Matyo 26:10 - Kaa n Kəzə̀ n fəghə mə

¹⁰ Yeso n khə moʼlə tə ghə, sey, tə n dza tə̀ ghə nə̀, “À loʼ kee ghaa fəmmənə weyzən wən ə? Tə n ghəŋə ghə i dzuŋu zə n kow mə.

Matyo 26:10 ပူးပေါင်းရင်းမြစ်များ

Matyo 26:11

Ghaa nə laʼ koʼ way ghə̂ a laa ghə n fəŋŋə kə ghaa, abə mə, mə i kee way dzə ghi ghaa nəŋə tədzəm.

Matyo 26:9

Ghə mə loʼ ni fìi mbvə mən n ndəmə ukhəə, ghə fu ndòw khəə u tii wə tə̀ ghə̂ a laa ghə.”

Malakus 14:6

Yeso n dza ndòw tə̀ ghə nə̀, “Zəghə na wi! Ghaa fəmmə wi nə̀ a loʼ kee? Tə n ghəŋə mə n ghəə i dzuŋu zə.

Lukas 8:49

Nghee tə̀ Yeso nam ghɔɔmənə, wù lòʼ n nuu bə n ndaw Jayrus wù nii wey n ndaw kədzəŋi, bə dza tə̀ wi nə̀, “Waa wey n kpu, ka wù dii kəm fəmmə soʼo.”

2 Kɔrint 9:8

Zə̀ kə loʼnu ni fuu ghaa n buulə zə naʼ idzəm sey nə̀, ghaa i ngii khə fə̂ wey ghaa ləghənə naʼ idzəm nə tənəŋə tədzəm. Sey, ghaa i loʼ ni ghəŋŋə ghəə a dzuŋu ghə n ndəm ni gaamə nduŋŋə ndow ghə̂ a loʼ ghə.

Galeshia 1:7

Isəŋə loʼ nə̀, tûm i dzuŋu i nuu i kəm way dzə. I dii bə nə ghə̂ a loʼ a loʼnu ghə fwɔdlənə ghaa, ləghə ni kwey tûm i dzuŋu zə kùm Klisto.

Galeshia 5:12

Abə a mə loʼ kə tə mə, ghə̂ ghən ghə fəmmənə ghaa nə̀ ghaa səghə tyi u ghaa tə laŋ kə dii nə̀, ghə mə ndow n sə kə ni kee kâa tsu wû i ghə.

Galeshia 6:17

Ni ney nuu tsu nya, ndow n sə kə, i kə wù nə kəm fəmmə, bòʼ nə̀, tɔ̀ɔ tən n kow mə tə dii may bə nə̀ n loʼ kɔd kə Yeso.

Efesus 2:10

À loʼ Kəzə̀ tə fwaʼ naŋa bənə saa tə̀ saa loʼnə nya boʼnə saa loʼ nə kəfə kəmɔʼ ghi Klisto. Tə saa bɔm nə̀ saa i loʼ nə kəfə kəmɔʼ ghi klisto sey nə̀ saa i loʼ ni fwaʼ fwaʼ kə dzuŋu kə, tɔŋŋə ghəə a dzuŋu ghey Zə̀ kə â khə bayyə naŋanə tə̀ saa nə̀ saa i ghəŋŋə.

Kolose 1:10

Abə i loʼnə sey, saa i loʼ ni muu ndzoʼo muu zey Mûkəbii ləghənə, ghəŋŋə ndow ghəə ghey a dzɔbənə n sə kə wi nəŋə tədzəm. Ghaa i nyîmmə n ghəə a dzuŋu ghən ghaa ghəŋŋə, nyîmmə soʼo n jìi zey ghaa zowkeelinə Zə̀ kə a tii.

2 Tesalonika 2:17

Ghey gɔŋŋə nə̀ tə kuu fə̀ŋ tə ghaa, tə ghəŋə soʼo nə ghaa i fwaʼa kə fwaʼ kə dzuŋu kə, ghɔɔmə i ghaa zə i loʼ kə ghɔɔmə i dzuŋu zə.

1 Timoti 3:1

Ghəə ghən ghə dzanə loʼ isəŋə nə̀, wù wey tə ləghə ni doʼo kətow tə dzûmə tə Klisto tə, tə ləghə ni fwaʼa fwaʼ kə dzuŋu kə.

1 Timoti 5:10

Ghə̂ a khə ni khə wi bòʼ mwam u wi u dzuŋu wə tə a loʼ jìi zey tə ney kɔʼ bənə waa a wi ghə tii, jìi zey tə kpii neynə ghə̂ ghey ghə bwey bəghənə n ndaw wi. Tə u fwaʼa fwaʼ kə dzuŋu kə tə dzûmə tə Klisto tə, fuu soʼo igaamə tə ghə̂ ghən ghə loʼ nə uchɔd. Tə khə ni loʼ nə̀ tə n fuu nyi ndow wû u wi wə ni fuu gaamə zə tə ghə̂ ghə nə təjìi tədzəm.

2 Timoti 2:21

Wù wey tə sòw nuu tsu wû u wi wə n ghəə a bəbə ghə, tə i doʼo bə tə a loʼ fə kə kuum ighəə, n təŋkey tə zownu n sə kə mûkəbii wi, tə n bayyə naŋa wû u wi wə, ləmmə tənə soʼo ni fwa fwaʼ kə dzuŋu kə.

Taytus 1:16

Ghə maŋa dza nə̀ idzuu nə̀ ghə khənu Zə̀ kə, loʼ sey nə̀ ghəə a ghə a ghəŋŋə a dii bənu nə̀ ghə tuu maʼanu wi. Ghə khə mwam n bəbə mə, zow way tə̀ Zə̀ kə, way soʼo ni ghəŋə ghə i loʼ zə i dzɔbənə.

Taytus 2:14

À loʼ wi tə â fuu ndownə wû u wi wə ni kpu n tow u saa ni bəghəshi saa n ghəə a saa a bəbə ghə adzəm nsə ni sow maʼa ghəə a saa a bəbə ghə, sey nə̀, saa doʼo bə ghə̂ a wi, khə tən soʼo zày ni ghəŋŋə ghəə ghey a dzɔbənə.

Taytus 3:1

Zəŋŋə ndow ghə̂ ghə ghə̀ a Taytus nə ghə i zow tə̀ ghə̂ ghey ghə saʼanə naʼ zə nsə ghə̂ ghən ghə loʼnə tow wə, naŋŋə soʼo laŋ u ghə. Ghə i ləmmə tənə kə ni ghəŋə ghəə zey i dzɔbənə nəŋə tədzəm.

Taytus 3:14

Ghəŋə tsu soʼo nə̀ ghə̂ a saa a zoʼlə tsu ni ghəŋŋə ghəə ghey a dzɔbənə, sey nə̀, ghə i loʼ ni gaamə ghə̂ ghey ghə khə way n fə wey ghə ləghənə, ni ghəŋə nə̀ kə waazə a saa n muulənə muu zey i tsəə way.

Taytus 3:8

Ghəə ghən n dza bənə fa tə̀ wɔ ndzəm loʼ isəŋə. N ləghə nə̀ wə i tɔʼɔ dza kuulə ndow ghəə ghən tə̀ ghə, sey nə̀ ghə̂ ghən ghə bəghəmnə tə̀ Zə̀ kə, loʼ ni khə zày ni ghəŋŋə ghəə ghey a dzɔbənə. Ghəə a tii a dzɔbənu, loʼ soʼo ni gaamə aghə̂ adzəm.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.

1 Pita 2:12

Ghaa ndow kə n sə kə ni ghəŋŋə ghəə a dzuŋu ghə n fəŋŋə kə ghə̂ ghey ghə kam khə way Zə̀ kə, sey nə̀, abə ghə tsəm dza i kwu kə ghaa nə̀ ghaa ghəŋŋə ghəə a bəbə ghə, ghə i loʼ ni dza nə̀ ghaa ghəŋŋə ghəə ghey a dzɔbənə. Sey ghə i loʼ ni fuu nkɔʼlə tə Zə̀ kə n tsuʼ fey tə i kəm bəghənə tii ni bə saʼ aghə̂.