Matyo 3:2 - Kaa n Kəzə̀ n fəghə mə

² Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 3:2 ပူးပေါင်းရင်းမြစ်များ

Matyo 10:7

I naʼlə ndòw na ghəə a Kəzə̀ ghə nghee tə̀ ghaa ndownə, dza ndòw nə̀, ‘Fɔ̀ɔ wə idəŋ wə n shɔd.’

Matyo 11:20

Yeso n daŋŋə kaʼ ndòw ni kpaa ghə̂ ghey tə â ngii diinə ghəə a faalə ghə n naʼa tə ghə, ghə̂ a tii ghə n ka nam kwey fə̀ŋ tə ghə n ghəə a bəbə ghə. Tə n dza tə̀ ghə nə̀,

Matyo 12:41

N tsuʼ fey Zə̀ kə î saʼanə mbi tii, ghə̂ a naʼ i Ninive ghə i təmi tiilə bòʼ ghaa, n təŋkey, ghə mâ kwey nuu bə fə̀ŋ tə ghə tə n ghəə a bəbə ghə n nəŋə zey Jona â naʼlənə tûm Kəzə̀ tə̀ ghə. Sey, n fa dza bə tə̀ ghaa nə̀, wù loʼ loʼnu fa nya tə tsəghəshinə Jona.

Matyo 13:11

Yeso n beeli ndòw ghə dza nə̀, “Ghə n fu naŋa sad i ghəə a fɔ̀ɔ wə idəŋ wə tə̀ ghaa, a way dzə tə̀ ghə.

Matyo 13:24

Yeso n kəm fu kpiʼi ndow ghɔɔmə i fənkəfən zən tə ghə nə̀, “Fɔɔ wə idəŋ u loʼ tə a loʼ wù loʼ tə â zəghə tsu ndzoʼ i dzuŋu zə n sum u wi,

Matyo 13:31

Yeso n kəm ghɔɔmə kpiʼi ndow tə̀ ghə n ghɔɔmə i fənkəfən nə̀, “Fɔɔ wə idəŋ u loʼ tə a loʼ sam i Mɔstad wù loʼ â ney zəghə tsu n sum u wi.

Matyo 13:33

Yeso n nam dza kpiʼi ndow ghə n ghɔɔmə i fənkəfən zən nə̀, “Fɔɔ wə idəŋ u loʼ nyaŋi fə mbvuŋ, weyzən u loʼ wə â ney kɔʼnə, nyuʼ dzəŋi kɔʼ ghi kaŋ wə nfuŋ wə utəghə, zə n nyə̀ŋ dzəŋi ndow tii, fuŋ n tii mə ndzəm mə n kɔʼ i kɔʼ.”

Matyo 13:47

Yeso n dza kpiʼi ndow ghɔɔmə i fənkəfən zən tə̀ ghə nə̀, “Fɔɔ wə idəŋ u kəm loʼ kpiʼi soʼo tə a loʼ uwûu, ghə̂ a kwɔɔ a tətsəghə ghə â maʼa nyi tsu ndow nə inyi, kwu kɔʼ lii tə tətsəghə tey tə nyinə tii nə uwuu tədzəm.

Matyo 13:52

Tə n daŋŋə dza ndow tə ghə nə̀, “A sey loʼ nə̀, wù dii u kəlaŋ wey ghə dii tsunə wi nə̀ tə doʼo dzûmə n fɔ̀ɔ wə idəŋ wə, loʼ tə a loʼ mûkəbii wən tə ney shiə bənə n taw u wi, fə u wey wə nsə u fəghə wə.”

Matyo 18:23

Sey, Fɔɔ u Kəzə̀ u loʼ tə̀ a loʼ də̀ŋ kə loʼ kə tə â ləghənə ni bayyə aghəə ghi ghə̂ a kəfwaʼ a wi ghə.

Matyo 20:1

Yeso n dza tə ghə nə̀, “Fɔɔ wə idəŋ u loʼ tə̀ a loʼ Muu usum u loʼ wə tə â bəd key kɔʼnə tsuʼ wə, shi ndòw ni ndòw kəŋ aghə̂ nə̀ ghə bə fwaʼ n sum u wi.

Matyo 22:2

“Fɔɔ wə idəŋ u loʼ tə a loʼ də̀ŋ kə loʼ kə, kə â bayyənə zə̂ kə waa wi u num wə tə â neynə wey.

Matyo 23:13

Yeso n dza tə ghə nə̀, “Ngoʼ î loʼ tə̀ ghaa, ghə̂ a dii a kəlaŋ ghə nsə ghə̂ a tə Falasi ghə, n təŋkey, ghaa loʼ ghə nəb ityim. Ghaa fii naŋŋə fuʼ u ndaw u fɔɔ wə idəŋ wə nə̀ kə̂ ghə̂ a nə̂ nyiənə tii, wû u ghaa, ghaa u nyiə soʼo way tii, ghaa u ləghə way nə̀ ghə̂ a loʼ a nyi.

Matyo 25:1

Yeso n dza tə̀ ghə nə̀, “N tsuʼ fey Waa Weynum î bəghənə tii, Fɔɔ u Kəzə̀ wə i loʼ tə̀ a loʼ waa a zən a loʼ ghə ighəm ghə â ney kɔʼnə daa u ghə wə, shi ndòw ni ndòw kpii ney nùm weyzən.

Matyo 25:14

Yeso n kəm dza ndow tə ghə nə̀, “Fɔ̀ɔ u Kəzə̀ wə î loʼ tə̀ a loʼ wù loʼ tə â dza i shi bwey, tə n tɔŋɔ bə ghə̂ a kəfwaʼ a wi, fuu naŋa tsu fə̂ u wi n wɔ ghə.

Matyo 4:17

Ni zey tsu n nəŋə i tii zə, Yeso n kaʼ ndòw ni naʼa tûm Kəzə̀ dza nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Matyo 4:23

Yeso n bwey ngəə tsəghə ndòw mboʼo Galili idzəm, dii ndòw aghəə n Ndaw tə udzəŋi tə ghə̂ a Təjuu, naʼlə ndòw soʼo Tûm i dzuŋu zə bòʼ Fɔɔ u Kəzə̀, baŋŋə ndòw lii tə tədzaŋa tə tədzəm n kow ghə̂ ghə.

Matyo 5:10

Buulə i loʼ tə̀ ghə̂ ghey ghə chɔdlɔnə ghə a dza ghə loʼ tsətsəghə, N təŋkey fɔɔ wə idəŋ u loʼ tə̀ ghə.

Matyo 5:3

Buulə i loʼ tə̀ ghə̂ ghey ghə koʼo keelinə nə̀ fə̀ŋ tə ghə tə taw way n sə̂ K-a-zə̀, N təŋkey, fɔɔ wə idəŋ u loʼ tə̀ ghə.

Matyo 6:10

Bə səd tsu fɔɔ wə wə̀ fa n mbi idzəm, Ghə̂ ghə i zow tə̀ wɔ fa aghəlitsə, tə̀ i loʼnə idəŋ.

Matyo 6:33

Fəd ndəmi ndow na wû zə n ghəə a fɔɔ u Kəzə̀ nsə ni loʼ tsətsəghə n sə K-a-zə̀, ghaa i keeli may fə̂ u tii wə udzə̀m.

Malakus 1:15

“Nəŋə zə n kpii, fɔɔ u Kəzə̀ wə n shɔd. Kweyyə na fə̀ŋ tə ghaa tə, ghaa bəghəm tûm i dzuŋu zə.”

Malakus 1:4

Sey, Jɔn wù fuu u mmuu n Kəzə̀ mə n ndòw bə n mbvən ə ntsaŋ naʼlə bə nə̀ ghə̂ a kweyyə fə̀ŋ tə ghə, ghə ney mmuu n Kəzə̀ tə̀ Zə̀ kə neyzəə ghəə a ghə a bəbə ghə.

Malakus 6:12

Sey, ghə n nuu shi i ndòw naʼlə kaabə tûm Kəzə̀ nə̀ ghə̂ a kweyyə fə̀ŋ tə ghə.

Lukas 1:16

Tə i ney dzəŋŋə bə fə̀ŋ tə ghə̂ ghə Izree tə̀ Bày Zə̀ kə ghə.

Lukas 11:20

Abə i kee loʼnə nə̀ N dzùm shiə zay u bwu wə n daʼa K-a-zə̀, i sey dii nə̀ fɔɔ u Kəzə̀ wə n bə tə̀ ghaa.

Lukas 13:3

Ngaŋ! N dza n dza bə tə̀ ghaa nə̀, abə ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo sey.

Lukas 13:5

Ngaŋ! N dza n dza bə tə̀ ghaa nə abə, ghaa ka kwey fə̀ŋ tə ghaa, ghaa dzûmə Kəzə̀, ghaa i kpuu soʼo tə̀ a loʼ ghə.”

Lukas 15:10

N dza bə tə ghaa nə̀ à loʼ soʼo ighələ tsətəndəghə tə Kəzə̀ tə i duʼlənə, abə wù bəbə umɔʼ kweyyə kɔʼnə fə̀ŋ ə wi, tə bə dzəŋŋə n səə Kəzə̀.”

Lukas 15:7

N dza bə tə ghaa nə a loʼ ighələ n fɔɔ u Kəzə̀, duʼlə i ngii loʼ idəŋ, abə wù bəbə umɔʼ kweyyə fəŋ ə wi, bəghəm tə Zə̀ kə, tsəghəshi abə aghə̂ nghəm ntaandzuu nsə ghə̂ ghə a tandzuu, ghə loʼ nə tsətsəghə n sə K-a-zə̀, ghə kəm khə way zuŋ kə ni kweyyə fə̀ŋ tə ghə.”

Lukas 16:30

Wù kûm wey n dza ndòw tə̀ Abraham nə̀, ‘Hayi, zə i ka nam bwey dzə a bày Abraham, abə wù ka zhəm dzəŋŋə bə nə ivə ni bə dza ghəə ghən n wɔ ghə, ghə way dzə ni kwey fə̀ŋ tə ghə.’

Lukas 21:31

A lòʼ ighələ abə ghaa i koʼnə ghəə ghən a shiə nə̀, keeli tsu na nə fɔɔ u Kəzə̀ wə n shɔd.

Lukas 24:47

Nsə nə ghaa naʼa tûm i dzuŋu zə n zəd i Yeso n badla tə mbi tədzəm nə ghə̂ a kweyyə nuu bə fə̀ŋ tə ghə n ghəə a bəbə ghə tə Zə̀ kə neyzəə bəb i ghə, ni zey tsu n Yerosalem, kuum ndow n badla tə mbi tədzəm.

Lukas 6:20

Yeso n laalə ndòw dzûmə tə wi, dza tə̀ ghə nə̀, “Buulə i loʼ tə ghaa ghey ghaa laanə, n təŋkey, fɔɔ u Kəzə̀ u loʼ u ghaa wə̀.

Lukas 9:2

Sey, tə n tûm shi ndòw ghə nə ghə ndòw naʼa ghə i fɔɔ u Kəzə̀ nsə ni baŋə ghəə a dzaŋa ghə

Kəfwaʼ 11:18

Ambə ghə zow tsunə sey, ghə kəm khə way ghəə zə ni khə̂mə wi tii, ghə n zey ndow ni fuu ukali tə Zə̀ kə dza nə̀, “I sey dii nə̀ Zə̀ kə n mbɔŋ fuu soʼo ghə̂ ghən ghə way ghə̂ a Təjuu ghə n bùʼ kə nə̀ ghə kweyyə nuu bə fə̀ŋ tə ghə n ghəə a bəbə ghə, ghə keeli soʼo imuu.”

Kəfwaʼ 17:30

Zə̀ kə ka sə̂ i naŋa n ghəə a bəbə ghey ghə̂ ghə â ghəŋŋə tsənə wɔkey ghə â khə tsə way wi, a sə bə nya, tə tsəʼlə kəlaŋ nə aghə̂ adzəm nə təluʼu tədzəm nə̀ ghə kwey nuu bə fə̀ŋ tə ghə n ghəə a bəbə ghə.

Kəfwaʼ 2:38

Pita n dza tə ghə nə̀, “Kwey nuu bə na fə̀ŋ tə ghaa tə n ghəə a bəbə ghə, ghaa ney mmuu n Kəzə̀ n zəd i Yeso Klisto, tə Zə̀ kə neyzəə ghəə a ghaa a bəbə ghə. Sey, Zə̀ kə i fuu ghaa n naamə kə nə̀ a loʼ Zay kə Zow kə.

Kəfwaʼ 20:21

N mâ kə̂ dza tə Juu tə nsə ghə̂ ghən ghə way ghə̂ a Təjuu ghə adzəm nə ghə ney ighə̂mə, ghə kweyyə nuu bə fə̀ŋ tə ghə n ghəə a bəbə ghə, ghə bəghəm fu ndow tə Zə̀ kə nsə Mûkəbii ə saa, Yeso Klisto.

Kəfwaʼ 26:20

Mə â zey tsu dzə n Damaskus, tsəghə ndow n Yerosalem, ndow ngəə bə mboʼo Judeya idzəm, ndow soʼo n naʼa tə ghə̂ ghey ghə way ghə̂ a Təjuu ghə. Mə â naʼlə nə̀ ghə khə ni teeli kwey nuu bə fə̀ŋ tə ghə n ghəə a bəbə ghə, ghə bəghəm soʼo tə Zə̀ kə. Ghə i ghəŋŋə ndow ghəə ghey a diinə nə̀ ghə n kwey fə̀ŋ tə ghə tə.

Kəfwaʼ 3:19

Kwey nuu bə na fə̀ŋ tə ghaa tə n ghəə a bəbə ghə, ghaa bə n səə Zə̀ kə tə̀ tə neyzəə ghəə a ghaa a bəbə ghə.

2 Kɔrint 7:10

Mow zey i kpiinə n sə̂ K-a-zə̀ ghəŋŋə wù nə̀ tə kweyyə fə̀ŋ ə wi, tə̀ ghə loʼ ni keeli ibəghəshi. Mow i tii i ghəŋŋə way nə̀ wù sɔm. À fəd loʼ mow n ghə̂ a mbi i ney bənə və zə.

Kolose 1:13

Tə u bəghəshinə saa n daʼa k-a-ləm, ney nyi bə saa n fɔɔ u Waa wi wən tə ngii ləghənə.

2 Timoti 2:25

Tə khə ni dii ndow ghə̂ ghey ghə zuulə baalənə wi nyaŋi fənyaŋi, n nəŋə i loʼ zə Zə̀ kə loʼnu ni ghəŋə nə̀ ghə kweyyə nuu bə fə̀ŋ tə ghə n ghəə a bəbə ghə, ghə zowkeeli soʼo isəŋə.

Hibru 6:1

Sey, saa ndow kə n sə kə ni zoʼlə ghəə ghey a loʼ ni ghəŋə nə̀ saa beyyə tsu, saa ndow soʼo n sə kə ni ghəŋŋə ghəə ghey a tsəghəshinə ghəələ n sə isə mən saa â buʼ zoʼlə kɔʼnə bòʼ Klisto. Saa kəm khə way ni ghɔɔmə zeeli ghəə a kweyyə nuulə bə ghə n ghəə a bəbə ghə nsə nghee saa khə ni bəghəm tə̀ Zə̀ kə.

2 Pita 3:9

Mûkəbii lasə dzə way ni luulə ghəə zey tə â təb naŋanə tə̀ ghə̂ a loʼ a moʼlənə. I fəd loʼ nə̀ tə kow fə̀ŋ ghi ghaa n təŋkey tə ləghə way nə̀ Zə̀ kə ləŋi maʼa wù ghaa umɔʼ. Tə kee ləghə nə̀ aghə̂ adzəm a kweyyə nuu bə n ghəə a ghə a bəbə ghə.

Chi dii 2:21

Mə n fuu wi n nəŋə zə nə̀ tə kweyyə nuu bə fə̀ŋ ə wi n ghəə a bəbə ghən tə ghəŋŋənə, à kee loʼ nə̀ tə ndɔm ləghə way ni zəghə maʼa ghəə a laŋŋə ghən tə ghəŋŋənə.

Chi dii 2:5

Moʼlə tsu nghee wə â buʼ loʼ tsə tii tə̀ wɔ ni bə bwu khə̂mə. Kweyyə nuu bə fə̀ŋ zə n ghəə a bəbə ghey ghaa ghəŋŋənə, wə i ghəŋŋə ndow ghəə ghey wə â buʼu ghəŋŋə tsənə. Nə̀ à way sey, mə i bə ney nuu kɔʼ nyəllə kə kədaa kə key n bənə kə wi.