Matyo 3:6 - Kaa n Kəzə̀ n fəghə mə

⁶ Ghə n dza ndòw bəb i ghə tə̀ Jɔn, Jɔn n fuu ghə n mmuu n Kəzə̀ mə n dzuu Jodan.

Matyo 3:6 ပူးပေါင်းရင်းမြစ်များ

Matyo 3:11

N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.

Malakus 1:5

Ghə̂ ghə n nuu bə n mboʼo Judeya idzəm nsə n naʼ i Yerosalem bə n səə Jɔn. Ghə n dza bə bəb i ghə tə wi, tə n fuu ghə n mmuu n Kəzə̀ mə n dzuu Jodan.

Lukas 1:16

Tə i ney dzəŋŋə bə fə̀ŋ tə ghə̂ ghə Izree tə̀ Bày Zə̀ kə ghə.

Lukas 3:16

Jɔn n beeli ndòw ghə adzəm dza, “mə, n fuu ghaa n Mmuu n Kəzə̀ mə nə n mmuu, wù loʼ bəghənu, tə tsə̀ghə̀shinə mə. N ka buʼ kɔʼ kpii dzə ni zii baʼ u təgow u wi. Tə i bəghə fuu ghaa n Mmuu n Kəzə̀ mə n daʼa kə Zay kə Zow kə nsə nə uvəllə.

Kəfwaʼ 1:5

Jɔn a fuu mmuu n Kəzə̀ nə mmuu, a kee loʼ nə, a loʼ kə ghə zə ntsuʼu, Zə̀ kə i fuu ghaa n Zay kə Zow kə.”

Kəfwaʼ 11:16

Mə n daŋŋə moʼlə bə nghee Mûkəbii â dzanə nə̀, ‘Jɔn fuu mmuu n Kəzə̀ nə mmuu, a kee bə ghaa, Zə̀ kə i fuu n Zay kə Zow kə.’

Kəfwaʼ 19:18

Ndəmə aghə̂ n ghə̂ ghey ghə â bəghəm fu n bə zaa vuŋ u ghə, dza fu bə ghəə a ghə a bəbə ghey ghə â loʼ nə ghə n ghəŋə.

Kəfwaʼ 22:16

Wə nya kəm ləmmə zeeli kee? Nuu kɔʼ ghə fuu wɔ n mmuu n Kəzə̀ mə, wə gɔŋŋə tə Zə̀ kə, tə i sow maʼa ghəə ghə a bəbə ghə.’”

1 Kɔrint 10:2

Ghə n dzəŋi ney kɔʼ mmuu n Kəzə̀ nə təmbaʼ nsə n naali kə dzuu kən nghee tə ghə â dzûmə ndownə Mushi.

Kolose 2:12

N sey dza n təŋkey, ghə mâ tsələ dzəŋi ghaa ghi Klisto n mmuu n Kəzə̀ mən ghə â fuunə tə ghaa. Ghaa n zhəm dzəŋŋə bə soʼo ghi wi, keeli kɔʼ muu i fəghə zə, tənkey ghaa gaʼ fə̀ŋ n daʼa K-a-zə̀, tə â zhəm dzəŋŋə bənə Klisto nə ivə.

Hibru 6:2

Saa kəm khə soʼo way ni ghɔɔmə zeeli ghəə ghə bòʼ ni dii aghə̂ n ghəə a fuu a wù ghə n mmuu n Kəzə̀ mə, ghəə a gaʼa ghə awɔɔ ghə n tow kə wù ni fuu ibuulə, ghəə a zhəm dzəŋŋə bə ghə nə ivə. Saa khə soʼo way ni ghɔɔmə zeeli nghee Zə̀ kə i saʼanə ghə̂ ghə a tii nsə nghee saʼ i wi i doʼo tən nə.

Hibru 9:10

Ghəə ghən adzəm ghə ghəŋŋənə, ghə ghəŋŋə ndow bòʼ ghəə a zə̂ə ghə, ghəə a məə ghə nsə ghəə a sow a wù ghə tə̀ laŋ kə Mushi kə diinə. À wən maŋ loʼ kə ghəə a gow uwû, zə i keeli kə kəfwaʼ nya nsə ni ndow kuum n nəŋə zey Zə̀ kə i kəm faalə tsu ghəə ghə.

Jems 5:16

À wey loʼ ghə i tii zə ghaa khə ni dza tiilə ghəə a bəbə ghey ghaa ghəŋŋənə n wû i ghaa, gɔŋŋə tiilə soʼo n tow u ghaa sey nə̀, Zə̀ kə loʼ ni baŋŋə ghaa. N dza sey n təŋkey, gɔŋŋə i wù wey tə loʼnə tsətsəghə khə kədaʼa, ndzəmə fwaʼa soʼo.

1 Pita 3:21

Mmuu mən mə â bəghəshinə ghə̂ ghən ifam, loʼ tə a loʼ mmuu n Kəzə̀ mən ghə fuunə nya tə̀ ghaa, n bəghəshiənə ghaa. Mmuu n Kəzə̀ mən ghaa neynə, sow maʼa dzə way dzə wə n wû i saa, n fəd loʼ ni dii nə̀ fə̀ŋ tə saa tə zownu n sə K-a-zə̀. Muu n tii n bəghəshiə ghaa n bam i zhəm dzəŋŋə zə ivə i Yeso Klisto.

1 Jɔn 1:9

Abə saa dey dza ndownə bəb i saa zə tə Zə̀ kə, tə i ghəŋə ghəə ghey tə dzanə, tə i ghəŋə soʼo ghəə zey i kpiinə. Tə i neyzəə ghəə a saa a bəbə ghə, tə sow maʼa soʼo ghəə a saa a bəbə ghə adzəm.