Matyo 5:18 - Kaa n Kəzə̀ n fəghə mə

¹⁸ N kuum dza bə tə̀ ghaa nə̀, bikighow nsə ghəlitsə kə i bə maynu, kasə nyaŋinyaŋi fə ighəə nkee luʼu fə loʼ fə n laŋ K-a-zə̀, î ndòw way luʼu kə nə̀ ghəə a tii ghə adzəm a kà ney bənə kə.

Matyo 5:18 ပူးပေါင်းရင်းမြစ်များ

Matyo 10:15

N kuum dza bə tə̀ ghaa nə̀, ghəə ghən n dzanə fa tə̀ ghaa, abə tsuʼ u təsaʼ wə î kpii tsunə, naʼ zey ghaa nyoʼonə dzəm tii, Zə̀ kə î kwɔɔlənu n sî zə n kow naʼ i Sodom zə, nsə i Gomora zə, tsəghəshi naʼ i tii zə.”

Matyo 10:23

Abə ghə chɔdlɔnə ghaa n naʼ i loʼ zə, ghaa n tyi nuu ndòw n naʼ i nuu zə. N kuum dza bə tə̀ ghaa nə̀, ghaa î tsəghə ngəə may way nàʼa tə Izree tən tədzəm, nə̀ Waa weynum ka kam bə.”

Matyo 10:42

N kuum dza bə tə̀ ghaa nə̀, wù wey tə tey fuu kənə wɔ̀ɔ mmuu i kay zə tə̀ nyaŋi fə wù fə n ghə̂ ghən n zəd i dzûmə tuŋ, î ndzəmə keelinu naamə kə.”

Matyo 11:11

“N kùm dza bə tə̀ ghaa nə̀, wù loʼ way dzə fa n mbi, tə tsəghəshinə Jɔn Wù fuu u mmuu n Kəzə̀ mə, a kee loʼ nə̀ wù wey tə təb tsəghəshinə ghə̂ ghə adzəm n fɔɔ wə idəŋ wə tsəghəshinu Jɔn.

Matyo 13:17

N kuum dza bə tə̀ ghaa nə̀, ndəmə tûm tə Kəzə̀ nsə ghə̂ ghey ghə loʼ tsətsəghə mâ dəm ni koʼ ghəə ghey ghaa koʼo, dəm kìi, dəm soʼo ni zow ghəə ghey ghaa zow, dəm kìi.”

Matyo 16:28

N dza bə isəŋə tə̀ ghaa nə̀, ghə̂ a loʼ a loʼ fa ghə i koʼ way və zə nə̀ ghə ka koʼ Waa Weynum tə bəghənə n wû u Kədə̀ŋ.”

Matyo 17:20

Yeso n beeli ndòw ghə nə̀, “À loʼ n təŋkey, bəghəm i fə̀ŋ i ghaa i ngii təbənu. N kuum dza bə tə̀ ghaa nə̀, abə bəghəm i fə̀ŋ i ghaa i təbənə tə̀ a loʼ sam i kaʼ fə Mɔstad, ghaa loʼnu ni dza tə̀ kaʼ u wən nə̀, ‘Nuu tsu fa n luʼu kən, wə ndow fey!’ Wə i bɔɔmə nuu tsu. Ghə i loʼ i way zə i loʼnə ni tsəghəshi ghaa.”

Matyo 18:18

Yeso n dza tə ngəd tə wi tə nə̀, “N kuum dza bə tə̀ ghaa nə̀, ghəə zey ghaa bəghəm naŋanə fa n mbi, ghə i bəghəm naŋŋə soʼonu idəŋ, i zey ghaa tuu maʼanə fa n mbi, ghə i tuu maʼa soʼonu idəŋ.

Matyo 18:3

dza tə̀ ghə nə̀, “N kuum dza bə tə̀ ghaa nə̀, a may kə nə̀ ghaa kwey kɔʼnu, doʼo tsu tə̀ a loʼ aghinətəghə, ghaa nə̂ way ni nyi n fɔɔ wə idəŋ.

Matyo 19:23

Yeso n daŋŋə dza tə̀ ngəd tə wi tə nə̀, “N dza bə isəŋə tə̀ ghaa nə̀, i ngii tawnu tə̀ wù kûm wə ni nyi n fɔɔ wə idəŋ.

Matyo 19:28

Yeso n dza ndòw tə̀ ghə nə̀, “N kuum dza bə tə̀ ghaa nə̀, abə Waa Weynum î doʼnə n kuu kə ufɔɔ kə wi kə nyiələ kə n mbi i fəghə zə, ghaa ghən ighəm n ghii ghə abəghə i doʼ soʼo fu n kuu u təfɔɔ, saʼa naʼa tə Izree tən ighəm n ghii tə təbəghə.

Matyo 21:21

Yeso n beeli ndòw ghə nə̀, “N kùm dza bə tə ghaa nə̀, abə ghaa khənə bəghəm i fə̀ŋ zə, nə̀ ghaa səmə way, ghaa i way kə ni ghəŋə ghəə ghən n ghəŋənə ghi kaʼ fən, ghaa i buʼ loʼ soʼo ni dza tə̀ kaʼ wən nə̀, ‘Nuu tsu fa, wə maʼa ndòw wû wə n dzuu i nii zə̀’, zə i bɔɔmə doʼo sey.

Matyo 21:31

À loʼ waa u ghaa wə tə â ghəŋənə ghəə zey bày â ləghənə ə?” Ghə n dza, “U sə isə wey.” Sey, Yeso n dza tə̀ ghə nə̀, “N kuum dza bə tə̀ ghaa nə̀, ghə̂ a kwɔɔ a màʼlə kə tsow kə nsə gheyzən a kəkpala a nə ndow nyiənu n Fɔɔ u Kəzə̀ isə n kow ghaa.

Matyo 23:36

N kùm dza bə tə̀ ghaa nə̀, ghəə ghən adzəm î tsuu tsu n kow ghaa ghən n num tə tən.”

Matyo 24:2

Yeso n beeli ndòw ghə nə̀, “Ghaa koʼo kənu fə wən sa udzəm ə? N dza bə isəŋə tə̀ ghaa nə̀, itay imɔʼ zə i doʼo səə way n kow waazə. Ghə î tsuu tsu adzəm aghəd.”

Matyo 24:47

N kuum dza bə tə̀ ghaa nə̀, mûkəbii wən i naŋŋə wù kəfwaʼ wən nə̀ tə i laalə fə u wi wə udzəm.

Matyo 25:12

Num weyzən wey n beeli kɔʼ ghə dza nə̀, ‘Ey ngaŋ, n khə dzə way ghaa, n kuum dza bə isəŋə.’

Matyo 25:40

Tə i beeli ndòw ghə nə̀, ‘N kuum dza bə tə̀ ghaa nə̀, ghəə ghey ghaa â ghəŋənə tə̀ waazə wuŋ u ghaa wə, ghaa â sey ghəŋə tə̀ mə̀.’”

Matyo 25:45

Tə i beeli kɔʼ nə̀, ‘N kuum dza bə tə̀ ghaa nə̀, ghəə ghey ghaa â tuunə ni ghəŋə tə̀ waazə wuŋ u ghaa wə, ghaa â sey tuu ni ghəŋə tə̀ mə̀.’

Matyo 5:26

N kuum dza bə tə̀ ghaa nə̀, abə ghə ney fii naŋa ndòwnə wɔ sey n ndaw tsaʼ, wə̀ i shi koʼ way, a gɔʼɔ kə nə̀ wə n tsə̂ may fə key ghə bəbənə tə̀ wɔ.”

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:2

“I sey dii nə̀, abə ghaa fuunə wù laa n fə kə, kə̂ ghaa nə tɔŋɔnə ndɔŋ fə, tə̀ nghee ghə nəb ityim a ghəŋŋənə n ndaw tə udzəŋi tə ghə̂ a Təjuu nsə n faabə tə jìi. Ghə sey ghəŋŋə nə̀ ghə̂ ghə i kali tsuu ghə. N dza bə isəŋə tə̀ ghaa nə̀, ghə n sey keeli tən naamə kə ghə kə.

Matyo 8:10

Ambə Yeso zow tsunə ghəə ghən, dzuu zə n ngii zum wi, tə n dza ndòw tə̀ ghə̂ ghey ghə â bəghənə n baa wi nə̀, “N kùum dza bə isəŋə tə̀ ghaa nə̀, n ka kam koʼ koʼ tsə wù tə khənə ndzoʼo bəghəm i fə̀ŋ zən n naʼ zə Izree.

Malakus 10:15

N kuum dza bə isəŋə tə̀ ghaa nə̀, abə wù ka bəghəm fɔɔ u Kəzə̀ tə̀ a loʼ winətəghə, tə nə̂ nyi koʼ way fu.”

Malakus 10:29

Yeso n beeli ndòw wi nə̀, “N kùm dza bə tə ghaa nə̀, wù loʼ way dzə tə̀ loʼ ni zəghə tsu ndaw wi, waazə a wi, bày wi, nay wi, waa a wi, nsə sûm u wi wə, bòʼ mə nsə tûm Kəzə̀ i dzuŋu zə,

Malakus 11:23

N kùum dza bə isəŋə tə̀ ghaa nə̀, abə wù ghaa u loʼ u dza tsunə tə̀ kaʼ u wən nə̀, ‘Zəb kɔʼ wû wə wə̀, wə bwù ndòw n dzùu’, nə̀ tə səmə way, keeli tən tsu ibəghəm n fə̀ŋ ə wi, zə i teeli doʼo sey.

Malakus 12:43

Yeso n tɔŋɔ tsu ngəd tə wi, dza tə̀ ghə nə̀, “N dza bə isəŋə tə̀ ghaa nə̀, wey kpusə wən n kuu khəə wə fa tsəghəshi aghə̂ adzəm.

Malakus 13:30

N kùm dza bə tə̀ ghaa nə̀, ghəə ghən n dzanə fa, ghə̂ a num tən nə kpu may way nə̀ ghəə ghən a ka ney bənə kə.

Malakus 14:18

Nghee tə̀ ghə zə̂ənə, Yeso n dza tə̀ ghə nə̀, “N dza bə isəŋə tə̀ ghaa nə̀, wù ghaa umɔʼ î fìilə fuu mə, wù tii zəə fa ghi mə.”

Malakus 14:25

N kùm dza bə tə̀ ghaa nə̀, Mə i kəm mə̂ koʼ way lə mən, ni ndòw kùm n tsuʼ fey mə î mə̂ənə lə n fəghə mə n Fɔɔ u Kəzə̀.”

Malakus 14:30

Yeso n dza ndòw tə̀ wi nə̀, “N kùm dza bə tə̀ wɔ nə̀, tə̀ mwaʼ kə ni tɔŋ tənəŋə təbəghə na n tsuʼu tə, a i loʼ nə̀ wə n mə tuu maʼa tənəŋə tətəghə.”

Malakus 14:9

N kùm dza bə tə̀ ghaa nə̀, abə ghə î naʼlə kənə ghɔɔmə i Kəzə̀ zə n luʼu kə ghaa kə fa n mbi, ghə̂ ghə î zəŋŋə soʼonu ghəə zən weyzən wən ghəŋənə ni moʼlə tsuu wi.”

Malakus 3:28

N dza bə isəŋə tə̀ ghaa nə̀ Zə̀ kə i neyzəənu ghəə a bəbə ghən ghə̂ a ghəŋŋənə adzəm nsə ghəə a tsayyə ghən ghə ghɔɔmənə bòʼ wi.

Malakus 6:11

Abə ghaa bənə n naʼ zey ghə ka bəghəm naŋa ghaa fu, tuu soʼo ni zow tə ghaa, ghaa buʼ maʼa tsu bvə kə naʼ i ghə n fuu i ghaa, tə a loʼ tsəə n ghə i bəbə zey ghə ghəŋənə, ghaa shi nuu n naʼ i tii zə.”

Malakus 8:12

Yeso n sɔm nay ndòw n fə̀ŋ ə wi dza tsu nə̀, “Ghə̂ a num tə tən ləghə nə̀ n dii bə ghə n tsəə nə̀ a loʼ kee? N kuum dza bə isəŋə tə̀ ghaa nə̀, mə i dii way tsəə i loʼ zə tə̀ ghaa.”

Malakus 9:1

Tə n ndòw n sə kə, dza tə̀ ghə nə̀, “N dza bə isəŋə tə̀ ghaa nə̀, ghə̂ a loʼ fa nə̀ ghə i kpu way nə̀ ghə ka koʼ fɔɔ u Kəzə̀ wə u bəghənə n daʼa kə.”

Malakus 9:41

N kùm dza bə tə̀ ghaa nə̀, wù wey tə fuu kənə ghaa n mmuu n məə mə n zəd i Klisto, î teeli keelinu naamə kə wi kə.”

Lukas 11:51

Ni ney nuu tsu n kaŋ tə Ebel bə kùm bə n kaŋ tə Zachariah wən ghaa â weynə n fə̀ŋ ə tsə zey ghə fəələnə maʼlə wə tii nsə n luʼu key kə zow tsəghəshinə luʼu tə tədzəm. N dza bə isəŋə tə̀ ghaa nə ghə̂ ghən n num tən i fəʼlənu bòʼ ghəə a tii ghə.

Lukas 12:37

A i loʼ ghə i dzuŋu zə tə̀ ghə̂ a kəfwaʼ ghey mûkəbii ə ghə i kwɔɔlə bənə ghə nə̀ ghə loʼ n luʼu k-a-fwaʼ abə tə i dzəŋŋə bənə. N kûum dza bə isəŋə nə̀ tə i ndzuŋŋə tsu uwû tə bə fuu ghə n fəzəə wə.

Lukas 13:35

Koʼo na, ndaw ghaa nya loʼ i zûm zə. N dza bə tə ghaa nə̀, ghaa i kəm koʼ way mə ni ndow kuum tsuʼ fey ghaa i dza nə̀, “Buulə i loʼ tə wù wey tə bəghənə n zəd i Mûkəbii.”

Lukas 16:17

A maŋ loʼ nyaŋi fə ighəə tə bikighow nsə ghəlikətsə kə ni may, zə a fədlə ngii tawnə tə ghə imɔʼ ni səŋ n laŋ K-a-zə̀ fa n mbi.

Lukas 18:17

Keeli tsu na nə̀, wù wey tə ney way ghəə a fɔɔ u Kəzə̀ wə tə a loʼ wiinətəghə, tə nə nyi koʼ way fu.”

Lukas 18:29

Yeso n dza tə̀ wi nə̀, “I loʼnu isəŋə nə wù wey tə zəghə tsunə ndaw wi, wey wi, waazə a wi ghi bày wi ghi này wi nsə waa a wi ghə bòʼ ghə i fɔɔ u Kəzə̀,

Lukas 23:43

Yeso n dza ndòw tə̀ wi nə̀, “N dza bə isəŋə tə̀ wɔ nə tsuʼ fə na fən wə i loʼ ghi mə idəŋ.”

Lukas 4:24

Tə n kəm dza tsu tə̀ ghə nə̀, “Isəŋə kee loʼ nə, ghə bəghəm naŋŋə tsə way wù tûm Kəzə̀ n naʼ i wi.

Tùm i dzuŋu zə kuum Yeso Klisto tə Jɔn â tɔɔnə 1:51

Tə n kəm dza ndòw tə̀ wi nə̀, “N dza bə isəŋə tə̀ ghaa nə̀, ghaa i koʼo bikighow kə chi shi ndownə, tsətəndəghə tə Kəzə̀ tə i kɔʼɔ, tsuu n kow Waa Weynum.”

Tùm i dzuŋu zə kuum Yeso Klisto tə Jɔn â tɔɔnə 10:1

Yeso n ndow n sə kə, dza tə̀ nɔɔ kə aghə̂ kə nə̀, “N kuum dza bə tə̀ ghaa nə̀, wù wey tə bə ghab nyi kɔʼnə n mbàa tənjì nə̀ tə ka tsəghə n fuʼ u mbàa, wù tii loʼ wù tsɔŋɔ, tə loʼ soʼo kàm kə tsɔŋɔ kə.

Tùm i dzuŋu zə kuum Yeso Klisto tə Jɔn â tɔɔnə 10:7

Sey Yeso n kəm dza ndòw tə̀ ghə nə̀, “N kùm dza bə tə̀ ghaa nə̀, n loʼ fuʼ u mbàa u tənjì.

Tùm i dzuŋu zə kuum Yeso Klisto tə Jɔn â tɔɔnə 12:24

N dza bə isəŋə tə ghaa nə̀, abə sə̂ i səb i ka nyi tsu nə təzub, i kpu tsu, zə doʼlə kə sə̂ i səb. Abə i kee kpu tsunə, zə i fòw kɔʼ, i nyim kɔʼ, i bɔŋ bə ndəmə sə̂ asəb.

Tùm i dzuŋu zə kuum Yeso Klisto tə Jɔn â tɔɔnə 13:16

N sa kùm dza bənu tə̀ ghaa, wù kəfwaʼ u lo u way ni tsəghəshi mûkəbii wi, wù tûm way soʼo ni tsəghəshi wù wey tə tûmnə wi.

Tùm i dzuŋu zə kuum Yeso Klisto tə Jɔn â tɔɔnə 13:38

Yeso n bəb tə̀ wi nə̀, “Wə dza bə nə̀ wə loʼnu ni kpu n tow kuŋ ə? N kùm dza bə tə wɔ nə̀, tə mwaʼ kə ni bəd tɔŋ, a i loʼ nə̀ wə n mə tuu maʼa tənəŋə tətəghə.”

Tùm i dzuŋu zə kuum Yeso Klisto tə Jɔn â tɔɔnə 14:12

N dza bə isəŋə tə̀ ghaa nə̀, wù wey tə bəghəm fuunə tə̀ mə, tə i fwaʼa soʼonu ndzoʼo fwaʼ key n fwaʼanə ghii kə, tə i buʼ fwaʼ tsəghəshi tə mə â fwaʼnə, n təŋkey, n nya sa ndow n səə Bày.

Tùm i dzuŋu zə kuum Yeso Klisto tə Jɔn â tɔɔnə 16:20

N kùm dza bə tə̀ ghaa nə̀ abə mə i nuu ndownə, ghaa nə deyyə, tsuulə nsə̂, ghə̂ a mbi a nə kee duʼlə. Ghaa nə mownu, ghab kə nə ka kee shi, mow i ghaa i nə fəd doʼo bə iduʼlə.

Tùm i dzuŋu zə kuum Yeso Klisto tə Jɔn â tɔɔnə 16:23

Abə nəŋə i tii zə i bənə, ghaa i kəm bəb way mə n ghə i loʼ zə. N kùm dza bənu tə ghaa nə̀, abə ghaa nə nɔɔ kə kee kə tə̀ Bày n zəd zuŋ, tə nə fuunu tə̀ ghaa.

Tùm i dzuŋu zə kuum Yeso Klisto tə Jɔn â tɔɔnə 21:18

N kùm dza bə tə wɔ nə̀, nghee wə â nam loʼ winətəghə, wə n dzəŋŋə tsə ndzə tə n nəŋə wɔ, ndow n luʼu tey wə ləghənə ni ndow, a kee loʼ kə nə̀ abə wə i dən tsu, u nə naalə shiə ndow ikpi, wù nuu nə dzəŋə fu tsu ndzə tə, tə boʼo kɔʼ wɔ, tə ney ndow wɔ n luʼu key wə mə buʼu ləghə way ni ndow.”

Tùm i dzuŋu zə kuum Yeso Klisto tə Jɔn â tɔɔnə 3:11

N kuum dza bə isəŋə tə wɔ nə̀, ghey ghɔɔmə ghəə ghey ghey khənə, tiilə dza bə ghəə ghey ghey koʼnə, ghaa u nam bəghəm way tûm ə ghey.

Tùm i dzuŋu zə kuum Yeso Klisto tə Jɔn â tɔɔnə 3:3

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way ni koʼ fɔɔ u Kəzə̀ nə̀ ghə ka wi ji kuulə.”

Tùm i dzuŋu zə kuum Yeso Klisto tə Jɔn â tɔɔnə 3:5

Yeso n beeli ndòw wi nə̀, “N kuum dza bə isəŋə tə̀ wɔ nə̀, wù way dzə ni nyi n Fɔɔ u Kəzə̀ nə̀ ghə ka wi ji nə mmuu nsə n Zay kə Zow kə.

Tùm i dzuŋu zə kuum Yeso Klisto tə Jɔn â tɔɔnə 5:19

Yeso n dza ndòw tə̀ ngəd tə Təjuu tey nə̀, “N kûm dza bə isəŋə tə̀ ghaa nə̀, Waa way dzə ni ghəŋə dzə ghə i loʼ zə n daʼa kə wi. Tə ghəŋŋə ndòw kə ghəə zey tə koʼ neynə n wɔ Bày. N təŋkey, ghəə zey Bày ghəŋŋənə, Waa bɔɔmə ghəŋŋə ndòw kə i ghi.

Tùm i dzuŋu zə kuum Yeso Klisto tə Jɔn â tɔɔnə 6:26

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀ ghaa mə kəŋə dzə way bòʼ faalə mey ghaa mə koʼnə mə n ghəŋənə, ghaa mə kəŋə bòʼ baa wey ghaa zə̂ kow tsunə.

Tùm i dzuŋu zə kuum Yeso Klisto tə Jɔn â tɔɔnə 6:32

Yeso n dza ndòw tə̀ ghə nə̀, “N kuum dza bə isəŋə tə̀ ghaa nə̀, â way dzə Mushi tə â fuunə ghaa n baa kən kə nuu tsuu bənə idəŋ, â loʼ Bày wuŋ tə â fuunə ghaa n ndzəm ndzəm k-a-baa kən kə nuu tsuu bənə idəŋ.

Tùm i dzuŋu zə kuum Yeso Klisto tə Jɔn â tɔɔnə 6:47

N dza bə isəŋə tə̀ ghaa nə̀, wù wey tə bəghəmnə tə mə, tə î keelinu muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 6:53

Yeso n dza ndòw tə̀ ghə nə̀, “N dza bə isəŋə tə̀ ghaa nə̀ abə wù ka fə wû u Waa wù sɔŋtsuʼ, mə̂ kɔʼ soʼo kaŋ tə wi tən tə i fəələnə, tə î keeli dzə way muu zə itsali zə.

Tùm i dzuŋu zə kuum Yeso Klisto tə Jɔn â tɔɔnə 8:34

Yeso n dza ndòw tə̀ ghə nə̀, “N ndzəmə dza bə tə̀ ghaa nə̀, wù wey tə ghəŋŋənə ghəə a bəbə ghə, loʼ kəkɔd tə bəb zə.

Tùm i dzuŋu zə kuum Yeso Klisto tə Jɔn â tɔɔnə 8:51

N dza bə isəŋə tə̀ ghaa nə̀, wù wey tə ney naŋanə ghɔɔmə zuŋ zə, nə kpu koʼ way.”

Tùm i dzuŋu zə kuum Yeso Klisto tə Jɔn â tɔɔnə 8:58

Yeso n dza ndòw tə̀ ghə nə̀, “N dza bə isəŋə tə̀ ghaa nə̀, tə̀ ghə ni bə ji Abraham â loʼ nə̀ n loʼnu.”

1 Pita 1:25

À kee loʼ nə̀ ghɔɔmə i Mûkəbii i doʼlə tənənu.” Ghɔɔmə i tii i loʼ tûm i dzuŋu zən ghə â naʼanə tə ghaa.

Chi dii 20:11

Mə n daŋŋə koʼ ndow kuu kə fɔɔ kə nii nii kə fəmə kə nsə wù wey tə doʼnə tii. Ghəlikətsə nsə dəŋ kə n tyi nuu tsu n luʼu key tə loʼnə tii, bùʼ kə n kəm way fu tə ghə.