Matyo 4:23 - Kaa n Kəzə̀ n fəghə mə

²³ Yeso n bwey ngəə tsəghə ndòw mboʼo Galili idzəm, dii ndòw aghəə n Ndaw tə udzəŋi tə ghə̂ a Təjuu, naʼlə ndòw soʼo Tûm i dzuŋu zə bòʼ Fɔɔ u Kəzə̀, baŋŋə ndòw lii tə tədzaŋa tə tədzəm n kow ghə̂ ghə.

Matyo 4:23 ပူးပေါင်းရင်းမြစ်များ

Matyo 11:5

Ghə̂ a fəbə a nya koʼo təluʼu, kə̀ŋŋə u nya bweynu, ghə̂ ghey ghə â dzaŋanə kə̀m wə n taw, kùʼ wə a zownə tuŋŋə wə, ghə̂ à kpuu ghə a zhəm dzəŋŋə bə nə ivə, ghə a naʼlə soʼonə tûm i dzuŋu zə tə ghə̂ a laa ghə.

Matyo 12:9

Ambə Yeso nuu tsunə n luʼu key, tə n ndòw n Ndaw Kədzəŋi ə ghə̂ a Təjuu.

Matyo 13:19

Ghə̂ ghey ghə zownə ghɔɔmə i fɔɔ u Kəzə̀ wə, ka zowkeeli, vəətsəə ghə n bə bəkeeli nuu kɔʼ ghəə ghey ghə zəllə naŋa n fə̀ŋ tə ghə. Ghə sey loʼ tə a loʼ ndzoʼ tey tə â tsɔʼlənə nə təmbwu.

Matyo 13:54

Nghee tə fən nyi bənə n naʼ i wi, tə n dii aghə̂ n ndaw kədzəŋi ə ghə̂ a Təjuu n jìi zey dzuu zə â ngii zumnə ghə fu, ghə n bəbə nə̀, “Tow wən faalə kə utɔb kən boʼo ney bə ghee, nsə kɔb tə aghəə tən ə?

Matyo 14:14

Ambə Yeso shi tsunə nə kəfə̀n, koʼ ndòw nɔɔ kə aghə̂ key, tə n kwɔɔlə isî n kow ghə, sey, tə n baŋŋə kɔʼ ghə̂ ghey ghə â dzaŋanə.

Matyo 24:14

Ghə i naʼlə Tûm i dzuŋu zən bòʼ Fɔɔ u Kəzə̀ n naʼa tə mbi tən tədzəm tə̀ ghə̂ adzəm a zow tsu, sey mbi i daŋŋə may.”

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 9:35

Yeso n ngəə ndòw naʼa tə nii tə tədzə̀m nsə nyaŋi n tənaʼa mən n dzəm, dii ndòw aghə̂, naʼlə ndòw soʼo tûm i dzuŋu zə kuum fɔɔ u Kəzə̀ n ndaw tə udzəŋi tə ghə̂ a Təjuu. Tə n baŋŋə ndòw soʼo aghə̂ n dzaŋa tə ghə tədzə̀m.

Malakus 1:14

Ambə ghə bə kwu kɔʼ Jɔn, fìi naŋa ndow wi n ndaw tsaʼ, Yeso n nuu nyi ndow n mboʼo Galili, naʼlə ndòw tûm Kəzə̀ i dzuŋu zə dza nə̀,

Malakus 1:21

Yeso ghi dzûmə tə wi tey təkaykə n nuu ndòw n naʼ i Kapenum. Ambə n tsuʼ inaʼ u ghə, Yeso n ndòw n ndaw kədzəŋi ə ghə̂ ə Təjuu, kaʼ ndòw ni dii aghəə.

Malakus 1:39

Sey tə n bwey tsəghə kaabə ndòw mboʼo Galili idzəm, naʼlə ndòw tûm Kəzə̀ n ndaw tə udzəŋi tə ghə, dzùm shiə soʼo zay u bəbə wə n kôw ghə̂ ghə.

Malakus 3:10

Nghee tə â loʼ nə̀ tə n ngii baŋŋə ndəmə aghə̂, ghə̂ ghey ghə â dzaŋanə n nam tənə bə kə iwû n səə wi ni mɔm wi tə ghə taw.

Malakus 6:2

Ambə n tsuʼ inaʼ, tə n dii aghəə n ndaw kədzəŋi ə ghə. Ndəmə aghə̂ ghə n loʼ fu, zəllə ghɔɔmə i wi. Dzuu zə n ngii zum ghə, ghə n bəbə nə̀, “Wù wən zoʼlə bə ghee ghəə ghən ə? Tə nuu bə ghee n ndzoʼo tɔb u wən ə? Tə ghəŋŋə daŋŋə soʼo nfaalə.

Malakus 6:6

Ghə i tii zə n tsəghəshi wi, n təŋkey, ghə̂ ghə inaʼ a wi ghə â khə way bəghəm i fə̀ŋ zə. Yeso n nuu tsu fu, bwey ndow naʼa tə naʼa, dii ndow aghə̂ n ghəə ghə.

Lukas 10:9

Baŋŋə na ghə̂ a dzaŋa ghə, ghaa i naʼa ndòw tə̀ ghə̂ ghə nə̀ fɔɔ u Kəzə̀ wə n shɔd.

Lukas 13:10

N tsuʼ inaʼ u ghə u loʼ wə, Yeso n dii n ndaw kədzəŋi ghə̂ a Təjuu i loʼ zə.

Lukas 16:16

Laŋ u Mushi nsə tûm tə Kəzə̀ tə â gaamə tsə ghaa ni keeli ghəə a Kəzə̀ ni bə kùm tə̀ Jɔn wù fuu u mmuu Kəzə̀ mə â bə nə. Ni ney nuu bə n nəŋŋə i tii zə, n sa naʼlə kə tûm i dzuŋu zə bòʼ fɔɔ u Kəzə̀, ghə̂ ghə a fuʼunə ni nyi fu tii nə kədaʼa.

Lukas 20:1

Ambə n tsuʼ fə loʼ fə, Yeso n dii aghə̂ n Ndaw Kəzə̀ i nii zə n Yerosalem, naʼlə tûm i dzuŋu zə, ghə fɔɔngili a nii ghə nsə ghə̂ a dii ghə ulaŋ ghə n ngəd tə inaʼ tə n ndow bə fu,

Lukas 4:14

Nghee Yeso nyi dzəŋŋə bənə n Galili, Zay kə Zow kə n loʼ ghi wi, zɔŋ u wi wə n fuŋ tsəghə kaabə ndow n mboʼ i tii zə idzəm.

Lukas 5:17

Ambə n tsuʼ fə loʼ fə Yeso n dii aghəə, ghə̂ a tə Falasi nsə ghə̂ a dii ghə ulaŋ a loʼ ghə n lòʼ fu, ghə â nuu bənə n naʼa tə Galili, Judeya, nsə n Yerosalem. À n loʼ nə Zə̀ kə n wi n daʼa kə fu ni baŋə ghə̂ a dzaŋa ghə̀

Lukas 6:17

Ambə Yeso nuu tsu bənə nə ukaʼ ghi tsətəndəghə tə wi tə, tə n tey n bəghə i loʼ zə, nɔɔ kə dzûmətə wi kə n loʼ fu, nsə ndəmə ghə̂ a loʼ ghə ghə â nuu bənə n Judeya, Yerosalem, n nguŋ i Tayra, nsə n Sidɔn.

Lukas 6:6

Ambə n tsuʼ inaʼ u ghə̂ a Təjuu u loʼ wə, Yeso n loʼ n ndaw kədzəŋi tə diinə, wù loʼ n loʼ fu nə kpi kə wi kə zəə kə n kpu doʼo.

Lukas 7:21

N nəŋə i tii zə kə, Yeso n baŋŋə tsu lii tə tədzaŋa n kow aghə̂, dzùm shiə zay u bwu wə n kow ghə̂ ghə, ndəmə ghə̂ a fəbə ghə n kaʼ ni koʼ.

Lukas 7:22

Yeso beeli ndòw ghə dza, “Dzəŋŋə ndòw na, ghaa ndòw naʼa ndòw tə̀ Jɔn ghəə ghey ghaa koʼnə nsə a ghey ghaa zownə, nə̀ ghə̂ a fəbə a nyaʼ koʼonu, kə̀ŋə̀ wə â bweynə, ghə̂ ghə ukə̀m ghə u taw, kuʼ wə â zownə tuŋŋə wə, ghə̂ a kpuu ghə a zhəm dzəŋŋə bə nə̀, ghə̂ a laa ghə a zow soʼonə tûm Kəzə̀ i dzuŋu zə.

Lukas 8:1

Ambə ghəə ghən a tsəghə tsunə, Yeso n bwey ndòw naʼa tə naʼa, naʼlə ndòw tûm i dzuŋu zə bòʼ fɔɔ u Kəzə̀. Tsətəndəghə tə wi tey ighəm n ghə̂ ghə abəghə ghə n lòʼ ghi wi,

Lukas 9:11

Nghee tə̀ ghə̂ a keeli tsunə luʼu key tə loʼnə tii, ghə n dzûmə ndòw wi. Tə n kpii ney kɔʼ ghə, ghɔɔmə tə̀ ghə bòʼ fɔɔ u Kəzə̀, baŋŋə a ghey ghə â loʼ nə̀ ghə khə tədzaŋa.

Lukas 9:60

Yeso n dza ndòw tə̀ wi nə̀, “naŋa tsu tə̀ ghə̂ a kpuu a tsəllə ndòw ghə̂ a kpuu ghə, abə wɔ, ndòw naʼa ndòw ghəə a fɔɔ u Kəzə̀.”

Tùm i dzuŋu zə kuum Yeso Klisto tə Jɔn â tɔɔnə 18:20

Yeso n beeli ndow wi nə̀, “N ghəə ghuŋ ghə â ghɔɔmə shiə bə n mgbaŋ tə̀ ghə̂ a mbi ghə. Mə â dii aghəə n ndaw tə udzəŋi tə ghə̂ a Təjuu nsə n ndaw Kəzə̀ i nii zə n Yerosalem. À wən loʼ luʼu tey ghə̂ a Təjuu adzəm a bə zuŋŋə doʼlənə tii. N ka kam nyì ghɔɔmə koʼ tsə ghə i loʼ zə.

Tùm i dzuŋu zə kuum Yeso Klisto tə Jɔn â tɔɔnə 6:59

Yeso â dza ghəə ghən adzəm n nəŋə zey tə â diinə ghəə ghə n ndaw kədzəŋi ghə̂ a Təjuu n naʼ i Kapenum.

Tùm i dzuŋu zə kuum Yeso Klisto tə Jɔn â tɔɔnə 7:1

Ambə Yeso zə̀ghə̀ tsunə Kapenum, tə n bwey kaabə kə n mboʼo Galili, tə n ləghə way ni ndow n mboʼo Judeya, n təŋkey, ngəd tə Təjuu tey fu â kəŋə jìi ni wey wi.

Kəfwaʼ 10:38

Ghaa khənu nghee Zə̀ kə â tsuʼ naŋanə Yeso, wù Nazaled, fuu tsu wi n Zay kə Zow kə nsə daʼa kə. Ghaa khə soʼonu nghee tə â bwey kaabənə, ghəŋŋə ndzuŋ, baŋŋə ghə̂ ghən adzəm ghə a loʼ nə n tənnə daʼa kə avəətsəə, n təŋkey, Zə̀ kə â loʼ ghi wi.

Kəfwaʼ 18:4

N tsuʼu mə inaʼ n Təjuu n dzəm, Pɔl n ghɔɔmə tsə n ndaw kədzəŋi ə ghə̂ a Təjuu ghə, dəmə ni kɔŋŋə bə ghə̂ a Təjuu nsə ghə̂ ghən ghə way ghə̂ a Təjuu ghə nə̀ ghə bəghəm tə Klisto.

Kəfwaʼ 20:25

Nya, n khənu nə wù loʼ way dzə n fəŋŋə kə ghaa ghən n loʼ nə̀ mə n naʼa ghəə a fɔɔ u Kəzə̀ tə i kəm koʼonə mə.

Kəfwaʼ 28:31

Tə n naʼlə tûm i dzuŋu zə bòʼ fɔɔ u Kəzə̀, dii ndow soʼo aghə̂ kuum Mûkəbii Yeso Klisto n mgbaŋ, nə tə tsəŋə way, wù loʼ n ka tsəm təʼlə soʼo wi.

Roma 10:15

Wù loʼ soʼo ngee ni ndow naʼa tûm i dzuŋu zə nə̀ Zə̀ kə ka wi tûm ə? I bɔɔmə loʼ tə̀ i tɔ̀ɔ doʼonə n màʼlə K-a-zə̀ nə̀, “À ngii loʼ ghə i dzuŋu zə ni koʼ nə̀ tûm tə Kəzə̀ tə nya bəghənu ni bə naʼa tûm i dzuŋu zə!”