Matyo 6:9 - Kaa n Kəzə̀ n fəghə mə

⁹ Sey, abə ghaa dza i gɔŋŋə, ghaa khə ni gɔŋŋə tsu nə̀, ‘Bày ghey idəŋ, Ghey gɔŋŋə nə̀ ghə̂ ghə i fuu kɔʼlə mə n zəd zə.

Matyo 6:9 ပူးပေါင်းရင်းမြစ်များ

Matyo 10:29

N dza ghə mgbaŋa fìilə nndzaŋŋə n bəghə n nyaŋi fə ukhəə ə? Fəmɔ̀ʼ fə bùʼ way ni bwu tsu bə aghəd nə̀ Bày ghaa idəŋ ka tsə̀m.

Matyo 23:9

Kə̂ ghaa nə tɔŋŋənə wù loʼ fa n mbi nə̀ a loʼ, ‘Bày’, n təŋkey, ghaa khə kə bày umɔʼ tə loʼ idəŋ.

Matyo 26:29

N dza bə tə̀ ghaa nə̀ mə î kəm mə̂ way nlə mə ni ndòw kùum n tsuʼ fey mə î mə̂ənə nlə n fəghə mə ghi ghaa n fɔ̀ɔ u Bày wuŋ.”

Matyo 26:42

Yeso n nuu kpiʼi ndòw ni ndòw gɔŋŋə, tə n gɔŋŋə nə̀, “Bày wuŋ abə jìi way ni ney nuu chɔd wən n wɔ mə, nə̀ n teeli khə ni fəghə, i doʼo kə tə̀ wə ləghənə.”

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Matyo 6:14

Abə ghaa neyzəənə bəb zə aghə̂ zə, Bày ghaa idəŋ î neyzəə soʼo bəb i ghaa.

Matyo 6:6

Abə ghaa dza i gɔŋŋə, nyi ndòw n dzuu i ndaw zə, wə fii kɔʼ fuʼ u ndaw, wə gɔŋŋə ndòw tə̀ Bày wə̀ wey ghə koʼo way wi. Bày wə wey tə koʼonə ghəə ghey a tsəghənə nə kənyì i fuu wɔ n naamə kə.

Matyo 7:11

Abə ghaa loʼnə ni fuu fə̂ u dzuŋu wə tə̀ waa a ghaa ghə, loʼ sey nə̀ ghaa bəbənu, Bày ghaa idəŋ î sə̀ boʼo fuu ngee fə̂ u dzuŋu wə tə̀ ghə̂ ghey ghə nɔɔnə tə̀ wi ə?

Lukas 15:18

N dzəŋŋə ndownu n səə bày wùŋ, n dza ndòw tə̀ wi nə̀, Bày mə n ngii ghəŋə bəəbə tə̀ Zə̀ kə nsə tə̀ wɔ.

Lukas 15:21

Waa tii n dza tə̀ bày nə̀, “Bày, mə n ngii ghəŋŋə bəəbə tə Zə̀ kə idəŋ nsə tə wɔ. N ka kəm kɔʼ kpi dzə ni doʼo waa wə. Ney ndow kə mə tə a loʼ wù kəfwaʼ wə.”

Lukas 2:14

“kɔʼlə n loʼ tə Zə̀ kə tə loʼ idəŋ, buulə i Kəzə̀ zə i loʼ tə̀ ghə̂ ghey ndzuŋ ə wi loʼ kow ghə fa n mbi.”

Tùm i dzuŋu zə kuum Yeso Klisto tə Jɔn â tɔɔnə 20:17

Yeso n dza tə̀ wi nə̀, “Ka mə mɔm, n təŋkey, n ka kam kɔʼ taa dzə n səə Bày. Kee ndow n səə waazə ghuŋ ghə, wə dza tə̀ ghə nə̀ n nya ndow n səə Bày wuŋ, tə wey tə â loʼ soʼonə Bày ghə, tɔŋŋə Zə̀ kuŋ kən kə loʼ soʼonə Zə̀ kə ghə kə.”

Roma 1:7

N màʼlə kən tɔ̀ɔ bə tə ghaa ghə̂ a Roma ghən Zə̀ kə ngii ləghənə, sày kɔʼ soʼo ghaa nə̀ ghaa doʼo ghə̂ a wi. N gɔŋŋə nə̀ Zə̀ kə tə loʼnə Bày saa ghi Mûkəbii Yeso Klisto dii ghaa n ndzuŋ ə wi tə ghəŋə soʼo nə̀ ghaa i loʼ nə ibuulə.

Roma 8:15

Sey, Zay kə Zow key Zə̀ kə â fuunə tə ghaa ghəŋŋə dzə way nə̀ ghaa doʼo ukɔd, kə ghəŋŋə soʼo way nə̀ ghaa i tsəŋə. Zay kə Zow key Zə̀ kə â fuunə tə ghaa fədlə ghəŋŋə nə̀ ghaa i loʼ waa a Kəzə̀ ghə. À loʼ wi tə ghəŋŋənə nə̀ saa i tɔŋŋə ndow Zə̀ kə tɔŋŋə kuulə nə̀, “Bày! A Bày wuŋ!”

Galeshia 1:1

À màʼlə kən tɔ̀ɔ bə mə Pɔl. N loʼ ngəd ə Yeso Klisto. À ka mə say dzə wù sɔŋtsuʼ, à way soʼo wù sɔŋtsuʼ tə tûmnə mə nə n doʼo tsəndəghə. À fəd loʼ Yeso Klisto nsə Zə̀ kə, tə loʼ Bày wən tə â zhəm dzəŋŋə bənə Yeso nə ivə.

Galeshia 4:6

Zə̀ kə â kuu nyi bə Zay key kə â loʼnə n kow waa wi n fə̀ŋ tə saa, ni dii tsu nə saa loʼ waa a wi. À loʼ Zày kə tii kə, kə ghəŋŋənə nə̀ saa i tɔŋŋə wi nə̀, “Bày, dii tsu nə tə loʼ Bày saa.”

1 Timoti 6:16

À may kə wi tə nə kpu koʼ way. Tə muu n luʼu key daa kə baŋanə fuu n jìi zey wù sɔŋtsuʼ way ni koʼ wi. Wù loʼ way tə koʼ koʼ tsənə wi nkee tə nə koʼonə wi. Nkɔʼlə ndzəm nsə daʼa kə i loʼ tə wi tə mbi nə bə may. A may kə sey.

1 Pita 1:17

Ghaa tɔŋŋə Kəzə̀ nə̀ a loʼ Bày ghey abə ghaa gɔŋŋə tə̀ wi wən tə saʼanə ghə̂ ghə nə̀ tə laalə way tûm usə u wù wə. Tə saʼa kə kay wù n ghəə ghey tə ghəŋənə. Sey, ghaa khə ni muu tən kə ni ngɔɔmə Zə̀ kə n nəŋə zən ghaa nam khənə nghee ghaa tyi nyi doʼonə fa.

Chi dii 4:11

“Mûkəbii ghey nsə Zə̀ kə ghey kə, wə kɔʼ kpiinu nə̀ ghə̂ ghə i fuu wɔ n kɔʼlə mə, ngɔɔmə soʼo wɔ n daʼa key wə khənə. Â bɔm wɔ fə wə udzəm, â tsəm soʼo wɔ nə̀ fə wən i loʼ, u keeli soʼo imuu.”

Chi dii 5:12

Ghə n zhim shiə kɔʼɔ idəŋ nə̀, “A kɔʼ kpi waa njì zən ghə â weynə ni keeli kədaʼa, ikum, utɔb, nsə nùŋ wə ingɔɔmə, ibuulə nsə kɔʼlə mə!”