Matyo 20:1 - Kaa n Kəzə̀ n fəghə mə

¹ Yeso n dza tə ghə nə̀, “Fɔɔ wə idəŋ u loʼ tə̀ a loʼ Muu usum u loʼ wə tə â bəd key kɔʼnə tsuʼ wə, shi ndòw ni ndòw kəŋ aghə̂ nə̀ ghə bə fwaʼ n sum u wi.

Matyo 20:1 ပူးပေါင်းရင်းမြစ်များ

Matyo 13:24

Yeso n kəm fu kpiʼi ndow ghɔɔmə i fənkəfən zən tə ghə nə̀, “Fɔɔ wə idəŋ u loʼ tə a loʼ wù loʼ tə â zəghə tsu ndzoʼ i dzuŋu zə n sum u wi,

Matyo 13:31

Yeso n kəm ghɔɔmə kpiʼi ndow tə̀ ghə n ghɔɔmə i fənkəfən nə̀, “Fɔɔ wə idəŋ u loʼ tə a loʼ sam i Mɔstad wù loʼ â ney zəghə tsu n sum u wi.

Matyo 13:33

Yeso n nam dza kpiʼi ndow ghə n ghɔɔmə i fənkəfən zən nə̀, “Fɔɔ wə idəŋ u loʼ nyaŋi fə mbvuŋ, weyzən u loʼ wə â ney kɔʼnə, nyuʼ dzəŋi kɔʼ ghi kaŋ wə nfuŋ wə utəghə, zə n nyə̀ŋ dzəŋi ndow tii, fuŋ n tii mə ndzəm mə n kɔʼ i kɔʼ.”

Matyo 13:47

Yeso n dza kpiʼi ndow ghɔɔmə i fənkəfən zən tə̀ ghə nə̀, “Fɔɔ wə idəŋ u kəm loʼ kpiʼi soʼo tə a loʼ uwûu, ghə̂ a kwɔɔ a tətsəghə ghə â maʼa nyi tsu ndow nə inyi, kwu kɔʼ lii tə tətsəghə tey tə nyinə tii nə uwuu tədzəm.

Matyo 20:2

Tə n bəghəm naŋa kɔʼ ghi ghə nə̀ tə i fuu ghə n fə key ghə tsəənə fwaʼ kə tii nə fətsuʼ, daŋŋə tûm ndòw ghə n sum u wi nə̀ ghə ndòw fwaʼ.

Matyo 21:28

Yeso n dza tə ngəd tey nə̀, “Ghaa moʼlə nə̀ ngee? Wù loʼ â loʼnu, tə n khə waa a nùm ghə abəghə. Tə n ndòw n səə u sə isə wey, dza tə̀ wi nə̀, ‘N waa, wə khə ni ndòw fwaʼ na n sum wuŋ.’

Matyo 22:2

“Fɔɔ wə idəŋ u loʼ tə a loʼ də̀ŋ kə loʼ kə, kə â bayyənə zə̂ kə waa wi u num wə tə â neynə wey.

Matyo 23:37

Yeso n kəm dza ndow tə ghə nə̀, “Yerosalem! Yerosalem! Ghaa ghən ghaa weynə tûm tə Kəzə̀ tə, təmmə wey soʼo ghə̂ ghey Zə̀ kə tûmnə tə̀ ghaa nə atay. A nya loʼ tənəŋə tə siʼi n dəmənə ni zuŋŋə naŋa ghaa tə̀ nay mbvə nə̂ zuŋŋə naŋŋə bənə waa a wi ghə n tənə wi ə? Ghaa u ləghə way ə?

Matyo 25:1

Yeso n dza tə̀ ghə nə̀, “N tsuʼ fey Waa Weynum î bəghənə tii, Fɔɔ u Kəzə̀ wə i loʼ tə̀ a loʼ waa a zən a loʼ ghə ighəm ghə â ney kɔʼnə daa u ghə wə, shi ndòw ni ndòw kpii ney nùm weyzən.

Matyo 25:14

Yeso n kəm dza ndow tə ghə nə̀, “Fɔ̀ɔ u Kəzə̀ wə î loʼ tə̀ a loʼ wù loʼ tə â dza i shi bwey, tə n tɔŋɔ bə ghə̂ a kəfwaʼ a wi, fuu naŋa tsu fə̂ u wi n wɔ ghə.

Matyo 3:2

Tə n naʼlə bə nə̀, “Kwey nuu bə na fə̀ŋ tə ghaa tə n ghəə a bəbə ghə, n təŋkey, fɔ̀ɔ wə idəŋ wə n shɔd.”

Malakus 13:34

Nəŋə i tii zə î bəghə tə a loʼ wù loʼ tə a shi bwey ndòwnə, fuu tsu kədaʼa tə̀ ghə̂ a kəfwaʼ a wi ghə nə̀ ghə i keyyə ndaw wi. Tə n dzawwə naŋa tsu kay wù n fwaʼ kə wi kə. Dza naŋa tsu tə̀ wù wey tə keyyənə n fuʼ u mbàa nə̀ tə i tɔʼɔ nyaŋŋə luʼu tə.

Tùm i dzuŋu zə kuum Yeso Klisto tə Jɔn â tɔɔnə 15:1

Yeso n dza kpiʼi ndow tə̀ ngəd tə wi tə nə̀, “N ndzəm loʼ tə a loʼ fəkaʼ fə nyîmmə nə usum, Bày wuŋ u loʼ muu sum u tii wə.

1 Kɔrint 15:58

Sey, waazə ghuŋ a dzuŋu ghə, təmi taw tsu na n bəghəm i fə̀ŋ i ghaa, kə̂ fə̂ kə loʼ kə nə̂ soʼlənə ghaa. Fuu nyi ndòw na wû i ghaa zə n fwaʼ kə Mûkəbii, n təŋkey ghaa khənu nə̀ fwaʼ kən ghaa fwaʼanə tə̀ wi way dzə kənunu.

Hibru 13:21

fuu ghaa n fə u dzuŋu wə udzəm tə̀ ghaa i bwey ndow n jìi zey tə ləghənə. Tə ghəŋə nə̀ saa i fwaʼa fwa key tə ləghənə n bam i Yeso Klisto, tə wən a fuunə wi n kɔʼlə mə nə tənəŋə tədzəm. Zə i loʼ sey.