Matyo 6:2 - Kaa n Kəzə̀ n fəghə mə

² “I sey dii nə̀, abə ghaa fuunə wù laa n fə kə, kə̂ ghaa nə tɔŋɔnə ndɔŋ fə, tə̀ nghee ghə nəb ityim a ghəŋŋənə n ndaw tə udzəŋi tə ghə̂ a Təjuu nsə n faabə tə jìi. Ghə sey ghəŋŋə nə̀ ghə̂ ghə i kali tsuu ghə. N dza bə isəŋə tə̀ ghaa nə̀, ghə n sey keeli tən naamə kə ghə kə.

Matyo 6:2 ပူးပေါင်းရင်းမြစ်များ

Matyo 15:7

Ghə nəb ityim tə a loʼ ghaa! Wù Tûm Kəzə̀ Ayzaya â dza isəŋə kuum ghaa nə̀,

Matyo 16:3

Ambə n bələbələ tə, abə ghaa koʼnə mbaʼ tə ighow tə idəŋ, ghaa n dza nə̀, ‘Ghow zə î tsuunu na.’ Ghaa tɔʼ khə kə ni tɔŋŋə fə key tsəə tə bikighow tə diinə, nə̀ ghaa maŋ laalə ndòw kə bikighow, ghaa u kee way ni tiilə dza ghəə ghey a shiənə n num tən a loʼnə tii.

Matyo 22:18

Yeso n khə moʼlə tə ghə, sey, tə n dza tə̀ ghə nə̀, “Ghə nəb ityim ghən, a loʼ kee ghaa bii kaabənə mə ə?

Matyo 23:5

Ghə ghəŋŋə ghəə a ghə adzəm nə̀ ghə̂ ghə i tɔʼɔ koʼo bə. Koʼo nghee ghə ghəŋŋə mbəghə n ghə mey ghə kow naŋa n tow u ghə nə̀ n khə kəm u ghɔɔmə i Kəzə̀ nə̀ mə i ngii dow! Koʼo soʼo nghee ghə ghəŋŋənə baʼ u təndzə wey u zənnə tii nə̀ wə i ngii daabə!

Matyo 23:6

Ghə ləghə ni doʼlə n luʼu tə nii tə n luʼu tey zə̂ u loʼnə tii nsə n Ndaw kədzəŋi ə ghə̂ a Təjuu.

Matyo 24:51

Mûkəbii ə wi i bə khəələ tsu wi nə nsadla, tə təm naŋa dzəŋi ndòw wi ghi ghə nəb ityim. Ghə i dey fu, fəə asɔŋ.”

Matyo 5:18

N kuum dza bə tə̀ ghaa nə̀, bikighow nsə ghəlitsə kə i bə maynu, kasə nyaŋinyaŋi fə ighəə nkee luʼu fə loʼ fə n laŋ K-a-zə̀, î ndòw way luʼu kə nə̀ ghəə a tii ghə adzəm a kà ney bənə kə.

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:3

Abə ghaa dza i fuu wù laa n gaamə zə, kə̂ ghaa nə ghəŋŋənə nə̀ wɔɔ kə ghaa kə kwɔɔ kə keeli fə key wɔɔ kə zə̂ə kə ghəŋənə.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Matyo 7:5

Nəb ityim tə̀ a loʼ wɔ, buʼ shiələ nuu kɔʼ dzə bàŋ kə fəkaʼ key n sə̂ zə, tə wɔ ni tɔʼ koʼ təluʼu ni shiələ nuu sala fə fəkaʼ fey n sə̂ i waazu.”

Malakus 12:39

Ghə kəŋə ndòw kuu u nii wə n ndaw kədzəŋi ə ghə̂ Təjuu nsə n luʼu tey zə̂ kə loʼnə a tii.

Malakus 7:6

Yeso n beeli ndòw ghə dza nə̀, “Wù tûm Kəzə̀ Ayzaya â khənu zuŋ kə ni dza nə̀ ghaa loʼ ghə nəb ityim, tə̀ i loʼnə n màʼlə K-a-zə̀ nə̀, ‘Ghə̂ ghən ngɔɔmə kə mə̀ nə idzuu, Fə̀ŋ tə ghə tə way dzə ghi mə̀.

Lukas 11:41

I dzaw fuu ndòw fə u ghaa wə tə ghə̂ ghey ghə khə way tə̀ ghəə a ghaa ghə i zow.

Lukas 11:43

Ngoʼ loʼ tə̀ ghaa ghə̂ a tə Falasi ghə təŋkey ghaa ləghə ni doʼlə n kuu u nii wə n ndaw tə udzəŋi, ləghə soʼo nə ghə i tɔʼɔ tɔŋŋə zow dzɔbə bə ghaa n bikiwən.

Lukas 12:33

Fii na fə u ghaa wə, ghaa i fuu ndòw khəə u tii wə tə̀ ghə̂ a laa ghə. Kəŋ tsu na mbəghə wə ukhəə wən u dənə way, ghaa nyi naŋa ndòw fə u ghaa idəŋ, n təŋkey tsɔŋ u way fu tə̀ ghə loʼ ni tsɔŋ nkee sə̂soʼo tə̀ loʼ ni bəəbə maʼa.

Lukas 12:56

Ghə nəb ityim ghən, ghaa khə kə ni tiilə kòʼ i ghəlikətsə nsə bikighow kə, a kee loʼ kee ghaa sə̂ way ni tiilə dza ghəə ghən a tsəghənə nya a?

Lukas 13:15

Mûkəbii n beeli ndòw wi dza, “Ghə nəb ityim! N dza ghaa bəghə ghaa n ney kɔʼ nyam tə ghaa, ndow fu ghə n fəzəə wə, ndòw fu soʼo ghə n mmuu mə n tsuʼ inaʼ a?

Lukas 20:46

“Ney na ghə̂mə zə ghi ghə̂ a dii ghə ulaŋ ghey ghə ləghə ni bwey kaabə nə̀ ghə n wû i lab nə təsaŋ, ləghə nə̀ ghə̂ ghə i tɔŋŋə zow bə ghə nə ingɔɔmə n bikiwən, ləghə ni doʼlə kə n kuu u səŋi wə n ndaw kədzəŋi ə ghə̂ a Təjuu nsə n luʼu tə Kəzə̀.

Lukas 6:24

Chɔt u loʼ tə̀ ghaa ghey ghaa kuumnə nya təŋkey ghaa n keeli may ndzuŋ ə ghaa.

Lukas 6:42

Wə loʼ ngee ni dza tə̀ waazu nə̀, ‘N waazə, na n shiələ bə fəghə fey n sə̂ zə,’ nə̀ a loʼ sey wə buʼu koʼo way kaʼ fey n sə̂ zə ə? Nəb ityim tə a loʼ wɔ, buʼ shiələ nuu tsu dzə kaʼ fey n sə̂ zə, sey wə i loʼ ni tɔʼ koʼ təluʼu ni shiələ nuu fəghə fey n sə̂ i waazu.

Tùm i dzuŋu zə kuum Yeso Klisto tə Jɔn â tɔɔnə 13:29

Nghee Judas â loʼ wù wey tə â naŋŋənə mbəghə kə ukhəə kə, ngəd tə wi tə loʼ tey n moʼo kə nə̀ Yeso sey dza nə̀ tə ndow zuu bə fə kə loʼ kə ni zə̂ Kəzə̀ tii, nkee nə̀ tə fuu ndow fə kə loʼ kə tə̀ ghə̂ a laa ghə.

Tùm i dzuŋu zə kuum Yeso Klisto tə Jɔn â tɔɔnə 5:41

N ləghə dzə way nə̀ ghə̂ a fuu mə n kɔʼlə mə.

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Tùm i dzuŋu zə kuum Yeso Klisto tə Jɔn â tɔɔnə 7:18

Wù wey tə ghɔɔmənə n ngəŋ ə wi sey ləghə nə̀ ghə̂ ghə i fuu bə wi n kɔʼlə mə. Wù wey tə kee ləghənə ni fuu kɔʼlə mə tə wù wey tə tûmnə wi, ghɔɔmə kə isəŋə, wù tii badla soʼo way ghəə ghə.

Kəfwaʼ 10:2

Tə â ngii gaʼ fə̀ŋ n ghəə a Kəzə̀. Wi ghi ghə̂ a wi ghə n ndaw adzəm n ngɔɔmə tsə Kəzə̀. Tə n buu n wɔɔ kə ni gaamə ghə̂ a Təjuu a laa ghə, gɔŋŋə soʼo tə Zə̀ kə nəŋə tədzəm.

Kəfwaʼ 10:31

Wù wey n dza tə mə nə̀, ‘Kɔnilus, Zə̀ kə n zow gɔŋŋə zə zə̀, tə u koʼ soʼo jìi zey wɔɔ kə kə̀ buunə tii ni fuu gaamə zə tə ghə̂ a laa ghə.

Kəfwaʼ 10:4

Tə n sɔʼ laalə ndow tsəndəghə ə Kəzə̀ zey nə itsəŋ, bəb ndow tə wi nə̀, “À loʼ kee a mûkəbii?” Tsəndəghə zey n beeli ndow wi nə̀, “Gɔŋŋə zə nsə fə wən wə fuunə tə ghə̂ a laa ghə, Zə̀ kə n ney ləghə, tə nya tey ni beeli bə wɔ.

Kəfwaʼ 11:29

Sey, dzûmə tey n saalə tsu ni fuu igaamə tə wɔɔ a ghə ghə â kɔʼ kuumnə tə dzûmə tey tə loʼ nə n Judeya.

Kəfwaʼ 24:17

Nya, nghee n muu tsəghə tsu a bii n ndəmə tənum, mə n ndow bənə n Yerosalem, nə n bə fu igaamə tə naʼ zuŋ zə nsə ni fu umaʼlə tə Zə̀ kə.

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

Roma 12:8

Abə Zə̀ kə fuunə wɔ n naamə kə ni kuu fə̀ŋ tə ghə̂ tə, wə n ghəŋə ndow sey n fə̀ŋ zə idzəm. Nə Zə̀ kə fuu wɔ n naamə kə ni buu n wɔɔ kə, wə n fuu ndow n fə̀ŋ zə idzəm. Abə Zə̀ kə fuunə wɔ n daʼa kə ni kwu keeli aghə̂, wə n kwu keeli ghə n wɔɔ a dzuŋu ghə. Nə Zə̀ kə fuu wɔ n naamə kə ni ghəŋŋə ndzuŋ, wə n ghəŋŋə ndow sey nə̀ iduʼlə.

1 Kɔrint 13:3

Abə n mə loʼnə ni fuu may fə wey n khənə tə̀ ghə̂ a laa ghə, bùʼ fuu daŋŋə soʼo wû wuŋ nə̀ ghə kpəghə maʼa n tow u ghə sey nə̀ mə i loʼ ni kɔʼlə uwû tii, loʼ sey nə̀ n kee dii way ləghə zə tə̀ ghə̂ ghə, mə i keeli way naamə kə loʼ kə.

Galeshia 2:10

Ghə i loʼ kə imɔʼ ghə â dza nə̀, ghə â dza nə̀ ghey i moʼlə tsu kə ghə̂ a laa ghey ghə loʼ nə n fəŋŋə kə ghə. À n loʼ nə a bɔɔmə loʼ ghəə zey zə â loʼ nə n fə̀ŋ zuŋ ni ghəŋə.

Efesus 4:28

Wù wey tə â tsɔŋɔ tsənə, khə ni maʼa mwam u tsɔŋɔ wə. Tə khə ni fwaʼa fwaʼ kə səŋi kə n wɔɔ a wi ghə, sey nə̀, tə i mbɔŋ loʼ ni gaamə ghə̂ ghey ghə laʼanə.

1 Tesalonika 2:6

Ghey â kəŋə dzə way nə̀ ghə̂ ghə i kali bə ghey, nə̀ ghaa i kali bə ghey nkee nə̀ wù loʼ kali bə ghey. Ghey tə a loʼ ngəd tə Klisto mə loʼnu ni fəmmə ghaa.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Filemun 1:7

N waazə, n ngii duʼlənu, fə̀ŋ zuŋ u zow soʼo n ndzoʼo ləghə zey wə diinə tə ghə̂ a Kəzə̀ ghə. Ləghə zey wə diinə n kuu fə̀ŋ tə ghə̂ a Kəzə̀ ghə adzəm.

Hibru 13:16

Kə ghaa i neyzəə ni ghəŋŋə ndzuŋ nsə ni dzawwə fuu ndow ghə̂ ghey ghə khə way boʼnə Zə̀ kə duʼlənu n ndzoʼo maʼlə wən.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.