Matyo 5:11 - Kaa n Kəzə̀ n fəghə mə

¹¹ “Buulə i loʼ tə̀ ghaa abə ghə̂ a chɔdlɔnə ghaa, tsayyə ghaa, dza ndəm ə ghəə a bəbə ghə n tow ghaa a dza ghaa loʼ dzûmə tuŋ.

Matyo 5:11 ပူးပေါင်းရင်းမြစ်များ

Matyo 10:18

Ghə i kwɔɔ ndow ghaa n səə ghə̂ a saʼa ghə inaʼ ghə, nsə də̀ŋ u tənaʼa wə bòʼ mə̀, ghaa i faalə tɔʼ tiilə dza ndòw Tûm i dzuŋu i tii zə tə̀ ghə, nsə tə̀ ghə̂ ghey ghə way ghə̂ a Təjuu ghə.

Matyo 10:22

Ghə̂ adzəm a nə bàa ghaa bòʼ zəd zuŋ. Abə wù wey tə kee kow tsu kə fə̀ŋ, ndòw kûm i ndòw, tə i keeli ibəghəshi.

Matyo 10:25

Waa kəmàʼlə bɔɔmə may kuum tsu kə ni doʼo tə̀ a loʼ wù dii ə wi, wù kəfwaʼ bə doʼlə soʼo tə̀ a loʼ Mûkəbii ə wi. Abə ghə tɔŋŋənə mûkəbii nə̀ tə loʼ Belzebul, ghə̂ a ndaw wi ghə i keeli izəd nə̀ zə n bəb tsəghəshi Belzebul.”

Matyo 10:39

Wù wey tə tsəŋənə ni kpu, î guŋŋənu muu i wi zə. Tə wey tə kee guŋunə muu i wi zə bòʼ mə, tə î keeli imuu.”

Matyo 19:29

Wù wey tə naŋa sənə ndaw tə wi tə, waazə a wi, bày wi, này wi, waa a wi, nkee sum u wi n zəd zuŋ, î keeli dzəŋŋə fə u tii wə nə nbɔm n mbi i zən, tə i keeli soʼo muu zə itsali.

Matyo 24:9

Ghə i kwu ghaa, ghə fuu tsəghə ndòw ghaa tə̀ ghə̂ ghey ghə i chɔdlɔnə ghaa, ghə wey ghaa. Naʼa tə mbi tədzəm tə i bàa ghaa bòʼ zəd zuŋ.

Matyo 27:39

Ghə̂ ghey ghə â tsəghənə n soʼ utow, kpaalə wi,

Malakus 13:13

Ghə̂ adzəm ghə i bàa ghaa bòʼ mə. A kee loʼ nə̀, wù wey tə i təmi taw tsunə, zow ngoʼ ndòw kùm i ndòw, tə i keeli ibəghəshi.

Malakus 13:9

Ghaa khə ni tɔʼ ghə̂mə n wû i ghaa, n təŋkey, ghə i kwɔ ghaa, ghə ney ndòw ghaa n tay i saʼ. Ghə bwɔd ghaa n ndaw tə udzəŋi tə ghə, ghaa i ndòw n sə kə udəŋ nsə ghə̂ a nii ghə bòʼ mə. A nə wən loʼ kəbuʼ tə̀ ghaa ni naʼa tûm i dzuŋu zə tə̀ ghə.

Malakus 4:17

Ghɔɔmə i tii zə n ka kee təmi taw dzə n fə̀ŋ tə ghə, n təŋkey i khə way ghaŋ tə. Ambə chɔd u bənə tii bòʼ ghɔɔmə i Kəzə̀, ghə n daŋŋə bwùlə doʼo i ndòw.

Malakus 8:35

N təŋkey wù wey tə ləghənə ni bəghəshi wû u wi, tə i nayyə maʼanu. Abə wù wey tə kee nayyə maʼanə muu i wi zə bòʼ mə nsə tûm i dzuŋu zə, tə i keeli muu zə itsali.

Lukas 21:12

Tə ghəə ghən ni bə shi, ghə nə̂ kwɔɔ ghaa, ghə nə̂ chɔd ghaa, ghə nə̂ fuu tsəghə ndow ghaa tə̀ ghə̂ ghey n ndaw tə udzəŋi u ghə̂ a təjuu nə ghə saʼ ghaa, ghə nə̂ kuu ghaa n ndaw tsaʼ. Ghə i ney bə ghaa n sə kə udəŋ nsə ghə̂ a saʼa ghə inaʼ ghə kùm zəd zuŋ.

Lukas 21:17

ghə̂ adzəm nə̂ baa ghaa bòʼ mə.

Lukas 6:22

Buulə i loʼ tə̀ ghaa ghey ghə bàanə ghaa, dzùm ghaa, kpaalə ghaa, khəə ghəə a bwù ghə n zəd a ghaa bòʼ Waa wù sɔŋtsuʼ.

Lukas 9:24

Təŋkey, wù wey tə ləghənə ni bəghəshi wû u wi, tə i fədlə guŋŋənu, abə wù wey tə guŋunə muu i wə zə bòʼ mə i fəd keeli ibəghəshi.

Tùm i dzuŋu zə kuum Yeso Klisto tə Jɔn â tɔɔnə 15:21

Ghə̂ a mbi a nə ghəə ghən adzəm ghəŋŋə n kow ghaa bòʼ mə, n təŋkey, ghə khə way wù wey tə tûm bənə mə.

Tùm i dzuŋu zə kuum Yeso Klisto tə Jɔn â tɔɔnə 9:28

Ghə n zey ndòw ni kpaalə wi dza nə̀, “Wə loʼ dzûmə ə wi, ghey kee loʼ dzûmə tə Mushi.

Kəfwaʼ 9:16

Mə i diinu tə wi nghee tə khə ni fəghə tii bòʼ mə.”

Roma 8:36

À wey loʼ ghə i tii zə i tɔ̀ɔ doʼo n màʼlə K-a-zə̀ nə̀, “À loʼ bòʼ wɔ a Zə̀ kə, ghey koʼonə və zə nəŋə tədzəm, Ghə ghəŋŋə ghi ghey tə a loʼ tənjì ghə dza i ndow wey.”

1 Kɔrint 4:10

Ghey loʼ tə̀ a loʼ ghə̂ a laʼlə ghə nghee ghey fwaʼanə tə̀ Klisto, ghaa a kee loʼnə ghə̂ a tɔbə ghə nghee ghaa loʼnə nə kəfə kəmɔʼ ghi Klisto! Ghey loʼ ghə̂ a lay ghə, ghaa a loʼnə ghə̂ a taw ghə. Ghə̂ a ngɔɔmə ghaa, kee tsayyə ghey!

2 Kɔrint 4:11

Ghey koʼo tənə tsə kə ivə n muu i ghey bòʼ Yeso, sey nə̀ ghə̂ ghə i loʼ ni koʼ muu i Yeso n vən fə uwû fə ghey.

Filipi 1:29

Zə̀ kə ka kad fu kə ghaa n ndzuŋ ə wi nə̀ ghaa bəghəm fu tə̀ Klisto, tə fu soʼo ghaa n daʼa kə tii kə nə̀ ghaa khə ni fəghə bòʼ wi.

1 Pita 2:23

Ambə ghə kpaalənə wi, tə ka kpaalə dzəŋŋə dzə ghə. Ambə tə fəghənə n wɔ ghə tə n ka bii naŋa dzə ghə. Tə n fəd zəghə maʼa ndow saʼ a wi tə̀ Zə̀ kən kə saʼanə ghə̂ ghə n jìi zey i kpiinə.

1 Pita 4:14

Zə̀ kə i buulə wù wey ghə kpaalənə wi a dza tə loʼ dzûmə Klisto, n təŋkey, Zay kə səŋi kən kə loʼnə Zay K-a-zə̀ kə, loʼ n kow wi.

Chi dii 2:3

N khənu nə̀ wə mâ ngii fəghə, kow soʼo fə̀ŋ bòʼ mə, wə n ka kam tsəm buu doʼo koʼ.