Matyo 5:16 - Kaa n Kəzə̀ n fəghə mə

¹⁶ À loʼ soʼo ighələ ghi ghaa, daa kə ghaa kə khə ni baŋa, tə̀ ghə̂ ghə i loʼ ni koʼ ghəə a ghaa a dzuŋu ghə, ghə i fuu kɔʼlə mə tə̀ Bày ghaa idəŋ.”

Matyo 5:16 ပူးပေါင်းရင်းမြစ်များ

Matyo 23:5

Ghə ghəŋŋə ghəə a ghə adzəm nə̀ ghə̂ ghə i tɔʼɔ koʼo bə. Koʼo nghee ghə ghəŋŋə mbəghə n ghə mey ghə kow naŋa n tow u ghə nə̀ n khə kəm u ghɔɔmə i Kəzə̀ nə̀ mə i ngii dow! Koʼo soʼo nghee ghə ghəŋŋənə baʼ u təndzə wey u zənnə tii nə̀ wə i ngii daabə!

Matyo 23:9

Kə̂ ghaa nə tɔŋŋənə wù loʼ fa n mbi nə̀ a loʼ, ‘Bày’, n təŋkey, ghaa khə kə bày umɔʼ tə loʼ idəŋ.

Matyo 5:45

Abə ghaa ghəŋŋənə sey, ghaa i doʼo waa a Bày ghaa wey tə lòʼnə idəŋ, n təŋkey, tə ghəŋŋə tsə ə wi nə̀ i baŋ n kow ghə̂ a bəbə ghə nsə n kow ghə̂ a dzuŋu ghə. Tə fuu soʼo ighow tə̀ ghə̂ ghey ghə loʼ tsətsəghə nsə ghə̂ ghey ghə way tsətsəghə.

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Matyo 6:9

Sey, abə ghaa dza i gɔŋŋə, ghaa khə ni gɔŋŋə tsu nə̀, ‘Bày ghey idəŋ, Ghey gɔŋŋə nə̀ ghə̂ ghə i fuu kɔʼlə mə n zəd zə.

Matyo 9:8

Ambə nɔɔ kə aghə̂ key kòʼnə ghəə ghən, fə̀ŋ tə n shi ghə, ghə n kàʼ ndòw ni fuu nkɔʼlə tə Zə̀ kə nghee tə fuunə ndzòʼò daʼa kən tə̀ ghə̂ ghə.

Lukas 11:2

Yeso n dza tə̀ ghə nə̀, “Abə ghaa dza i gɔŋŋə, ghaa n dza tsu nə̀, Bày, ghə̂ a khə ni ngɔɔmə zəd zə zə̀, ghə zə ufɔɔ zə zə̀ i bwey fa n mbi.

Tùm i dzuŋu zə kuum Yeso Klisto tə Jɔn â tɔɔnə 15:8

Bày wuŋ keeli nkɔʼlə abə ghaa ngii məənə tam wə. Tam wən ghaa məənə, dii tsuu nə̀ ghaa ndzəm loʼ ngəd tuŋ.

Kəfwaʼ 9:36

Dzûmə ə Yeso u loʼ wə n naʼ i Jopa ghə â tɔŋŋə nə̀ a loʼ Tabita, n ghɔɔmə i Grik nə a loʼ Dɔkas, dii tsu nə a loʼ ngaw. Weyzən wən n ghəŋŋə tsə ghəə a dzuŋu ghə tə ghə̂ ghə nəŋə tədzəm, fuu soʼo igaamə tə ghə̂ a laa ghə.

1 Kɔrint 14:25

I loʼ sey n təŋkey, ghəə a kələm ghey n fə̀ŋ tə ghə n doʼo bə n mgbaŋ. Sey ghə i təm ndow tənguʼ aghəd, ghə fuu nkɔʼlə tə̀ Zə̀ kə, ghə i dza shiə bə n mgbaŋ nə̀, “Zə̀ kə ndzəm loʼnu n fəŋŋə kə ghaa!”

2 Kɔrint 9:13

Fwaʼ kə ghaa kən i ghəŋŋə nə̀ ndəm aghə̂ i fuu kɔʼləmə tə Zə̀ kə. Ghə i fuu nkɔʼlə tə̀ Zə̀ kə n təŋkey nghee ghaa buunə n wɔɔ kə ni gaamə ghə nsə dzûmə tə Klisto tə tədzəm dii bənu nə̀ ghaa dzûmənu tûm i dzuŋu zə bòʼ Klisto.

Galeshia 1:24

Sey ghə n fuu nkɔʼlə tə Zə̀ kə bòʼ mə.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Efesus 5:8

Keeli tsu na nə̀ ghaa â buʼ loʼ tsə nə kələm, ghaa nya loʼ nə utsə̀ n təŋkey, ghaa loʼ nə kəfə kəmɔʼ ghi Mûkəbii. Sey, i ghəŋŋə ndow na ghəə ghey a kpiilənə tə̀ a loʼ ghə̂ ghey ghə muunə nə̀ utsə̀,

1 Tesalonika 2:12

Ghey n kuu fə̀ŋ tə ghaa tə, tsəmmə ghaa, buʼu ghaa n wɔɔ kə nəŋə tədzəm nə̀ ghaa i muu muu zey i kpiilənə tə̀ Zə̀ kə, n təŋkey a loʼ wi tə tɔŋɔ naŋa bənə ghaa nə̀ ghaa zə̂ fɔɔ u wi nsə n ghaʼ i wi.

1 Timoti 2:10

Ghə fəd khə ni ghəŋŋə ghəə ghey a fiilənə weyzən wey tə dza nə̀ i bəghəm fuu tə Zə̀ kə.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

1 Timoti 5:25

À loʼ soʼo n jii i mɔʼɔ zə, abə wù ghəŋŋənə ghəə a dzuŋu ghə, aghə̂ adzəm ghə n koʼo keeli may ndow. Nə ghə ka tɔʼ koʼ keeli kənu, ghəə a tii a way ni nyi doʼo tən dzə.

1 Timoti 6:18

Dza tə ghə nə̀ ghə i ghəŋŋə ghəə a dzuŋu ghə, ghə i dii kùm i ghə zə n ghəə a dzuŋu ghən ghə ghəŋŋənə. Ghə i buu n wɔɔ kə ni gaamə ghə̂ ghey ghə laʼanə fə wə, ghə i khə soʼo zày ni fuu dzaw fə wey ghə khənə tə ghə̂ ghə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Taytus 2:7

Wɔ n wû wə wə̀ a Taytus, wə khə ni ghəŋŋə ghəə ghey a dzɔbənə nəŋə tədzəm sey nə̀ ghə loʼ ni koʼ ney kɔʼ mwam u dzuŋu wey wə khənə. Ghəə ghey wə diinə khə ni loʼ isəŋə, kə wə nə səə soʼonə.

Taytus 3:14

Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Taytus 3:4

Zə̀ kən kə loʼnə bəghəshi ə saa n kee dii bə fə̀ŋ ə wi i dzuŋu zə nsə ləghə i wi zə tə̀ saa,

Hibru 10:24

Saa kəŋ tsu soʼo jìi ni gaamə waazə a saa ghə, nə̀ saa i khə zay ni ləghə wû i saa zə, nsə ni ghəŋŋə ghəə a dzuŋu ghə n wû i saa.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.

1 Pita 2:9

A kee bə ghaa, ghaa loʼ ghə̂ ghən ghə sày kɔʼnə, ghaa loʼ ghə fɔɔngili tə̀ də̀ŋ kə, kə loʼnə Zə̀ kə, ghaa loʼ naʼ i zow zə, ghaa loʼ ghə̂ a Kəzə̀, ghaa loʼ ghə̂ ghən tə sày kɔʼ nə̀ ghə naʼa ghəə a wi a dzuŋu ghən tə ghəŋŋənə. Tə tɔŋɔ nuu shi bə ghaa nə kələm, naŋa bə ghaa n dzɔbə dzɔbə kə tsə kə wi.

1 Pita 3:1

Ghaa gheyzən ghən ghaa bəghəmnə tə̀ Zə̀ kə, khə ni zow tə nûm a ghaa ghə, sey nə̀, abə wù ghə u loʼ u ka bəghəm ghɔɔmə i Kəzə̀ zə, mwam u ghaa wə i ghəŋə nə̀ tə bəghəm tə̀ Zə̀ kə nə̀ wù loʼ ka dza ghə zə tə̀ wi,

1 Pita 3:16

Ghaa i maʼlə tsu wû zə ni beeli ndow ghə n jii i dzuŋu zə. Ghaa tɔʼ laalə nyi tsu ni koʼ nə̀ fə̀ŋ tə ghaa tə zownu n ghəə ghey ghaa ghəŋŋənə, sey nə̀, tow kə i dəd ghə̂ ghey ghə ghɔɔmənə ghəə a bəbə ghə bòʼ ghaa abə ghə koʼnə mwam u dzuŋu wey ghaa khənə n təŋkey ghaa loʼ nə kəfə kəmɔʼ ghi Klisto.

1 Pita 4:11

Wù wey tə naʼlənə ghɔɔmə i Kəzə̀ zə, tə khə ni bɔɔmə naʼlə kə ghəə ghey Zə̀ kə dzanə. Wù wey tə fwaʼanə tə̀ ghə̂ ghə, tə khə ni fwaʼa n daʼa key Zə̀ kə fuunə tə̀ wi, sey nə̀, nə aghəə adzəm, ghə̂ ghə i loʼ ni fuu kɔʼlə mə tə̀ Zə̀ kə n bam i Yeso Klisto. À loʼ tə̀ wi tə khənə kɔʼlə mə n dzəm, a loʼ soʼo wi tə khənə daʼa wə udzəm saʼa nəŋə tədzəm. Zə i loʼ sey.

1 Pita 4:14

Zə̀ kə i buulə wù wey ghə kpaalənə wi a dza tə loʼ dzûmə Klisto, n təŋkey, Zay kə səŋi kən kə loʼnə Zay K-a-zə̀ kə, loʼ n kow wi.