Matyo 5:22 - Kaa n Kəzə̀ n fəghə mə

²² N kee dza bə tə̀ ghaa nə̀, abə wù fəələnə nəghə wə ghi waazə ə wi, tə kpiinu tə̀ ghə doʼlə naŋa wi n tay i saʼ. Abə wù tɔŋɔ ndòwnə waazə nə̀, ‘Ndzə̀ŋ ufow zən’, tə̀ kɔʼ kpiinu tə̀ ghə saʼ wi n ndaw tsə̂. Abə wù kpaalə ndownə waazə nə̀, ‘laʼlə ka fə̂ kən’, tə kpiinu tə̀ ghə maʼa wi nə uvələ, tə i fəʼlə fu.

Matyo 5:22 ပူးပေါင်းရင်းမြစ်များ

Matyo 10:17

Ghə̂mə na, n təŋkey, ghə̂ à loʼnu ghə î ney ndòwnə ghaa n ndaw tə təsaʼ, ghə i bwɔd ghaa n ndaw tə udzəŋi tə ghə̂ a Təjuu.

Matyo 10:28

Kə̂ ghaa nə̂ tsəŋənə ghə̂ ghey ghə loʼnə ni wey kə vən fə uwû fə wù, nə̀ ghə way ni wey zay kə wù, ghaa khə ni fəd tsəŋ Kəzə̀, n tənkey, tə̂ loʼnu ni wey vən fə uwû fə wù nsə fə̀ŋ ə wi n luʼu key ghə̂ fəʼlənə tii.

Matyo 12:24

Nghee tə ghə̂ a tə Falasi a kee zow tsunə sey, ghə n dza, “À teeli loʼ Belzebul, tɔŋŋə də̀ŋ kə zay u bwu wə, kə fuunə ghə̂ fən n daʼa kə nə̀ tə i dzum shiə zay u bəbə wə tii.”

Matyo 17:5

Nghee tə̀ tə nam ghɔɔmənə, mbaʼ tə fəmə tə n tsəd bə ghə, dzə̀ i loʼ zə n shi bə fu tii nə təmbaʼ dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə. I zow na tə̀ wi.”

Matyo 18:21

Pita n bə bəb bə tə̀ Yeso nə̀, “Mûkəbii, a loʼ tənəŋə tə siʼi n loʼnə ni neyzəə bəb i waazə wuŋ abə tə ghəŋənə mə n ghə i bəbə zə ə? A loʼ tənəŋə təsəghəmbəghə ə?”

Matyo 18:35

Yeso n daŋŋə dza nə̀, “À wən loʼ nghee Bày wuŋ idəŋ î ghəŋŋənə tii tə̀ ghaa abə ghaa neyzəə way ghəə a bəbə ghey waazə a ghaa a ghəŋŋənə tə̀ ghaa n fə̀ŋ tə ghaa.”

Matyo 23:15

Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə təŋkey, ghaa loʼ ghə nəb ityim. Ghaa daŋa kɔʼɔ tədzuu nsə naʼa tə ni ndòw kweyyə kɔʼ wù umɔʼ nə̀ tə bəghəm tə̀ Zə̀ kə. Ambə tə bəghəm kɔʼnə tə̀ Zə̀ kə, ghaa n kəm ghəŋə tsu wi, tə n fəd kpii ni ndow n luʼu key ghə chɔdlɔnə ghə̂ ghə a tii tsəghəshi wû i ghaa.

Matyo 23:33

Ghaa bəbə tə a loʼ təzuu! Ghaa loʼ waa ghə ufwey! Ghaa moʼlə nə̀ ghaa i loʼnu ni tyi nə̀ kə Zə̀ kə nə tûmnə ghaa n luʼu key ghə̂ a fəʼlənə tii ə?

Matyo 25:41

“Tə i dza ndòw tə̀ ghə̂ ghey n kpii kə wi kə kwɔ kə nə̀, ‘Nuu na n səə mə, ghaa ghən Zə̀ kə ləŋ naŋanə, ndòw na n vəllə wey u nəmmə tsə way ghə bayyə naŋanə tə̀ Satan nsə tsətəndəghə tə wi.

Matyo 26:59

Ghə fɔɔngili a nii ghə nsə ghə̂ a ndaw tsə̀ ghə adzəm n kəŋə ghəə zey ghə loʼ ni kuu n tow kə Yeso tə̀ ghə wey wi.

Matyo 3:17

Ghə n zow dzə̂ i loʼ zə i ghɔɔmə shiə tsu bənə n bikighow dza, “À wən loʼ waa wuŋ u tsuʼu wə, à loʼ wi tə i ghəŋŋənə nə̀ mə i ngii duʼlə.”

Matyo 5:34

N fa kee dza bə tə̀ ghaa nə̀, kə̂ ghaa nə tsəm ə kaanə. Kə ghaa nə̂ kaa kɔʼɔ ndòwnə n bikighow, n təŋkey a loʼ luʼu key kuu kə fɔɔ K-a-zə̀ loʼnə tii,

Matyo 5:44

N fa kee dza bə tə̀ ghaa nə̀, ghaa khə ni ləghə ndòw ghə̂ a təngəmə a ghaa ghə, gɔŋŋə tə̀ ghə̂ ghey ghə bàanə ghaa.

Malakus 14:55

Ghə fɔɔngili a nii ghə nsə ghə̂ a tsə a Təjuu ghə adzəm n kəŋə ighəə ni kwu Yeso tii tə̀ ghə wey wi, ghə n ka kee keeli ghə i loʼ zə.

Malakus 15:1

Ambə tsuʼ u zow tsunə, ghə fɔɔngili a nii ghə, ngəd tə inaʼ, ghə̂ a dii a kəlaŋ ghə, nsə ghə̂ a ndaw tsə ghə adzəm n kwu tsu kədzəŋi ni sallə aghəə. Ghə n kùm tsu Yeso nə tətsaʼ, ney nuu ndòw wi, ndòw fuu tsəghə ndòw wi tə̀ Pilato.

Lukas 12:5

N dza n dza bə tə̀ ghaa ndzoʼo wù wey ghaa khənə ni tsəŋ. I tsəŋə na Zə̀ kə, n təŋkey, tə khə kədaʼa ni wey tsu wù, tə kəm ney kɔʼ zay kə wi, tə maʼa ndòw nə uvəllə, a wən loʼ wù wən ghaa khənə ni tsəŋ.

Lukas 22:66

Ambə tsuʼ u zow tsunə, ngəd tə inaʼ, nsə ghə fɔɔngili a nii ghə, nsə ghə̂ a dii ghə ulaŋ ghə n dzəŋi i bə, ney bə Yeso n tay i saʼ i ghə.

Tùm i dzuŋu zə kuum Yeso Klisto tə Jɔn â tɔɔnə 11:47

Sey, ghə fɔɔngili a nii ghə ghi ghə̂ a tə Falasi ghə n tɔŋɔ tsu dzəŋi kə ndaw tsə̀, ghə n bəbə n wû i ghə nə̀, “A i jiə tsu ngee ghi Yeso wən ə? Tə nya ngii dii ndəmə ghəə a faalə ghə!

Tùm i dzuŋu zə kuum Yeso Klisto tə Jɔn â tɔɔnə 15:25

Ghəə ghən ghə ghəŋŋənə loʼ ni luulə tsu ghɔɔmə zey ghə â tɔ̀ɔ naŋanə n laŋ kə ghə nə̀, ‘Ghə bàa mə nə̀ n ka ghə n ghə i ghəŋə bəəbə.’

Tùm i dzuŋu zə kuum Yeso Klisto tə Jɔn â tɔɔnə 7:20

Nɔɔ kə aghə̂ key kə n dza nə̀, “Wə khə zay kə bwu kə n kow wɔ. À kəŋə ndee jii ni wey wɔ ə?”

Tùm i dzuŋu zə kuum Yeso Klisto tə Jɔn â tɔɔnə 8:48

Ghə̂ a Təjuu ghey n dza tə̀ Yeso nə̀, “I sey dii nə̀, ghey mə ka nɔʼ dzə ni dza nə̀ wə̀ loʼ wù Samaria, nsə nə̀ zay kə bəbə kə loʼ n kow wɔ.”

Kəfwaʼ 17:18

Ghə̂ a dii a kəmàʼlə a loʼ ghə, ghə loʼnə n zəghə wə Epikurya nsə a Stɔyk n ndow bə fu, ghɔɔmə ballə ghi wi. A loʼ ghə bəbə nə̀, “Wù wən baa ləghə ni dza nə̀ ngee tə sə ndzaŋŋə luʼu tə fa nə ighɔɔmə ə?” A loʼ ghə n dza nə̀, “À loʼ kə tə̀ tə khəə ghəə a zə̀ u tətùm.” Ghə â ghɔɔmə sey n təŋkey, Pɔl â naʼlə tûm i dzuŋu zə kuum Yeso tə ghə nsə ghəə a zhəm dzəŋŋə ghə nə ivə.

Kəfwaʼ 22:30

Tow kə təsawgoʼ u tii wə n ləghə ni tɔʼ keeli shi kɔʼ zuŋ key ghə̂ a Təjuu a kwunə Pɔl tii. Tsətsə wey, tə n tsɔʼlə nuu tsu tsaʼ tey ghə â kuum naŋanə Pɔl tii, tsəʼlə tsu kəlaŋ nə̀ ghə fɔɔngili a nii ghə nsə ghə̂ a ndaw tsə ghə adzəm, zuŋŋə bə. Ambə ghə zuŋŋə bənə, tə n ney teyyə naŋa shi bə Pɔl n sə kə ghə.

Kəfwaʼ 23:1

Pɔl n sɔʼ laalə ndow ghə̂ a ndaw tsə sa, dza tə ghə nə̀, “Waazə ghə, fə̀ŋ zuŋ ngii zownu n jìi zey n muu kɔʼ bə tii n sə̂ K-a-zə̀ ni bə shi na.”

Kəfwaʼ 24:20

Nə a way sey, ghə̂ ghən ghə loʼnə fa n tiilə dza bə ghə i bəbə zey ghə â kwunə mə tii nghee ghə â saʼanə mə n ndaw tsə.

Kəfwaʼ 4:15

Sey ghə n dza tə Pita ghi Jɔn nə̀ ghə shi təmi tsu a bii. Ambə ghə shi ndownə, ghə̂ a ndaw tsə ghey n daŋŋə kaʼ ni ghɔɔmə n wû i ghə.

Kəfwaʼ 5:21

Ghə n nuu kɔʼ n bələbələ tə, bɔɔmə dzûmə ndow kə ghəə zey tsəndəghə ə Mûkəbii wey mə dzanə, nuu nyi ndow n bii kə ndaw Kəzə̀, zey ndow ni dii aghə̂ fu. Ambə fɔɔngili u nii nii wə ghi ghə̂ a wi ghə ndow bənə, ghə n tɔŋɔ naŋa bə ghə̂ a tsə nsə ngəd tə Izree tə tədzəm, tûm ndow tûm n ndaw tsaʼ nə ghə ney bə ngəd tə Yeso tey fu.

Kəfwaʼ 5:27

Ghə n ney nyi bə ngəd tə Yeso tey, doʼlə naŋa bə ghə n sə̂ kə ghə̂ ə ndaw tsə. Fɔɔngili u nii nii wə n bəbə ghə n ghəə ghə.

Kəfwaʼ 6:12

Ghə̂ ghən n sɔʼlə kɔʼ bə aghə̂, sɔʼlə kɔʼ soʼo ngəd tə inaʼ nsə ghə̂ a dii a kəlaŋ ghə. Ghə n daŋŋə bə kwu kɔʼ Sətifən, ney ndow wi n ndaw tsə.

Kəfwaʼ 6:15

Ghə̂ ghey adzəm ghə a doʼnə n ndaw tsə, ghə n tɔʼ laalə ndow Sətifən, koʼ ndow tûm u sə u wi, wə n nyiələ tə̀ aloʼ tûm usə u tsəndəghə Kəzə̀.

Kəfwaʼ 7:37

À wən loʼ Mushi wən tə â dza tə ghə̂ ghə Izree ghə nə̀, ‘Zə̀ kə i tûm bə ghaa n wù tûm Kəzə̀ ighələ tə̀ tə â tûm bənə mə. Wù tûm Kəzə̀ ə tii i shiə kɔʼɔ kə n fəŋŋə kə ghaa.’

Roma 12:10

Ghaa khə ni ləghə tiilə wû i ghaa zə tə a loʼ dzûmə tə Klisto. Ghaa keeli zay ni ngɔɔmə waazu ghə tsəghəshiə tə ghaa ngɔɔmənə wû i ghaa zə.

1 Kɔrint 6:10

ghə̂ a tsɔŋɔ ghə, ghə̂ ghey ghə shiənə n sə ghə n fə u mbi, ghə̂ a khəə ghə nlə ghə, ghə̂ ghey ghə khəə kaabənə fəghəm tə, nsə ghə̂ a tsɔŋɔ ghə. Ghə̂ ghən adzəm nə̂ way ni zə̂ koʼ Fɔɔ u Kəzə̀.

1 Kɔrint 6:6

Ghaa dzûmə tə Klisto, ghaa fədlə ney ndow a waazu n tay i saʼ. I zey i buʼ bəb tsəghəshinə loʼ nə̀, ghaa ney ndow chɔd n ghaa tə̀ ghə̂ ghən ghə ka bəghəm tə̀ Zə̀ kə nə̀ ghə bayyə.

1 Tesalonika 4:6

Sey î kə̂ wù loʼ nə ghəŋə ghə i bəbə zə tə waazə n ghəə i zən nkee ni tsi ney wey wi. Ghey n ghəə ghən tə̀ ghaa dza, tɔ̀ʼ tiilə tsu tuŋŋə u ghaa nə̀ Zə̀ kə i saʼa bəəbənu ghə̂ ghən ghə ghəŋə ndzoʼo ghəə ghən.

Taytus 3:2

Dza tə̀ ghə nə̀ kə ghə i ghɔɔmə ghə i bəbə zə bòʼ wù loʼ. Kə ghə nə kəŋənə chɔd wə, ghə i maʼlə tsu wû wə n ghəə a ghə a ghəŋŋə ghə, dii ndow soʼo mwam u dzuŋu wə tə̀ ghə̂ ghə adzəm.

Hibru 12:25

Sey, ghaa ney ighə̂mə nə̀ kə ghaa i tuu ni zəllə tə̀ Zə̀ kə nghee tə ghɔɔmə bənə tə̀ ghaa. Abə ghə̂ ghə Izree ghə â ka nɔb shi nghee ghə â tuu ni zow tə̀ Mushi wey tə â fuunə ghə n tsə̀ zə fa a ghəlitsə, i sey dii nə̀ zə i bəbə tsəghəshiənu n kow saa, abə saa tuunə ni zow tə̀ wù wey tə ghɔɔmə tsuu bənə tə̀ saa idəŋ.

Hibru 5:9

Ambə Zə̀ kə ghəŋə tsunə nə̀ tə kɔʼ kpii, tə n ghəŋə soʼo wi nə̀ tə doʼo wù wey tə fuunə bəghəshi zən i may way tə̀ ghə̂ ghən ghə zownə tə̀ wi.

Jems 2:20

Laʼlə k-a-fə kən! Wə ləghə nə̀ n dii bə tə wɔ nə̀ abə wə khənə bəghəm i fə̀ŋ zə nə̀ wə ghəŋŋə ndow way ghə̂ a dzuŋu, bəghəm i fə̀ŋ i tii i maŋ loʼ kənunu ə?

Jems 3:6

Nyim kə bɔɔmə loʼ soʼo tə a loʼ uvəllə. N badla tə uwû tə wù tədzəm, nyim kə loʼ zuŋ kə ghəə a bəbə ghən fa n mbi. Kə ney bə ghəə a bəbə ghə n wû u wù udzəm, kə bəəbə maʼa may tsu muu i wù n uvəllə, wû u wi, tə n fə daŋŋə kɔʼ soʼo tii n bùʼ kə Satan.

1 Pita 2:23

Ambə ghə kpaalənə wi, tə ka kpaalə dzəŋŋə dzə ghə. Ambə tə fəghənə n wɔ ghə tə n ka bii naŋa dzə ghə. Tə n fəd zəghə maʼa ndow saʼ a wi tə̀ Zə̀ kən kə saʼanə ghə̂ ghə n jìi zey i kpiinə.

1 Pita 3:9

Kə ghaa nə kûmmənə bəb zə nə ibəb, nkee abə wù tsɔɔmənə ghaa, kə ghaa nə tsɔɔmə soʼonə wi. Ghaa khə ni fəd dza nə̀ Zə̀ kə buulə wù tii n təŋkey à wey loʼ ghəə zey Zə̀ kə â tɔŋɔnə ghaa nə̀ ghaa i ghəŋŋə sey nə̀, ghaa i loʼ ni keeli ibuulə n wɔ wi.

1 Jɔn 2:9

Abə wù dzanə nə̀ n muu nə utsə, kee baa ndow waazə ə wi, wù tii sey nam muu nə kələm.

1 Jɔn 3:10

Jìi zey saa koʼo keelinə waa a Kəzə̀ ghə nsə nghee waa ghə avəətsəə ghə tii loʼ nə̀, wù wey tə ghəŋŋə ghəə zey i kpiilə way, way dzə waa Kəzə̀, ighələ ghi wù wən tə ləghə way waazə a wi ghə.

1 Jɔn 5:16

Abə wə koʼ waazu ghəŋŋə bəəbənə ghəə zə n jìi zey zə i sìi ndow way wi nə ivə, wə n gɔŋŋə nə̀ Zə̀ kə fuu wi n muu zə, bòʼ bəb i wi zey i way ni wey wù. Ghɔɔmə zən loʼ tə̀ ghə̂ ghey ghə ghəŋŋənə bəb zey i way ni ghəŋə nə̀ wù kpu. Bəb i loʼ i loʼnu ni ghəŋə nə̀ wù kpu, n kee dza dzə way nə̀ ghaa khə ni gɔŋŋə n ndzoʼo bəb i tii zə.

Màʼlə kə Jud tə̀ ghə̂ a Kəzə̀ ghə 1:9

Wû u Maykel wən tə â loʼnə tow kə tsətəndəghə tə Kəzə̀, nghee tə â zùulənə vən i Mushi zə ghi vəətsəə ghə, tə â ka fòʼlə dzə ni tsəʼlə saʼ n kow wi nə̀ tə tsayyə Kəzə̀. Tə â fəd dza nə̀, “N gɔŋŋə nə̀ Zə̀ kə chɔd wɔ n ghəə zən.”

Chi dii 20:14

Ghə n daŋŋə ney maʼa nyi tsu ivə nsə naʼ zə ivə zə n nyî zə uvələ. Nyî zə uvələ zən loʼ və i zən i dzûmə ndow və i sə isə zə.