Matyo 6:16 - Kaa n Kəzə̀ n fəghə mə

¹⁶ Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:16 ပူးပေါင်းရင်းမြစ်များ

Matyo 6:1

Yeso n kəm dza tə ghə nə̀, “Ney na ghə̂mə zə, kə̂ ghaa nə̂ ghəŋŋənə ghəə a Kəzə̀ a ghaa ghə n sə̂ kə aghə̂ ni dii iwû nə̀ ghə̂ ghə i tɔʼɔ koʼo bə ghaa. Abə ghaa ghəŋŋənə sey, ghaa i keeli dzə way naamə kə loʼ kə n wɔ Bày ghaa idəŋ.”

Matyo 6:2

“I sey dii nə̀, abə ghaa fuunə wù laa n fə kə, kə̂ ghaa nə tɔŋɔnə ndɔŋ fə, tə̀ nghee ghə nəb ityim a ghəŋŋənə n ndaw tə udzəŋi tə ghə̂ a Təjuu nsə n faabə tə jìi. Ghə sey ghəŋŋə nə̀ ghə̂ ghə i kali tsuu ghə. N dza bə isəŋə tə̀ ghaa nə̀, ghə n sey keeli tən naamə kə ghə kə.

Matyo 6:5

Yeso n nam dza ndow tə̀ ghə nə̀, “Abə ghaa dza i gɔŋŋə, kə̂ ghaa nə̂ ghəŋŋənə tə̀ a loʼ nghee ghə nəb ityim a ghəŋŋənə, n təŋkey, ghə ləghə ni təmi gɔŋŋə n ndaw tə udzəŋi tə ghə̂ a Təjuu nsə n faabə tə jìi sey nə̀, aghə̂ adzəm i koʼo bə ghə. N kuum dza bə tə̀ ghaa nə̀, ghə n sey keeli tən naamə kə ghə kə.

Malakus 2:18

Dzûmə tə Jɔn nsə dzûmə tə ghə̂ a tə Falasi ghə â bəghə ghə n bam idzuu. Ghə̂ a loʼ ghə n bə bəb tə̀ Yeso nə̀, “a loʼ kee dzûmə tə Jɔn nsə dzûmə tə Falasi tə bamnə dzuu zə, a ghə ghə̀ a kee bam way ə?”

Lukas 18:12

N bam idzuu ntsuʼu nbəghə nə iwən, mə n fu soʼo tsow zuŋ n taŋa fə wən udzəm n khənə.’

Lukas 2:37

sey tə n loʼ wey kpusə. Tə â nya loʼ ghəm n tənûm ifam n nûmtə təkaykə. Tə n muu tsə kə n Ndaw Kəzə̀ i nii zə n Yerosalem, gɔŋŋə zeeli tsuʼ ndzəm; n tsə nsə n tsuʼu tə, bam idzuu, ngɔɔmə Kə̀zə̀ nəŋə tədzəm.

Kəfwaʼ 10:30

Kɔnilus n beeli ndow wi nə̀, “A feeli u loʼ wey, n nəŋə izən soʼo n tsə tə, nə tənəŋə tətəghə, nə n gɔŋŋə n ndaw zuŋ, wù loʼ n gbələ bən shi kɔʼ n sə̂ kuŋ nə̀ tə dzəŋə keeli ndzə̂ tə nyiələ tə nə uwû.

Kəfwaʼ 14:23

Ghə n sày naŋa tsəghə ndow təngəd n dzəŋi dzûmə tə Klisto tən tədzəm ghə â bweyyə koʼnə. Ghə n gɔŋŋə tə ghə, bam idzuu, fu naŋa ndow ghə n wɔɔ kə Mûkəbii wən ghə â bəghəmnə tə̀ wi.

1 Kɔrint 7:5

Kə̂ ghaa nə̂ tuu ni nyəŋi n wû i ghaa tə a loʼ num ghi wey, a may kə nə̀ ghaa saalə tsunu ni doʼo n tɔŋɔ fə inəŋə nə̀ ghaa nyəŋi way, sey nə̀, ghaa loʼ ni fuu nyi may ndòw wû i ghaa nə igɔŋŋə. Abə ghaa gɔŋŋə may tsunə, ghaa n kəm kaʼ dzəŋŋə i ndow ni ghəŋə nə̀ kə Satan nə keelinə buʼ kə ni mɔm koʼ ghaa nghee i loʼ nə̀ ghaa way ni doʼo nə̀ ghaa nyəŋi dzəŋi way.

2 Kɔrint 11:27

Mə n fwaʼ, ndzəm fəghə soʼo. Mə n doʼo tsuʼu n loʼ mə nə̀ n bweeli way. N khənu fə key dzəŋ nsə fə̀ŋ ə mmuu loʼnə ghii kə. Mə n doʼo tsuʼu n loʼ mə n ndəmə tənəŋə nə̀ n koʼo way fə kə zə̂ə kə. Mə n dzam n ndəmə tənəŋə nə̀ n khə way ndzə̂ tə ni dzəŋə.

2 Kɔrint 6:5

Ghə n ghey bwɔd, fìi naŋa n ndaw tsaʼ, ghə̂ ghə n teyyə naŋa naʼa tə nə ifuu bòʼ ghey. Ghey n fwaʼ tə̀ a loʼ ukɔd, doʼo tsuʼu n loʼ mə nə̀ ghey bweeli way, ghey n muu soʼo n dzəŋ.