Matyo 4:24 - Kaa n Kəzə̀ n fəghə mə

²⁴ Zɔŋ u wi wə n fuŋ ngəə tsəghə ndòw naʼ i Sirya idzəm, ghə̂ ghə n ney bə ghə̂ a dzaŋa ghə adzəm n səə wi, tɔŋŋə ghə̂ ghey ghə â fɔɔbənə n wɔ lii tə tədzaŋa tə, a ghey ghə â khənə zay u bəbə wə, a ghey ghə bwuunə bwuu kə, a ghey ghə kpu doʼonə n bad kə uwû kə, tə̂ n baŋŋə ghə adzəm.

Matyo 4:24 ပူးပေါင်းရင်းမြစ်များ

Matyo 12:22

Ghə̂ a loʼ ghə n boʼo bə wù loʼ n səə Yeso nə̀ tə n fəb doʼo, ghɔɔmə soʼo way, bòʼ nə̀, zay kə bwu kə â loʼ n kow wi. Yeso n baŋŋə tsu wi, tə n kaʼ dzəŋŋə ndow ni kəm ghɔɔmə, koʼo soʼo təluʼu.

Matyo 14:1

Ambə Helɔd, wù wey tə â loʼnə də̀ŋ kə n naʼ i Galili, zow tsunə zɔŋ u Yeso wə,

Matyo 15:22

Weyzən ə Kanan u loʼ wə tə â muunə n dəŋə kə tii kə n ndòw bə n səə Yeso, dey dza tə̀ wi nə̀, “Mûkəbii, Waa Devid, Kwɔɔlə sî zə n kow mə̀, zay kə bəbə kə loʼ kə fəmmə waa wuŋ u zən wə, tə way kədzuŋ.”

Matyo 17:15

“Mûkəbii, kwɔɔlə sî zə n kow waa wuŋ, tə dzaŋa kəbwù, tə u ngii zow soʼonə fɔɔbə zə, n təŋkey, tə bəghə tə n bwù zeeli nə uvəllə nsə nə mmuu.

Matyo 17:18

Nghee ghə ney bə waa tii, Yeso n kii ndòw zay kə bwu key, kə n nuu shi tsu n kòw waa u num wey, waa tii n daŋŋə taw i kɔʼ.

Matyo 4:23

Yeso n bwey ngəə tsəghə ndòw mboʼo Galili idzəm, dii ndòw aghəə n Ndaw tə udzəŋi tə ghə̂ a Təjuu, naʼlə ndòw soʼo Tûm i dzuŋu zə bòʼ Fɔɔ u Kəzə̀, baŋŋə ndòw lii tə tədzaŋa tə tədzəm n kow ghə̂ ghə.

Matyo 8:28

Ambə Yeso ndòw bənə n naʼ i Gadara, n nguŋ ə nyì i loʼ zey. Tə n kpii tsu ghi gheynum a loʼ ghə abəghə ghə â loʼnə n zay u bwu wə n kow ghə, ghə shiə bənə n dzuu a təsay. Ghə n tɔɔbə tənə sa, wù n way ni tsəghə jìi fu.

Matyo 8:33

Ghə̂ ghey ghə â laalənə tə̀ feelibu u tii wə n nyəŋ nuu ndòw inaʼ, ndòw dza ndòw zəzəə fə tii fə nsə ghəə zey i shinə ghi ghə̂ ghey ghə â khənə zay u bwu wey tə̀ ghə̂ ghə.

Matyo 8:6

“Mûkəbii, wù kəfwaʼ wuŋ nyəŋ n ndaw nə̀ wû u wi wə n kpu doʼo, tə ngii zow ifɔɔbə.”

Matyo 9:26

Zɔŋ u tii wə n fuŋ ngəə tsəghə ndòw mboʼo tii idzəm.

Matyo 9:35

Yeso n ngəə ndòw naʼa tə nii tə tədzə̀m nsə nyaŋi n tənaʼa mən n dzəm, dii ndòw aghə̂, naʼlə ndòw soʼo tûm i dzuŋu zə kuum fɔɔ u Kəzə̀ n ndaw tə udzəŋi tə ghə̂ a Təjuu. Tə n baŋŋə ndòw soʼo aghə̂ n dzaŋa tə ghə tədzə̀m.

Malakus 1:28

Sey, zɔŋ u wi wə n fuŋ tsəghə ndòw n mboʼo Galili idzəm.

Malakus 1:32

N nəŋə i fənə zə, ghə̂ ghə n ney bə ghə̂ a dzaŋa ghə adzəm nsə ghə̂ ghey zay u bwu wə â loʼnə n kow ghə n səə Yeso.

Malakus 2:3

Ghə̂ a loʼ ghə n ndòw bə fu, tow ghə ukaykə ghi wù loʼ ghə boʼo keelinə nə kəmbùŋ nə̀ wû u wi wə n kpu doʼo.

Malakus 2:4

Ambə ghə dəm kìi tsunə ni nyi koʼ Yeso bòʼ nɔɔ kə aghə̂ key, ghə n kɔʼ ndòw n tow kə ndaw, chi tsu kəbùʼ, nyiəllə nyi tsu ndòw wù wey n mbùŋ kə tii kə.

Malakus 2:9

À loʼ ghə i ghaa zə i taw tsəghəshinə ni dza, ni dza nə̀, ‘Mə n ghəə ghə a bəbə a neyzəə,’ nkee ni dza nə̀, ‘nuu kɔʼ, wə ney kɔʼ mbuŋ kə, wə bwey ndòw.’

Lukas 2:2

 wən loʼ nəŋə i sə̂ isə zə ni ney taŋ aghə̂ nə̀ Kwirinus loʼ Gɔvənɔ n naʼ i Sirya.

Lukas 4:14

Nghee Yeso nyi dzəŋŋə bənə n Galili, Zay kə Zow kə n loʼ ghi wi, zɔŋ u wi wə n fuŋ tsəghə kaabə ndow n mboʼ i tii zə idzəm.

Lukas 4:38

Ambə Yeso nuu tsunə n ndaw Kədzəŋi, tə n ndòw n ndaw Shimun. À n loʼ sey nə̀ nəwey Shimun loʼ n wû wə̀. Ghə n dey dza ndòw ghəə a tii ghə tə Yeso.

Lukas 5:15

Seykə, zɔ̀ŋ u Yeso wə n fəd fuŋ nay ndòw, ghəŋə nɔɔ kə aghə̂ kə n dzəŋi bə ni zəllə ghɔɔmə i wi, nsə ni baŋŋə dzaŋa tə ghə.

Lukas 5:24

“N dza n maŋ dii bə tə ghaa nə̀ Waa wù sɔŋtsuʼ khənu daʼa kə fa n mbi ni neyzəə bəb zə.” Sey tə n dza ndòw tə wù dzaŋa wey wû u wi wə â kpu doʼonə nə̀, “N dza tə wɔ nə̀, nuu kɔʼ, wə ney kɔʼ gham zə, wə ndòw dzəŋŋə n ndaw zə.”

Lukas 7:17

Zɔŋ u Yeso wə n fuŋ tsəghə kaabə bə n naʼ i Judeya nsə n mboʼo tii idzəm.

Tùm i dzuŋu zə kuum Yeso Klisto tə Jɔn â tɔɔnə 10:21

Ghə̂ a loʼ ghə n dza nə̀, “Ghɔɔmə zən way dzə ghɔɔmə i wù wey zay kə bəbə kə loʼnə n kow wi. Zay kə bəbə kə loʼ ngee ni ghəŋə nə̀ wù fəbə i koʼo luʼu tə ə?”

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 15:23

Ghə n tɔ̀ɔ tsu màlə kən, fuu tsu n wɔ ghə nə ghə ndow n ghii kə. Màʼlə kə tii kə â dza nə̀, “À màʼlə kən tɔ̀ɔ bə ghey waazə a ghaa, ghey loʼnə ngəd tə Yeso tə nsə ghə̂ a nii ghə n dzəŋi kə dzûmə tə Klisto n Yerosalem. Ghey tɔ̀ɔ bə tə dzûmə tə Klisto tən tə loʼ nə̀ a way ghə̂ a Təjuu n Antyɔk, Sirya nsə n Silishya. Ghey tɔŋŋə zow bə ghaa.

Kəfwaʼ 15:41

Tə n tsəghə ndow jii n Sirya nsə n Silishya, təmə tawwə ndow ghə̂ a dzəŋi kə dzûmə tə Klisto ghey fu.

Kəfwaʼ 28:9

Nghee ghəə ghən shi kɔʼnə, ghə̂ a dzaŋa ghey adzəm fu n naʼ zey dzuu dzəŋŋə naŋa kɔʼnə n ndow bə soʼo, Pɔl n baŋŋə kɔʼ ghə.

Kəfwaʼ 8:7

Zay u bəbə wə n dey, tyi shiə bə n kow ndəmə aghə̂. Ndəmə ghə̂ ghey ghə â loʼnə nə ghə n kpu doʼo bad kəmɔʼ nsə kəŋŋə wə n taw doʼo bə.