Matyo 7:21 - Kaa n Kəzə̀ n fəghə mə

²¹ Yeso n nam dza ndow tə̀ ghə nə̀, “À way dzə aghə̂ adzəm ghə ngɔɔmənə mə nə̀, ‘Mûkəbii, Mûkəbii’, ghə î nyiənə n fɔɔ u Kəzə̀. À may kə wù wey tə ghəŋŋənə ghəə ghey a kpiilənə tə̀ Bày wuŋ wən tə loʼnə idəŋ.

Matyo 7:21 ပူးပေါင်းရင်းမြစ်များ

Matyo 12:50

Wù wey tə ghəŋŋənə ghəə ghey Bày wuŋ idəŋ ləghənə, tə sey loʼ waazə wuŋ u num wə, waazə wuŋ u zən wə nsə này wuŋ.”

Matyo 16:17

Sey, Yeso n beeli ndòw wi nə̀, “Buulə i loʼ tə̀ wɔ a Shimun waa Jona, n təŋkey, à way dzə wù sɔŋtsuʼ tə chi diinə ghəə ghən tə̀ wɔ, à loʼ Bày wuŋ idəŋ.

Matyo 18:10

Yeso n dza kpiʼi ndow tə ngəd tə wi tə nə̀, “Kə̂ ghaa nə̂ koʼo kìinə nyaŋi mə awaa mən. N dza bə isəŋə tə̀ ghaa nə̀, tsətəndəghə tə ghə tə loʼ tən n səə Bày idəŋ.

Matyo 18:19

N kuum dza kpiʼi bə tə̀ ghaa nə̀, abə tow u ghaa ubəghə u bəghəm dzəŋi kɔʼnə ghəə zə a ghəlitsə, dza ndòw tə̀ Zə̀ kə nə igɔŋŋə, Bày wuŋ idəŋ i ghəŋŋənu ghə i tii zə tə̀ ghaa.

Matyo 18:3

dza tə̀ ghə nə̀, “N kuum dza bə tə̀ ghaa nə̀, a may kə nə̀ ghaa kwey kɔʼnu, doʼo tsu tə̀ a loʼ aghinətəghə, ghaa nə̂ way ni nyi n fɔɔ wə idəŋ.

Matyo 18:35

Yeso n daŋŋə dza nə̀, “À wən loʼ nghee Bày wuŋ idəŋ î ghəŋŋənə tii tə̀ ghaa abə ghaa neyzəə way ghəə a bəbə ghey waazə a ghaa a ghəŋŋənə tə̀ ghaa n fə̀ŋ tə ghaa.”

Matyo 19:24

N dza bə tə̀ ghaa nə̀, nyam zən ghə tɔŋŋə nə̀ à loʼ Kamel loʼnu ni zaŋŋə tsəghə tɔɔlə n sə̂ i fəsaʼ, tsəghəshi tə̀ wù kûm wə ni nyi n fɔɔ u Kəzə̀.”

Matyo 25:10

Sey gheyzən a laʼlə ghey n nuu ndòw ni ndòw zuu mmuu n kədaa. A loʼ ghən ataa ghə â bayyə tən bənə wû i ghə zə n nuu nyi ndòw n dzəŋi kə zə̂ kə ney zə iwû kə ghi nùm weyzən, ghə n fii kɔʼ kəbaʼ.

Matyo 25:21

Mûkəbii wey n dza ndòw tə̀ wi nə̀, ‘Wə n fwaʼ dzɔb, wə loʼ wù kəfwaʼ u dzuŋu wə, wù loʼnu ni gaʼ fə̀ŋ n kow wɔ. Wə n kwu keeli dzɔb nyaŋi fən n mə fuunə tə̀ wɔ, sey mə î kɔʼlə naŋa kɔʼɔ wɔ, wə i laalə ndəmə ufə̂. Bə̀ doʼo tsu, wə i saŋŋə ghi mûkəbii wə.’

Matyo 26:39

Tə n dzə kəŋə kpiʼi ndòw isə, bwu fəə ndòw tûm usə̂ aghəd, kaʼ ndòw ni gɔŋŋə nə̀, “Bày wuŋ, abə jìi loʼnə, ney nuu ndòw wɔ̂ uchɔd zən n wɔ mə. A kee loʼ nə̀ kə i nə doʼlənə tə̀ n ləghə, i doʼo tə̀ wə ləghənə.”

Matyo 26:42

Yeso n nuu kpiʼi ndòw ni ndòw gɔŋŋə, tə n gɔŋŋə nə̀, “Bày wuŋ abə jìi way ni ney nuu chɔd wən n wɔ mə, nə̀ n teeli khə ni fəghə, i doʼo kə tə̀ wə ləghənə.”

Malakus 3:35

Wù wey tə ghəŋŋənə ghəə ghey Zə̀ kə ləghənə, loʼ waazə ghuŋ nsə nay wuŋ.”

Malakus 9:47

Abə sə̂ zə i ghəŋənə nə̀ wə bwù n bəghəm i fə̀ŋ zə, bɔʼi nuu kɔʼ sə̂ i tii zə. Dzɔb loʼ tə̀ wɔ nə̀ wə nyi n fɔɔ u Kəzə̀ n sə̂ zə imɔʼ, tsəghəshi tə̀ wɔ ni ndòw n vəllə u tsali wə n sə̂ ghə abəghə.

Lukas 11:28

Yeso n beeli ndòw wi dza, “buulə i fəd loʼ tə̀ ghə̂ ghey ghə zownə ghɔɔmə i Kəzə̀ zə naŋŋə.”

Lukas 13:25

Abə mû ndaw i nu fii kɔʼ dzənə fuʼ u ndwa wə, nə ghaa tey a bii, ghaa i kaʼ ni buʼ fuʼ u ndaw nə̀, ‘Mûkəbii, chi bə fuʼ u ndaw wə tə ghey.’” Tə i beeli shi bə ghaa nə̀, “Ngaŋ! N khə way ghaa, n khə soʼo way luʼu key ghaa nu bənə tii.”

Lukas 18:25

N kùm dza bə tə ghaa nə̀, i buulənu tə̀ nyam i nii i loʼ zə ghə tɔŋŋə nə̀ à loʼ kamel ni nyi tɔɔlə n sə̂ i fəsaʼ, tsəghəshi tə̀ wù kuum wə ni nyi n fɔɔ u Kəzə̀.”

Lukas 6:46

A loʼ kee ghaa tɔŋɔnə mə nə ‘Mûkəbii’, ‘Mûkəbii’, nə a loʼ sey ghaa ghəŋə way ghəə ghey n dzanə.

Tùm i dzuŋu zə kuum Yeso Klisto tə Jɔn â tɔɔnə 14:7

Abə ghaa mə ndzəm khənə mə, tə ghaa mə khə soʼo Bày wuŋ. Nya, ghaa n wi koʼ, ndzɔʼ khə soʼo wi.”

Tùm i dzuŋu zə kuum Yeso Klisto tə Jɔn â tɔɔnə 15:23

Wù wey tə bàanə mə, tə sey baa soʼo Bày wuŋ.

Tùm i dzuŋu zə kuum Yeso Klisto tə Jɔn â tɔɔnə 3:5

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 5:17

Yeso n fəd beeli ndòw ghə nə̀, “Bày wuŋ fwaʼa nəŋə tədzəm, n khə ni teeli fwaʼ soʼo nəŋə tədzəm.”

Tùm i dzuŋu zə kuum Yeso Klisto tə Jɔn â tɔɔnə 6:40

I loʼ sey kuum nə̀, ghəə zey Bày wuŋ ləghənə loʼ nə̀ ghə̂ ghey ghə koʼnə Waa, bəghəm fu tə̀ wi, ghə keeli muu zə itsali. Mə i zhəm dzəŋŋə bə ghə n tsuʼ fey mbi nə̂ maynə tii.”

Tùm i dzuŋu zə kuum Yeso Klisto tə Jɔn â tɔɔnə 7:17

Wù wey tə ləghənə ni ghəŋŋə ghəə ghey Zə̀ kə ləghənə, tə i keelinu nə̀ ghəə ghən n diinə fa, a nuu bə n wɔ Zə̀ kə mɔ n ghɔɔmə n ngəŋ zuŋ ə.

Kəfwaʼ 14:22

Ghə n təm tawwə dzûmə tə Klisto tey fu, kuu fə̀ŋ tə ghə nə̀ ghə təmi taw tsu n bəghəm i fə̀ŋ i ghə, dza tə ghə nə̀, “Saa khə ni teeli zow ngoʼ tə̀ saa ni nyi n fɔɔ u Kəzə̀.”

Roma 12:2

Kə ghaa nə dzûmənə ghow kə ibwey kə ghə̂ a mbi ghən, fəd zəghə tsu n na nə̀ Zə̀ kə kweyyə kɔʼ fə̀ŋ tə ghaa. Abə ghaa ghəŋənə sey, ghaa i loʼ ni keeli ghəə zey Zə̀ kə ləghənə. Ghaa i khə ghəə zey i loʼnə ghə i dzuŋu zə tə Zə̀ kə, khə ghəə zey i loʼnə tsətsəghə, kpiilə soʼo tə̀ wi.

Roma 2:13

I loʼ sey n təŋkey, a way dzə wù wey tə khənə ghəə ghey laŋ kə dzanə, tə doʼlənə tsətsəghə n sə K-a-zə̀, à loʼ wù wey tə ghəŋŋə ghəə ghə tə laŋ kə diinə, tə doʼlənə tsətsəghə n sə K-a-zə̀.

Efesus 6:6

Kə ghaa nə̂ fwaʼa kənə n nəŋə zey wù tii laalə bənə ghaa. Ghaa i fədlə fwaʼa ndow tə̀ a loʼ ghə̂ a kəfwaʼ a Klisto, ghəŋŋə ndow ghəə zey Zə̀ kə ləghənə n fə̀ŋ tə dzuŋu tə.

Kolose 4:12

Epafras wən tə loʼnə wù naʼ i ghaa, loʼ soʼo wù kəfwaʼ a Yeso Klisto tɔŋɔ zow bə ghaa. Tə gɔŋŋə tə ghaa nəŋə tədzəm n fə̀ŋ ə wi idzəm. Gɔŋŋə nə̀ Zə̀ kə ghəŋŋə nə̀ ghaa i tɔʼɔ taw n bəghəm i fə̀ŋ i ghaa, sey nə̀, ghaa loʼ ni tɔʼ zowkeeli ghəə a səŋi ghey Zə̀ kə ləghə nə̀ ghaa ghəŋə.

1 Tesalonika 4:3

Zə̀ kə ləghə nə̀ ghaa i zow n muu i ghaa, ghaa tuu maʼa tən ghəə a laŋŋə ghə.

1 Tesalonika 5:18

Ghaa i fuu zɔŋŋə kə nə aghəə adzəm, n təŋkey à wən loʼ ghəə zey Zə̀ kə ləghənə nə̀ ghə̂ ghey adzəm ghə loʼnə nə kəfə kəmɔʼ ghi Yeso Klisto i ghəŋŋə.

Taytus 1:16

Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

Hibru 4:6

Ghə̂ a loʼ ghə i nyiə kənu n luʼu kən Zə̀ kə â bayyə naŋanə tə̀ ghə, nghee i buʼ loʼ kənə nə̀ ghə̂ a sə̂ isə ghən ghə â zownə tûm i dzuŋu zən ghə â naʼanə tə̀ ghə, â ka nyi fu, bòʼ nə̀ ghə â tuu ni dzûmə tûm i dzuŋu i tii zə.

Jems 1:22

Kə ghaa nə maŋa zəllə kənə ghɔɔmə i Kəzə̀ zə, ghaa khə ni ghəŋŋə ndow ghəə zey i dzanə. Nə à way sey, ghaa sey maŋa nəbə wû i ghaa.

1 Pita 2:15

Ghəə zey Zə̀ kə ləghənə loʼ nə̀, ghəə a dzuŋu ghey ghaa ghəŋŋənə i ghəŋə nə̀ ghə̂ a laʼlə ghey ghə buʼ khə way ghəə ghey ghə ghɔɔmənə, i laʼ kii ghə i bəbə zey ghə loʼ ni kwu ghaa tii.

1 Pita 4:2

Sey, ni ney nuu tsu nya, ndow n sə kə, ghaa khə ni teeli muu muu i ghaa zə n nəŋə zən ghaa nam khənə fa n mbi n jìi zey Zə̀ kə ləghənə, a way dzə n jìi zey gow uwû ləghənə.

Chi dii 2:27

Mə i fuu wi n daʼa kə mɔʼɔ key Bày wuŋ â fuunə tə̀ mə. Kə i kwu keeli ghə n wɔɔ a taw ghə, kə luʼlə maʼa ghə tə ghə nə luʼlə maʼanə tɔ̀ɔ tə itsaʼ tə.

Chi dii 22:14

Zə̀ kə i buulə ghə̂ ghey ghə sow ndzə̂ tə ghə tə nə̀ tə i zow, ghə i khə daʼa kə ni zə tam wən u məə n kaʼ fey fə fuu muu zə nsə ni tsəghə nyi n fuʼ u mbàa u naʼ tii zə.

Chi dii 3:5

Wù wey tə i taw tsəghənə bəb zə, ghə i lab tsu soʼo wi n ndzə tə fəmə tə tə̀ a loʼ ghə. Mə i zəd maʼa way zəd i wù tii zə n màʼlə kə zəd a ghə̂ ghey ghə i keelinə muu zə itsali zə. Mə i dza ndow n sə kə Bày wuŋ nsə n sə kə tsətəndəghə tə wi nə̀ tə loʼ wù wuŋ.