Matyo 7:25 - Kaa n Kəzə̀ n fəghə mə

²⁵ Ghôw zə n tsu n ndaw tii, dzuu tə n luu tsən bə ndaw tii, zəŋ n tən ndaw tii, ndaw tii n ka tsəm beeli, n təŋkey, ghə â səd tsə̂ kə tii kə nə atay.

Matyo 7:25 ပူးပေါင်းရင်းမြစ်များ

Matyo 16:18

N dza bə tə̀ wɔ a Pita nə̀ wə loʼ kənaa, a loʼ n naa kən mə i səd ə kɔʼɔnə dzəŋi kə dzûmə tuŋ tə tii, kasə ivə, i nə̂ way ni taw tsəghə koʼ ndaw tii.

Matyo 7:24

Yeso n dza tə̀ ghə nə̀, “Wù wey tə zownə ghɔɔmə zuŋ zən, ghəŋŋə ndòw ghəə ghey n dzanə, loʼ tə̀ à loʼ wù tɔbə wey tə â dza i bəghə ndaw, tə n səd tsu dzə tsə̂ kə tii kə nə atay.

Matyo 7:26

Wù wey tə zownə ghɔɔmə zuŋ zə, ghəŋŋə way ghəə ghey n dzanə, loʼ tə̀ à loʼ wù laʼlə wey tə â bəghənə ndaw wi nə kəsəsay.

Matyo 7:27

Ghow zə n tsu bə, dzuu tə n luu bə tsən bə ndaw tii, zəŋ n tən ndaw tii, zə n maŋ beeli, dəm kə tii kə n tsu sa jàʼ!”

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Efesus 3:17

N gɔŋŋə soʼo nə̀ Klisto î muu n fə̀ŋ tə ghaa bòʼ bəghəm i fə̀ŋ zey ghaa khənə. Mə n gɔŋŋə soʼonə nə̀ ghaa səd doʼo dzɔb tsu n ləghə zey ghaa khənə n kow Zə̀ kə nsə n wû i ghaa.

Kolose 2:7

Ghaŋ tə ghaa tə khə ni nyi taw tsu n kow wi, ghaa bəghə kɔʼ bə muu i ghaa n kow wi, sey, bəghəm i fə̀ŋ i ghaa zə i nyîmmə nə isəŋə zən ghə â diinə tə ghaa, ghaa i fuu soʼo zɔŋŋə kə tə Zə̀ kə naʼ idzəm.

Jems 1:12

Zə̀ kə i buulə wù wey tə təmi tawnə n bəghəm i fə̀ŋ i wi n nəŋə zey vəətsəə a mɔm koʼonə wi, n təŋkey, abə tə təm zə kɔʼnə, Zə̀ kə i fuu wi n muu zə itsali zən tə â təb naŋanə. À loʼ naamə kən Zə̀ kə təb naŋanə tə ghə̂ ghey ghə ləghənə wi.

1 Pita 1:5

Nghee tə̀ ghaa bəghəmnə tə̀ Klisto, Zə̀ kə i keyyə ghaa n daʼa kə wi kən tə khənə ni ndow kuum n nəŋə zey Klisto i bəghənə. À loʼ n nəŋə i tii zə ghə i bəghəshiənə ghaa n nəŋə zey Zə̀ kə i saʼanə mbi tii.

1 Pita 1:7

Chɔt mən loʼ ni dii bə nə̀ bəghəm i fə̀ŋ i ghaa i ndzəm loʼnu. Kasə tsaa zən i loʼ ni bəb, ghə nam mɔm koʼonu nə uvələ. Nghee bəghəm i fə̀ŋ i ghaa i tsəghəshi kə tsaa zə, ghə khə soʼonu ni mɔm koʼ, sey nə̀ ghaa loʼ ni taw tsəghə ghəə a mbi. Abə ghaa ghəŋənə sey, Zə̀ kə i ghəŋə nə̀ ghə̂ a kali ghaa, ghə fuu ghaa n kɔʼlə mə nsə ngɔɔmə zə n tsuʼ fey Yeso klisto i bəghənə a tii.

1 Jɔn 2:19

Ghə̂ a təngəmə ghən â way dzəŋi dzə nə kəfə kəmɔʼ ghi saa. À wey loʼ ghə i tii zə ghə â nuu shinə n fəŋŋə kə saa. Abə zə â loʼnə nə̀ ghə â loʼ dzəŋi nə kəfə kəmɔʼ ghi saa, ghə â doʼo dzəŋi bə ghi saa, ghə a ka nuu dzə. Nghee ghə â fəd nuu shinə, i dii bə n mgbaŋ nə̀ wù ghə umɔʼ â way koʼ tsə ghi saa.