Matyo 3:11 - Kaa n Kəzə̀ n fəghə mə

¹¹ N fa fuu ghaa n mmuu n Kəzə̀ mə nə mmuu, ni dii tsu nə̀ ghaa n fə̀ŋ tə ghaa tə kwey, wù wey tə bəghənə n baa mə̀, n tsəghəshi mə. N ka bùʼ kɔʼ kpii dzə ni boʼo gow tə wi. Tə i sow ghaa n daʼa kə Zay kə Zow kə nsə nə uvəllə.

Matyo 3:11 ပူးပေါင်းရင်းမြစ်များ

Matyo 3:6

Ghə n dza ndòw bəb i ghə tə̀ Jɔn, Jɔn n fuu ghə n mmuu n Kəzə̀ mə n dzuu Jodan.

Malakus 1:4

Sey, Jɔn wù fuu u mmuu n Kəzə̀ mə n ndòw bə n mbvən ə ntsaŋ naʼlə bə nə̀ ghə̂ a kweyyə fə̀ŋ tə ghə, ghə ney mmuu n Kəzə̀ tə̀ Zə̀ kə neyzəə ghəə a ghə a bəbə ghə.

Lukas 1:17

Tə i bəghə n sə kə Bày. Tə i khə zay kə nsə daʼa kə, tə̀ tûm Kəzə̀ Elayja â khənə. Tə î bəghə təmə dzəŋi bə ghə bày nsə waa a ghə ghə̀. Tə i ney dzəŋŋə bə ghə̂ ghey ghə tawnə n tow kə tə Zə̀ kə, ghə kweyyə fə̀ŋ tə ghə, ghə keeli utɔb tə̀ a loʼ ghə̂ ghey ghə loʼnə tsətsəghə n sə̂ K-a-zə̀. Tə i bayyə naŋa tsu aghə̂ tə̀ Bày, tə î bəghənə.”

Lukas 3:16

Jɔn n beeli ndòw ghə adzəm dza, “mə, n fuu ghaa n Mmuu n Kəzə̀ mə nə n mmuu, wù loʼ bəghənu, tə tsə̀ghə̀shinə mə. N ka buʼ kɔʼ kpii dzə ni zii baʼ u təgow u wi. Tə i bəghə fuu ghaa n Mmuu n Kəzə̀ mə n daʼa kə Zay kə Zow kə nsə nə uvəllə.

Lukas 3:3

Sey, Jɔn n bwey tsəghə ndòw naʼa tey tə â loʼnə n bad kə inaʼ key dzuu Jodan â loʼnə tii. Tə naʼlə kaabə ndòw tûm ə Kəzə̀ nə̀, ghə̀ a khə ni kweyyə fə̀ŋ tə ghə, ghə ney mmuu n Kəzə̀, tə̀ Zə̀ kə neyzəə ghəə a ghə a bəbə ghə.

Tùm i dzuŋu zə kuum Yeso Klisto tə Jɔn â tɔɔnə 1:15

Jɔn â təmi tiilə bòʼ wi, naʼlə shiə kɔʼɔ n dzə̀ i taw zə nə̀, “À wən loʼ wù wən mə â dzanə nə̀, ‘Wù loʼ bəghə n baa mə nə̀ tə n mə tsəghəshi, n təŋkey tə mâ doʼo zey, nə̀ ghə ka mə kam ji.’”

Tùm i dzuŋu zə kuum Yeso Klisto tə Jɔn â tɔɔnə 1:30

À wən loʼ wù wən mə â dzanə nə̀, ‘Wù loʼ bəghə n baa mə̀ nə̀ tə n mə̀ tsəghəshi, n təŋkey tə mâ doʼo zey, nə̀ ghə ka mə kam ji.’

Kəfwaʼ 1:5

Jɔn a fuu mmuu n Kəzə̀ nə mmuu, a kee loʼ nə, a loʼ kə ghə zə ntsuʼu, Zə̀ kə i fuu ghaa n Zay kə Zow kə.”

Kəfwaʼ 19:4

Pɔl n dza tə ghə nə̀, “Mmuu n Kəzə̀ mən Jɔn â fuunə, â loʼ n mey tə fuunə tə̀ ghə̂ ghey ghə tyi kweyyə nuu bənə fə̀ŋ tə ghə tə n ghəə a bəbə ghə. Tə n dza ndow tə ghə̂ ghə Izree ghə nə̀ bəghəm fu tə wù wey tə â khə ni bə n baa wi, tɔŋɔ Yeso.”

Kəfwaʼ 8:36

Nghee ghə ndownə n jii, ghə ndow koʼ tsu mmuu, wù wey tə â loʼ nə ghə n kàa n dza nə̀, “Koʼo mmuu n mən ə, à loʼ kee wə way ni fuu mə fa n mmuu n Kəzə̀ mə ə?”

Kəfwaʼ 8:38

Sey, wù wey ghə â kâa naŋanə wi n dza nə̀ ghə kwu teyyə naŋa tsu kaya ə khinyam zey. Ghə n dzəŋi nyi tsu n luʼu key mmuu mey mə â loʼnə tii, Filip n fuu tsu wi fu n mmuu n Kəzə̀ mə.

1 Kɔrint 12:13

N jìi i mɔʼɔ zə, saa adzəm, abə wə loʼ kə wù Juu nkee wù wən tə way wù Juu, wə loʼ kəkɔd nkee wù ngəŋ, a loʼ kə Zay kə Zow kə mɔʼɔ kə, kə fuunə ghaa n mmuu n Kəzə̀ mə ni ghəŋə nə̀ saa doʼo nə kəfə kəmɔʼ. Ghəə zey i loʼnə, loʼ nə̀ saa dzəŋi khə kə Zay kə Zow kə kəmɔʼ.

Efesus 3:8

Abə a tɔʼ laalə tsunə n ghə̂ a kəfwaʼ a Kəzə̀ adzəm, n ka kɔʼ kpii dzə ni doʼo wù kəfwaʼ a wi n fwaʼ kən. N ndzuŋ ə wi, tə u nam fuu mə n kɔb k-a-fwaʼ kən ni naʼa tûm i dzuŋu zə, dii ndow ndzuŋ zən i loʼnə n bam i Klisto tə̀ ghə̂ ghən ghə way ghə̂ a Təjuu ghə.

Taytus 3:5

tə n bəghəshi tsu saa. Tə â ka bəghəshi dzə saa a dza saa ghəŋə ghə i dzuŋu i loʼ zə, tə â fəd bəghəshi saa bòʼ sî i kwɔɔlə zey tə khənə n kow saa. Tə â bəghəshi saa n bam i Zay kə Zow key tə â tûm bənə nə̀ kə bə sow maʼa saa n ghəə a saa a bəbə ghə, tə ghəŋə soʼo nə̀ saa kweyyə kɔʼ mwam u saa, saa keeli bə muu i fəghə zə.

1 Pita 5:5

N jìi i mɔʼɔ zə, ghaa waa a fəghaŋ, ghaa khə ni zow ndow tə̀ gheynyim a ghaa ghə. Ghaa ghey adzəm ghaa loʼnə nə̀ ghaa n bəghəm fuu tə̀ Zə̀ kə, ghaa khə ni tsuulə tsu wû i ghaa ni fwaʼa ndow tə̀ waazu ghə, n təŋkey, i tɔ̀ɔ doʼo n màʼlə K-a-zə̀ nə̀, “Zə̀ kə baa ghə̂ ghey ghə kɔʼlənə wû zə Kee dii fə̀ŋ ə wi i dzuŋu zə tə̀ ghə̂ ghey tsuulə tsu wû i ghə zə.”