Matyo 5:30 - Kaa n Kəzə̀ n fəghə mə

³⁰ Abə kpii kə kə̀ təmə kə, kə chimmə nə wɔ nə̀ wə ghəŋə ghə i bəbə zə, khəə nuu tsu kpii kə tii kə wə maʼa, n təŋkey, tə̀ Zə̀ kə ni tûm wû wə udzə̀m n luʼu key wə i fəʼlənə tii, dzɔb lòʼ nə̀ wə guŋu bad kə uwû kə kəmɔ̀ʼ.”

Matyo 5:30 ပူးပေါင်းရင်းမြစ်များ

Matyo 11:6

Ndzuŋ loʼ tə̀ wù wey tə səmə way bòʼ mə̀.”

Matyo 13:21

ghə n ka ngii taw tii, ghə n dzə kòw tsu kə fə̀ŋ fənyaŋi, ambə ghəə a dza i bə taw tsu kə n kow ghə, nkee ghə chɔdlɔnə ghə bòʼ ghəə zey ghə bəghəm, ghə n kəm ghaʼi tyi zəghə i tsu.

Matyo 16:23

Yeso n khə̂mə tsəghə bə, dza tə̀ Pita nə̀, “Nuu n baa mə, Satan! Wə təʼlə maʼa mə n təŋkey, wə moʼlə dzə way ghəə ghey Zə̀ kə moʼlənə, wə fədlə moʼlə ndòw kə ghəə ghey wù sɔŋtsuʼ moʼlənə.”

Matyo 17:27

N ləghə way nə̀ ghə fəələ n fə̀ŋ ghi saa. Sey, ndòw nə inyi, wə̀ say ndòw saʼ fə kwɔɔ fə tətsəghə fə, tsəghə i sə̂ i sə zey wə î kwɔɔ kɔʼɔnə, wə i chi kɔʼ dzuu wi, wə koʼ tsu ukhəə tii wə i kpiinə ni tsow màʼlə kə nsə kə kuŋ kə. Wə i ney kɔʼ, wə fuu ndow tə̀ ghə tə̀ a loʼ tsow zə nsə i zuŋ zə.”

Matyo 18:8

Abə wɔɔ kə nkee fuu kə kə̀ chimmənə wɔ nə̀ wə̀ i ghəŋŋə ghəə a bəbə ghə, khə̀ə nuu kɔʼ, wə say maʼa ndow. I baa dzɔbə nə̀ wə keeli muu zə itsali nə̀ wə khə kəwɔɔ kəmɔʼ nkee kəfuu kəmɔʼ, tsəghəshi tə̀ wɔ ni keeli awɔɔ a bəghə nkee ifuu i bəghə, wə fəd nyi ndòw n vəllə wey u nəmmə tsə way.

Matyo 22:13

Də̀ŋ key n dza ndòw tə ghə̂ a kəfwaʼ ghə nə̀, ‘Kòw kɔʼ na wi nə ubaʼ, nə awɔɔ nsə nə ifuu, ghaa maʼa ndòw wi bii nə kələm, tə i dey fu, fəə asɔŋ.’

Matyo 25:20

Wù kəfwaʼ wey tə â khənə mbəghə wə ukhəə wə utaa n bə fuu dzəŋŋə bə, fuu bə soʼo mbəghə wə ukhəə u loʼ wey utaa dza nə̀, ‘Mûkəbii, wə â fuu naŋa mə n mbəghə wə ukhəə wə utaa, mə n fwaʼ keeli kpiʼi mbənə tə tii nə umbəghə utaa. Koʼo u wən ə!’

Matyo 26:31

Nghee Yeso ghi ngəd tə wi tə ndow kuum tsunə fu, Yeso n dza ndòw tə̀ ghə nə̀, “Na, n tsuʼu tə, ghaa adzəm, ghaa î tyi naŋŋə tsu taʼa tsuu mə n nəŋə mə, bòʼ nə̀, màʼlə K-a-zə̀ kə dza nə̀, ‘Zə̀ kə î wey tsu wù keyyə u tənjì wə, njì tə tii tə i tyi saŋŋə tsu.’

Matyo 5:22

N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Matyo 5:29

Abə sə̂ zə n kpii wə u təmə wə, chimmənə wɔ nə̀ wə ghəŋə ghə i bəbə zə, bɔʼi nuu shi bə sə̂ i tii zə, wə̀ maʼa, n təŋkey, tə̀ Zə̀ kə ni maʼa wû wə udzəm n luʼu key wə i fəʼlənə tii, dzɔb lòʼ nə̀ wə guŋu bad kə uwû kə kəmɔ̀ʼ.

Malakus 9:43

I loʼ soʼo nə̀, abə wɔɔ kə kə̀ ghəŋənə wɔ̀ nə̀ wə bwù n ghəə a bəbə ghə, khəə nuu kɔʼ wɔɔ kə tii kə. Dzɔb loʼ tə̀ wɔ̀ nə̀ wə keeli muu zə itsali n wɔɔ kə kəmɔʼ, tsəghəshi tə̀ wɔ̀ ni ndòw n vəllə u tsali wə n wɔɔ ghə ghə̀ abəghə.

Lukas 12:5

N dza n dza bə tə̀ ghaa ndzoʼo wù wey ghaa khənə ni tsəŋ. I tsəŋə na Zə̀ kə, n təŋkey, tə khə kədaʼa ni wey tsu wù, tə kəm ney kɔʼ zay kə wi, tə maʼa ndòw nə uvəllə, a wən loʼ wù wən ghaa khənə ni tsəŋ.

Lukas 17:2

Kùm nə̀, abə ghə tsəm kow kɔʼ kənə tay i nii zə n mwey u wù, tuŋu maʼa nyi tsu ndow wi n dzuu, tə i nam zow kədzuŋ tsəghəshi ngoʼ zey wù wən tə ghəŋənə nə winətəghə umɔʼ bwu n ghəə a bəbə ghə i zownə.

Roma 9:33

I loʼ tə i tɔ̀ɔ doʼonə n màʼlə K-a-zə̀ nə̀, “Koʼo, n naŋŋə tsu itay n naʼ i Zayɔn, i ghəŋŋənə nə ghə̂ a taŋŋə tii, N naŋa tsu kənaa kə i ghəŋŋə nə̀ ghə taŋŋə bwu tii. À kee loʼ nə̀ wù wey tə bəghəmnə tə Zə̀ kə, i keeli way tow kə dədlə kə.”

1 Kɔrint 8:13

Sey abə i loʼnə nə̀ fəzəə wən n zə̂ənə, ghəŋŋə nə̀ dzûmə Klisto u loʼ u bwu n ghəə a bəbə ghə, mə i kəm fə koʼ tsə way nyam tə̀ mbi nə bə may, sey nə̀ kə̂ n nə̂ ghəŋŋə nə̀ dzûmə Klisto u loʼ u nyi n ghəə a bəbə ghə.

Galeshia 5:11

Waazə ghə, abə a mə loʼ nə n nam naʼlə kə nə̀ gheynum a khə ni teeli səghə tyi u ghə tə̀ laŋ kə dii nə̀, tə ghə̂ a Təjuu a mə chɔdlɔ way mə. À sə fa loʼ kə nə̀ n naʼlə tûm bòʼ və zən Yeso â kpunə tii n zat kə fəkaʼ, à wey loʼ i ghi ghə chɔdlɔnə mə.

1 Pita 2:8

I tɔ̀ɔ doʼo soʼo n màʼlə K-a-zə̀ nə̀, “À wən loʼ tay zən ghə̂ ghə i taŋŋə bwunə tii, Naa key kə i ghəŋŋənə nə̀ ghə̂ a bwu.” Ghə i taŋŋə bwu n təŋkey ghə â ka bəghəm ghɔɔmə i Kəzə̀ zə. À wən bɔɔmə loʼ ghəə zey Zə̀ kə â bayyə naŋanə tə̀ ghə.