Matyo 26:41 - Kaa n Kəzə̀ n fəghə mə

⁴¹ I ghə̂mə tsu na, ghaa i gɔŋŋə tsu nə̀ kə fə kə nə chimmənə ghaa nə̀ ghaa ghəŋə ghə i bəbə i loʼ zə n təŋkey fə̀ŋ tə ghaa tə ləghənu ni ghəŋə ghəə zey i loʼnə tsətsəghə, à kee loʼ kə nə̀, gow uwû ghaa khə way daʼa kə ni təmi taw.”

Matyo 26:41 ပူးပေါင်းရင်းမြစ်များ

Matyo 24:42

Sey, ney na ghə̂mə zə n muu i ghaa, n təŋkey, ghaa khə naŋa way tsuʼ fey Mûkəbii ə ghaa nə̂ bəghənə tii.

Matyo 25:13

Sey, təmi kɔʼ na n fuu zə, n təŋkey, ghaa khə dzə way tsuʼ fey nkee nəŋə zey Waa weynum î bəghənə tii.”

Matyo 26:38

Tə n dza ndòw tə̀ ghə nə̀, “N ngii khə imow n fə̀ŋ n jìi zey n loʼ ni buʼ kpu daŋŋə tii, doʼo tsu na fa ghi mə, saa i dzəŋi ney ghə̂mə zə.”

Matyo 6:13

Kə wə nə bəghəm nə̀ vəətsəə a mɔm koʼ ghey, Kee bəghəshi kə ghey n wɔɔ kə avəətsəə.’

Malakus 14:38

Tə n dza ndòw tə̀ ghə nə̀, “I laalə na wû i ghaa zə, ghaa gɔŋŋə nə̀ kə̂ ghaa nə bwùunə n ghəə a bəbə ghə. N khənu nə̀ fə̀ŋ tə ghaa tə ləghənu, wû zə a kee khə way daʼa kə.”

Lukas 11:4

Neyzəə bəb i ghey zə, tə ghey neyzəə soʼo bəb zey ghə̂ a loʼ a ghəŋənə tə̀ ghey. Ka bəghəm nə̀ ghey bwu n buʼ kə Satan.”

Lukas 21:36

Tɔʼɔ təmi taw tsu na, gɔŋŋə nəŋə tədzəm tə ghaa i keeli daʼa kə tii kə ni nɔb shi n ghəə ghən ghə i shiənə, sey ghaa i loʼ ni təmi n sə kə Waa wù sɔŋtsuʼ.”

Lukas 22:40

Ambə ghə kɔʼ kùm tsunə fu, tə n dza tə̀ ghə nə̀, “I gɔŋŋə ndòw na, kə ghaa nə bwù n ghəə a bəbə ghə.”

Lukas 22:46

Tə n bəb ndòw tə ghə nə̀, “Ghaa bweeli kee, nuu kɔʼ na nə u gɔŋŋə wə, kə ghaa nə bwù n ghəə a bəbə ghə.”

Lukas 8:13

Tə tey tə â tsɔʼlənə n luʼu kə atay, à lòʼ ghə̂ ghey ghə zownə ghɔɔmə i Kəzə̀ zə, ney naŋa nə iduʼlə, zə n ka nyi təmi dzə n fə̀ŋ tə ghə, ghə bəghəm kɔʼɔ kə n tɔŋɔ fə inəŋə, ambə mɔɔmə koʼ i bənə, ghə n bwùlə doʼo i ndòw.

Roma 8:3

Zə̀ kə mâ ghəŋə ghəə ghey laŋ kə Mushi kə â way ni ghəŋə n kow ghey təŋkey gow uwû ləghə way ni ghəŋŋə ghəə ghey laŋ kə dzanə. Tə n ney kɔʼ waa wi tûm bə fa n mbi n wû u wù sɔŋtsuʼ tə a loʼ umaʼlə ni ghəŋə nə̀ kə bəb i nə kəm keelinə daʼa kə n kow saa.

1 Kɔrint 10:13

Keeli tsu na nə̀ ghə i loʼ i way zə i bə mɔm koʼonə ghaa nə̀ i ka kam mɔm koʼ tsə ghə̂ a nuu ghə. A kee loʼ nə̀ Zə̀ kə naŋŋənu ghɔɔmə i wi zə. Sey tə î way dzə ni bəghəm nə̀ ghə i loʼ i mɔm koʼ ghaa nə̀ ghaa i taw tsəghə way ghə i tii zə. Abə ghə i loʼ i kee mɔm koʼnə ghaa, tə i diinu ghaa n jìi tə̀ ghaa loʼ tyi shi tii, sey nə̀ ghaa loʼ ni kow fə̀ŋ n ghə i tii zə.

1 Kɔrint 16:13

Təmi kɔʼ na n fuu zə. Kə wù loʼ nə təʼlənə ghaa. Ghaa təmi taw tsu n bəghəm i fə̀ŋ i ghaa. Kə ghaa nə tsəŋənə ghə i loʼ zə. I taw dzɔbə n na.

1 Kɔrint 9:27

N ghəŋə naŋa wû wuŋ nə̀ kə u nə zownə fɔɔbə zə abə ghə tsɔɔbənə mə, ghəŋə soʼo nə̀ wə i zow bə tə mə. N sey ghəŋŋə nə̀ i kə n nə naʼlənə tûm i dzuŋu zə tə ghə̂ ghə, wû wuŋ n ka keeli naamə key n khə ni keeli.

Galeshia 5:24

Ghə̂ ghən ghə loʼnə nə kəfə kəmɔʼ ghi Yeso Klisto, ghə n tuu maʼa ghəə ghən gow uwû ləghənə, baa naŋa kɔʼ n zat kə fəkaʼ.

Efesus 6:18

Ghaa khə ni ghəŋŋə ghəə ghən, gɔŋŋə nəŋə tədzəm, nə təjìi tədzəm, nɔɔ ndow igaamə tə̀ Zə̀ kə, gɔŋŋə nəŋə tədzəm tə̀ Zay kə Zow kə fuunə ghaa n daʼa kə. Sey, ghaa khə ni tey tən n fuu zə, kə̂ ghaa nə̂ buu doʼlənə ni gɔŋŋə, gɔŋŋə tə̀ ghə̂ a Kəzə̀ adzəm.

1 Pita 4:7

Nəŋə zə n kuʼlə tə̀ fə wə udzəm ni bə may. Sey ghaa khə ni kwu keeli tsu wû i ghaa, ghaa təmi kɔʼ n fuu zə, sey nə̀, ghaa i loʼ ni tɔʼ gɔŋŋə.

1 Pita 5:8

Ney kɔʼ na ghə̂mə zə, ghaa təmi kɔʼ nə ifuu! Wù təngəmə ghaa tɔŋŋə də̀ŋ kə avəətsəə kə ghaalə kaabə tsənu tə̀ dəmow nə nəmmənə, i kəŋənə wù ni kwu fə.

2 Pita 2:9

Abə i loʼnə sey, i sey dii nə̀ Mûkəbii khənu jìi zey tə i bəghəshiənə ghə̂ ghey ghə ghəŋŋənə ghəə ghey a kpiinə tə̀ Zə̀ kə abə ghə keelinə mɔʼ koʼ kə, tə u khə soʼo jìi zey tə loʼ ni chɔdlɔ ghə̂ ghey ghə ghəŋŋə ghəə ghey a kpiilə way tə̀ Zə̀ kə ni ndow kuum n nəŋə zey tə i saʼanə ghə̂ ghə a tii.

Chi dii 16:15

Mûkəbii n dza nə̀, “Koʼo, n bəghə tə a loʼ wù tsɔŋɔ! Zə̀ kə i buulə wù wən tə i bweeli way, tə i loʼ tən soʼonə n ndzə̂ tə wi tə nə uwû, sey nə̀ kə tə i bwey kaabə n wû u zum wə, kə tow kə i dəd soʼo wi nə̀ tə loʼ ghi wuŋ wə bii.”

Chi dii 3:10

Nghee wə naŋŋənə laŋ kuŋ kə ni kow fə̀ŋ, mə i bəghəm way nə̀ kaakaa fə mɔm wɔ n nəŋə zə uchɔd. Chɔt u bəghənu fa n mbi ni mɔm koʼ ghə̂ ghey adzəm ghə muunə fa a ghəlitsə.