə, ghə̂ ghey ghə ghəŋŋə ghə a laŋŋə ghə nsə ghə̂ ghey ghə weynə ghə̂ ghə, ghə̂ ghey ghə ngɔɔmə muʼu mə nsə ghə̂ ghey adzəm ghə ləghənə ni badla ghəə ghə n ghɔɔmə i ghə nsə n ghəə ghey ghə ghəŋŋənə.