Matyo 7:24 - Kaa n Kəzə̀ n fəghə mə

²⁴ Yeso n dza tə̀ ghə nə̀, “Wù wey tə zownə ghɔɔmə zuŋ zən, ghəŋŋə ndòw ghəə ghey n dzanə, loʼ tə̀ à loʼ wù tɔbə wey tə â dza i bəghə ndaw, tə n səd tsu dzə tsə̂ kə tii kə nə atay.

Matyo 7:24 ပူးပေါင်းရင်းမြစ်များ

Matyo 12:50

Wù wey tə ghəŋŋənə ghəə ghey Bày wuŋ idəŋ ləghənə, tə sey loʼ waazə wuŋ u num wə, waazə wuŋ u zən wə nsə này wuŋ.”

Matyo 16:18

N dza bə tə̀ wɔ a Pita nə̀ wə loʼ kənaa, a loʼ n naa kən mə i səd ə kɔʼɔnə dzəŋi kə dzûmə tuŋ tə tii, kasə ivə, i nə̂ way ni taw tsəghə koʼ ndaw tii.

Matyo 24:45

Yeso n dza kpiʼi ndow tə̀ ghə nə̀, “À loʼ wù kəfwaʼ u ghaa wə wù loʼnə ni gaʼ fə̀ŋ n kow wi, tə u khə soʼonə tɔb wə ə? À loʼ tə wey, mûkəbii wi fuu naŋanə wi n fwaʼ kə nə̀ tə i laalə ghə̂ a kəfwaʼ à loʼ ghey, fuu ghə n fəzəə wə nə inəŋə.

Matyo 25:2

Ataa ghə n làʼlə, a loʼ ghey ataa ghə n khə utɔb.

Matyo 25:4

A tɔbə ghey n kee ney kɔʼ daa u ghə, ney kɔʼ soʼo mmuu n kədaa.

Matyo 25:9

A tɔbə ghey n beeli ndòw ghə nə̀, ‘Mmuu n kədaa mən mə î kpii dzə way tə̀ saa adzəm, baa ndòw zuu kɔʼ na mmuu n kədaa mə n wɔ ghə̂ ghey ghə fìilənə.’

Matyo 7:25

Ghôw zə n tsu n ndaw tii, dzuu tə n luu tsən bə ndaw tii, zəŋ n tən ndaw tii, ndaw tii n ka tsəm beeli, n təŋkey, ghə â səd tsə̂ kə tii kə nə atay.

Matyo 7:26

Wù wey tə zownə ghɔɔmə zuŋ zə, ghəŋŋə way ghəə ghey n dzanə, loʼ tə̀ à loʼ wù laʼlə wey tə â bəghənə ndaw wi nə kəsəsay.

Lukas 11:28

Yeso n beeli ndòw wi dza, “buulə i fəd loʼ tə̀ ghə̂ ghey ghə zownə ghɔɔmə i Kəzə̀ zə naŋŋə.”

Tùm i dzuŋu zə kuum Yeso Klisto tə Jɔn â tɔɔnə 13:17

Nya wən ghaa khənə isəŋə zən, Zə̀ kə i fuu ghaa n buulə zə abə ghaa dii ndow isəŋə i tii zə n ghəə a ghaa a ghəŋŋə ghə.”

Tùm i dzuŋu zə kuum Yeso Klisto tə Jɔn â tɔɔnə 14:15

Yeso n nam dza ndow tə̀ ngəd tə wi tə nə̀, “Abə ghaa ləghənə mə, ghaa khə ni naŋŋə laŋ wuŋ wə.

Tùm i dzuŋu zə kuum Yeso Klisto tə Jɔn â tɔɔnə 15:10

Abə ghaa naŋŋə laŋ wuŋ wə, mə i ləghə ghaa, ighələ tə̀ n naŋŋənə laŋ u Bày wuŋ wə, tə u ləghənə mə.

Tùm i dzuŋu zə kuum Yeso Klisto tə Jɔn â tɔɔnə 15:14

Ghaa loʼ fə̂ ghuŋ abə ghaa bɔɔmə ghəŋŋə ndownə ghəə ghey n dza bənə tə̀ ghaa.

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

1 Jɔn 2:3

Abə saa naŋŋənə laŋ u Kəzə̀ wə, i sey dii nə̀ saa kuum khənu wi.