Matyo 6:1 - Kaa n Kəzə̀ n fəghə mə

¹ Yeso n kəm dza tə ghə nə̀, “Ney na ghə̂mə zə, kə̂ ghaa nə̂ ghəŋŋənə ghəə a Kəzə̀ a ghaa ghə n sə̂ kə aghə̂ ni dii iwû nə̀ ghə̂ ghə i tɔʼɔ koʼo bə ghaa. Abə ghaa ghəŋŋənə sey, ghaa i keeli dzə way naamə kə loʼ kə n wɔ Bày ghaa idəŋ.”

Matyo 6:1 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 16:6

Yeso n dza ndòw tə̀ ghə nə̀, “Təmi kɔʼ na nə ifuu, ghaa ney ighə̂mə n mbvùŋ ə ghə̂ a tə Falasi nsə ghə̂ a tə Sadusi ghə.”

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Matyo 23:5

Ghə ghəŋŋə ghəə a ghə adzəm nə̀ ghə̂ ghə i tɔʼɔ koʼo bə. Koʼo nghee ghə ghəŋŋə mbəghə n ghə mey ghə kow naŋa n tow u ghə nə̀ n khə kəm u ghɔɔmə i Kəzə̀ nə̀ mə i ngii dow! Koʼo soʼo nghee ghə ghəŋŋənə baʼ u təndzə wey u zənnə tii nə̀ wə i ngii daabə!

Matyo 25:40

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Matyo 5:16

À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 5:46

Abə ghaa ləghə kə ghə̂ ghey ghə ləghənə ghaa, ghaa i keeli dzə way naamə kə loʼ kə, n təŋkey, ghə̂ a kwɔɔ a màʼlə kə tsow kə ngəŋŋə ghəŋŋə soʼo sey.

Matyo 5:48

I sey dii nə̀, ghaa khə ni loʼ tsətsəghə ighələ tə̀ Bày ghaa idəŋ loʼnə tsətsəghə.”

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:9

Sey, abə ghaa dza i gɔŋŋə, ghaa khə ni gɔŋŋə tsu nə̀, ‘Bày ghey idəŋ, Ghey gɔŋŋə nə̀ ghə̂ ghə i fuu kɔʼlə mə n zəd zə.

Malakus 8:15

Yeso n dza ndòw tə̀ ngəd tə wi tə nə̀, “Ney na ghə̂mə zə n tsə̀ i ghə̂ a tə̀ Falasi nsə tsə̀ i Helɔd zə, n tənkey, i kuu tənyɔʼ tə̀ à loʼ mbvuŋ.”

Lukas 11:35

Sey, i ghəəmətsu na nə kə̂ i nə loʼnə nə̀ tsə̂ wey ghaa moʼonə nə̀ ghaa khənu nə fəd loʼnə ləm kə.

Lukas 12:1

Nghee tə̀ nɔɔ kə aghə̂ kə təŋŋə bənə, bwùlə bə n kow awaazə, Yeso n kaʼ tsu dzə ni ghɔɔmə tə̀ dzûmə tə wi tə dza, “Ney na ghə̂mə zə n ghə̂ a tə Falasi, a loʼ ghə nəb ityim.

Lukas 12:15

Yeso n dza ndòw tə̀ ghə nə̀, “Ney kɔʼ na ghə̂mə zə n ləghə i fə u mbi, n təŋkey ghə muu i wù i taŋa way n ndəmə tə ufə tey tə khənə.”

Lukas 16:15

Yeso n dza ndòw tə̀ ghə nə̀, “À loʼ ghaa, ghaa diinə wû zə n sə kə aghə̂, nə ghaa loʼ ghə̂ a dzuŋu ghə, Zə̀ kə a kee koʼonə fə̀ŋ tə ghaa tə. Sey, fə wey wù sɔŋtsuʼ gaʼanə fəŋ tii, u fədlə ləbinu tə̀ Zə̀ kə.

Tùm i dzuŋu zə kuum Yeso Klisto tə Jɔn â tɔɔnə 12:43

Ghə â tsəŋə bòʼ nə̀ ghə â ləghə ni keeli kɔʼlə mey ghə̂ a mbi ghə â fuunə, tsəghəshi kɔʼlə mey Zə̀ kə fuunə.

Tùm i dzuŋu zə kuum Yeso Klisto tə Jɔn â tɔɔnə 5:44

Ghaa sə̂ loʼ ni bəghəm ngee abə ghaa ləghənə nə̀ ghə̂ ghə i fuu bə kɔʼlə mə tə̀ ghaa, kəŋə ndòw way kɔʼlə mey n nuu bənə n wɔ Zə̀ kə n nəŋə wi.

Kəfwaʼ 3:12

Ambə Pita koʼ tsunə sey, tə n dza ndow tə ghə̂ ghey nə̀, “Ghə̂ a Izree ghə, à lo kee dzuu i zumnə ghaa n ghəə zən ə? A loʼ kee ghaa laalənə ghey n ndzoʼo jii zən ə? À loʼ kee ghaa laalənə ghey tə a i dzanə à loʼ n daʼa kə ghey, ghey ghəŋənə nə̀ wù wən bwey nkee ghaa moʼlə nə̀ ghey loʼ ghə̂ a dzuŋu ghə n sə K-a-zə̀ ni ghəŋə nə̀ wù wən bwey ə?

Galeshia 6:12

Ghə̂ ghey ghə dza nə̀ ghaa səghə tyi u ghaa, loʼ ghə̂ ghey ghə ləghə kə ni dii uwû nə ghə tɔʼɔ fwaʼa fwaʼ K-a-zə̀. Zuŋ kə ighəə key ghə ghəŋŋənə ghəə ghən loʼ nə̀, ghə tsəŋə nə̀ kə ghə̂ a nə chɔdlɔnə ghə, nə ghə naʼlə tûm nə Klisto â kpu n zat kə fəkaʼ ni bəghəshi aghə̂.

Hibru 11:26

Tə â ney kɔʼ n fə̀ŋ ə wi nə̀, ni fəghə bòʼ wù wən Zə̀ kə â dza naŋa nə̀ i tûm bənu dzɔb tsəghəshinu fə u dzuŋu wey udzəm u loʼnə n naʼ zə Ijip, bòʼ nə̀, tə â laalə tənə ndow kə naamə key tə i keelinə isə.

Hibru 2:1

À wey loʼ ghə i tii zə saa khə ni tɔʼ ney ighə̂mə n ghəə ghən saa zownə. Sey nə̀, kə ghə i loʼ i nə sìi dzəŋŋənə saa.

Hibru 6:10

Zə̀ kə way dzə wù wey tə way tsətsəghə n ghəə a wi, sey, tə i neyzəə way fwaʼ kə ghaa kə nsə ləghə zən ghaa dii bənə tə̀ wi nghee ghaa gaamənə ghə̂ a wi ghə, ghaa a nam ndow kə n sə kə ni ghəŋŋə sey.

2 Jɔn 1:8

Ghə̂mə na nə kə ghaa nə guŋŋənə fə kə loʼ kə n fwaʼ kən ghey fwaʼanə, kuu nyi ndow na sə̀ŋ zə, sey nə̀, ghaa loʼ ni keeli kənaamə naʼ idzəm.