Matyo 5:12 - Kaa n Kəzə̀ n fəghə mə

¹² Ghaa khə ni duʼlə, saŋŋə, boʼnə naamə kə ghaa kə downu idəŋ. À wey loʼ nghee ghə â chɔdlɔ soʼonə tûm tə Kəzə̀ tə sə isə tə.”

Matyo 5:12 ပူးပေါင်းရင်းမြစ်များ

Matyo 16:27

Waa weynum bəghənu n ghaʼ i bày wi zə nsə tsətəndəghə tə Kəzə̀ tə. Tə î naamə kə wù n fwaʼ key tə fwaʼnə.

Matyo 6:16

Yeso n dza tə̀ ghə nə̀, “Abə ghaa bamnə dzuu zə, kə ghaa nə njuʼu naŋŋənə koʼ tə tə̀ ghə nəb ityim a ghəŋŋənə, n təŋkey, ghə njuʼu naŋŋə tsuu təkoʼ tə̀ ghə̂ ghə koʼo bə nə̀ ghə bam idzuu. N dza bə isəŋə tə̀ ghaa nə̀ ghə n keeli tən naamə kə ghə kə.

Lukas 13:34

Ohooo Yerosalem, Yerosalem, naʼ zey i weyyənə tûm tə Kəzə̀ tə, təmmə wey a loʼ ghə nə atay, n mâ dəm ni zuŋŋə naŋa bə waa ghə tə nay mbvə nə zuŋŋə naŋŋə waa a wi ghə n tənə ghaw tə wi, ghaa n ka bəghəm.

Lukas 6:23

Ghaa khə ni duʼlə, bənə, abə ghəə a shiənə sey ghi ghaa, n təŋkey naamə kə ghaa kə i downu idəŋ. Təŋkey, ghə bày a ghə â fwaʼa soʼo sey ghi tûm tə Kəzə̀ tə.

Lukas 6:35

Sey, i ləghə na ghə̂ a təngəmə a ghaa ghə, ghəŋə ndzuŋ tə̀ ghə̂ ghə, fuulə fuu shiə fə u ghaa, moʼlə way nə ghə i teeli fu dzəŋŋə. Abə ghaa ghəŋənə sey, ghaa i keeli naamə kə nii kə, ghaa i loʼ luʼu wey waa a Kəzə̀ a səŋi a loʼnə tii, n təŋkey, tə ghəŋə ndzûŋ tə̀ ghə̂ à məə ghə nsə ghə̂ a bəbə ghə.

Kəfwaʼ 16:25

Ambə n fə̀ŋ ə tsuʼu tə, Pɔl ghi Silas n gɔŋŋə, zhim aghəə tə̀ Zə̀ kə. Ghə̂ a ndaw tsaʼ a loʼ ghey n maŋa zəllə.

Kəfwaʼ 5:41

Nghee ngəd tə Yeso tey zəghə tsunə ndaw tsə, ghə n nuu ndow, fəd duʼlə nə̀ Zə̀ kə n koʼ nə̀ ghə kɔʼ kpiinu ni fəghə, ghə keeli tow kə dədlə kə bòʼ Yeso.

Roma 5:3

Saa khə ni duʼlə soʼo abə saa keelinə chɔdmə, n təŋkey, saa khənu nə̀ abə saa keelinə chɔdmə, mə n gaamə saa nə̀ saa i loʼ ni kow fə̀ŋ.

1 Kɔrint 3:8

Wù wey tə zəghənə ndzoʼ tə loʼ ighələ ghi wù wey tə vəələnə. Sey Zə̀ kə i tsəə kə kay wù n fwaʼ key tə fwaʼanə.

2 Kɔrint 4:17

Sey, nyaŋi mə nchɔd mən saa koʼonə nyisa, n fədlə bayyə naŋa bə saa nə̀ saa i keeli kɔʼlə mən n nə may way, n tsəghəshinə chɔd mən n dzəm a keelinə.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

Filipi 2:17

Sey, abə n tsəm ney fə̀ələ tsu kə nə kaŋ tuŋ tə tə̀ a loʼ umaʼlə n fwaʼ kən ghaa fwaʼanə bòʼ bəghəm i fə̀ŋ i ghaa tə Zə̀ kə, mə i nam duʼlənu, mə î saŋŋə ghi ghaa adzəm.

Kolose 1:24

N duʼlənu n fəghə zən n fəʼlənə nya bòʼ ghaa, fəghə zən n fəʼlənə loʼ tə a loʼ tuʼ zuŋ n fəghə zən Klisto â fəghənə tə dzəŋi kə dzûmə tə Klisto, tɔŋɔ wû u wi.

Kolose 3:24

Abə ghaa fwaʼanə sey, keeli tsu na nə̀ ghaa i keelinu naamə key Mûkəbii â təb naŋanə tə̀ ghə̂ a wi ghə, n təŋkey à loʼ Klisto tə baa loʼnə Mûkəbii ə ghaa.

1 Tesalonika 2:15

À loʼ ghə̂ a təjuu ghən ghə â weynə Mûkəbii Yeso nsə tûm tə Kəzə̀ tə, dzùm nuu shi soʼo ghey n ndəmə tə tənaʼa. Ghə ghəŋŋə dzə way ghəə ghey a dzɔbənə n sə K-a-zə̀, ghə u baa soʼo ghə̂ ghə adzəm fa mbi.

Hibru 10:34

Ghaa â kwɔɔlə isî n kow ghə̂ a ndaw tsaʼ ghə, ghaa n bəghəm ndow nə iduʼlə nə̀ ghə bəkeeli nuu fə u ghaa n təŋkey, ghaa khənu nə̀ ghaa i keelinu fə wə, u dzɔb tsəghəshinə u wən, nə̀ wə i doʼlə tsali soʼonu.

Hibru 11:26

Tə â ney kɔʼ n fə̀ŋ ə wi nə̀, ni fəghə bòʼ wù wən Zə̀ kə â dza naŋa nə̀ i tûm bənu dzɔb tsəghəshinu fə u dzuŋu wey udzəm u loʼnə n naʼ zə Ijip, bòʼ nə̀, tə â laalə tənə ndow kə naamə key tə i keelinə isə.

Hibru 11:33

À loʼ bəghəm i fə̀ŋ zən ghə̂ ghən â khənə n kow Zə̀ kə, zə â ghəŋənə nə̀ wù umɔʼ n ghə̂ ghən təm zə̂ tənaʼa n tsam. Ghə â ghəŋə ghəə ghey ghə â kpiilənə n sə K-a-zə̀, Zə̀ kə n fuu tsu ghə n fə key tə â təb naŋanə tə̀ ghə. À loʼ soʼo bəghəm i fə̀ŋ zən ghə â khənə n kow Zə̀ kə, zə â ghəŋənə nə̀ ghə̂ a ghə a loʼ a fìi naŋa dzuu a tədəmow,

Hibru 11:6

Sey, wù loʼ way dzə ni ghəŋə nə̀ Zə̀ kə i duʼlə ghi wi abə tə khə way bəghəm i fə̀ŋ zə, n təŋkey, wù wey tə bəghənə n səə Kəzə̀, tə khə ni teeli khə bəghəm i fə̀ŋ zə nə̀ Zə̀ kə loʼnu nsə nə̀ tə naamənu ghə̂ ghən ghə kəŋənə wi.

Jems 1:2

Waazə ghə, ghaa khə ni duʼlə nəŋə tədzəm abə ghaa buʼu keeli kənə lii tə nchɔd tə,

Jems 5:10

Waazə ghə, koʼo na nghee tûm tə Kəzə̀ tən tə â naʼlənə ghəə ghə n zəd i Mûkəbii â fəghənə tii. Ghə â kow fə̀ŋ n ngoʼ zey ghə â zownə. Dzûmə na ghow kə ibwey kə ghə kə.

1 Pita 4:13

Ghaa khə ni fədlə duʼlə nə̀ ghaa fəʼlə soʼo ndzoʼo fəghə zey Klisto â fəghənə, sey nə̀, ghaa i loʼ ni ngii duʼlə abə tə i kəm bənə n daʼa kə wi kə səŋi kə.