Matyo 27:4 - Kaa n Kəzə̀ n fəghə mə

⁴ dza tə̀ ghə nə̀, “Mə n ghəŋə bəəbə ni fìi fuu wù nə̀ ghə wey loʼ sey nə̀ wɔɔ a wi a zownu.” Ghə n beeli ndòw wi dza nə̀, “I zey laalə way ghey, a wey loʼ chɔd wə.”

Matyo 27:4 ပူးပေါင်းရင်းမြစ်များ

Matyo 27:19

Nghee tə̀ Pilato nam doʼnə n kuu key tə doʼlənə tii ni saʼ aghə̂, wey wi n tûm bə tûm tə̀ wi nə̀, “Kə wə̀ nə ghəŋŋənə ghə i bəbə zə n kow wù wey, n təŋkey, wɔɔ a wi a zownu. Jim u mə bə mə na, n jim u tii wə, mə n ngii fəghənə bòʼ wi.”

Matyo 27:54

Ambə wù nii ə saʼ kə təsawgoʼ wey nsə sawgoʼ tey tə â keyyənə Yeso koʼ tsunə nghee ghəlitsə kə noʼlənə tii nsə ghəə a loʼ ghey ghə â shiənə, tsəŋ zə n kwu ghə, ghə n dza nə̀, “Wù wən â ndzəm loʼ Waa Kəzə̀.”

Lukas 23:22

Pilato n kəm ghɔɔmə ndòw tə̀ ghə ni ghəŋə tənəŋə tətəghə dza nə̀, “Ghaa dza nə̀ n wey wi nə à loʼ kee? À loʼ ghə i bəbə i ghaa zə tə ghəŋənə ə? N kà koʼ dzə ghə i bəbə i loʼ zə tə ghəŋənə tə̀ a loʼ ni wey wi. Sey, n chɔdlɔ tsu wi, n zəghə maʼa wi.”

Lukas 23:41

Sa fəʼlə bòʼ ghəə a saa a bəbə ghə, sey, naamə kə saa kə kpiinu. Abə wù wən, tə ka ghə i bəbə i loʼ i ghəŋə dzə.”

Lukas 23:47

Ambə wù nii ə təsawgoʼ koʼ tsunə ghəə ghən a shinə, tə n fu nkɔʼlə tə̀ Zə̀ kə dza, “Wù wən â kûm loʼ wù dzuŋu wə.”

Tùm i dzuŋu zə kuum Yeso Klisto tə Jɔn â tɔɔnə 19:7

Ngəd tə Təjuu tey n beeli ndow wi nə̀, “Ghey dzûmə kəlaŋ, laŋ kə tii kə dii nə̀ tə khə ni kpu, n təŋkey, tə ney naŋa kɔʼ wû u wi nə̀ i loʼ Waa Kəzə̀.”

Kəfwaʼ 13:28

Ghə̂ a Təjuu ghən â ka koʼ dzə ghə i bəbə i loʼ zə Yeso a ghəŋŋənə ni dza nə̀ ghə wey wi. Ghə n nam tsəghə ndow kə n sə kə ni dza nə̀ Pilato ghəŋə nə̀ ghə wey wi.

Roma 3:19

Saa n keeli nya nə̀ abə laŋ kə dza kə nə̀ ngee, kə dza ndow tə̀ ghə̂ ghey ghə loʼnə n tənə kəlaŋ. I loʼ sey ni fìi naŋa dzuu a ghə̂ adzəm fa n mbi nə̀ kə ghə nə taa daŋanə nsə ni ghəŋə tsu nə̀ ghə keeli tsu nə̀ ghə n bwu səə n sə K-a-zə̀. Sey Zə̀ kə khənu zuŋ kə ni saʼ ghə.

1 Timoti 4:2

Ndzoʼo ghəə a tsɔŋɔ ghən, a dii ghə nəb ityim, ghə loʼ nə̀ ghə n fii fuu fə̀ŋ tə ghə tə tə̀ vəətsəə ghə.

Taytus 1:16

Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

Hibru 7:26

Yeso sey loʼ fɔɔngili u nii nii wən tə kɔʼ kpiinə ni laalə ghəə a saa ghə. Tə u zow, khə way bwu zə nkee bəb i loʼ zə n kow wi. Zə̀ kə a ney nuu shi kɔʼ wi n fəŋŋə kə ghə̂ a bəbə ghə, kɔʼlə naŋa kɔʼ wi idəŋ.

1 Pita 1:19

Ghə â fəd kuum nuu shi bə tow u ghaa n kɔb kə kaŋ tə Klisto tən ghə fəələnə n zat kə fəkaʼ, tə a loʼ kaŋ tə waa njì zən ghə fəələnə nə̀ i khə way fəmmə kə loʼ kə khə soʼo way dzə u loʼ wə n kow wi.

1 Jɔn 3:12

Saa khə dzə way ni doʼo tə a loʼ Ken tə â loʼnə waa avəətsəə, tə n wey maʼa tsu waazə ə wi Ebel. Â loʼ kee tə â wey maʼanə wi ə? Â loʼ n təŋkey tə â ghəŋŋə ghəə a bəbə ghə, waazə ə wi n kee ghəŋŋə ghəə ghən a loʼnə tsətsəghə n sə̂ K-a-zə̀.

Chi dii 11:10

Ghə̂ ghən ghə muunə fa a ghəlitsə i duʼlənu bòʼ və i ghə̂ ghən abəghə. Ghə̂ ghə i zəə, ghə tûm kaabə soʼo unaamə n wû i ghə, ni dii tsu nə̀ ghə duʼlənu n və i tûm tə Kəzə̀ tən təbəghə n təŋkey ghə mâ ghəŋə nə̀ ghə̂ ghey ghə muunə fa a ghəlitsə ngii fəghə.