4 Helɔd n tɔŋɔ naŋa bə ghə fɔɔngili a nii ghə adzəm nsə ghə̂ a dii a kəlaŋ ghə, bəb tə̀ ghə nə̀, “Ghə i jiə ghee wù wey Zə̀ kə â dza naŋa nə̀ i tûm bənu ə?”
Ambə ghə fɔɔngili a nii ghə nsə ghə̂ a dii a kəlaŋ a koʼ tsunə faalə mey tə ghəŋŋənə, nsə ghinətəghə ghey ghə â buʼlənə bɔŋ mə n ndaw Kəzə̀ i nii zə, dza nə̀, “Kali u loʼ tə̀ waa Devid.” Ghə n fəələ nay ndòw unəghə tii.
Ambə Yeso ndòwnə n Ndaw Kəzə̀ i nii zə n Yerosalem, nghee tə̀ tə diinə ghəə ghə fu, ghə fɔɔngili a nii ghə nsə ngəd tə inaʼ tə n ndòw bə n səə wi, bəb tə̀ wi nə̀, “Wə khə daʼa kə ghaa kə ni ghəŋŋə ghəə ghən ə? Wə saʼ i ney n wɔ̂ ndee?”
Nghee tə̀ Yeso nam ghɔɔmənə, Judas, ngəd umɔʼ n ngəd tə wi tən ighəm n ghii tə təbəghə, n bɔɔmə bəghə. Nɔɔ kə aghə̂ kə nii kə n loʼ n baa wi. Ghə n khə təkɔb nsə mbaŋ tə n wɔ nə̀ a ghə tûm bə ghə fɔɔngili a nii ghə nsə ngəd tə inaʼ tə.
Yeso n kaʼ ndòw ni dii aghəə tə̀ ngəd tə wi tə nghee tə̀ tə khənə ni fəghə, dza tə̀ ghə nə̀, “Waa wù sɔŋtsuʼ khə ni koʼ ndəmə uchɔd, ngəd tə inaʼ, ghə fɔɔngili a nii ghə, nsə ghə̂ a dii a kəlaŋ ghə i tuu maʼa wi. Ghə i wey wi, a i bə tsuʼu n tsəghə tsunə ntəghə, tə i zhəm dzəŋŋə bə nə ivə.”
Ghə̂ a dii ghə ulaŋ ghə nsə ghə fɔɔngili a nii ghə n kəŋŋə ji ni kwu tən tsu Yeso n nəŋə i tii zə, n təŋkey ghə mâ zowkeeli nə̀ tə zəzəə fə fənkəfən fey a khəə kuum ghə, ghə n kee tsəŋə ghə̂ ghey fu.
Sey, Judas n ndow bə fu n sum u tii wə n saʼ kə təsawgoʼ kə ghi bwoli tə loʼ tə, tə â keyyənə n dzəŋi kə dzûmə tə Klisto key n Yerosalem, nə a ghə tûm bə ghə fɔɔngili a nii ghə ghi ghə̂ a tə Falasi ghə. Ghə n khə fə u tsam nsə saalə tə, a loʼ ghə n khə udaa.
Ghə̂ a dii a Kəlaŋ ghə nsə ghə̂ a tə Falasi ghə n ney bə weyzən u loʼ wə ghə kwunə wi nə̀ tə nyəŋi ghi weynum nə̀ a way num wi. Ghə n ney teyyə naŋa bə wi n sə̂ kə aghə̂.
Ndəm kə loʼ kə n daŋŋə nuu shi kɔʼ fu, ghə̂ a dii a kəlaŋ a tə Falasi a loʼ ghə n nuu təmi kɔʼ, dza n dzə̂ i taw zə nə̀, “Ghey ka koʼ dzə ghə i loʼ zə wù wən ghəŋə bəəbənə. À loʼ ni doʼo isəŋə nə zày kə bəbə kə loʼ kə nkee tsəndəghə ə Kəzə̀ u loʼ u mâ ndzəm ghɔɔmə tə wi.”